德昌魚蛋粉

營業中

休息中

忙裡偷一個閒🤓德昌魚蛋粉@九龍城有契媽帶我去搵食😎佢話當佢一個去九龍城就會食佢🤓仲會提早食佢既午餐，因為呢間好多人排隊🤩曾經食過一次外賣🥡堂食梗係好味啲啦🤪佢個湯好好飲😜魚蛋好彈牙😌仲有呀，佢個炸魚皮「超級脆」👍🏼食湯粉多數我都會加埋炸魚皮魚皮要點湯食😎係咁咦點下佢有點濕⋯但仲保持到脆脆❤️不過今次食 ⋯略嫌有啲燶😕今次仲叫左碟韮菜🤨以前好怕食韮菜，唔係驚佢陣味係怕佢老有渣🥺呢碟冇嗌錯呀👏🏼好嫩 點少少蠔油已經好好味😋順帶一提🤩食得辣要落埋佢個🌶辣椒油好香好夠辣😝（我落左少少都好辣🌶）但落左辣油又再惹味啲🤓❤️🧡💛💚💙💜❤️🧡💛💚💙💜

第一次食好出名嘅德昌魚蛋粉，今次好好彩入面冇乜人，直接walk-in就即刻食得到 ， 睇餐牌之前問咗個阿姐有冇魚片頭佢話有， 咁就嗌咗個魚片頭河粉，等緊嘅時侯睇餐牌見到餐牌上面冇魚片頭， 嚟到見到佢呢個應該係魚蛋而唔係魚片頭😂😂 不過都唔係啲咩緊要嘅，黎到嗰粒魚蛋超大粒好似長洲魚蛋咁大粒，味道就梗係好食過長洲魚蛋啦， 食得出粒魚蛋係好新鮮嘅， 佢仲好細心咁將你幫粒魚蛋切片，粒魚蛋真係好大， 河粉都係好食唔會話好唔新鮮煮到斷曬，不過有時候經過見到佢排曬長龍， 如果要排隊入去食碗魚蛋返我就覺得唔係好值得，雖然佢係一本好食魚蛋粉但係佢係一碗好普通好食魚蛋粉😂唔使特登話黎德昌要排十幾分鐘隊都食得到， 價錢方面冇記錯好似40蚊有找， 係出名嘅舖頭嚟講已經算好平， 下次如果唔使排隊可以直接食嘅我都會再嘗試另外佢隔兩間舖都係同一間德昌佢嗰個炸魚骨超好食，打邊爐當小食嗰個定要買嚟食

話說尋日我Tony經開九龍城去好東X 買野之後 肚餓 於是問下店主附近有冇好食魚旦粉面？對方就介紹我哋去呢間試吓 咁我就滿必歡喜去試吓啦！去到現場見到有5個人排隊心諗唔通真係好好食人人食？等了十分鐘到我地，入去緊係叫魚旦啦⋯⋯5分鐘唔洗就奉上魚旦粉、浄魚旦同奶茶⋯⋯魚旦食落口其實唔係食開果種潮式魚旦佢有啲似越南果款魚旦⋯⋯飲啖湯⋯唔⋯都係潮式果d魚旦比較合我Tony口味！你哋自己去試吓再分享下食評吧，埋單2碗兩drink $118！

一個牛腩河 （$38）一個牛腩片頭河（$43）牛腩河係正常嘅牛腩河魚片頭係同出面其他鋪頭有啲唔同，比較似係豆腐魚片頭，食落軟身啲。魚味唔太濃。但未特別到值得排隊黎試。整體來講，食落都只係屋企附近食到嘅味道，冇咩特別。完全冇必要山長水遠特登過嚟食。佢唔係差、唔係難食。因為見咁多人推介同經常排長龍，令我以為會好特別，其實唔係，所以我有啲失望。各位如果要山長水遠特登過嚟就不必啦！排長龍嘅話都唔好等啦。屋企附近食算啦。

這間德昌魚蛋每到假日必定大排長龍，這裏的魚蛋及其他丸都是自家製的。今日就點了一個紫菜四寶丸河，包括有魚皮餃、魚蛋、豬肉丸和墨魚丸，粒粒都爽口彈牙，湯底都比較清甜建議可加入辣椒油一齊食更加惹味。炸魚皮在這裏都比較受歡迎，放入湯裏面食非常香脆可口。

屯馬線開，雜誌介紹，又多人排隊，以為正啦！伏到不得了！全部野都under average !!!魚旦，墨丸，牛腩都係屋企樓下貨色，湯底無味，滑粉ok 滑⋯排隊排左大半粒鐘，可以吳洗再去🤦🏼‍♀️🤦🏼‍♀️🤦🏼‍♀️

四寶河貢丸好味，自家嘢係唔同啲魚皮餃麻麻 好厚粉皮魚蛋正常墨丸好味個湯底唔錯，配河粉食啱晒會想飲多啖鮮油多，因為食想叫但牛油唔夠凍，好快變晒油同預期一樣，可以不試。內在環境無卡位 全部圓枱比一般粉麵乾淨企理通道闊落 唔會出入都迫到人食得安安樂樂樓面姐姐亦好爽快

話説最近本人都要去九龍城開工, 就到處搵下有冇好食嘅餐廳, 咁呢間德昌魚蛋粉就幾時都要排隊, 同名嘅餐廳我之前響北角嘅時候就食過一次, 因為年代久遠所以印象唔深, 不過就因為本住排隊有好野嘅關係就試下九龍城呢間啦菜單顯示包括平常嘅粉麵之外都有d 三文治, 扒包之類魚蛋河加紫菜, 38+5蚊, 湯底清澈, 有冬菜, 青蔥襯底河粉比坊間平常嘅晶瑩剔透得多, 口感較爽唔糯, 有米香, 幼身唔會咁易糊魚片有3塊, 彈牙有魚味, 鹹香手擠魚蛋, 比平常潮州魚蛋細粒, 仔細咁睇會見到有魚鱗軟骨, 證明真材實料,有魚味, 口感結實彈牙埋單43蚊, 比起坊間嘅魚蛋粉檔係出色嘅, 但要排咁耐隊同位於九龍城對我黎講唔就腳, 未必夠足夠吸引力再誇區黎食多次了

下班後和男友到九龍城行街街，九龍城街道相比起油尖旺來說較為幽靜，沒有那種接踵摩肩、人逼人嘅感覺。因為嗰日肚仔有啲唔舒服，想食啲清淡啲嘅食物，想食魚蛋粉。所以男友帶我去咗九龍城區買馳名嘅德昌魚蛋粉啦！我地點咗魚蛋麵、魚片頭麵、淨魚蛋同埋郊外油菜。店家很快手就淥好咗兩碗麵，仲幫我地包裝得妥妥當當，俾埋餐具、辣油和醋我地。魚蛋保持一貫水準，爽口彈牙，魚味濃，證明係真材實料！魚片頭也很彈牙，又係非常好食！啲麵湯加上腩汁同醋，真係好好飲，我都幾乎飲曬，食曬成碗麵都唔會覺得太口渴！

排隊20分鐘，店員招乎一般;店面平民路線，大聲談論世事。魚旦牛腩河加炸魚皮。非傳說般神級。魚旦是彈牙但魚味淡，牛腩是無粘牙但調得略鹹，河粉走正常路線，炸魚皮是過譽了。總論，排過就好，試過就算。

每次經過德昌魚旦粉都好想食，但係每次見到佢甘多人排隊嘅人龍都會放棄！今日終於比我等到了，又吾洗排隊又少人，幾大都要入去食佢最出名嘅魚旦粉拉。🤩其實都仲有好多選擇，好多樣化，就算入去吾食魚旦粉都可以叫D茶餐廳嘅嘢！我點左碗馳名魚旦河加紫菜湯底$43，我想叫埋炸魚皮不過已經沽清😥魚旦河好大碗，魚旦好彈牙、魚味濃又吾腥，紫菜都多架，洗得又乾淨，果然冇揀錯！吾怪得之甘多人排隊食拉！果然唔錯，值得encore!平平哋食真係幾滿足不過唯一美中不足嘅係冷氣吾係好夠😂

九龍城人龍店之一，好耐無食過啦，因為有段時間覺得佢啲魚蛋咸左啲，所以無黎幫襯一段時間，之前每次經過門口都有條長長人龍，今日星期三放工後去Aeon掃完貨之後，經過門口竟然吾使排隊，梗系第一時間入去食啦！黎德昌魚蛋粉梗係要食佢嘅招牌魚蛋粉啦，老公就食牛腩粉，跟住再加碟蠔油芥蘭，本來諗住加碟炸魚皮，點知又賣晒魚蛋粉依然爽滑彈牙，無之前甘咸啦，加埋個勁辣辣椒油，爽呀！牛腩粉個湯底超濃郁，好入味。蠔油芥蘭好新鮮，大大碟，好味道。價錢都合理，唯一美中不足嘅系冷氣吾多夠，食到有啲滴汗

去到九龍城，一般人都想起泰國菜，但筆者要跟大家說，在九龍城最爆的一間餐廳，並不是泰國菜，而是這家德昌魚蛋粉，一年三百六十五日，幾乎天天要在門外排隊，住九龍城或在附近工作/讀書的人其實都知道。筆者給他外號為「排長龍」，那他的魚蛋粉是不是真的如此好吃呢？你有機會來到九龍城福佬村道，就自己品嘗一下吧

剛剛去到門口說兩位後，招呼的大嬸迎接，之後我話兩位要盡量相對少啲人的地方，她説無的，全部都要搭枱，你去第二度食。之後立刻走人，態度奇差，還說她沒有說過她自己說的說話。一世唔再去。

現在肺炎肆虐，很多人都選擇留家吃飯的今天，這裏竟然有很多人排隊，當然想試一下！我們點了：「四寶河粉」 ： 有魚蛋、墨魚丸、魚皮餃。魚蛋是彈牙，也吃得出魚味，只是太鹹........其他配料普通。「牛腩魚片麵」 ： 魚片跟魚蛋一樣，太鹹了，好像是要遮蓋魚腥味的樣子⋯⋯🧐 牛腩、牛筋煮得很腍軟。牛腩基本上沒有肥的部份。湯底也清，沒有雜質，去雜味的步驟做得很仔細；很重柱候味，只是對我來說也是太鹹.....辣椒醬很辣，不錯。