76
55
29
| 餐廳: | 德昌魚蛋粉 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
營業時間
今日營業
07:00 - 00:00
星期一至日
07:00 - 00:00
以上資料只供參考, 請與餐廳確認詳情
今晚去咗一間好出名嘅魚旦粉麵舖，叫咗兩碗麵，一個通菜，感覺正正常常。*四寶麵* 🍜：呢個麵嘅餡料豐富，味道唔錯，但係冇特別驚喜。*雲吞魚蛋河* 🥟🍲：雲吞同魚蛋都係新鮮製作，口感不錯，但湯底就比較普通，冇咩特別驚喜。*腐乳通菜* 🥬：呢道菜嘅通菜嫩滑，腐乳味道濃郁，但整體感覺都可以。總括嚟講，呢次嘅用餐經歷係正正常常，味道尚可，但冇乜特別驚喜。呢間魚旦粉麵舖，唔使排隊可以一試。
繼續閱讀
除咗招牌手打魚蛋🐟，原來佢嘅墨魚丸🦑更為出色✨。個人喜愛佢係牛腩🐂和水餃🥟。至於佢嘅粉🍜、米粉，粗麵和幼麵， 選料上乘，加埋秘製湯底🍲，根本冇得輸🏆。所以德昌屹立多年，絕對不是浪得虛名🔝。最近發現佢嘅特餐🍛都好有水準：豬扒🐷和雞扒🐔炸得好鬆軟，仍然保留肉汁。煙肉🥓、餐肉🥩、腸仔和紅腸🌭都煎過，所以更加香口。出前一丁🍜煮得剛剛熟，真係一流👌。特別推薦佢哋嘅好多士和豬仔包🐽。本人係奶油豬🥯愛好者，以前翠華嘅奶油豬都唔錯，但原來德昌才是冠軍🏅。美中不足嘅係佢嘅奶茶🧋真係好一般😔，唯有配搭其他飲品🍹。 不過做人都唔好太貪心😌，佢嘅食品質素已經非常好，所以每次嚟到德昌都會有選擇困難症🤯。真心推薦❤️！
繼續閱讀
德昌係九龍城嘅人氣店，讚嘅彈嘅評語都聽唔少，一直都想自己品評吓，不過成日都好多人排曬隊，想食都唔係咁易。今日下午茶時間嚟到，終於冇乜人啦，叫咗招牌嘅魚蛋河加多碗牛腩米。魚蛋彈力適中，都有魚味，不過河粉就有啲碎，算係正常發揮啦。反而我覺得牛腩都唔錯，雖然唔叫做非常淋，但係調味幾好喎，唔會太濃太鹹，碗湯最後飲曬見埋底。另外如果想加辣請小心，佢啲辣油真係唔係講笑，落幾滴已經辣到口水鼻涕一齊流，咁當然都可能係因為我弱雞啦！
繼續閱讀
德昌魚蛋粉 被過譽嘅食店德昌魚蛋粉逢星期六日一定大排長龍，客人仲要喺露天環境，只少排10幾20分鐘，先可以等到位😅但由於Zaza呢日光顧嘅日子係平日，所以唔需要等位，仲可以揀位添😆呢到最出名嘅魚蛋粉，Zaza已經食過無數次😛，所以今次決定品嚐佢嘅雲吞麵同雲吞河麵同河粉嘅份量唔算少，雲吞有五粒，但每粒都唔大，而且味道麻麻哋，蝦肉打得唔夠爽口；麵就唔錯，烹煮嘅時間都冇過火啱啱好🔥；河粉就中規中矩湯底感覺上冇落味精，事關飲完幾啖，都冇口乾嘅感覺😋不過，真心講，德昌魚蛋粉嘅食物價錢唔平，性價比唔算高📍九龍城福佬村道88號嘉福閣地舖⏰07:00 - 23:00☎️27183838
繼續閱讀
我個人其實麻麻哋白色嘅魚蛋 但係好鍾意食魚片頭 所以通常都係叫魚片頭河 另加送佢哋個湯清清地幾好 比起附近另一間魚蛋粉舖 個湯少好多味精 飲完唔會口乾 加埋佢哋一啖辣油 真係幾好食㗎同埋呢間由細食到大 有好多回憶不過佢哋墨丸好似一般 建議叫肉丸魚片頭呢類我見佢仲有出健康餐 個健康餐係同常餐差唔多
繼續閱讀
您可能會有興趣的...