德懿屋

紅磡出名好多隱世小店，今次同朋友無意中發現呢間台式外帶小店，見佢個名好得意，裝修簡約舒適，充決定喺呢到買外賣上去朋友屋企食！呢到只做外賣，即叫即整！食物款式好多元化，主打台式便當、小食、飲品同埋甜品🤤依家仲有埋韓式便當添～呢到嘅便當一啲都唔馬虎，除咗主菜之外，配菜都好豐富，有半隻滷水蛋、菜脯、粟米同埋香菇肉燥🤤菜脯夠惹味，大大粒好脆口，提升咗成碗飯嘅口感～ 肉燥好香，啲汁用嚟撈飯一流！鹽酥雞粒便當 💰HK$53睇落細細碗，但面頭鋪滿雞粒，啲雞粒就算係外賣隔咗一陣先食都冇出油，外皮仲係好酥脆，裡面嘅肉質嫩滑，唔會乾身！臺式香腸便當 💰HK$49另外仲叫咗個充滿台灣風味嘅都臺灣腸，台灣腸個皮好脆，充滿甜味，用嚟送飯一流！奶蓋四季春 💰HK$21 & 奶蓋清香烏龍 💰HK$21茶底本身想叫店員幫我走糖，點知原來啲茶底都係預設咗係冇添加糖，奶蓋四季春飲落去係好清新嘅綠茶，配埋帶有咸香嘅奶蓋，感覺一啲都唔會漏，仲好解渴！另外淡淡清香嘅烏龍同奶蓋嘅味道都好夾！呢到嘅手抓餅都好出名，下次嚟開紅磡呢頭一定要買嚟食下🤭…查看更多

今次嚟到呢間位於土瓜灣嘅台式便當外賣店，一入到去純白色設計都幾光猛。睇睇餐牌嘢食嘅選擇都好多除咗煮食仲有飲品同埋台式芋圓。今次就嗌咗佢招牌嘅鹽酥雞飯。鹽酥雞層粉比較厚身同埋硬，如果鍾意呢種口感嘅朋友就啱晒。飯入面除咗有雞仲有肉燥同埋菜甫。幾夾珍珠奶茶估唔到珍珠奶茶都幾大杯，份量一流。不過唔知係咪飲筒嘅大細唔係好啱size，一路飲嘅時候珍珠都卡係飲管中間，飲起上嚟都幾費力。奶茶甜度，啱啱好唔會太甜。…查看更多

呢間台式小店在紅磡區，只做外賣，店面以木色為主色調，裝修簡約乾淨，通風系統做得好，就算開放式廚房，都唔會有油煙味。食物方面有台式手抓餅、肉燥飯、拌麵、夜市小食、九份甜品等；飲品方面有經典奶茶、醇鮮奶茶、奶蓋純茶、果香萃茶，茶底可選紅茶、綠茶、烏龍，仲可以自由組合配料、甜度、冰塊量。台式便當包括半隻滷水蛋、肉燥、主菜、配菜、及白飯或拌麵。滷水牛肉：牛肉炆得夠腍又入味，滷水汁調教得非常好，撈飯一流。鹽酥豬排：台灣鹽酥豬排，無骨啖啖肉，炸得酥脆乾身，金黃色既外表，香氣撲鼻。古早珍珠鮮奶茶：珍珠煙韌Q彈有咬口，鮮奶茶味道香濃，入口順滑，絕對係台式飲品之冠。香芋鮮奶茶：每一口都喝到軟綿綿既芋頭蓉，好足料，味道又不會太甜，配上優質醇香既台式奶茶，飲完想再encore。總結，台式小店食物好味，出餐快，服務誠懇，值得推介。…查看更多

今日同朋友嚟到紅磡呢邊行街，行行吓去到土瓜灣呢邊，我哋好肚餓啦，就揀咗一間小店，德懿屋，係食台灣嘢嘅，手抓餅同我最鍾意嘅珍珠奶茶。舖面細細，但選擇多多！我同朋友一人一個主食，一杯嘢飲。全部嘢都係即叫即整，熱辣辣又好快手。鹽酥雞粒飯朋友鍾意食炸嘢，叫咗個鹽酥雞粒飯，新鮮出爐，我試左d，鹽酥雞粒炸得金黃香口，一啖炸雞一啖飯，好味。芝士煙肉雞蛋手抓餅我自己就叫咗個芝士煙肉雞蛋手抓餅，呢個真係好正，手抓餅軟綿綿，煙煙韌韌，口感好！煙肉配芝士，加雞蛋係絕配，分咗少少俾朋友，都話好好味，佢話下次要試哂成個手抓餅😂特濃黑糖珍珠鮮奶 食住啲乾嘅嘢食，當然要配返杯正正嘅台式珍珠奶茶啦！凍嘅特濃黑糖珍珠鮮奶好大杯，走甜，黑糖珍珠嘅甜味，令到成杯嘢飲味道啱啱好，加上珍珠好足料，冰冰涼涼，最啱夏天飲！奶蓋芋圓桂花烏龍奶茶另外仲叫咗一杯奶蓋戶縣桂花烏龍奶茶，透明嘅芋圓都好好味，奶蓋香濃好滑口，桂花味都好唔錯！…查看更多

今日去紅磡搵朋友house warming，上去之前諗住買啲外賣上去佢到食，咁就係附近搵左間都幾靚既台式食品店呢到主打外賣台式飲品同野食，成間餐廳用左木系裝修，望上去勁舒服野食方面係勁多選擇，基本上所有台式野食野飲甜品都有齊晒：台式肉燥飯、芋圓、手抓餅、台式手搖飲品、小食，樣樣都齊，一次過可以滿足晒所以願望呀今次我叫左個比較特別既柳橙蘆薈清烏龍，入面有粒粒燈肉同蘆薈粒，飲落唔會太甜，飲得出有茶既甘香夾雜住少少橙汁味，間中食到啲蘆薈粒又幾有口感，唔錯難得有手抓餅食緊係要試下唔係好多地方有得食靚既手抓餅，今次叫左芝士煙肉雞蛋手抓餅，煎既時候有整鬆餅底，外皮好酥脆唔會好實，入面啲料同醬汁亦落得好足，食到停唔到口！…查看更多

係紅磡經過一個出面仲係地盤既外賣店，見到有珍珠奶茶🧋飲，由於天氣太熱就入去睇下有咩東東喇。入到去原來只有外賣的，不過唔緊要啦，反正都係想去海傍hea，咁我地就買走了！😁店內環境明亮，開放式既廚房一目了然，亦好乾淨的感覺呢！Menu選擇多，更有台式糖水，可惜食唔落，如果唔係都會一試😋最後我地點左一人一個餐，外賣去左海傍食☺️☺️一：鹽酥雞粒飯配珍珠奶茶二：香滷豬軟骨飯配鳳梨寒天四季春飲品穩陣，無咩大起或大落。可能台式飲品都係同出一轍既沖調方程式吧😌然後到飯了，鹽酥雞較為乾身，飯🍚亦偏乾，不過配埋已有既滷肉汁及配菜感覺就中和返，不會太濕或太乾，但係雞亦是較乾身，咬起上黎要較用力呢。相反豬軟骨飯就更顯特色了，賣相雖然一般，不過豬軟骨滷得入味，咬感亦軟硬適中，不過過淋身，撈飯食很搭呢！…查看更多

今日去紅磡行吓街，留意到喺煥然二居附近呢間叫德懿屋嘅台式餐廳，舖頭細細地，但係裝修幾新穎，光線充足，價錢亦都唔算貴，平均40幾蚊都有一個飯，仲有其他台灣小食，譬如手抓餅呀炸物啊等等，亦都有我最鍾意嘅台式飲品，選擇亦都好豐富！我叫咗一個鹽酥豬扒飯和一杯奶蓋芋圓桂花烏龍奶茶🥤做下午茶鹽酥豬扒飯- 有驚喜！ 唔係淨係得豬扒和白飯，仲有炸菜甫同粟米粒😄 豬扒新鮮炸起，好好味，又厚身可以啖啖肉！奶蓋芋圓桂花烏龍奶茶- 呢杯好正！溝出黎既味道好夾！我最鐘意有芋圓有嚼口！好好味！今次無試到台灣著名既手抓餅，下次要再黎幫襯😃 仲會試其他台式特飲！☺️☺️德懿屋 (紅磡)紅磡鶴園街8號煥然懿居地下11號舖…查看更多

住附近見呢間台式外賣店都開左一段時間，平日放工較夜冇機會幫襯到，終於搵到個時機叫個lunch，估唔到幾正喎我同男友2個人分別叫左椒香雞排拌麵加秘製四川麻辣醬，鹽酥豬排飯，飲品就叫左特濃黑糖珍珠鮮奶，百香四季春。椒香雞排岩哂想要香口又唔熱氣既人，雞排煎得岩岩好，適量黑椒配上調好的醬汁將雞皮整得焦香脆口；鹽酥豬排炸得酥軟，肉質咬落去仲係有空氣感，唔會死柴，小店黎講佢哋都幾有心機，另外每碗麵或飯配上自家製肉燥同菜甫既配搭令到整件事更添地道台灣夜市既感覺，店家仲送上半隻滷水蛋，真係好豐富既一餐！特濃黑糖珍珠鮮奶都幾好飲，黑糖聽落好甜不過店家既製作過程令到甜度冇傳統咁甜，珍珠亦軟糯易食，不錯想要清清地黎杯百香四季春，少少酸配上大量百香果籽，感覺中和左咁豐富多肉既午餐，健康解膩一流推介大家叫主食時配上秘製麻辣醬，加左真係幾惹味，食到停唔到口。飲品都建議叫微糖，本身自己唔中意十分甜既飲品。提提大家留意營業時間喔…查看更多

呢一間係喺紅磡廣場隔離嘅小店，由於附近位置做緊工程，所以搵到香港仔魚蛋粉前面嗰間鋪就係呢間小店啦！我地都搵左門口一陣呢～一入到去，叫野食隔離係全開放式嘅廚房，可以直接見到佢哋煮，所以衛生情況真係幾有保證，感覺上好乾淨企理～同朋友叫咗兩個主食同埋兩杯嘢飲，如果台式嘢飲嘅話可以跟餐再減$7🤓佢另外跟餐都有一啲果汁茶同埋無糖茶嘅免費選擇，岩曬健康一族！呢排天氣轉熱所以想食個比較清爽嘅午餐，叫左一個雞絲粉皮$43，粉皮好滑嫰，唔會太厚太硬，配合嘅青瓜絲、紅蘿蔔絲同埋粟米好清爽，口感爽脆，雖然佢叫自己雞絲，但係上面係滿滿嘅肉片🤣 好豐盛！同埋有兩款醬汁選擇，叫咗芝麻醬，口感日式和風味，份量上一個男仔食都幾飽肚！呢個價錢包一杯凍飲好合理！朋友叫咗一個鹽酥花枝丸拌麵，亦都可以選擇配合白飯。鹽酥花枝丸有五粒，外脆內軟，即刻炸起唔會硬左，唔會太粉感，彈牙好味，仲有隻蛋都入味，最有驚喜嘅係菜甫同埋滷肉汁，口感豐富，汁夠拌均成個麵，麵係較幼身，好掛汁，豐富飽肚之選！本身怕唔夠飽，所以都另外叫咗一個小食，話梅粉炸地瓜條，佢仲有椒鹽味選擇，因為我哋兩個都係女仔，所以就鍾意酸酸地，味道來講好開胃，每條地瓜條分量十足，有手指咁粗，都係即叫即炸，外脆內軟，份量都好多添，20幾蚊嚟講性價比好高！嘢飲方面都幾大杯，珍珠有咬口唔韌，仙草夠滑，叫左無糖，所以都唔會好肥膩，奶味比茶味濃少少，跟餐嚟講都十分之抵飲！…查看更多

開業至今幫襯左5次，每次都有野錯，一般係收銀個價錢錯，最後今次係野食比錯。佢地個收銀系統極度奇怪，明知有問題又唔更新，同餐單個價總會有幾樣野食係對唔上，每次都會收錯錢，個收銀丫姐即頭係亂嚟，項目亂打，落單要牛肉收據就打收豬軟骨，話價錢一樣，本身佢自己記價錢都唔多清楚，字又睇唔清，1份錢成日打收2份錢，亂打名，比野食當然會出錯啦 。我係手機落單後自取，落到去個總數無次對得啱，一張單分3張單，跟住同你一張張甘收錢，項目價錢唔啱就同你手動計，另外找錢，比個丫姐搞到頭到大，數唔得仲要好自信咁同你亂計。計錯數唔緊要，但最起碼野食唔好亂比丫，要芝麻醬比麻辣醬，本身唔食辣根本入唔到口，雖然佢話另外整個份比我叫我過去拎，中午食飯時間係甘多，邊個想同你行多轉。拎個陣已經問啲醬有無落錯，野食有無比錯，好自信甘話無錯，因為已經打包好，相信丫姐，佢話佢只係打錯單，野食係啱，所以無特登開嚟睇。野食係唔錯，但店員能力太差啦，無必要唔會再幫襯。…查看更多

今日同同事去咗呢頭返工經過見到有呢一間台式外賣店, 就諗住試吓，買個外賣同埋台式嘢飲😆見佢除咗台式便當仲有甜品同埋手抓餅等，而且價錢亦都十分公道。我哋總共點左兩個台式便當 價錢已經包埋嘢飲，分別係，台式鹽酥豬扒便當同埋台式滷牛肉便當，由於係中午時間，所以店員亦都非常多order，但係我哋嘅便當亦都係即刻新鮮整，而且鹽酥豬扒亦都係新鮮炸，呢樣嘢未食就覺得值得稱讚，大約六7分鐘，我哋就攞咗外賣返去公司食，返到去嘅時候嘢食仲係非常之熱，而且豬扒亦都係脆口的。我哋兩個便當除咗有肉燥喺上面之外，仲有店家特別準備嘅菜圃，佢除咗味道上面多咗一種鹹香味之外，仲提供埋脆口嘅口感，值得一讚！豬扒嘅醃料同埋炸完之後落嘅調味粉亦都非常之適中水準之上，牛肉亦都非常之入味和淋滑！飲品方面，我叫咗珍珠奶茶，珍珠容易咬爛，但係仍然不失口感，甜味亦都啱啱好！總括嚟講，非常好嘅一間台式外賣小店，可以一試再試，值得返轉頭！😀…查看更多

又嚟介紹特式外賣喇✨！發現自己都好耐冇食過台式小食啦🇹🇼，今次想介紹嘅係位於紅磡嘅一間台式外賣小食店😋。睇網上嘅推介發現，原來餐廳嘅手抓餅都幾出名㗎🫶🏻，難得有呢個機會就梗係要試吓啦❤️。想知我嗰日食咩嘅，就要繼續睇落去啦～食物方面☝🏻#滷水牛肉肉燥飯（$62）首先想介紹嘅就係餐廳嘅精選台式便當🍱，今次我就揀咗滷水牛肉肉燥飯🤤。講吓佢嘅味道先，滷水嘅醬汁真係好香😍，同牛肉真係夠晒夾🤭。另外餐廳係選用咗珍珠米，每粒珍珠米都吸收到滷水醬汁嘅精華🤞🏻。另外牛腩嘅油脂都好香🐂，而且滷得好入味，口感軟腍🤩。便當入邊仲有半隻滷水蛋可以食㗎🤪，當中嘅粟米都令成個便當嘅口感更加爽脆🌽。#奶蓋芋圓桂花烏龍奶茶 （+$29）至於喺呢個精選便當，我就加配左呢杯台式特飲😬。因為我嗌咗便當🍱，所以可以用優惠價（-$7）去加配台式特飲㗎🥳。講返呢杯奶蓋芋圓桂花烏龍奶茶先😚，誘人嘅奶蓋不在話下🤤，另外芋圓嘅口感都好煙韌🤞🏻，桂花烏龍都帶出到淡淡的茶香味😇。所有元素混合在內真係幾match 㗎😎。#芋泥肉鬆手抓餅（$39）跟住要介紹嘅就係我最期待嘅手抓餅系列🫶🏻。餐廳嘅手肘餅係即叫即整㗎❤️，所以都確保食嘅時候係熱辣辣🔥。講返手抓餅嘅味道先，佢嘅餅皮其實都幾酥脆😬。另外入邊有滿滿嘅芋泥肉鬆😙，肉鬆中和咗芋泥嘅甜味👾，食落都唔會太有罪惡感㗎😈。#香芋鮮奶茶（+$26）之後就介紹返跟手抓餅嘅台式特飲🙌🏻。今次我就叫咗呢杯香芋鮮奶茶🤤。講返飲品嘅味道先🤪，因為我叫咗無糖，所以香芋嘅味道更加出🥰。真係又健康又好飲。評分以🌕表示（滿分為5）賣相：🌕🌕🌕🌕🌑味道：🌕🌕🌕🌕🌑…查看更多

朋友帶我來附近試點新東西，他說這間的手抓餅味道頗為不錯，新鮮熱辣。除了手抓餅，還有其他台式便當和麵食，亦有多款小吃，但今次我是專程來試試他們的手抓餅的😋我點了其中一款推薦的芝蛋煙肉手抓餅，再來一杯百香椰果四季春。🤍剛剛到手的手抓餅真的好熱，職員還細心提示我小心燙口。手抓餅非常香脆，好似酥皮一樣一層一層，裡面夾著融化了的芝士和蛋，還有鹹香脆的煙肉，整體味道很可以，酥脆絕對是這個手抓餅的最大賣點，完全不粉。👍百香椰果四季春，大大杯非常抵，百香果不會太酸，配搭四季春陣陣茶香，還有甜甜粒粒椰果，好喝~😋…查看更多

✨紅磡性價比高台式小食店✨#mayfoodie_hunghom今日dayoff 有緣可以去到呢一間位於紅磡區嘅特色台式小食店😋其實之前都有自費試過佢哋一啲港式小食, 例如魚蛋燒賣腸粉😋 #味道唔錯今次又再特登嚟到試吓佢哋嘅其他lunch set😋——- 環境方面 ——-餐廳位於紅磡區 (煥然懿居附近), 不設堂食… 所以好適合附近嘅上班族lunch time 落嚟買外賣拎走😊——- 食物方面 ———(1) ✨鹽酥雞粒肉燥飯 🍚✨肉燥飯非常惹味😋👍👍鹽酥雞整得非常鬆脆, 咬落去淡淡肉汁✨(2) ✨芝士煙肉手抓餅✨手抓餅即叫即整😋 熱辣辣, 溫度剛剛好👍芝士味濃厚😆 咬落去幸福感美滿(3) ✨白桃茶🍑✨甜度剛剛好, 飲落去非常解渴😋亦都好大杯👍👍(4) ✨冬瓜茶✨冬瓜味濃郁, 非常暖胃☺️冬天必飲👍👍👍——- Information ——-📍德懿屋 (紅磡)📍紅磡鶴園街8號煥然懿居地下11號舖…查看更多

今日同同事喺土瓜灣做嘢，lunchtime 行過呢間店做台式便當，見價錢都唔貴，所以就試吓！餐廳主打台式美食，有便當、麵食、小食、手抓餅、台式飲品、芋圓、仙草等等，店舖細細但食物選擇嘅類型都好多！餐廳只做外賣，沒有堂食，所以同同事揀咗兩個台式便當套餐，仲加左個小食，買番去公司食！我選擇咗鹽酥雞粒肉燥飯，除咗鹽酥雞粒，仲有半隻滷水蛋、肉燥、粟米同菜脯作為配料。鹽酥雞粒炸得酥脆香口，調味鹹淡適中，配埋肉燥飯，賣相已經好吸引！我喜歡肉燥飯，裏面有啲菜脯，口感爽脆，可以解炸雞粒同肉脯飯的油膩感！我食套餐仲送咗白桃茶！我同事就選擇咗滷水雞腎肉燥飯，配紅葡萄柚茶。雞腎放得滿滿的，用料十足，食落去有好香嘅滷水汁味道，口感爽脆。唔想食得太油膩，滷水雞腎都係唔錯的選擇！見到小食都唔貴，又叫左個話梅粉番薯條，我鍾意食話梅粉，所以特登叫老闆落多少少俾我🤣。番薯條炸到外脆內軟，外面仲有滿滿的話梅粉作為調味，酸酸甜甜又帶點鹹味，令人食到一舊接一舊！😋😋大約$50左右的價錢就有咁豐富嘅lunch，係附近居民同埋上班一族嘅好選擇！下次會想試試佢嘅甜品同珍珠奶茶！…查看更多