微茶

喜歡這裡的豬軟骨飯/刀削麵。同樣是豬軟骨，對面的舖頭的質素差很多。這邊的肉質比較軟。尤其軟骨部份更有入口即溶的感覺。另外黑松露滑蛋蝦仁飯亦是我的最愛之一。還有酸辣金湯黑魚片刀削麵/新竹米粉😋…查看更多

最近來過兩次，每次寫單之後要等半個鐘先有嘢食。同朋友一齊來，每次朋友食完，我個餐仲未上。期間追單幾次，完全冇回應。之後餐廳解釋係唔同菜系由唔同廚師煮，台灣嘢同川菜是分開兩個廚師做，運作上唔同。作為一個客人，來到一間快餐店食飯，都係為咗方便快捷，廚房運作與管理同客人冇關。客人只會選擇會唔會再次幫襯。欠缺服務意識，兩個人同桌食飯客人嘅朋友，一個客人嘅餸一早已上並且食完，另外一個客人嘅仲未嚟，並且咨問幾次，侍應完全無動於衷，根本一點基本餐廳飲同服務意識都冇。呢啲餐廳只可係深井生存，因為餐廳少，客人選擇少，除咗食物，整體管理和營運都好緊要。幾好食食物都要有基本嘅服務。…查看更多

野食相冇影 因為太頹翻工會經開深井，未食過呢開見有早餐諗住試下，新屎坑～ 見到早餐餐牌其實唔算平，蛋餅40幾蚊😅 後面小食30幾蚊。。。唯有叫個麵食，咪當試下冇所謂啦～我叫咗個滷水牛𦟌 & 魚腐 烏冬 熱檸水味道先唔評價住，始終我冇影相冇證據，但係想問吓收多錢係發生咩事？原本我諗住嗌新竹米粉，服務姐姐：米粉容易發脹使唔使幫你加分湯，要加兩蚊我：咁唔使啦，我改烏冬唔該當時冇為意收咗幾多錢，後尾返到公司食先至發現收咗$45第一，外賣要加錢其實就冇乜大問題，普通茶餐廳都要收一兩蚊第二，明明話分湯先要加兩蚊，到最後我冇，點解都要加錢？第三，餐牌寫贈送嘢飲，到頭來我杯檸水又要加一蚊？我叫個$42嘅早餐，外賣總共要加多3蚊，係唔係好大問題？唔算，但係點解唔一早寫清楚？？仲要佢嘅煮食係冇寫到明兩蚊係外賣錢，直接加入食物錢，反而熱檸水就有寫要加一蚊？？？好心作為餐廳，一係就直接寫外賣要加$3，一啲寫得唔清楚一啲又寫得好清楚？如果我唔好彩同佢講分湯，即係總共一個外賣要俾多5蚊？？？:(:(再講食物味道滷水牛𦟌：白灼咁，基本滷水嘅顏色都冇唯一份量係可以接受 (有5塊 差唔多紙咁薄)魚腐：2嚿湯底：冇味 叫做有條白灼菜送(都係嗰句 我食左 冇影相冇證據 個人感受)…查看更多

一共叫了3份午餐，第一度台式鹽酥雞刀削麵（蕃茄湯底），雞肉滑多汁，外脆內暖。刀削麵口感可以選擇軟硬程度，十分煙靭彈口。台式鹽酥雞翼刀削麵（豬骨湯），雞翼有四隻，肉有拌菜，雞翼炸得十分香口及入味。鹽酥雞滷肉飯，裝滿滿的飯，滷肉多汁，青瓜拌菜爽脆，充足嘅餸，十分好食。總括來說，值得一試。三樣味道都十分好，食物質素份量足夠😋。另外叫了三杯飲品，熱豆槳，有很濃郁豆味、凍烏龍水果茶少甜、凍仙草奶綠少冰少甜，亦十分不錯喔！…查看更多

見以前光榮位置開了台式食品，抱住一試心態。伏伏伏，伏到唔知點解店主咁有勇氣叫自己台式餐廳排骨招牌滷肉飯， 基本就係一堆肉加個汁打個茨， 一點台灣滷肉味都無排骨？ 港式鬆肉粉醃到霉， 炸過下就係台式？到底店主同廚師食過台灣嘢未？ 識唔識食得出少少台灣味道都無？ 知唔知點整？ 上影片分享網站 睇下啦幾十蚊搵自己笨唯一可讚嘅就係環境整潔， 夠光猛， 有用即熱濾水機員工有禮，對每個客都好好招呼， 用QR Code 落單亦方便，以上所有嘢都無法挽救食物出品…查看更多

新開台灣小店今晚試吓新開張嘅餐廳本來喺門口睇Menu覺得好少選擇後尾職員行出嚟話因為新開張好多菜式要喺App睇咁見到佢有烏冬，就入去試吓香酥雞排滷肉飯 都幾大碗個汁調得唔錯，唔會太重味雞排都炸得外脆內嫩+$10 仲有限定水果茶香酥雞翼烏冬烏冬喺我鍾意既軟度湯底喺豬骨湯底雞翼香脆可口正餐價錢可接受，但甜品覺得有啲貴本來想試埋個甜品但甜品價錢同個正餐差唔多價錢如果有埋新竹米粉就好啦期待將來更多新菜式🥰微茶深井深井村55號地舖…查看更多

深井剛開了一家台式食店。這𥚃裝修簡潔舒適，光綫充足，服務員都是熱誠有禮的。原來九時後只有糖水供應，就點了兩款甜品。腐竹蛋糖水腐竹細滑，雞蛋有蛋香，甜度適中。海帶綠豆沙這碗熱騰騰的綠豆沙，幼細的海帶和綿綿的綠豆，兩者的香氣撲鼻而來，入口既有海帶的味道也有綠豆的味道，甜度剛好。和老闆娘閑談，原來店舖飯市的出品都是採用新鮮肉的，而稍後會推出更多款甜品。這麼有誠意的食店，下次要再來試其他台灣食品、飲品和其他糖水。…查看更多

去深井有另類選擇，今次朋友介紹新開的 “微茶台式料理”，地方不算大，但勝在地方簡潔企理，而且店員殷勤有禮👍。看過餐牌後決定 order 了招牌滷肉飯套餐+八香果果茶、金磚豆腐、鮮果涼粉冰。招牌滷肉飯套餐 +八香果果茶稱得上招牌滷肉飯，果然香濃醬汁加上肥美大大粒豬腩肉，送飯一流呀🤤，味道恰好，均勻覆蓋每一粒米飯😆，而且份量十足，最合我心意💖！滷肉飯其中一個靈魂材料，是一些🌟甜酸菜🌟，成件事完美得既不油膩又醒胃😍，有特色有心思😋😘。金磚豆腐熱辣辣金磚豆腐，金黃色香脆外皮，包住柔嫩香滑豆腐，一口一粒，點上酸味味雞醬， Wow Yummy Yummy 🤭🤭 。八香果果茶味道可以，不會太甜，但係又可以飲到八香果獨有的鮮香味。最後當然唔少得台式甜品不過老闆娘話店舖係新開，選擇暫時太多，日後會更加多選擇！她介紹我吃 “鮮果涼粉冰”冰凍可口，水果新鮮，芒果汁+淡奶底伴涼粉。開心滿足…查看更多