御膳

營業中

休息中

一向都知道觀塘工業大廈多野食，但要搵一間好食既野並唔容易。平時我同d朋友既聚會都係食開日本野或者西餐，好少會揀劃菜黎食。最後，揀卜左呢一間御膳私房菜試，食完真係唔會令人失望。先講下地點，位於觀塘工業區，地鐵站一出，行大概5分鐘就到，都算好易搵。食物方面，要預先落單，因為所有食材同份量都係新鮮準備，如果walk in 去既話，真係唔知會唔會摸門釘😅我地一行5人，佢推介我地食菌皇伴大鵝掌餐。價錢都只係 $1680，除開每人都只係$336，真心抵食。什菌大蜆豆腐湯顧名思意，個湯係用左什菇、大蜆、豆腐去煲，湯既味道清清甜甜，蜆比想像中大隻，而且份量都多、食落淡淡肉。麻辣鹵水拼盆拼盆入面有牛肚、手撕雞同豬腸，唔係講笑，食完之後，麻辣既味道仲停留喺口腔入面一陣，果種感覺都幾過癮。而3款小食之中，我最中意既係豬腸，因為d豬腸洗得非常之乾淨，而且夠哂入味。大肉蟹可以揀花雕雞油蛋白蒸、避風塘炒、薑蔥炒，胡椒炒或者四川香辣炒，實有一款岩大家。我地最後都係揀左薑蔥炒。原因係，因為我地覺得薑蔥係最野味。肉蟹非常大隻，食落啖啖肉，肉質鮮甜，而且蟹殻上都沾滿哂薑蔥汁，真係忍唔住吮多2啖。蒜蓉粉絲蒸蟶子皇蟶子下面鋪

今晚一向為食的老友帶 L 到一間隱世的私房菜吃晚飯。起初到達工廈地下大堂有點懷疑，但經過第一道菜色雜菌豆腐大蜆湯後，所有疑惑都一掃而空了。湯有大蜆的鮮甜味，加上雜菌的香味而湯底亦都清甜。蜆亦洗得乾淨，入口無沙粒。麻辣手撕雞青瓜與雞絲刀切得很幼細盡顯刀功。 已麻辣條味亦都恰當不會太辣搶了手撕雞及青瓜的味道。鮑汁扒花膠很腍很厚，吃下去則一像絲絲的西柚皮般。鮑汁這個綠葉亦調得剛剛好，沒有喧賓奪主。 更有很多瑤柱絲鋪上面，口感更豐富。 士多啤梨骨跟香橙骨不同的地方就是前者會較甜，嚐甜的朋友就最喜歡。入口亦很腍。至於蒜蓉粉絲蒸蟶子皇就更加無得彈，蟶子無沙很鮮甜。粉絲亦盡吸精華加上惹味的蒜蓉實在好吃。薑蔥炆龍躉腩啖喺肉，而且用炆的方法保留到鮮味外層亦香口。避風塘炒辣肉蟹，蟹殼很薄而蟹肉很多、炒乾椒及乾蒜很惹味。蟹油炒麵與一般的豉油王炒麵不同的地方就是麵條 一絲絲的容易分開已有淡淡的蟹油味。 假如配水蟹粥吃就更完美。濃味小食有麻辣鵝掌，可惜駕車否則一定邊吃這碟盡飲。最正的是這裡不收開瓶費。麻辣汁條都很好有多種香料。最後以一杯有淡淡的椰奶香味的紫薯布丁作總結。這裡的服務很周到，換碟亦很頻密。水滾茶靚，

媽媽生日，佢話想食私房菜，左搵右搵之下，朋友介紹左我黎御膳，食完之後，都覺得值得推介同再回頭。Book 左位之後，喺食之前2日，職員都會confirm 我地個菜單同價錢，咁就一定唔會出錯啦。我地最後叫左個菌鵝伴大鵝掌餐（五位用）。先黎什菌大蜆豆腐湯湯既材料雖然得大蜆、雜菌、豆腐同莞茜，但成個湯都已經好清甜，蜆既size好大隻，食落一d沙都無，豆腐夠哂滑。之後到麻辣鹵水拼盆拼盆入面有牛肚、青瓜伴手撕雞、同豬大腸，豬大腸同牛肚除左夠哂鹵水味之外，食落仲有麻辣既感覺，辣得好過癮，手撕雞既肉質夠哂嫰滑。跟住就係蒜蓉粉絲蒸蟶子皇不愧為蟶子皇，size 非常之大隻，長度比手掌還要長多少少，非常厚肉肥大， 蒸既時間啱啱好，唔會太老。蟶子上鋪滿左蒜蓉同香蔥，非常香口，配埋粉絲食，味道一流。之後薑蔥炒大肉蟹，唔使講，肉蟹都係非常之大隻，用薑蔥炒非常蘟，肉蟹厚肉鮮甜，食落落啖啖肉。食嘅時候忍唔住將蟹殼嘅汁都啜埋。薑蔥炆龍躉腩龍躉腩多肉厚滑，食落啖啖肉，龍躉肉炸得非常香脆，加上用香蔥爆炒，非常香口招牌御膳炒飯炒飯非常足料，用咗膳、蝦、帶子肉粒同香蔥炒成。飯粒分明，甚有獲氣。士多啤梨骨呢款菜式雖然好多地方都可

其實平時喺條街度行, 都幾難搵到間私房菜, 仲要好食同抵食, 咁就真係要上門突登搵喇, 好彩有朋友喺觀塘返工, 知道呢度有間御膳, 原來係咁好食先黎頭盤食個手撕雞先, 辣辣地幾入味, 配埋新鮮青瓜加強口感👍什菌大蜆豆腐湯足料既老火靚湯👍完全無味精都可以飲到新鮮大蜆既清甜味😍鮑汁扒花膠好少可咁樣食花膠, 通常都係用佢黎煲湯飲😂配埋鮑汁咁用汁煮既方式烹調, 口感香味一同達到😍潮州鹵水鵝例牌既份量剛好足夠2人食用👍鵝片好juicy, 配埋自家製唔會過咸既鹵水汁, 肉汁極嫩可口🤤蟶子皇成隻碟咁長既蟶子好誇張🙈而且食落去完全冇沙石, 食貝殼類海產最怕食到沙石, 相信師傅一定做左d 功夫等佢地吐沙😋不過蒜蓉粒好似多左dd😂搶走左部分鮮甜味大肉蟹隻大肉蟹非常有份量, order時可選擇烹調方法, 我就揀左薑蔥炒😍廚師幫佢斬件後再放回原位, 盡顯擺碟既藝術, 用左新鮮食材, 鮮甜味唔洗多講, 一定係頂級架喇🤤薑蔥炆龍躉腩龍躉魚肉本身冇乜味, 用薑蔥炒就一流😍d 汁慢慢咁滲入魚肉入面🤤士多啤梨骨呢個菜都幾有特式, 通常食生炒骨菠蘿骨多, 估唔到用上士多啤梨做汁都一樣掂, 可能都係因為一樣係甜甜酸酸既關係

睇openrice評價幾好 細佬生日 成家決定試試預先whatsapp落order訂套餐 不需預先付款我地五個人比左張勁大既台我地服務態度亦不錯 會跟進你食野既進度上菜野食整體都非常好水準 海鮮非常新鮮 配合師傅手勢 食到脷！一大班朋友或親戚想要一個比較舒適既地方食飯 推薦哩間！

自從轉了新工作後都很少到觀塘區，還記起以前跟舊同事們到午餐時間就食各式各樣不一樣的餐廳，因為實在太多選擇，真是數之不盡。早兩天舊同事相約食飯聚舊一下，去了這家私房菜館吃晚飯，很久以前吃過一次，記憶中味道很好，食物份量都以位計，亦要一早預約一來到餐廳就全場滿座，同事亦預早訂了鮑汁扒花膠餐，共有八菜一甜品先來前菜麻辣手撕雞，當中亦有青瓜絲，一同拌了麻辣汁，麻辣味夠香，入口很醒胃，青瓜絲跟手撕雞配搭感覺清新可口然後就到鮑汁扒花膠，花膠炆得入味，口感軟中帶爽，鮑汁濃郁又不會過鹹食完兩道開胃菜，就到什菌豆腐大蜆湯，什菌味道濃郁，大蜆肉果然真材實料，湯喝起來鮮甜，像自己家煲的味道其中最期待的就是蒜蓉粉絲蒸蟶子皇，超大隻的，很厚肉肥美，蒸得剛好不會過老蒜蓉入味香濃，配少許炸蒜一齊吃跟加香口惹味，粉絲亦相當爽口，好吃薑蔥炆龍躉腩夠穫氣，龍躉腩用生粉炸過，炆後仍吃到外層薄脆口感，魚肉很嫩滑，吃的時候帶濃烈薑蔥味，惹味十足大肉蟹可以選不同煮法，這次我們選了避風塘炒，賣相滿分，肉蟹厚肉鮮甜，超大隻入口帶微辣很香口，大量炸蒜味滿在口中，配白飯真的完美了士多啤梨骨味道酸酸，排骨肉厚軟熟，挺開胃最後的蟹油銀芽炒麵

最近都在瀏覽觀塘區高人氣餐廳，御膳在榜首之列，定義為私房菜，不知道實力如何？訂位後都有不少特定菜單選擇，就菜單設計之言，很平淡無奇。早在十多年前，私房菜是新的時代產物，當時自比私房菜的都別具匠心，或食材用心，或精巧手藝。唯獨現今私房菜當道，反觀當年的領頭人物卻一個個退下來了。也擺，既然訂位了也一試無妨。晚上九點半到達，餐單是既定的，然後稍加修改。有散餐可點，反正套餐也就是取自某幾道菜組合而成。甫一進場，心裏一寒，現今的私房菜裝修都沒有了？地板裂的，清一色木質間隔，分間一兩個區域，幾張圓枱，兩三枱客人。猶幸當年拜訪私房菜，省了租金，因此更有本錢佈置餐室，別緻得猶如參觀庭園一樣，能有此經驗，不知是好不好。侍者沒有制服，操守也不見專業，名字沒對，餐單沒肯定，就問菜可以上嗎？可以的，謝謝你。說實話，我吃的是食物，請用味道說服我。香芒沙律大蝦球。明蝦應該是新鮮貨，但不是大號。上粉油炸，可惜半溫不熱。墊底的是雜果沙律，芒果，芒果醬。芒果醬是叫貨貨色，雜果是新鮮果。本來就沒想到溫暖的炸蝦配冰冷的沙律，味道也就沙律醬的味道。蒜蓉粉絲蒸蟶子王。金銀蒜有烹調過，味道是有的。粉絲發好放碟，而聖子放在碟上太久

一早已經聽聞觀塘工廈區有好多美食 今日難得去開觀塘 就去左間名為「御膳」既中餐廳食晚飯我同家人叫左4碟菜式同埋一款甜品......有黃金蝦、蟶子、沙巴龍躉同埋店鋪既招牌炒飯 甜品係芒果布甸以黃金蝦黎講 咸蛋黃份量算均勻！蝦亦相對大隻 唔會只係得一堆粉漿 值得一試老闆推薦：招牌炒飯特色：足料 用牛柳粒、帶子粒、蝦球粒沙巴龍躉：外觀賣相一流 外脆內軟 相當夠火候鑊氣 利用柚子醬為魚肉錦上添花蟶子：份量較小 媲美大排檔鑊氣 可惜過於普通

第一次去工廈食私房菜，其實都驚驚地！但預約期間，御膳俾我感覺佢哋好細心，由餸菜到訂位都跟進得好好，令人非常放心 由於平日好少嚟觀塘，對我嚟講佢嘅位置有少少難搵，但跟住 openrice 入面嘅指示都OK嘅！工廈一般比較陰暗焗促，好彩店內環境佈置夠晒寛敞。我哋訂咗15位，御膳安排咗廂房俾我哋，房間內有充足嘅空調，電視機，獨立廁所 私隱度高，同一班同事朋友就唔怕被打擾，可以盡與啲開心啲 。餸菜方面只要訂位時同店員講人數同預算金額，御膳就會幫你定菜式，豐儉由人，是日菜式如下：香芒沙律大蝦球 - 香甜嘅芒果配爽脆嘅炸蝦，底下有新鮮水果沙律，頂層淋上香濃嘅鮮打芒果汁，一個非常好嘅開始。菊子魚 - 石斑魚起肉，切成菊花狀炸至香脆，配上柚子汁，味道清爽 花膠響螺煲雞湯 - 住家老火湯，湯底好濃，連湯渣雞肉都好似白切雞咁好食！大肉蟹4只 - 薑蔥炒，胡椒炒 - 肉蟹大大隻，肉質結實爽甜，其實點整都好食。個人偏愛胡椒炒蟹，胡椒嘅辛辣帶出蟹肉嘅鮮甜味！蒜蓉粉絲蒸特大蟶子皇 - 無敵嘅配搭，如果有白飯就一流喇！白胡椒爆炒南非鮑魚 - 白胡椒非常搶味，配淡味嘅鮑魚出奇地夾 ，鮑魚炒得剛剛好，鮮嫰彈牙！士多啤梨

一直都有好多朋友推薦我去試的餐廳⋯⋯4月爸爸生日，諗緊食咩中菜的我，就忽然諗起呢間呢間位於觀塘工廈內的私房菜。Book位後，餐廳係個個星期confirm我們的餐單，今次揀左六人用的花膠扒羊肚菌餐。齊人後就叫餐廳起個湯。今次的湯係砂鍋大魚頭豆腐湯，用砂鍋煮的湯比一般的湯更可以保住營養及味道，加上鮮魚頭，味道極為鮮甜。屋企無了工人姐姐的關係，我們基本上都無咩煲湯，一飲到鮮甜又唔腥的魚湯，大家即刻再添多碗！鹵水拼盤就食得多，加了麻辣的鹵水拼盤就真係未試過。三合一的鹵水拼盤有牛肚、雞絲青瓜及豬。牛肚夠厚身，而且口感爽口；青瓜雞絲用了麻辣汁，比平用的麻醬汁更惹味；我唔食豬大腸，但細佬話整得好入味，仲不停咁啪入口。大肉蟹有2大隻，餐廳比我們揀合心水的煮法，除了有我Order的薑葱炒外，仲可以揀雞油花雕蒸/避風塘炒/胡椒炒/四川香辣炒，一定有款岩大家。我平時唔多食蟹，因為折得咁辛苦得個少少肉⋯ 不過今次呢兩隻蟹真係好厚肉！吮完個殼上的薑葱汁，再將蟹肉一齊食，鍾意惹味但唔食得辣的話，揀薑葱炒一定無錯！個餐可以揀蒜蓉粉絲蒸蟶子皇或者流沙黃金蝦，鍾意熱氣野的我們，當然揀左後者！一上菜已經嗅到邪惡的咸蛋香，

約左班朋友食飯，有人提議去食呢間私房菜，人多岩哂去食。地方唔算大，但都夠擺4-5張大枱。裝修一般，始終私房菜唔係著重於此。砂鍋大魚頭豆腐湯，一啲魚醒味都無，而且仲好甜。麻辣鹵水拼盤，牛肚唔韌好爽口，大腸都好乾淨，兩樣都鹵到好入味。中間青瓜沙律就比較辣，但都好好味。薑葱炒大肉蟹，蟹好大隻，落左好多薑蔥非常惹味。流沙黃金蝦，成隻蝦滿佈咸蛋黃，而且炸到外殼好香脆，可以連殼食埋。花膠扒羊肚菌，汁好香濃，令到所有有營養但淡而無味既野食變得好好味。上網搵左原來羊肚菌好有養生保健既功效。薑蔥炆龍躉腩，炸完再落薑蔥炒，非常入味。士多啤梨骨，食落無望落咁酸，恰到好處，而且仲有陣陣士多啤梨既香甜味。蟹油銀芽炒麵，唔係好油，麵亦炒到煙煙韌韌，唔咸而且非常好味。芒果布丁，唔係好甜，濃郁既芒果味，凍凍地透心涼。

朋友定期約飯局聯誼聚舊🥂，今次是朋友主動作客😋，原因是他發了小横財💵💲，整定我哋有口福了👅。坐下後，服務員為我哋沖茶🍵，順道介紹只要like佢哋facebook同share就有汽水一枝🥤，舉手之勞，當然大家即時和應攞手機出嚟分享啦。💖朋友訂的是花龍蝦餐🦞，一聽就知主角是花龍蝦吧! 💥【麻辣鹵水拼盆】先來頭盤👈，鹵水絕對惹味，而且啱晒嚐麻的我，金錢肚🐂、豬肚🐖、青瓜雞絲🐓，味不會太搶，剛好。🙆‍♂️【花龍蝦】服務員👨‍🔬問我用什麼煮法🔥，可以揀上湯、乾煎或者芝士，因為唔想食得太「流」⚡，所以唔用芝士，而是叫了上湯食法💧。服務員端來的時候，龍蝦用炸麵墊起🥢，台型十足，龍蝦肉爽口😋，食得出很鮮味，上湯較清新，卻配上炸麵又很夾，不錯。🥰【薑蔥炆龍躉肉】朋友至愛吃魚🐟，龍躉肉就係其中一樣，肉厚身爽滑，基本上新鮮嘅用乜煮法都好吃🗣，而家用薑蔥🍀炆可以辟魚腥之餘，而且更加香口，魚肉表面微微煎金黃再妏，好入味，唔錯。🥢上湯浸時菜🍀，食咗咁多肉同海鮮有啲滯，所以此時食時蔬refresh一下💋，白菜仔煮得夠稔，清清地唔錯🧡。布丁香滑🍮，甜度適中⬆️，加花奶亦不錯。✅朋友中了横財💲，其實我覺得是他常做善事所致🥰

朋友約我們來到御膳私房菜，朋友說是隱世食堂，雖說是觀塘區，卻又不是太就腳，不過食好西又點會嫌麻煩，查實我從地鐵站行去都係7~8分鐘，完全唔難搵，只係工厦地下冇乜餐館嘅廣告，所以唔明顯咁解。雖然我哋都好早到餐館，但已有食客，氣氛頗熱鬧，朋友話用whatsapp同餐館訂位同菜單，夠晒方便，所以我哋上到去等食就可以了。【潮州鹵水鵝】鵝肉夠晒入味而且肉稔帶酥香，似乎煮的要花時間，鹵水汁很香，而且不會過多嘅八角味，送酒菜也。【士多啤梨骨】酸酸甜甜，相較山炒骨清甜，如果要我揀士多啤梨骨定山炒骨，我都會揀前者，一來山炒骨較酸我唔係太啱，二來士多啤梨骨嘅甜度適中不會過甜，size也相對大件，多啲肉同可以lun下骨。【蟶子】蒜蓉勁多舖滿蟶子殼，蒜蓉香噴噴飄香而來，咬落蒜蓉充斥著口腔，對蒜蓉控一定不會失望。雖則夠多蒜蓉，但要看海鮮是否新鮮才是至理名言，蟶子肉爽有咬口，滲入了蒜更惹味。【蟹油炒麵】來到尾聲通常食炒飯炒麵來包底，其實已飽飽冇空間再吃，不過蟹油的確幾香，忍唔住食兩條，食落發覺麵身軟熟，蟹油包住麵條卻油膩，食下食下大家就好快清咗隻碟。【花膠扒羊肚菌】羊肚菌本身冇乜味，要靠憲汁提升口感，而花膠炆得

上次食完之後一直都念念不忘想再嚟試吓，難得今次朋友話想食中餐，一於帶佢嚟御膳試吓啦！早幾日就WhatsApp選擇咗想要嘅餐單，朋友好鍾意食龍蝦，難得佢生日就一定係揀芝士焗龍蝦嘅菜單啦！先來麻辣手撕雞做前菜，辣辣地都幾開胃！大蜆豆腐湯，飲得出冇味精有蜆嘅鮮！主角終於出場啦！大過我隻手嘅龍蝦一開為二，再加埋芝士焗，果然係啖啖肉！而佢嘅伊面同平時嘅有啲分別，佢係用咗炒麵底，卜卜趣之餘仲增加左龍蝦肉嘅口感！好好味道！我嘅大愛蒜蓉焗大蟶子，聖子嘅size同頭先隻龍蝦幾乎一樣大，加埋我呢個最鍾意蒜蓉嘅蒜蓉王，好味到不得了！！！收碟嘅時候直情連一條粉絲都搵唔到！薑蔥炆龍躉球，應該係炸完再落鑊炒，上碟熱辣辣外面嘅炸皮係好脆！啖啖肉之餘食得出係新鮮魚！男主角出場！38頭吉品鮑魚！一切開，竟然係有流心嘅效果？？今次係我第一次喺街外邊食糖心鮑魚，果然同自己炆分別都幾大喎！咬落去有”張”嘴嘅感覺!!士多啤梨骨，個醬汁酸酸甜甜，最初會以為佢同甜酸骨冇乜分別，但係食落去你竟然會試到有真正嘅士多啤梨味，又幾神奇喎紅豆椰汁糕，好嘅一餐係應該有一個好嘅甜品作為結尾，你冇諗過一間中菜嘅私房菜佢嘅甜品係可以做得咁出色，好香

親友慶祝生日又想試吓新意思,所以上嚟openrice搵搵料。終於找到依間私房菜,網友食評絕對OK預約訂座試吓真章接待員話星期六人多要分兩段時間,所以選擇咗8:30pm。果晚因為第一次幫襯恐防難找到,所以預早咗時間到達。之後被安排坐門口對住第一張圓檯,個場實在都唔算大,幾清靜。生日嘅選咗依款菜:-8:25人齊起菜鹵水拼盤啲腸同肚好唸,入味再嚟嘅花膠真係嚇親人,凍嘅第二個主打菜居然可以咁樣味道大打折扣喇。聖子鮮甜但略嫌調味重手咗全晚最OK嘅係依隻重頭蟹,100分無論賣相,味道都滿分。薑蔥炆龍躉腩,咸咗啲,還算有鑊氣。士多啤梨骨唔多啱咀型,食剩咗比較糊口,肉本身選料亦偏肥,所以女士們咬完放返出檯面一復嘅菜色標榜嘅蟹油炒面又係滯銷,可能面身比較硬。應該可以做得好啲,有好多改善嘅空間。甜品,睇落唔覺係甚麼甚麼廚師精選喎。六個人埋單$2475,若果無改善好難有下次。