影片
電話號碼
26900311
營業時間
今日營業
07:00 - 00:00
星期一至六
07:00 - 00:00
星期日
17:00 - 00:00
以上資料只供參考, 請與餐廳確認詳情
招牌菜
食評 (12)
入火炭大家都只識得食津津，但其實行入少少呢間大排檔仲好食！推介菜式：1）冰鎮墨魚頭，好彈牙爽口又新鮮！2） 避風糖軟殼蟹，好夠熱又夠味～3） 蜜味炸脆膳 ！！最推介～勁彈牙！又大舊，食到想encore ～～4）五味炸豬手但客觀地評雞係麻麻地，今晚試左風沙雞一般雞粥幾好，但雞唔夠滑呢到可以自帶酒水 / 買海鮮黎俾佢加工自由度大～～幾好今晚6個人食叫左十樣野+4支大青島+汽水每人只係二百幾蚊抵到爛～～～老闆好好人，野食又好味都唔明點解呢到咁少好評佢位置比較黑暗難搵，但其實廚房咁正，真係路遠我都會再黎幫襯而家出面食乜都限時，又貴又唔好食。呢種大排檔風味真係好少架喇
繼續閱讀
餞別移居外地親友，故一行廿數人選址火炭西大排檔御膳廚房，貪其有冷氣開放及自成一角的空間，適合有老有嫩的大家庭暢聚。由於跟餐館負責人較熟稔，亦可預先擬定菜式。晚宴以地道風味的排檔菜式為主，蜜汁燒鱔首先登場，即日從街市購得的新鮮鱔魚，以蟠龍鱔形式切開而不切斷，塗上蜜汁下油鑊炸脆，甜美而油香四溢，菜式盡見功架，豈有不好吃之理？接力上陣是客家煎釀豆腐，煎封的豆腐沒有過多油份，外面脆身而裡頭保持滑嫩，而鯪魚肉帶點陳皮香氣，乃一道十分下飯的家常小菜。熱騰騰的炸物又再上桌，說酥炸芋卷是道手工菜一點也不為過，材料雖然簡單，製作卻需時，處理芋茸時容易引致痕癢，捲起腐皮亦需巧手。至於碟中央的豬手彷彿淪為配角，但吃來也毫不遜色。來點稍為健康的蔬菜平衡一下，端來的炒豆苗依從傳統做法，用雞油及蒜蓉快炒，滑溜溜而保持爽脆，迅速就被清碟。另一道下飯菜明顯是沙嗲牛肉炒芥蘭，塊塊掛汁的牛肉片完美演繹沙嗲牛的精髓。醬汁鹹中帶甜，幼細的花生碎散落其中，洋葱和芥蘭也炒得爽脆。雲耳藕片西蘭花清清味蕾的間場菜式，西蘭花和藕片清新可口，為重口味的下道菜做好準備。姍姍來遲的海鮮三部曲，味道稍為溫和的茄汁煎蝦碌率先奉客。茄汁剛好裹上每隻大蝦，碟邊也沒有半點多餘油份，意料之外是大蝦香脆得可以連殼同吃呢。香氣撲鼻的豉椒炒蜆未上桌已令人垂涎，充滿鑊氣的小炒絕對是大排檔的標記，濃味醬汁依附在蜆肉，是啤酒的最佳良伴。再來一道椒鹽鮑魚，調味上稍為辣了一點，但也辣得過癮，鮑魚鮮甜味美，每人一隻吃得甚為滿足。沙薑雞處於海鮮三部曲之後出場，大概有點吃虧：味道沒有之前菜餚的霸道，但嫩滑的雞肉吃來毫不失色，調味也適中。押尾的豉油王炒麵教一眾長輩翹首以待，明明已經吃得飽撐，喝得大醉，總要吸收一點澱粉質才感覺良好。觥籌交錯間，不知不覺來到晚宴的尾聲。感謝貓店長也來送客呢！今日一別，也許良久才能再聚，也許排檔亦已變天，唯有記憶中的情味，永恆不變。
繼續閱讀
朋友仔介紹呢一間好耐都冇機會試。今日天氣轉涼，疫情下不能出去打邊爐所以買了一份滋味羊腩煲回家。羊腩又肥美又多件數最緊要就係好味。天氣咁凍食完羊腩煲成身暖囇。平時出街食羊腩煲都係得幾件。今次真係與別不同，三個人叫一份羊腩煲食到捧住個肚！羊腩煲10分足料，冬菇厚厚的，有好多冬筍⋯⋯正！椒鹽鮮魷同埋小炒都好好味。鵝腸一份多過出其他餐廳份量很多，食極都食唔完。價錢一流冇得頂超抵食。2020年出街食飯的日子不多，所以真係好應該去買回家食，支持小店，
繼續閱讀
間唔中就想食吓大排檔，最重要呢度大份抵食有鑊氣！碟豉椒炒蜆中到嚇親人，而且真係有肉，唔係俾啲殼你。辣度有得揀大/中/細，如果食辣海鮮合味道杯麵都覺得有啲辣，勉強都食到中辣。炸蠔都幾新鮮同大隻，皮唔會好厚。椒鹽九肚魚幾大條，有鑊氣，但魚肉易散咗啲，但夠味嘅。腐乳炒通菜好鬼脆嫩，正！老闆送咗碟小食俾我哋，係炸魚仔伴豬耳，幾得意。食咁多嘢再叫3枝汽水埋單都係HKD288，真心要再嚟食！美咪指數：8/10抵食指數：8.5/10
繼續閱讀
原本諗住食津津，點知勁黑仔，停電，冇得食。以為火炭間間都應該好食啦，咁就求其去左第二間，諗住都係食小菜啫，應該冇事啦點知就中伏叫左5個餸，全部都勁鹹，個雞粥係求其放隻腌左嘅雞落去同啲粥撈埋就算，仲有個黃金軟殼蟹，真係不知所謂，炸到燶晒，勁油益，完全食唔落。連最容易整嘅粉絲什菜煲都可以勁難食，連啲白飯都係劣質米，真係反白眼其實做唔到晚市小菜就唔好學人做啦！簡直係為害人間！重點：價錢唔平，整啲垃圾出黎！
繼續閱讀