御滿屋日本料理

營業中

休息中

正常味道嘅野食有：火炙三文魚、牛油粟米、刺身類，中規中矩有啲驚喜佢嘅苿莉綠茶，幾好飲，要自己加熱水有啲Haagon Dazs雪糕，都唔錯大部分都好咸：湯、燒比目魚、牛舌、牛柳粒、燒海蝦，洗腎套餐，咬落去永遠都係鹽，咸到死點解燒雞翼可以一D味都冇，皮食落脆脆地，入面熟嘅，但係冇味道除咗雞味，可能要自己加醬料調味羊架腥到完全食唔落，聞到就黎嘔，勉強食咗之後得一陣鹽味，去到其他舖頭都有不過員工們差唔多到時間會提我們差唔多截單快啲落單，截單之後再貼心問我哋有冇嘢未出快啲出，拖地都有提我地小心滑，所以主要都係食物嘅問題嚴重總結：238（未計10%service charge) 一位，我叫左A set。啲嘢食唔好食，所以好唔抵，雖然咩都有叫一叫，佢哋D嘢食出得耐又細份，好彩細份如果唔係都食唔完。下次打死都唔會再黎，白色情人節食到黑晒面，收碟快過出餐，聽講對同性戀友善所以黎支持下，結果都係非常失望

應該都有幾年無食過放題啦～一路對放題嘅觀感都麻麻地，不過見朋友好想食就嚟咗，估唔到最後都令我改變立場！雖然只係揀咗A餐，但食物款式已經超多～🍽️刺身／壽司類刺身類全部都好新鮮肥美！特別推介阿根廷赤蝦，大隻得嚟又夠晒甜，超滿足！油甘魚同劍魚腩油份十足～吞拿魚蓉手卷同海膽手卷屬一口size, 一啲都唔腥，吞拿魚蓉無筋，海膽又夠甜，啱晒啲乜都想食嘅人！鹽燒左口魚邊壽司，鹽落得重手咗啲，不過勝咗燒過嘅左口魚邊入口即溶贏返～🍽️燒物／炸物類天婦羅炸漿都幾薄，食落唔heavy芝麻雞翼脹卜卜，香口薄燒西冷牛，外面個層燒到帶點脆身燒菠蘿，強烈推介，超級甜！個人encore咗3次🍽️鍋物類羊腩煲，羊腩啖啖肉，馬蹄配料都俾足牛肉壽喜燒，份量唔少，味道正宗🍽️甜品飲品類超多選擇，個人推介熱sake，飲落唔嗆喉蛋糕慕絲雪糕樣樣齊，haagen dazs / dreyer's 都有得食

我今日放左工後，約同好友去位於荃灣眾安街55號大鴻輝（荃灣）中心10樓的御滿屋食日本料理。我和好友都點左A餐，最方便的點餐就是用 QR code ，我地首先就點左刺身，每款一個 : 角螺刺身、甜蝦、赤蝦、帶子刺身、希靈魚、北寄貝、油甘魚、挪威三文魚、劍魚腩等，另有御. 泰之味冷鮑魚（好有特色），海膽手卷（好的式），花之戀，蒲燒鰻魚，鐵板牛柳粒，芝士咖喱肉醬玉子燒，龍蝦三色塔，燒有機菠蘿，鹽燒牛舌，鹽燒海蝦，燒紐西蘭羊鞍.....整體黎講係食物款式好豐富，上菜速度快，收碟好快捷呀！炸物香脆，刺身新鮮，用餐時間有120分鐘，相當充足。

💡有質素保證既日式放題餐廳設有唔同套餐，今晚揀左套餐A，有77品，食物選擇已經相當豐盛，而且食物都好新鮮。尼度座位寬敞舒適，可以舒舒服服咁享受美食。🍽️高質刺身食日式放題當然最重要係刺身啦，呢度嘅刺身種類都有唔少，三文魚、油甘魚、帶子、赤貝、北寄貝、海螺、赤蝦等等，每一件都好肥美鮮甜。🍽️ 熱葷值得一讚熱葷同樣出色，特別推介凍鮑魚，鮮味十足，而且相當爽口彈牙。仲有燒牛肉同牛舌，肉味香濃，而且好juicy。其他燒物、天婦羅都相當出色。🍽️ 豪華級既自助區自助區除咗有一般既前菜小吃，甜品陣容就相當豪華，有Movenpick、Häagen-Dazs雪糕，誠意滿滿。仲有啤酒、清酒選擇，滿足一班愛酒之人。

最近發現原來荃灣都有放題食架 作為放題控嘅我梗係唔會錯過啦！位於大鴻輝(荃灣)中心10樓嘅⭐️御滿屋日本料理⭐️ 好易搵 店內光猛 分自助區同座位區 座位同通道都幾闊落 放題共120分鐘 有A-D餐揀 今次揀咗經濟實惠嘅「套餐A - 77品」😋✨自助區✨甜品區 - 甜點、軟/硬雪糕、生果飲品區 - 大量汽水、特色飲品、咖啡/茶、清酒熟食區 - 炸物、湯等如要自助區以外嘅就可以用QR手機落單！首先梗係落必叫嘅「刺身船」啦！刺身好出色呀 三文魚肥美 赤蝦、甜蝦同泰式鮑魚爽口彈牙 帶子同北寄貝鮮甜美味另外仲有一品料理 - 竹笙瑤柱蟹肉羹、麻辣小龍蝦、薑蔥炒花蟹壽司 - 龍蝦糕赤蝦壽司、特濃芝士燒醬牛肉壽司、芝士咖喱肉醬玉子燒、海膽手卷串燒 - 鹽燒海蝦、鹽燒牛舌燒物 - 蒜蓉燒生蠔、燒羊鞍煮物 - 瑤柱海皇粥、古法羊腩煲、日式蠔鍋廚師推介 - 御品鮑汁燴花膠、萵筍炒蝦球天婦羅🍤炸物 - 台式地瓜丸、椰汁🥥流心球食到最後梗係唔少得叫「燒菠蘿🍍」啦！鮮甜多汁😋店員亦非常親切 上餸同清碟速度都唔錯！

一直幫襯開 有信心保證「御滿屋」餐廳新裝修好簡潔寬敞 落地大玻璃夠光猛大部份都以梳化位為主 坐得舒服完全沒有很逼夾的感覺～～.🇯🇵 套餐A - 77品料理 🥢就算係最平的套餐都很高質 有水準 多選擇刺身 | 壽司 | 手卷 | 卷物 | 串燒 | 燒物 | 煮物 | 一品料理 | 天婦羅等都有齊哂而且收碟速度快 唔怕疊到成枱都係碟.＊三文魚同油甘魚新鮮肥美 正到encore😆＊仲有海膽手卷 完全冇苦味 一啖食晒勁滋味＊竹笙瑤柱蟹肉羹 好足料又夠味 推薦✨＊椰汁流心球 入面係椰汁西米露 好香好特別＊蒜蓉燒生蠔 老公啪咗幾隻都話好鮮甜惹味仲有好多都好食 呢個套餐性價比真係好高❗️.出面自助區位置都好多款式 應有盡有！沙律 | 海鮮冷盤 | 日本前菜 | 藤椒魚皮 | 豬耳 | 炸物 | 爆谷等等 眼見都超過30款🤩.飲品區除咗基本汽水果汁啤酒之外仲有好搶手嘅日本梅酒 | 清酒 任飲🍶天氣咁凍飲一飲熱Sake夠哂暖身 爆谷勁多焦糖 完全唔淋 食落口脆卜卜焦糖仲要怖滿每一粒 一嚟到已經食唔停口😝.雪糕區都好開心 選擇多 味道比其他放題特別任食Haagen-Dazs | Dreyers | Mov

御滿屋放題新店😚任飲任食新裝修,環境舒適,位置好方便♡QR Code點餐 ，食物十分快上枱， 店員收碟頻密迅速。A餐約$200，禦滿屋有海膽手捲,真係幾抵食呀😆 佢嘅生果哈密瓜超甜多汁🈶️刺身魚生選擇多 感覺到好新鮮 ， 我最喜歡吃三文魚好肥美🉐️、 其他有長腳蟹 ，油甘魚、劍魚、八爪魚 、榮螺 、 甜蝦👍🏻帶子大大粒。🈶️有天婦羅海蝦🍤 秋葵 ，茄子 ，即叫即炸脆卜卜。🈶️ 蒜茸燒蠔 及蠔壽司 如果喜歡吃好的可以品嚐🈶️ 炸物放題必吃 🉐️，芝士年糕 及炸榴槤炸彈等🈶️ 前菜沙律： 中華沙律、味付螺肉、麻辣帶子裙邊、泡菜🈶️ 炸物： 薯角、麥樂雞、薯條 。好味呀🈶️ 小食串燒蝦、芝麻雞翼🉐️， 蒜香牛肉粒 ，牛肉薄片放題必叫食物， 章魚小丸子，雞軟骨🈶️雪糕Movenpick、Haagen-Dazs、Dreyer’s 等， 有特別嘅口味🈶️甜品： 蛋糕、布甸、雪糕 ，cookies 🈶️多款飲品：啤酒、梅酒、清酒， 冬瓜茶 、烏龍茶、 咖啡、汽水果汁好多款式。♡

諗今晚食咩，永遠都係最難嘅topic😆！去御滿屋食放題就唔使煩惱啦！食物種類包羅萬有，嘢飲都可以隨便攞，仲有唔同高質牌子嘅雪糕，選擇眾多乜都可以試吓🥰 性價比非常之高！✨刺身刺身種類繁多，我哋嗌咗三文魚🍣、阿根廷赤蝦🦐、松葉蟹棒🦀等等，全部都新鮮好食，想食咩種類都有！建議大家一口氣叫晒想食嘅刺身，大大滿足感😋✨美味炸物我哋嗌咗芝麻雞翼、吉列炸蠔同埋貓山王榴槤炸彈，全部都炸得啱啱好，食完一碟都忍唔住再encore🤤✨燒紐西蘭羊鞍羊鞍燒嘅時間啱啱好，上格溫度亦十分完美，肉質嫩滑而口味亦都啱啱好，必食推介！☺️✨竹笙瑤柱蟹肉羹最近天氣都幾凍，喺呢個時候飲番碗蟹肉羹實在係暖透心🍲絕對不能錯過！

My friend and I went to a restaurant called "Superior Manya Japanese Restaurant" located in 10/F, Tai Hung Fai (Tsuen Wan) Centre, 55 Chung On Street, Tsuen Wan荃灣眾安街55號大鴻輝(荃灣)中心10樓..Thai abalone泰式鮑魚.with Thai sweet and sour sauce seasoning.the abalones are soft and tender..Beef brisket燜牛腩.huge chunk.soft and tender..seared Halibut .the fillets are flaky .nicely seared with crispy skin..roasted sea prawn鹽燒海蝦.the prawns are fresh ,sweet and jambo sized..lamb casserole 羊腩煲.nicely seasoned.generous

自從覺得自己細食左之後就少左食放題，驚會唔會回唔到本。最近荃灣區嘅朋友就帶我去大鴻輝食日式放題「御滿屋日本料理」。入門口會經過飲品嘅放置櫃，最想知當然有冇乜少見嘅飲品。睇到酒精類嘅櫃，竟然有8款唔同嘅啤酒，當然仲有罐裝日本梅酒，即刻拎嚟試下。之後會見到雪糕櫃，淨係貴價雪糕都有3款，MÖVENPICK、Häagen-Dazs和DREYER'S。雖然想食，但係都係食左正餐先。食放題第一步當然要叫哂刺身先，三文魚、赤蝦、吞拿魚、杋立貝、油甘魚等等都齊全，最緊要係完全冇雪藏味，勁新鮮。手卷我就試左吞拿魚蓉和海膽，壽司類就不仿試下花之戀。熟食類燒雞翼都好香脆，仲有羊架都夠大件，而外層又燒到焦香。最後天婦羅都好有驚喜，完全新鮮炸，又唔會覺得油膩。

荃灣新裝修既「御滿屋」🫶🏻落地大玻璃好靚💛地方寬落坐得舒服😌 主打日式料理放題，但都有多款鐵板燒食物，大堂自助吧提供一系列飲品、前菜、熱盤、甜品、雪糕等☺️揀左套餐A有77品料理👍🏻就算係最平的套餐都很高質，而且多選擇。刺身、壽司 🍣、手卷、卷物、串燒、燒物、煮物、一品料理、天婦羅🍤等都有齊哂🤩呢個套餐性價比真係好高！飲品區仲有好搶手嘅日本梅酒&清酒🍶雪糕區都好開心！因為有Haagen-Dazs❤️Dreyers🤎Movenpick💛3個牌子同時出現呀😍😍呢個價錢食到咁多好嘢👏🏻絕對食到回本😝

荃灣御滿屋今次係我哋一家同bb第二次過嚟餐廳食，我哋選擇咗A經典三重新鮮刺身江洋盛宴77品套餐，早鳥時段都係$248，如果早到去食，其實唔使同人迫都幾方便🥰每次嚟到日式放題料理，我都會先睇吓佢哋個甜品櫃，啲甜品好精緻啊，有日式果子，慕絲果撻，千層蛋糕，馬卡龍等選擇都算多，雪糕品牌都好出名😍movenpick香濃（特濃）咖啡Haagen-Dazs果仁口味💕Dryers 烏龍茶味雪糕（烏龍奶茶香）仲要有3.6牛乳雪糕配料任加甜品配搭免費升級烤榴槤任食✨烤榴槤好似雪糕咁creamy 榴槤味好重好香好好味🤤重複叫左幾轉✨我地仲有叫埋帆立貝，赤蝦，赤貝，全部都好新鮮，魚油分佈均勻✨熟食烤蠔既蠔肥大肉厚，加埋蒜蓉辣椒食一流，朋友最鍾意佢食佢既汁海鮮，覺得好惹味✨一御品鮑汁燴花膠，塊花膠每塊都大大隻，烹調保持花膠軟滑滋味，花膠嫩滑有膠質，伴上原隻爽口花菇，鮮味十足

🤩🍶享受被食物包圍嘅感覺，所以有時想食放題滿足下！荃灣新開呢間日式放題，$258/位任食刺身壽司、串燒、炸物、鍋物，最正連鐵板燒都有，Movenpick、Häagen-Dazs雪糕任食，梅酒清酒都任飲，性價比極高！🍣高質刺身可以揀既款式都幾多，有油甘魚、帶子、赤蝦，松葉蟹棒，赤貝，北寄貝，馬刀貝，三文魚，吞拿魚，希靈魚，鮑片等，款款都好新鮮，尤其帶子、赤蝦同希靈魚，特別鮮甜爽滑！🍢熟食款式勁豐富有薑蔥炒蟹、蘆筍炒蝦球、鮑汁燴花膠、蒜蓉燒生蠔、日式炒蜆、鐵板牛扒，估唔到連羊腩煲都有！個人推介：和風牛柳粒、西京比目魚、牛肉薄燒、鹽燒牛舌、榴槤炸彈，呢幾款都出色好食！🍰豪華級自助區自助區仲有大量前菜、小吃、飲品、甜品陣容相當鼎盛，有Movenpick、Häagen-Dazs雪糕，仲可以用軟雪糕機同爆谷機！

好耐無食放題啦，一講放題就會諗起呢間餐廳，地點方便就腳，最近仲重新裝修過，環境乾淨舒服🙂 呢度放題有不同套餐選擇：A-D餐，價錢由二百幾到六百幾蚊不等，當然價錢愈高套餐包含既食物愈豐富，最高果款套餐係有大拖羅任食! 我地點左 經典組合A 77品 🤩呢個套餐已經有多款刺身壽司熟食任食，一入門口係一大排飲品櫃，有汽水，茶，台灣果汁，啤酒，梅酒都有，最誇張既係竟然有清酒機任飲! 仲有爆谷機，自助熟食區，沙律區，甜品區，雪糕櫃，同埋特飲區🤩真係好多選擇！ 除左出面既自助區，自己響座位度掃QR CODE 落單，好方便👍 三文魚夠肥美，大赤蝦，北奇貝，北海道帶子好甜好新鮮，所有刺身都用冰底上，刺身好大件 特別係大赤蝦！真係好大隻，必點！🦐🦐🦐 熟食方面，好中意食呢度既 西京比目魚，芝麻雞翼，燒牛舌，薄牛肉，羊扒，燒菠蘿，炸蝦天婦羅樣樣都係熱辣辣岩岩燒好上枱 ☺️甜品好多選擇！雪櫃有勁多雪糕雪條，雪糕有haagen dazs,同 movenpick都係任食！另外仲有軟雪糕機可以滿足下自己扭雪糕既願望😂 總結之言，呢間放題好高質，點左5轉都無出現過漏單情況，職員好友善好好服務👍🥰

刺身拼盤到！三文魚、帶子、甜蝦同阿根廷紅蝦新鮮得嚟令人垂涎欲滴。三文魚肉質鮮甜，帶子、甜蝦同阿根廷紅蝦都有獨特嘅鮮味。每一口都帶嚟滿滿嘅鮮味❤️芝麻雞翼炸到金黃香脆嘅雞翼，外脆內嫩，每一口都飽滿咬勁。芝麻嘅香氣同雞肉嘅鮮味完美結合，令人難以抗拒。花膠炆得入味，質感韌滑，食落去令人有種養生嘅感覺。秋刀魚肉質鮮美，油脂豐富，入口即化。燒得恰到好處Häagen-Dazs同Movenpick雪糕任食，真係令人興奮。兩個品牌嘅雪糕款式多得令人目不暇給。清酒煮蜆—清酒煮熟嘅蜆肉鮮嫩多汁，帶有淡淡嘅酒香，令人嘆為觀止。每一口都能夠品味到蜆嘅鮮味同清酒嘅香醇炸蝦卷同灸燒三文魚壽司——蝦卷外脆內軟，蝦肉鮮嫩多汁，加埋酥脆嘅外層，味道更加豐富。而其他兩款都非常好食除咗以上嘅菜式，全場嘅小食都相當豐富多元。薯條炸得金黃酥脆，每一條都鬆脆可口，配上各種醬汁更加美味。冷盤中嘅八爪魚中華沙律清爽開胃，八爪魚肉鮮嫩，配上豐富嘅蔬菜同醬汁，口感豐富。甜品同生果方面，選擇多種款式，無論係慕絲蛋糕、布甸定是係水果🍉，都令人垂涎欲滴。而所有罐裝飲品都任飲任食，提供多種選擇，可以隨心所欲地享受飲品。總括而言，呢間餐廳提供嘅食物