御滿屋日本料理

營業中

休息中

在旺角行完街，朋友想食放題，上網睇 Open rice “御滿屋”日本料理$258/ 1位任食 2小時最特別是有“榴槤”自取前菜：🥙有好多選擇小小海鮮/韓國泡菜/中華沙律/枝豆/辣味螺肉/漬物.......自取：Haagen -Dazs 雪糕/雪條/飲品/甜品/水果都有3個大雪櫃選擇，還有青酒/茶包/咖啡.....刺身：鮮甜大粒帶子大大隻鮮甜赤蝦🦐油甘魚/三文魚/赤貝，全部都超級新鮮👍👍壽司🍣🪄火灸群邊油香勁正，好味到不停encore 😋鰻魚卷芝士牛肉壽司芝士鰻魚壽司燒鰻魚“要讚”超級喜歡細細件👍🪄海膽手卷🪄吞拿魚蓉手卷食完又encore紙菜可以保持脆卜卜👍燒物🪄比目魚嫩滑油香燒菠蘿/雞軟骨/牛舌/羊架/牛排...炸物：🪄🦪吉列炸蠔超正熱辣辣要 encore 幾次😋天婦羅炸蝦/粟米條/南瓜/秋葵炸到金黃色🪄重點要留肚食“榴槤”第一次食燒馬來西亞“榴槤”真係無得輸好香好滑，當然有無燒榴槤都好好味😋總括：食物款式多食材質素高，QR code 落單1 - 2 分鐘就到，完全無漏單，服務員態度好好👍

今次同屋企人食放題有驚喜，有得食馬來西亞烤榴槤同埋新鮮水果榴槤，勁開心！除咗刺身壽司之外，仲有啲好有創意嘅壽司，例如係：榴槤肉加州卷、龍蝦三色塔、芝士咖喱肉醬玉子壽司……推介榴槤肉加州卷同埋龍蝦三色塔。榴槤肉加州卷係個頂有少少榴槤蓉加上加州卷一啲都冇違和感，亦都唔臭，好食！而龍蝦三色塔就有魚子醬、龍蝦肉、同埋有啲類似吞拿魚蓉嘅魚生整成嘅三層壽司。頭盤有啲泰式fusion嘢：例如有冷盤酸汁辣椒鮑魚仔、有蒜蓉辣椒卜卜蜆湯，都非常出色，卜卜蜆仲要係粒粒殼都有蜆肉㗎 ！仲有海膽手卷，呢個真係超正。而且order嘅軍艦壽司，紫菜上到嚟嘅時候仲係脆卜卜㗎，而唔係霉晒嘅紫菜！雪糕仲係任食😍😍行出去攞嘢飲嗰邊見到個雪糕櫃，入邊裝滿好多款唔同種類嘅雪糕，真係眼闊肚窄！烤榴槤真係第一次試，仲要係日式放題呢度試，估唔到又幾好食喎，烤到個皮有少少脆同收左水，但咬開又好甜喎啲果肉，一啲都唔難食。呢度嘅職員都好有效率，上菜快，食完收碟效率都好快，今晚兩個人可能早到，就坐到四人卡位，所以坐得好闊落好舒服。

得知呢度最新推出咗馬來西亞榴槤放題，同朋友立即黎晚餐，指定時段唔使$300就可以任食刺身、馬拉榴槤、清酒梅酒、Häagen-Dazs 等等。揀幾樣分享一下～ 🥢刺身應有盡有，咁多款之中油甘魚、劍魚腩同大赤蝦係最愛。劍魚腩肉質肥美，油甘魚鮮甜嫩滑。⭐️榴槤榴槤分原味同燒烤兩款，經過燒烤既榴槤味道會更香甜，口感更順滑。兩款我哋都有食，榴槤濕乾都有，真係食幾件已經夠回本🥢和風牛柳粒牛柳粒加入咗黑椒同醬汁去炒，肉質柔軟嫩滑🥢蒲燒鰻魚鰻魚入口Q彈，肥嫩嫩好好食🥢蒜蓉燒生蠔連燒生蠔都有，蒜味重，蠔肉都幾大粒🥢燒有機菠蘿燒過後味道超甜🥢海膽手卷海膽味夠，味道夠鮮🥢榴槤炸彈甜品又係榴槤，一啖熱辣辣～ 榴槤溶晒口中🥢芝麻雞翼世一芝麻雞翼！外皮炸到脆卜卜，雞肉保持嫩滑🥢鹽燒牛舌牛舌比較薄身，入口軟嫩爽口，配啤酒一絕！🥢御品鮑汁燴花膠鮑汁香濃，花膠大塊，都係回本腐選

御滿屋日本料理同男朋友都鍾意放題，諗唔到食咩？就放題啦，因為咩都有得食😋💛刺身今日食左三文魚、劍魚腩、帶子、赤蝦、甜蝦、八爪魚、北寄貝等今次有少見既劍魚腩😍 油脂豐富，太正啦！帶子好大粒！刺身都好新鮮💛燒物今次偏細隻，但味道都係好香好惹味雞翼入哂味！ 一咬落去滴哂肉汁燒菠蘿酸酸甜甜好開胃😋💛榴連而家任何放題都免費升級任食馬來西亞烤榴連呢個季節仲食到榴連實在太幸福😍有烤同唔烤兩款，個人覺得無烤好食啲😋 我地食左好多舊😋 極易回本系列💛飲品有各類紙包飲品、罐裝飲品、啤酒、清酒、梅酒任飲罐裝啤酒都有5款可以揀💛雪糕最後仲有雪糕、甜品同水果食，真係寫上一個完美既句號今次轉左雪糕任食，仲有haagen dazs任食😍價錢：$258（加一）⭐️⭐️⭐️評分：9/10⭐️⭐️⭐️📍御滿屋日本料理 (旺角)旺角彌敦道655號胡社生行1樓

榴槤季節過咗，朋友知我想食，好有心約我黎食榴槤放題🫶🏻 主角係榴槤，total叫左4轉，大部份都好香甜軟糯，唔會乾硬或者熟到苦。另外仲有烤榴槤都幾特別。今次食到最驚喜竟然係👉🏻豉椒炒蜆🫶🏻味道偏濃辣辣地好惹味，拍得住坊間酒樓出品。朋友就好中意泰式鮑魚仔。天氣涼食唔到太多刺身，淺嚐左甜蝦、帶子、角螺、北寄貝，角螺勁甜，甜蝦軟軟糯糯，勁中意食。另一驚喜係雪糕雪條都任食，當晚有M記朱古力味，我哋食左H記曲奇味，仲去咖啡機拎espresso自製左affogato😎

豐富日式放題🫣 餐廳主打日式放題任食 供應多款食品 例如刺身、壽司、炸物等 亦設有自助區可以任攞Häagen-Dazs雪糕！亦有各式各樣飲品、小食等等🥰🥰🥰====᪥ 晚市放題A餐 $248起任食77品食物 主打三文魚、油甘魚、海膽手卷等 食物選擇繁多！包括刺物、卷物、火灸壽司、串燒、鐵板、天婦羅、炸物、燒物等等～ 點餐後放餐速度都好快 ====以下係小編覺得唔錯嘅食物！᪥ 海膽手卷᪥ 刺身᪥ 燒榴連（可以選擇唔燒）

來旺角晚餐最開心就是揀食放題，今晚就食胡社生行的御滿屋。餐廳裝修環境舒適、寛敞。餐廳放題豐富，有自助區及網上點餐，自助區也勁多選擇，熟食、冷盤、炸物，炸薯條、 炸魚餅、自制沙律、中華沙律、螺肉酸辣鳳爪、爆谷、飲品清酒、梅酒、啤酒、汽水、甜品……等，網上點的刺身、壽司、燒物、天婦羅、炸物……等等，任飲任食，非常多款式！燒物中不可錯過的當然有燒紐西蘭羊鞍、鹽燒雞軟骨、蒲燒鰻魚、鹽燒秋刀魚、鹽燒牛舌、西京比目魚、燒有機菠蘿，當中最愛的當然是啖啖肉 的燒紐西蘭羊鞍，香甜的蒲燒鰻魚∼∼芝麻雞翼及榴槤炸彈，每食放題，榴槤炸彈當然不會放過，外脆內流心的榴槤炸彈，濃濃的榴槤香，芝麻雞翼肉嫩香口。還有秋葵天婦羅、南瓜天婦羅、粟米仔天婦羅、蒜蓉燒生蠔……，款式豐富好味∼∼新增的馬來西亞榴槤，有經燒烤的也有不燒烤的兩款，味道都有不同，經燒烤過的肉質稍為緊緻，但多了重燒過的香，味道稍為濃鬱香甜，未燒過的軟淋香甜，不同的味道，任食的榴槤哦，是我的至愛😍經典一品料理、經典廚師推介中的御品鮑汁燴花膠日式炒蜆、和風牛柳粒雪花牛鍋……，尤其是和風牛柳粒，煮得惹味剛好熟，御品鮑汁燴花膠，啖啖的骨膠原∼∼御-泰之味冷鮑魚，

店名: 御滿屋日本料理 地址: 旺角彌敦道655號胡社生行1樓旺角站E1出口，行20秒環境: 堂食價錢: 4/5味道: 4/5御滿屋日本料理於全港總共有三間分店，分別係旺角，大埔，最後係荃灣，旺角分店坐落於彌敦道655號，離地鐵站E1出口十分近，地點方便😆而御滿屋日本料理都一直以性價比見稱，佢地設有午市定食，同晚市套餐（放題），晚市套餐有分為A, B, C, D餐四款🥰而今次我地一行兩人就去左旺角分店食放題A餐，已經包括眾多刺身，壽司，燒物，天婦羅，鍋物同甜品等等😝今次食既A餐主打刺身分別係油甘魚，三文魚同北寄貝，套餐仲有免費升級，無限任食馬來西亞烤榴槤，中意榴槤既大家可以一試🥳A餐$288@1位刺身❤️❤️❤️❤️❤️刺身方面，佢地有三文魚，油甘魚，帶子，劍魚腩，赤貝，鮑片，角螺，北寄貝泰式生蝦，希靈魚，大赤蝦，蟹棒，八爪魚同冷鮑魚👍🏻當中每款都爽脆加少少黏口，最為推薦油甘魚，三文魚同埋帶子刺身，三款都肉質厚實，其他刺身類型都厚身質感，富口感😙壽司❤️❤️❤️❤️壽司方面，佢地有鹽燒左口魚邊，火炙三文魚，馬刀貝等等款式🥳比較推薦花之戀同鹽燒左口魚邊，比較有口感，及香口😛炸物❤️❤️❤️❤️炸物方面，今次就食用

已經第N次幫襯食呢間日式放題，性價比超高，而且唔會中伏～最平嗰個set人頭唔使$300，之前試過食最貴係正嘅，今日唔係太餓就食平平哋嘅A餐～外面嘅自助吧有前菜沙律、川味小食、飲品任飲，甜品放題～基本上你一定搵到鍾意食嘅野～刺身非常新鮮～我係蝦刺身嘅粉絲，真係唔係間間都好食，呢間要讚，蝦好爽彈、充滿蝦味～帶子刺身亦都非常新鮮～呢度嘅火炙同埋卷麥壽司都必食，細細件，連舊飯都係細細舊，完全係公道又有心思整～鰻魚迷必食～完全冇腥味，係高級居酒屋嘅味道～卜卜蜆雜菜煲，幾清新同特別，仲可以食下菜中和下～燒物方面我encore左呢幾款，羊鞍唔騷肉質係濃濃嘅嘅羊肉味；薄燒牛肉超驚喜，燒完仲係勁juicy；蒜蓉燒生蠔更正，燒到大致八成熟，唔會縮晒水，蠔味濃～

好耐無食放題了！一出旺角E出口就會見到滿目琳琅噶餐廳招牌，餐廳多到唔知點揀😂最近地鐵站噶日本放題就係御滿屋！地點方便就腳，重點係啲嘢食選擇多！尼啲季節都仲有得免費升級無限任點烤榴蓮！今次我揀左最基本噶放題套餐，食物的選擇都好多，足夠食回本！刺身都會整齊地排列出黎，視覺效果甚佳！食落新鮮無雪味！必試大赤蝦，肉質爽口鮮甜！芝麻雞翼和榴蓮炸彈都係一如既往咁香脆好味😋有多款創意迷你手卷，尤其是海膽手卷，鮮甜完全無苦澀味！忍唔住食多左幾個🤪熱食的質素都唔錯，有辣辣卜卜蜆煲，花膠花菇，香煎西冷扒…好味食唔停！===== ===== ===== ===== ===== =====📍 御滿屋日本料理 旺角彌敦道655號胡社生行1樓#moooveat #moooveat美食 #moooveat旺角#moooveat日本菜#放題#吃到飽#日本菜#刺身拼盤#炸物#一品料理#旺角美食#御滿屋日本料理#superiormanya

咁多間放題你試過曬未？唔洗搵啦，御滿屋嘅食物選擇特別好👍🥇刺身拼盤（挪威三文魚，油甘魚，劍魚腩，甜蝦，帶子刺身，泰式生蝦，八爪魚，禦.泰の味冷鮑魚-色水好，刺身絕對高質，要再點多次唉😝。🥈燒紐西蘭羊鞍—椒鹽BBQ。唔騷、肉質新鮮。🥉美國博燒牛肉-捲起嚟食特別正🥩。鐵板紐西蘭西冷牛扒-鐵板唔夠熱，不過有新鮮西冷牛扒味補足。虎蝦，秋葵，南瓜炸天婦羅-蝦同秋葵都皮脆肉鮮，同伴話味道適中。Sake-暖笠笠自然唔怕食多幾碟凍嘢😚 Häagen-Dazs（cookie味）-冇得頂，冠軍級雪糕🍪無限攞😭Movenpick-Swiss chocolate-無敵瑞士朱古力加朱古力脆粒組合🍫泰國榴槤-新鮮多肉，也有燒榴槤可選。貓山王炸榴槤-同伴嘅至愛。椰汁流心球-皮脆加熱嘅椰汁。其他好味食物：日式炒蜆、吉列炸蠔、醬燒蠔壽司、花之戀、海膽手卷（太細）、海膽魷魚軍艦（海膽呢？ ）、榴槤加州卷、三文魚芙蓉蟹柳小卷、飲品吧、零食。星期一至四8:30後入座成人$258。五六日$268。

至抵推介旺角日式放題御滿屋，唔單止食飯水準高，而且價錢相宜，8:30pm後入座天低至$258/位，超高CP值。仲有飲品、小食同甜品任食。御‧泰の味冷鮑魚泰式鮑魚辣味十足，鮑魚彈牙。刺身拼盤刺第拼盤則叫了挪威三文魚、油甘魚、北寄貝、角螺刺身、帶子刺身、甜蝦等6款自選刺身，擺盤除左適合打卡外，用料亦都相當新鮮。海膽魷魚軍艦、蟹子軍艦、海膽手卷用料新鮮，入口鮮味。海膽手卷相當出色，飯量不會太多，一口食哂之餘又不會太飽肚，可以食多幾舊手卷。鹽燒雞翼、鹽燒海蝦、蒜蓉燒生蠔串燒即叫即燒，送上檯面都係熱辣辣，而且燒得剛剛好，不會太乾，又保留到肉汁和鮮味。鹽燒雞軟骨味道可以媲美坊間串燒店，好食。美國薄燒牛肉多汁，好食。最後仲有haagen dazs雪糕一個可以講係大滿足。御滿屋日本料理 (旺角)📍地址：旺角彌敦道655號胡社生行1樓

兩星期前先食完荃灣分店，點知今日又心思思想食放題，見上次御滿屋荃灣分店質素咁好，原來旺角都有分店，今日加完班，即刻捉埋同事黎食多次放題。  同荃灣分店一樣，餐廳都有自助區，自助區可以自己攞野飲、冷盤、炸物、同唔同類型嘅甜品。而手機落單就有刺身、壽司、手卷、串燒、燒物、天婦羅、炸物、熟食。  前菜食左青口、凍蝦、麻辣帶子裙邊、泡菜等等，都好好味。  刺身例牌叫左三文魚、油甘魚、劍魚腩、大赤蝦、甜蝦、帶子同北寄貝。款款刺身都好鮮甜，可能旺角分店人流更多，所以食物好似比荃灣分店更新鮮。  燒物今次都叫左牛舌同羊架，而上次食得好少嘅鍋物，今次都叫左幾款試下，羊腩煲都幾出色。鮑汁花膠就熱辣辣，食左兩碟補充啲骨膠原。  最特別呢到有任食榴槤，仲要有兩款口味(烤/不烤)，兩款都好甜。  雪糕方面有Movenpick、Häagen-Dazs同其他款式任食。  總括黎講，旺角分店位置超方便，鄰近旺角地鐵站，食物都好新鮮，呢間放題真係性價比之選。 

好耐冇食放題～於是今日同朋友嚟到呢間好出色嘅放題店試下好有驚喜😍每樣都好正.💎$288/一位成人（星期一至四 自選2小時）呢間日式放題餐廳提供左十分豐富多樣既美食選擇享受地道既日本料理風味🥰.刺身十分新鮮每款都品嚐到日本海鮮既鮮美🫶🏻.而火灸壽司每款都感受到係精心製作結合左軟熟既魚肉同香氣四溢既壽司飯🥳帶黎口感同風味既絕佳結合.而卷物方面亦好出色例如芝士鰻魚卷同牛油果蟹肉他他等🥳呢D卷物以新鮮食材同創意組合為基礎感受到豐富既口感同豐富既口味😆.一品料理方面, 例如雪花牛肉鍋牛肉片既質地柔軟，入口即化海皇粥既質地濃稠而滑順🥰又有豐富既配料食落有好大滿足感同溫暖既味覺享受🥳.天婦羅同炸物都好好食例如南瓜、虎蝦天婦羅、芝麻雞翼、榴槤炸彈等呢D炸物有酥脆既外皮同美味的內餡帶黎香氣同口感既雙重享受😆.而餐廳都提供多種甜品包括Movenpick既雪糕同唔同款式既雪條等為呢一餐劃上美好既句號😍.呢間日式放題餐廳比左一個充滿美味同多樣選擇既用餐體驗我地推介🥰

曾經食過唔同嘅任食放題，但係都係鍾意返嚟御滿屋，原因係佢嘅性價比真係非常之高，而且服務好好，所以不斷回頭。佢嘅特色係刺身款式多，而且賣相吸引，食材亦好新鮮。單係蝦刺身，已經有甜蝦、赤蝦、泰式生蝦，除咗基本嘅三文魚、赤貝，佢仲有好大粒嘅原隻帶子。所以經常見到每枱客人都叫左大大盤刺身，師傅都係好俾心機砌到好靚。當中，我特別推薦佢嘅帶子刺身，好鮮味。刺身愛好者可說單吃刺身都已經回本。🍣 頗欣賞餐廳嘅壽司細細件，可以食好多款都得。特別推介我鍾意食嘅炙燒左口魚邊壽司，油香四溢，不斷encore。餐廳呢期仲有榴槤，可以揀燒或者唔燒，同時佢又有貓山王榴槤炸波波，好啱我呢啲榴槤愛好者。🥘熱食方面亦有唔少選擇。我特別推介佢嘅瑤柱海皇粥，裏面有齊蝦、帶子甚至瑤柱等配料，亦加咗粟米粒，令到粥底好甜。餐廳嘅炸物亦很出色，炸生蠔、天婦羅，都好有質素。🥄餐廳每位客人會送一客Haagen Dazs雪糕，又提供大量飲品選擇，而且食物上枱速度極快、收碟亦好有效率，因此兩小時都唔會食得太趕，絕對啱一家大細。兩個人埋單都係600幾蚊，以香港食碗麵都要成百蚊嚟講，性價比真心高，非常推薦。