御滿屋日本料理

營業中

休息中

旺角放題選擇眾多，今次去呢間正正位於旺角站E1出口，見到佢近期做緊馬來西亞榴槤任食，最平$238就可以無限食榴槤同78品實物，超級抵食！一坐低即刻嗌返兩件榴槤試下個質素點🫣真係估唔到放題質素嘅榴槤都咁高質！口感軟糯、入口香甜，榴槤控超級滿足😋之後嗌咗幾round質素都維持得唔錯～放題少不了各種刺身啦，三文魚唔算特別肥美，但勝在新鮮🫶🏻赤蝦個頭好大，味道亦好鮮甜～整體刺身質素都幾唔錯👍🏻佢嘅各類炸物熱鍋上枱都係熱辣辣，即叫即整😆出面仲有平時少見嘅燒茄子🍆芝士青口🧀芝士焗生蠔等等，冷盤方面選擇亦非常之多，估唔到仲有點心！雪糕種類更加多到數不勝數😳塞爆咗兩個大雪櫃，連Haggen Dazs都係任食呀😍餐廳座位都算闊落，乾淨企理，放題黎講都係一個唔錯嘅選擇😛

放負時間，想盡情開懷食食食，「御滿屋日本料理」就啱晒我倆。 晚市放題食物款式多多，例如：刺身、壽司、炸物…等等。自助區還有爆谷機、點心、熱食、冷盤…。甜品、飲品選擇還不少，更可任飲清酒、梅酒及啤酒。 😋是日選擇：放題A餐 免費升級馬來西亞極品榴槤任食 🍽榴槤香味四溢，每口都細膩香甜，入口即溶，齒頰留香，喜愛榴槤的，絕不能錯過！ 😋是日推介：1️⃣油甘魚刺身 🍽油甘魚滑嫩，油花散佈均衡，很新鮮。 2️⃣北海道帶子刺身 🍽帶子肉厚，味道鮮甜，極富彈性， 3️⃣薑蔥炒花蟹 🍽薑蔥香味的花蟹，還可帶出蟹肉的鮮味，吃起來很滋味。 4️⃣鐵板香煎比目魚 🍽兩面金黃，細緻的肉質，沒有魚骨，油脂豐富。 5️⃣燒紐西蘭羊鞍 🍽沒有羶味，啖啖肉，很惹味。 6️⃣鮑魚瑤柱海皇粥 🍽材料十足，內裡還有原隻鮑魚，熱辣辣，可暖暖胃。 7️⃣御品鮑汁燴花膠 🍽花膠大大塊，軟腍，而且吸收了鮑汁精華，很入味。 8️⃣川貝桂圓銀耳羹 🍽清涼養顏、潤肺、潤滑皮膚，秋冬季節美味佳品。

御滿屋日本料理 📍旺角彌敦道655號胡社生行1樓⭐️ 經典兩重創新刺身江洋盛宴 星期一至四 $288, 星期五六日$308之所以會揀呢一間絕對係因為佢超方便嘅地理位置😂 成日去遠啲嘅餐廳都行錯路，呢一間就係E1出口轉右5秒內就到，路痴必選🤣今次揀咗最經典同實惠嘅套餐，不過已經有好多嘢食。除咗出邊有大量冷盤可以食，由最基本嘅刺身：三文魚、油甘魚、北寄貝、赤貝、帶子、甜蝦，海膽手卷，壽司，去到燒物一併俱全。放題就最啱有選擇困難症嘅人去食咩都可以試少少🙈🤣最重要係有清酒梅酒✨ 放工梗係要飲番杯！🍶唔飲酒都唔緊要，仲有超多無酒精飲品嘅選擇～仲有榴槤控一定心心眼嘅馬來西亞極品榴槤，而且係免費升級，無論係食咩價位嘅套餐餐都有得食🤣 唔食榴槤嘅都可以主攻雪條，見到有類似孖條嘅雪條就即刻好有童年回憶😂 （暴露年齡系列）

嗰日中午同父母食飯，老豆話想食放題，夾過幾間都係呢間最抵食，成人238/位，長者85折，所以就上去呢間試下，一開始當然點一大盤刺身，點咗三文魚、油甘魚、劍魚腩、希靈魚、帶子、甜蝦等，好鮮，之後試埋燒饅魚、牛舌、生蠔，牛舌一般，生蠔就唔係好大隻，不過味道都唔錯，鰻魚好食，encore咗幾round，然後又再叫返一盤刺身，跟住都食到好飽喇，就食埋榴槤同雪糕，好滿足！最後一提係佢哋嘅服務員服務好好，服務起碼俾9分。

Hide the belt, because this All-You-Can-Eat restaurant has retired my pants button! 🥳 5/5 stars—and not just because I left looking like the Michelin Man. The culinary diversity is simply overwhelming; whether it's sushi, juicy steaks, or heavenly desserts, every wish is granted here.The atmosphere couldn’t be more modern. Between stylish lamps and minimalist furniture, I felt almost like I was in a trendy café, just with a belly full of delicacies. The service was lightning-fast and incredibly

陪朋友食吓日本嘢，諗住都係普普通通嘅刺身、炸物。點知！！一去到就見到我最愛「榴槤任食」😍一開始，4個人叫咗12舊榴槤、大大盤刺身、炸蠔、牛扒、天婦羅榴槤：香、甜、大大粒😍之後再叫多20幾粒，食極都唔夠炸蠔：熱辣辣，外皮夠香脆，入面大大粒蠔，好香蠔味牛扒：好韌，啲黑椒汁好似啫喱咁，杰撻撻，唔推介牛肉鍋：牛肉好鞋、湯底太甜，唔推介鰻魚：好厚肉，好味，食左16舊😂刺身：新鮮，好食馬卡龍：ok，無咩特別極度推介榴槤、炸蠔、刺身🤩

之前係胡社生行的一間日式放題店食左個半自助午餐，食物好正多選擇棒住個肚走，1佰蚊鬆d食得好飽好滿足。 呢日見有時間再諗住回味一次，点知去錯左1樓(之後至知應去5樓)。呢間格局ok, 都係食日式放題，平日午市都有半自助午餐，最平定食是$58再加一，坐低左咁就試下啦。一出去個自助吧，咦？少左咁多野食既？又冇湯又冇糖水又冇沙律，叫做仲有白灼蝦，青口，蜆同螺高少少成本既食物。蒸籠点心係急凍蒸熱同唔好食的，炸物得雞宝薯條仲有一款忘記亦冇食到的。涼菜都係日式白爪魚仔海蜇那些。叫左個三色井有炙燒三文魚，蚝同鳗魚各3片放在一碗不太大的壽司飯上，味道是ok的。但此半自助餐是只包一杯飲品仲要同侍應点不是自取，唔知道既我攞左罐汽水要加6蚊。雖然佢俾你食2個鐘，但冇野好食之下，d自助吧野食又唔好食，未夠一個鐘就走了。最後加埋一$71走人。今次係我去錯左另一間，但諗住都係差不多質素及性質吧，点知係劣食，諸多限制又唔好食！我寧願俾多40蚊去樓上5樓雖然得一個鐘但自助吧多好多野食又好味，汽水雪糕都任食，食完好滿足而唔係一肚氣囉！

我男朋友考完個試就帶佢黎放題賀一賀佢有好朋友都推薦御滿屋旺角E出口一出就有啦價錢親民之餘我覺得最緊要係佢既枱好大張 哈哈每round叫多D都唔怕放唔哂啦選擇仲相當豐富 基本上要咩都有呀食物就基本啦 佢既飲品類同雪糕雪條類係各佔5個櫃呀!!!前菜炸物樣樣都齊最驚訝既係有埋點心食呀 我試左個燒賣都好得喎🔸刺身非常新鮮呀 包含了三文魚、油甘魚和帶子或貝類等多種選擇魚肉的質感滑嫩 質素好高呀🔸壽司壽司的米飯口感剛好不會過於黏稠 特別推薦海膽壽司同火灸 個口感好正 好好食呀🔸天婦羅天婦羅外酥內嫩 尤其是蝦天婦羅 熱啦啦好正 我覺得蕃薯都唔錯 有一定既厚度 口惑好食🔸燒烤燒烤仲有各式肉類和蔬菜羊架肉質鮮嫩 好重好香既羊味仲有我必點既芝麻雞翼烤出來的香味撲鼻呀~ 仲有比目魚~ 出邊食好貴 而放題食又香又滑又抵食🔸餐廳既服務人員好nice 成日都會keep著收碟咁良好既服務態度唔怪得當日6:00pm食野都可以咁多人啦~📍御滿屋日本料理📍旺角彌敦道655號胡社生行1樓

今日去咗午市放題，體驗好差。用餐時段明明12:30-15:00。13:30開始埋單，14:15 last call 提醒，14:30再提醒用餐到15:00，過程都好有禮貌。但到14:45又有個雀黑色長袖恤衫阿姐（經理？領班？）黑口黑面+超冇禮貌衝埋嚟指住我同朋友：「你2個唔好淨系掛住傾計，食快D得唔得吖！」雖然有D眼突，感覺餐飯系佢施捨俾我地咁，唔想阻住人地轉場，諗住飲埋支野就走人，但佢不斷系後面指指點點unun 昨昨，越聽越嬲⋯⋯⋯佢喝其他姐姐：「點解另外果邊仲有2個坐系度？」，個姐姐好尷尬答佢：「仲有十分鐘wor，人哋仲有件榴槤未食⋯」 黑3阿姐：「叫佢哋快D！」 我忍唔住問佢：「阿姐你冇野？夠鐘啦咩？你系咁催咩？」 佢竟然達左我一句：「又唔係話你？」 ⋯⋯⋯宜家原來興咁樣趕客法，真係無語，放題冇食飽，氣受飽曬，以後都唔幫襯，多謝！

冇計劃之下去試呢間放題,比想象中好好吃,首先刺身都好新鮮,好好味；花膠彈牙,好正； 比目魚好滑,唔太多油；蜆煱煲有少少辣,但 D湯都好有鮮味； 上菜效率好快,d waiters 都好有禮貌,可以再去

之前食開樓上嘅放題，諗住樓下嘅質素可能差唔多又見佢貴啲會有蟹腳食就諗住試吓，一試到就中伏，首先Menu同埋出面嘅套餐唔一樣，我哋入座之後佢提供嘅食物同Menu上面唔一樣，蟹腳又缺貨,冇得叫。其次佢哋嘅嘢食真係好難食，用嘅牛肉唔知係咩質素，個樣同大家樂嘅早餐牛扒一模一樣，居然仲會韌到食唔開，牛舌都係一樣完全咬唔開，各種海鮮例如薑蔥炒蟹避風塘帆立貝之類嘅食物都係鈉含量超標，食完要飲幾樽水嚟漱口，啲蠔有細隻又唔新鮮，啲燒蝦嘅殼黐喺上面完全剝唔到落嚟。最重點係啲串燒嚟得又慢，嗌咗雞軟骨，由頭到尾完全冇上過。我可以話成餐飯除咗個鰻魚之外冇樣嘢好食。仲要每人人均四百幾蚊。呢一間餐廳我以後都唔會再嚟，如果要俾四百幾蚊可以有更好嘅選擇。

放工去做完運動，剛剛好夠鐘去食夜割日式放題。menu 有ABCD四種選擇，揀左最經濟的A餐，夜割8:30pm後都係$258，已經食到棒住肚皮走，超滿足😍刺身類都有15種選擇，全部都新鮮肥美厚切！😍必食阿根廷大赤蝦，帶子，劍魚腩，好鮮甜👍🏻泰式冷鮑魚夠特別，鮮鮑魚好腍好惹味。另外仲有一系列的壽司，火炙壽司，卷物，創作壽司，手卷，軍艦，天婦羅。試左幾款燒物都相當出色，極力推薦👍🏻👍🏻蒲燒鰻魚，西京比目魚，蒜蓉燒生蠔，encore 左幾次😆薑葱炒花蟹好重本，原隻花蟹炒得夠鑊氣夠惹味😋仲有鮑汁燴花膠，好厚身食到滿口膠原😍蒜香蛤蜊卜卜蜆鍋超香辣鮮味，蜆肉新鮮👍🏻除左QR code 落單，餐廳門口仲有一系列食物任食，竟然有即蒸點心！仲有爆谷機，中式熱食，冷盤涼菜，炸物區，太豐富。飲品選擇多到不得了，有兩個超大型飲品櫃，有啤酒，汽水，茶等。另外仲有清酒，梅酒任飲👍🏻仲有一部即磨咖啡機😆最期待的甜品都冇令我失望，有兩個甜品櫃，有我最愛的杯裝乳酪。仲有個超長雪糕櫃，有Movenpick 同Haagen dazs 雪糕杯，仲有冰棒，脆皮雪糕，糯米糍等。🌟超級滿足的放題👍🏻二百零蚊食到呢個質素真係不得了。現

今日好開心去《御滿屋》食放題，荃灣呢个場都幾大~佔成層，我都係第一次來這，選了个(77品)入門餐Set A試下先，有咩食？自助區✨️海鮮類有蝦、螺、八爪魚都幾鮮味。✨️飲品方面除了有汽水、果汁、茶外，最驚喜就是有啤酒和日本酒任飲，啱哂三五知已來暢飲一番。✨️雪糕既有Movanpick 又有Häagen-Dazs, 仲有多款味道，真是無得彈啦！✨️甜品有馬卡龍、芝士蛋糕、布丁等，常放到滿滿，不繼補貨，Good，仲好好味，又不會太甜 !下單點✨️刺身~好新鮮~有三文魚、甜蝦、帶子...呢d野有可以讓我瘋狂任食，我己經好happy.仲要有✨️串燒~雞軟骨、蝦串...呢d我至愛嘅野食可以任食，真超滿足。除此之外，仲有✨️馬來西亞榴槤任食，舊舊都好甜美多汁，榴槤控不要錯過。

最近壓力有啲大，想大食一餐，好好減壓，其中一個選擇就係放題🫢今日食佢地經典三重新鮮刺身江洋盛宴，總共有77品可以食到，我8:30pm 先入座 $258🍣放題當然唔少得魚生、壽司。魚生件件都夠新鮮，赤蝦夠大隻、肉質甜美有鮑魚、花膠、碗仔翅呢啲特別野食，另外仲有一品料理同串燒、即使唔食刺身都一定有野比你揀。燒物仲有蒜蓉生蠔🦪、雞翼、牛舌、雞軟骨、海蝦同菠蘿🦐外面都有前菜可以自己揀，海鮮有青口、蜆、螺肉、蝦等等。中華沙律、沙律菜同泡菜亦有。最推薦佢地既滕椒魚皮，夠辣夠爽🍗炸物當然唔少得芝麻雞翼，雞翼肉嫩多汁，值得一試🍦飲品有汽水、茶、啤酒同清酒，甜品仲有Häagen-Dazs雪糕同水果期間限定食放題仲有免費升級任食馬來西亞烤榴槤，烤過既榴連夠哂香甜，淨係食榴槤都值回票價

見到宣傳話這間8:30pm後入座幾抵食，分左四款獨創菜單級別，我們揀咗最基本嘅A級別，有77種食物選擇，每位只需$288/120分鐘，嘩！平日8:30仲係全場爆滿，所以一定要book位喔，現在餐廳轉咗用新網上訂位，以後就方便好多了👇御滿屋日本料理 (旺角)這間提供刺身、壽司及炸物樣樣齊，熱食冷盤選擇多，自助區的食物店員keep住refill，除咗基本嘅飲品、茶類，還有清酒、梅酒及啤酒都係任飲，基本上日式放題有嘅食物呢間都有齊。我食放題策略就係每樣叫一件，鍾意食先再encore（但係都唔會試得晒）🤣食刺身最緊要解凍解得好，夠新鮮，呢間做得到👍好味推薦😋🔘西京比目魚，嫩滑入味。🔘泰味冷鮑魚，酸酸辣辣夠晒惹味 。🔘虎蝦天婦羅，外酥脆內鮮甜。🔘龍蝦膏赤蝦壽司，蝦膏好甘香。🔘鐵板牛扒，保留到肉汁，口感幾好。🔘芝麻雞翼，香脆入味。🔘馬來西亞冰榴槤，炸榴槤都好甜。🔘琳瑯滿目嘅雪糕同甜品，最正係haagen dazs同movenpick都係任你食😍