呢間位於屯門的日式放題御滿屋環境寬敞舒適，食物選擇超級豐富，價錢合理，適合一家大細去食。佢哋有多款新鮮刺身任你揀，三文魚厚切鮮嫩，甜蝦彈牙甜美，象拔蚌爽脆多汁，絕對係高質素選擇。燒烤食物一樣出色！燒乳鴿皮脆肉嫩，香氣撲鼻，燒蠔同燒扇貝新鮮肥美，燒到金黃邊緣，配埋蒜蓉，超級惹味。其他冷盤都好吸引，有蝦、蜆、青口等任食！蝦新鮮彈牙，蜆同青口肥美多汁。呢度海鮮冷盤供應充足，任食唔駛擔心。冷盤除咗海鮮，重有我最鍾意嘅小食！豬耳爽脆有咬勁，配埋辣椒油超開胃，泰式鳳爪酸辣入味，香辣魚皮脆脆辣辣。甜品係壓軸好戲，選擇多到眼花撩亂！柚子芝士蛋糕清新酸甜，芝士濃郁唔膩。芒果布甸滑溜香濃，芒果味濃郁。木糠布甸層層分明，脆脆木糠配埋忌廉超正。香芋布甸芋頭味濃，甜度適中。重有多款雪糕同雪條選擇，包括Movenpick嘅高級雪糕，能得利雪條，Mega雪條，仲有原個芒果雪條，芒果味超真實，食落涼快又滿足。總結嚟講，屯門御滿屋放題性價比高，絕對值得一試！…Read More
