影片
港鐵啟德站B出口, 步行約2分鐘
繼續閱讀
電話號碼
39563326
開飯介紹
日本過江龍廣島御好燒專門店，由百年歷史的日本品牌Otafuku 共同協辦，主打廣島燒和鐵板燒料理，前者搭配Otafuku獨特的廣島燒醬相當惹味，更提供席前日本餐飲體驗。
繼續閱讀
營業時間
今日營業
12:00 - 22:00
星期一至日
12:00 - 22:00
*最後落單時間: 21:00
以上資料只供參考, 請與餐廳確認詳情
有關獎賞計劃
優惠
相關文章
咁啱安排坐Bar枱位，3位廚師係面前煮野食除咗味覺享受，仲有視覺嘅享受😎**********Set Dinner for 2($398)味噌湯-前菜（4選2）芝士泡菜豚平燒🧀🥬🐷🍳🌟推介🌟材料已經包含哂係菜名度🤣，首先煮熟椰菜同豚肉，再加泡菜同芝士🧀，最後蛋漿煎熟包住，用提供嘅迷你鏟cut開一份份食，味道微辣🌶️，芝士有拉絲，係好啱開胃嘅前菜-明太子玉子燒🌟推介🌟玉子燒好有層次，中間夾住明太子帶小小鹹香-主菜（8選2）🌟推介🌟現代燒係御好燒再加拉麵，入面有椰菜🥬、豚肉，配上燒汁、紫菜碎同木魚碎，飽肚之選此外，拉麵邊邊煎到脆卜卜，又多一重口感！帶子蒜香炒麵🌟推介🌟帶子勁大粒，仲足足有4粒！生熟程度剛剛好，帶子兩面煎到微金色，內裏肉質鮮嫩-鐵板章魚小丸子🐙（+$38）以為係預製嘅小丸子，點知都係鐵板上即整見廚師整咗4份麵粉漿係鐵板，其中兩份加入章魚，原來好似紅豆餅做法，兩份疊埋雖然唔係圓碌碌，但係咁嘅做法好特別🙊可以一試！
繼續閱讀
自從道頓堀御好燒撒出香港後，我好耐無喺香港食正宗日式大阪燒了～今次喺雙子匯發現咗一間日本🇯🇵過江龍御好燒同鐵板燒專門店，環境唔錯，仲可以坐bar table一邊食；一邊望住師傅製作，一次過視覺同味覺享受😋～SET DINNER：$398 for 2 （Starter、Soup、Main Choose)+需收加一服務費Starter（四選二）🥚明太子玉子燒MENTAIKO TAMAGOYAKI：啲蛋軟綿綿，非常嫩滑🤤，簡直喺玉子燒天花板😍！加上有我最鍾意嘅明太子，絕配！更多餡料會更正！🧀芝土泡菜豚平燒KIMCHI CHEESE TONPEI-YAKI：日韓fusion料理😆⁉️醬汁與芝士泡菜完味融合，很惹味！Soup🥣味噌湯MISO SOUP熱辣辣♨️，內有豆腐粒、蔥花、紫洋蔥～Main Choose（四選二）😋 廣島燒HIROSHIMA OKONOMIYAKI配料非常多🤩，在麵漿上有木魚粉、椰菜、炸麵花、蔥花、豆芽、五花肉、麵條，雞蛋、醬汁、青海苔，疊合而成，豐富口感！麵條帶點微脆，醬汁亦不會太膩👍🏻！😋 豚肉蒜香炒飯 PORK AND GARLIC FRIED RICE香噴噴熱辣辣♨️，炒飯粒粒分明，乾爽，有鑊氣👍🏻！飲品：冰綠茶 ICED GREEN TEA：$20總結：整體用餐不錯😋，最愛明太子玉子燒😍，各款食物份量比較精緻。而且店員很用心，解釋「廣島燒」及「現代燒」分別😊。美味しいお好み焼き、レストランのサービスが素晴らしいです。
繼續閱讀
呢排去多左啟德食野，今次特登嚟食一間日本過江龍嘅御好燒店，佢仲聯乘左百年醬料品牌，味蕾得以好好享受🤩我喺openrice book位訂二人套餐仲有75折優惠，都真係幾抵！我哋坐喺鐵板前面，可以望住日本師傅將逐層食材放上去個廣島燒，成個過程都好治癒😈個二人餐可以自選兩款前菜同兩款主食，仲跟左每人一碗味噌湯，估唔到食完都好飽飽🤰🏽前菜我揀左明太子玉子燒同鐵板章魚小丸子，玉子燒係高湯version，出晒煙熱辣辣，入口好嫩滑，蛋香十足，明太子夠足料👍🏽章魚小丸子因為用鐵板整，所以同平時食開嘅外貌唔同，呢款比較扁身，章魚大大粒好爽口🐙主食叫左海鮮廣島燒同鵝肝大阪燒，廣島燒材料包括麵糊、包心菜、蛋、煙肉、麵條、豆芽、青蔥，面頭有帶子，蝦同蠔，海鮮幾新鮮，廣島燒層次同口感都好豐富🤤大阪燒都好有驚喜，雖然鵝肝只係放面頭，但個鵝肝油香滲晒落一阪燒嘅材料入面，好鬼惹味！！呢間算係我喺香港食過最好食嘅御好燒Top 3之一🧡
繼續閱讀
第一次喺香港食鐵板廣島燒同鐵板蛋包麵，同我喺日本食嘅真係差唔多喎，原來佢哋個主廚都係日本人，所以一樣咁好食，廣島燒嘅味道真係好好，每一層都好分明，加埋上面嘅醬汁我可以一個人食曬成個，鐵板蛋包麵首先係做咗炒麵外面再用蛋包住，呢個味道濃郁啲但口感覺樣都做得好好，我先生都食清光，重點咗個燒章魚嘅小食，我初時以為好似章魚小丸子咁，出到嚟原來係好似一個餅咁裏面有一粒粒好大粒嘅章魚粒，包住佢嘅都係用咗章魚小丸子嘅材料，味道畀我想像中嘅章魚小丸子仲好食。呢度環境好靚一眼就望曬出面個景，清清靜靜飲食的好舒服。
繼續閱讀
新開嘅「御將燒OKOSTA」午餐set超抵食，$118廣島燒配沙律夠晒飽肚。廣島燒層次玩得掂👌🏻，麵底煎到脆卜卜，椰菜絲、芽菜爽甜夾住腩肉鹹香，最正係秘製醬汁，唔會太鹹啱啱好！廚師沙律有驚喜，新鮮沙律菜混埋粟米粒同車厘茄，芝麻醬撈勻好醒胃。套餐跟嘅味噌湯夠熱唔hea，飲到昆布甜味；漬物醃牛蒡好解膩。加$15升級雪糕球食完鹹嘢食一流！重點推介另加嘅鐵板章魚小丸子，即叫即整吱吱聲🔥，外皮脆到似食薯片，入面章魚粒大過五蚊銀！咬落啖啖肉仲有椰菜絲平衡口感，唔似街邊粉團咁寡。師傅鐵板手勢夠班，環境日式木系幾chill，仲喺正大廈平台層，食完可以出去個空中花園行一轉。貪心鬼如我仲想試埋大阪燒，呢個價錢真心抵，一定會返兜！🎌
繼續閱讀
您可能會有興趣的...