御品·千之味

御品千之味 的210分鐘放題，可以任食海膽、藍鰭吞拿魚、鵝肝！這間的放題並非著重於菜色豐富或份量誇張，而是強調重質的滿足感。不過天后店座位並不多，所以有興趣吃的話記得提前訂位。星期六日及公眾假期的午市時段，成人每位HKD 348。想升級放題任食藍鰭吞拿魚和鵝肝要 +HKD 108。如果想同時任食海膽刺身，就要+HKD 198。升級選項還滿有吸引力。刺身選擇都幾多，但最吸睛的當然是升級放題後的藍鰭吞拿魚系列。大拖羅入口即化卻不膩口、中拖羅細膩帶著柔和的油香、赤身吃落則清爽鮮甜，而且還切得很厚身，也很新鮮。海膽質地綿滑，亦沒有腥味，配上紫菜一同入口，鹹香中帶少許甜。其他的刺身也不錯，沒想到還會有長腳蟹🦀️除了刺身之外，壽司和創作料理部份同樣有驚喜。推薦外層炙得微焦的焦糖鵝肝壽司，能吃到淡淡的焦糖香氣。蜜糖芥末和牛沙律也值得一試，既開胃又不失層次感。還有份量設計剛好的迷你蟹肉蟹膏杯 & 松葉蟹肉玉子燒。炸物方面，炸衣不會太厚，吃起來不會覺得很油膩。外酥內嫩的魷魚鬚特別涮嘴，另外有味道厚重的榴槤炸彈。主要以鹽燒為主的串燒，火候亦掌握得不錯。吃了略帶焦香、軟嫩多汁的牛舌和肉質鮮美的蒲燒鰻魚。不過，煮物的清酒煮蜆就相對普通，味道來說略淡。甜品每人可以選一款想甜嚐甜的雪糕，或是口味隨機的雪米糍。飲品則在雪櫃自取，選擇包括汽水、茶類與果汁。…查看更多

最近同朋友慶生，專登揀咗呢間位於天后的放題店，貪佢係區內少有嘅放題選擇，而且提供長達210分鐘的用餐時間，可以慢慢食唔使趕，絕對係gathering首選！如果6人以上訂座，更可以安排包房，私隱度十足。由於餐檯不多，所以好快滿座，建議一定要先訂位！餐廳收費分為成人$328-$388及小童$188，建議加$198升級至尊貴套餐，即可任食海膽、藍鰭吞拿魚系列及鵝肝等高級食材，性價比相當高。而家仲有「放題生日優惠」，全單九折之外，更送贈迷你壽司蛋糕，有儀式感又唔使另外買生日蛋糕，慳錢又抵食！刺身必點清單：大拖羅油香滿溢、入口即化；中拖羅油脂比例平衡；海膽刺身新鮮鮮甜、口感Creamy；甜蝦同帶子同樣鮮甜爽口，值得Encore！長腳蟹更是回本之選，肉質都幾飽滿，放題少見；象拔蚌清爽鮮美，其他如油甘魚、劍魚腩同磯煮鮑魚質素亦相當高。壽司｜手卷推薦：蜜香炙燒和牛壽司及魚子醬炙燒和牛壽司，和牛肉質柔嫩多汁；魚子醬海膽壽司口感豐富；焦糖鵝肝壽司同芒果鵝肝壽司，鵝肝外脆內Creamy，配芒果更顯清新；海膽花之卷料多澎湃，一啖入口超滿足。炸物即叫即炸：炸蠔、炸蝦、炸魷魚鬚同芝麻雞翼全部熱辣辣上枱，香脆可口，火候控制得恰到好處。串燒及煮物：鹽燒雞軟骨串焦脆有嚼勁；蒲燒鰻魚肉厚無骨，醬汁香甜；燒蠔同燒扇貝極力推介！煮物方面，野菜牛肉鍋湯底清甜、牛肉嫩滑，汁煮牛舌（期間限定）軟稔入味，作為收尾之選非常適合。自助區提供無限量飲品同甜品之外，每位客人亦可自選一杯自家制雪糕想甜嚐甜，我揀咗焦糖開心果同燉蛋雪糕，另外還有雪米糍供應，為豐富的一餐畫上完美句號。…查看更多

📍「御品·千之味」- 天后今次見佢哋搞馬拉松式放題，食足2️⃣1️⃣0️⃣分鐘，即刻帶埋中意食壽司嘅👦🏻去食，順便慶祝埋佢生日🎂😎📷餐廳座位唔算多，建議早啲book 定位，而食物嘅種類都幾多，唔止壽司刺身，仲有串燒鍋物等等，仲有任食任飲甜品飲品🤗職員服務態度好好，而且上菜速度好快，又唔會漏單，非常加分👍🏻👍🏻👍🏻🥰今次升級埋做任食海膽、藍鯨吞拿魚系列同鵝肝啦，生日🎂仲有全單9️⃣折同送一個迷你壽司蛋糕🎂添呢度嘅放題有齊刺身、壽司、卷物、炸物、串燒、煮物、炒飯、冷麵、甜品、雪糕、罐裝飲品，真係勁多選擇，下面就係👦🏻👧🏻試完覺得必嗌嘅😋🔸刺身：必嗌海膽夠哂鮮甜，象拔蚌刺身爽口彈牙，鮑魚口感彈牙大隻，三文魚刺身啖啖肉😍藍鯨吞拿魚系列夠晒肥美，岩哂中意食脂肪感嘅朋友仔😇🔸壽司：海膽壽司鮮司好食，火炙左口魚壽司入口即融，焦糖鵝肝壽司燒香咗甜甜哋配埋肥美嘅鵝肝幾夾，黑松露吞拿魚蓉芝士卷配搭幾新鮮，魚子醬帶子壽司超鮮甜肥美必嗌🤤軟殼蟹手卷大大份，軟殼蟹炸到幾酥脆😙🔸串燒：牛舌食落幾彈牙入味、蒲燒鰻魚甜甜地幾肥美😚🔸炸物：炸芝士年糕，一咬落去所有芝士醬爆晒出嚟好正，榴槤炸彈一食爆汁，夠晒邪惡🤣🔸煮物：汁燒豬軟骨夠晒軟腍入味，清酒煮蜆無沙夠鮮甜🤤🔸甜品：呢度嘅小甜品都係任食，但係想甜嚐甜嘅雪糕就每人只限一份，今次試咗焦糖開心果味同蜂蜜桔仔乳酪，加咗焦糖相對比較甜，開心果味濃度適中口感幼滑，蜂蜜桔仔乳酪好有驚喜，酸酸甜甜好解膩🤩🔸迷你生日🎂：只要係生日前7同後7日嚟慶祝，就會送返個壽司蛋糕，雖然佢話係迷你，但其實都好大個🤣用呢個蛋糕嚟慶祝生日真係儀式感滿滿😍🎂…查看更多

可能係全天后唯一一間放題😍有冇諗過食放題都可以食三個半鐘？今晚嚟到「御品 千之味」食馬拉松放題，真心推介所有大胃王嚟呢度挑戰💪🏻建議一定要升級「任食海膽、藍鰭大、中拖羅、鵝肝」，大拖羅油脂超級豐富，入口feel到滿滿嘅魚油，所以我自己比較鍾意食油脂少啲嘅中拖羅，對於放題持久戰嚟講，唔會咁快令到自己太飽🤣放題當然唔可以放過其他刺身啦，油甘魚、劍魚腩、赤蝦、磯煮鮑魚等等，呢度竟然連回本長腳蟹都有！印象中放題好少會提供咁高級嘅食材，我淨係長腳蟹都食咗4、5隻🤣我自己就勁推薦火炙左口魚壽司，我發現好多人都唔知道其實左口魚油脂超勁，火炙後會喺個口入邊極速溶化，嗰種滿足感喺其他魚生都係搵唔到❣️其他小食方面，極力推介燒蠔、燒扇貝、芝麻雞翼、榴槤波波、串燒牛舌、野菜牛肉鍋、湯烏冬，一口和牛粒等等🤤係呀，食完唔好唔記得order movenpick 雪糕呀！ 原來而家生日仲要有優惠，全單九折仲送迷你魚生蛋糕🎂今次第1次見魚生蛋糕覺得好新奇好得意，即係打卡已經夠晒開心🩷六人以上已經可以包房，成班人自己玩開party仲開心🥰…查看更多

朋友帶咗我去呢間可能係天后唯一日式放題店😚任食210 分鐘可以慢慢嘆唔使趕頭趕命！6位以上訂座可以包房，多人可以打通2間房一齊食，30人仲可以包場，好適合大夥兒聚會。平日午市放題：成人$328/位 、小童$188/位任食刺身、壽司卷物、串燒、小食、炸物等+$198/位升級任食海膽、藍鰭吞拿魚、鵝肝另外每人包「movenpick 雪糕 一杯」。🔥必點清單👇🏻🔥🔶刺身｜🐟◼️大拖羅：魚油甘香入口即化 ◼️中拖羅：油脂平衡的完美比例◼️海膽刺身：新鮮鮮甜🔶壽司｜手卷 🍣◼️芒果鵝肝壽司：鵝肝焦香+芒果中和油膩感◼️海膽花之卷：一啖擺落口超滿足◼️軟殼蟹手卷：軟殼蟹脆卜卜🔶炸物｜🍤◼️炸蠔、炸蝦、炸魷魚鬚、芝麻雞翼炸物即叫即炸，全部上枱都係熱辣辣脆卜卜，香脆可口。🔶串燒｜🍢◼️鹽燒雞軟骨串：燒得焦脆有嚼勁停不了口◼️蒲燒鰻魚：鰻魚肉肥厚，醬汁好香又無骨🔶冷麵｜煮物🍲◼️角切魚生胡麻醬冷麵：冰涼清新◼️清酒煮蜆：蜆味鮮甜◼️野菜牛肉鍋：湯底清甜牛肉嫩滑，暖胃收尾…查看更多