御品千の味刺身壽司專門店 (美居中心)

營業中

休息中

在網上看到這間有便宜的卷物放題，便在一個禮拜六下午拖著條仔去試下！5點前入坐只需$98一位。我們4:50左右到，可是裏面沒有位，我問能不能跟其他桌搭檯或先落單等其他檯離開，但她們說不可以。整間店只有3-4個人在經營，看起來很像是家族生意。兩個20多歲的女生，裏面做壽司的可能是哥哥和爸爸。後來她們讓我們在外面開了一張桌，但感覺在路邊吃壽司很奇怪，於是等裏面一有空桌我們就立刻問可不可以進去。好在我們還是在5點前落單，所以依然是$98一個人，我們還選擇了一人加$20的海膽升級，雖然後來也並沒有吃很多......整體來說可以選的種類蠻少的，基本上3個round下來就全部試一遍了，而且一次最多只能選5種。第一個round隨便選了幾種先試試看，結果頗有驚喜，味道都很不錯！尤其是軟殼蟹和鰻魚芝士卷！麻辣三文魚卷也都好好味。第二個round就叫了海膽類裏面的所有5種，竟然也很不錯，如果可以放多點海膽就好了！最喜歡三文魚海膽手卷。第三個round由於點了個火龍卷，沒看到原來有8pc那麼多，也不知道製作過程需要等比較久，等到上桌的時候肚子已經感到很飽了，勉強把所有的吃完（這一輪又重叫了一次鰻魚芝士卷，我覺

赤蝦最好食，虎蝦好似食木耳咁，沒有味。甜蝦仲有蝦子算吾錯，係 Facebook度 share 佢個Page 佢仲有兩件日式煎餃子送，有沙律醬配埋，超好食，但係太細件。服務態度算唔錯，食完就上。

睇到雜誌介紹呢間88蚊任食甜蝦就同個朋友仔去試下佢，個位置都叫容易搵既，不過間鋪頭就的式左dd。晏就冇咩人，一去到就即刻有人招呼比餐牌，我地二話不說咁叫左88蚊任食甜蝦，個姐姐話如果加多20蚊仲可以食埋赤蝦同虎蝦，不過我地就唔加喇，咁就即刻上喇...原來佢地既甜蝦係冇剝到殻架，仲冇埋春架，所以佢地都好窩心咁有膠手套同濕紙巾提供等你慢慢剝而每碟大概有9-10隻食完都問你要唔要添加我地最後2個人食左10碟度再加左幾舊壽司已經飽晒😚😚總括黎講甜蝦係新鮮既價錢都抵既👍🏻👍🏻👍🏻

同朋友聚會 食左依間蝦刺身放題 88蚊價係食甜蝦 加多20蚊可以食埋虎蝦同赤蝦 有加一收費味道尚算新鮮 而且都相當大隻價錢亦都合理值得一試建議2點鐘去就最好 無須等位!! 位置亦都唔難搵

今次嚟千之味嘅目的就係食佢嘅$88甜蝦放題！我加多$20就可以任食埋虎蝦同赤蝦！不過佢每次係一碟碟3款蝦一齊上，食晒先可以再叫。甜蝦幾新鮮同鮮甜，赤蝦夠大隻同埋蝦肉幾有口感，虎蝦就唔夠凍，而且無泰式生蝦醬，所以好失色！食咗3碟已經叫個waitress唔駛要虎蝦，跟住就淨食甜蝦同赤蝦(唔可以單點赤蝦)，吃到最後就淨食甜蝦，所以我覺得如果係去食甜蝦放題，淨食甜蝦就夠，唔需要+$20食埋另外兩款蝦。最後我總共食咗4x隻蝦！

同事生日，我哋班嘩鬼喺公司開party之前係Facebook見到呢間公司嘅廣告就已經想試趁住有人生日，大條道理，嘿嘿叫左佢兩樣野，分別係極上壽司刺身盛盒C (hkd1188)同 壽司拼盤8件(hkd48)其實，壽司拼盤只係用黎湊數開會員卡...極上壽司刺身盛盒C既組合壽司拼盤(8件)其實佢所有刺身都幾新鮮同鮮甜特別係三文魚，真係超甜，啲甜蝦又大隻初時我地見佢啲壽司飯咁細舊，仲驚唔飽食完都ok平時，我唔食三文魚以外既其他魚刺身今次我都有食，甘香肥美，一啲都唔腥不過，佢啲服務態度真係麻麻地係個網頁度寫WhatsApp落單，咁我都費事打電話去搞住佢哋做嘢但我問佢啲問題，問三條，佢覆我就覆一條送外賣個個人又搞笑既，車門都唔開 叫我係車窗伸手入去拎外賣但佢又唔係遞出黎比我，要我自己伸手入車窗摸袋野出黎一間倒瀉左，咁應該入邊個數

係個網址見到88蚊甜蝦任食好吸引咁點知去到見到舖仔細細仲要係lunch時間都冇乜客要食夠$30先可以加錢食甜蝦都覺得ok ge開頭坐底叫左啲小食同壽司都等左一段時間啲甜蝦再叫要等差唔多10分鐘已經得一兩枱都等左咁耐啲員工又掛住傾計啲壽司細舊，包壽司既紫菜又放得耐啲甜蝦就一般食左四款壽司，一個小食，同甜蝦任食兩位300幾蚊，不如比多少少食放題

近來太多人講甜蝦啦!!!! 我地都忍唔住要試下!!!!鋪路好細, 坐得12人左右, 我地7點到, 剛好仲有位! 每位食滿30蚊, 就可以每位加$88, 任食甜蝦!! 我地就緊係加啦! 每次黎10隻, 當食完時, 佢就會收左我地隻碗, 等5分鐘左右, 就會黎碗新ge, 食下食下, 我地2人食左70隻!!!! 我覺得甜蝦比我想像中更加好, 大隻, 乾淨, 唔醒, 而且係隻隻都好甜冇食到有怪味or壞, 肉質食落去係新鮮的, 一d都唔"妹"我平時甜蝦只食2-3隻, 今次食到3x隻!!!! 我本身都好易肚痛, 但食完都冇事, 所以我諗佢都幾新鮮乾淨!!!

< 蛋糕 C $198 >唔鍾意食甜既蛋糕？咁咪食鹹架囉！三文魚將成個世界包圍，中間有層幾粒大帶子包圍，周邊有不同既魚刺身，有吞拿魚同埋好似油甘魚，仲有幾隻生蝦，入面既飯好似炒飯好似炒底咁，有甜蛋有蟹子，可惜既係壽司飯唔夠醋味！但係個造型真係冇得輸，成個高貴花花蛋糕咁，邊個收到都會好開心！

< 火龍卷 $55 >據說呢到既野都幾高質！呢道火龍卷一條有 8 件，件件都好大舊，面頭鋪滿蟹子，餡係炸蝦，可能外賣放左一段時間所以唔脆，不過係幾好食既，仲有個大蝦頭係後面，平均 6 蚊幾一件，抵食！

朋友住美居中心, 由於朋友病左, 唯有我親自拎d野上去俾佢. 上到佢見佢病到咁, 放抵d野就唔阻佢休息了. 都七點了, 落到樓下, 都肚餓, 咁就行個圈睇下有咩岩食. 行到千之味門口, 門口有餐牌, 見到價錢ok喎, 鵝肝壽司都只係$25, 就入去試下啦.三文魚剌身: 有五塊, 都算大塊, 幾新鮮, 入口軟錦, 滲出魚油脂加強油潤感, 飯夠黏不鬆帶子壽司: 都夠厚夠大舊, 幾鮮甜, 夠彈夠新鮮, 飯夠黏不鬆蟹子軍艦: 蟹子份量不少, 一啖放晒一件入口, 不斷咀嚼, 蟹子油不斷爆出, 但紫菜散左少少火灸三文魚腩壽司: 燒過的薰焦香, 加上魚油脂滲出, 入口即溶, 飯夠黏不鬆鵝肝壽司: 鵝肝都大塊夠厚, 聞到鵝肝油的薰焦香, 入口即溶, 飯夠黏不鬆軟殼蟹手卷: 軟殼蟹炸得夠脆夠熱, 一定係即炸的, 而且粉不厚, 夠香脆, 紫菜飯團包得結實, 不會咬到散開炸迷你日本蕃薯仔: 有六粒, 一啖一粒, 入口軟錦, 甜度剛剛好, 有甜潤感埋單$178, 整體食物幾新鮮, 水準不錯, 價錢合理.

家住長沙灣的朋友經常帶我到他家裏附近的一些小店揾食,吃美食, 什麼豬油渣麵豬潤麵地道麵通通都吃過, 今日我們就經過以下這間小店地方雖然淺窄但室雅何須大, 坐下來可以一邊吃一邊談心已經非常舒服足夠了!看過以下餐牌我們選擇如下:三文魚腩肥美鮮甜, 輕輕的火焰把魚腩的部分開始加温使部份油融化, 變軟熟入口即溶 是我的至愛!朋友選擇了叉燒拉麵, 她說這是她喜歡的一種拉麵, 叉燒肉質香, 美味, 湯底鮮甜!於是我也來一客七味雞翼拉麵, 雞翼炸得相當好外脆內軟, 外皮脆薄薄, 鎖著裏面雞翼的鮮肉汁, 相當不錯!加上大部分客人都是外賣的, 一邊吃美食一邊有無盡的話題!

朋友話佢屋企附近有間寿司小店好受學生及街坊歡迎，今日終於有機會一試。店內裝修簡單，只有三，四張枱，一看便知這小店以做外賣為主，不過堂食有八折優惠。因為食客對象為街坊學生，所以價錢果然很大眾化，寿司點了“天婦羅炸蝦”($25/2件) ~ 大大隻金黃色的炸蝦爽脆可口，寿司飯亦稔香軟彈，可媲美連鎖寿司店；“火炙三文魚”($16/2件) ~ 焦香的三文魚入口肉軟嫩滑，令我即時再點！卷物則吃了“鰻魚小卷”($20/6件) ~ 鰻魚鮮而不腥；海膽三文魚反卷($45/4件) ~ 配搭新鮮。“七味雞翼”($45/4件) 香香脆脆，雞肉有彈性而不乾身，雞翼愛吃者不容錯過！最後一客“和風小食冷麵”($45)配胡麻醬好味得令人驚喜，材料豐富，有八爪魚，螺肉，蟹柳絲及蟹子，攪拌胡麻醬後濕潤順口，口感十足！一間名不經傳的寿司小店居然有大型寿司連鎖店的質素，what a surprise!!!!

放假先黎落雨，不想走太遠午餐，於是想起這家在屋企附近的壽司店。過了午餐時間，店內只有一台客人。餐廳的面積不大，但一點也不逼夾，放了幾張餐台，大概可以容納12人。打開餐單，才發覺原來這裏的壽司、軍艦、刺身等的選擇都非常多。先點了一個和風冷麵($18)，份量都算大，冷麵上放了晶凝的蟹子和蟹柳絲。加上我最喜愛的胡麻醬汁，很是好吃。點了各式各樣的壽司。以下幾款是我最欣賞的。火炙三文魚腩壽司($18/2件)，三文魚十分肥美，稍為燒過後把魚油都逼出來，更添鮮味。甜蝦壽司($25/2件)，沒有想到是帶蝦頭的大隻甜蝦。口感Creamy，味道新鮮。左口魚邊壽司($18/2件)，獨特的左口魚鮮味，質感透薄。熟蝦壽司($15/2件)，同樣大隻，肉質結實新鮮。海膽軍艦($40/2件)，海膽甘香，呈橙黃色，煞是好看。滿足的一餐，雖然只是小店，但選擇之多和質素之佳，而且價錢相宜，值得推介。不過其地理位置真的有點偏僻，在長沙灣和深水埗中間，而且不是繁忙的街道，可能要耐心一點找再找得到。

路經長沙灣>>>千の味刺身壽司專門店<<<，猶記得其>>>大圍店<<<食物水準不錯，於是入座進晚膳。餐廳內座位不多，但裝修環境比大圍店的優勝。不過，由於附近店舖多為汽車維修店，座位鄰近門口的話，或會在進食期間嗅到機器油味。雖然餐廳提供座位，但還是主打外賣，點餐形式亦十分自助。這晚吃的是熟食：軟殼蟹天婦羅 (三件，HKD45)、吉烈炸蠔 (四件，HKD48) 和滑蛋豬扒飯 (HKD55)。圖左的軟殼蟹天婦羅煮得香脆鬆化，口感一流，是這一餐的highlight。吉烈炸蠔相對較為油膩，也略腥，但勝在沒蓋以厚重漿粉油炸，但仍妥善保存蠔肉鮮甜與肉汁。整餐最不理想的就是主食滑蛋豬扒飯。既薄又小的三片豬扒炸得很乾身，完全吃不出肉味；飯既乾且硬，滑蛋汁很少，不足以拌勻一碗飯；蛋的比例較少，洋蔥卻很多，調出來的汁很甜但缺蛋香。唯一值得一讚的是滑蛋與炸豬扒分開擺放，以保留其鬆脆。看來，在「刺身壽司專門店」還是應該吃刺身和壽司啊。