得閒飲茶

營業中

休息中

昨天去外卖。然后赶车。我就催下我说我要赶车，可不可以怕点？有个阿姐好好人。说等下一出来我这立刻装俾你先！然后又等左下，我又去问左下，但是这次个男店员，人就生的靓仔年轻甘的就好不耐烦应我，等到就等等不到就不好吃了！哗！我立刻说这是什么态度呀！你退钱我立刻走，他又不肯退钱，然后他仲话俾鱼生你吃好没？可能是我出来来饭吃的少？总之我是第一次见这样做生意的，甘串。出来做咩生意的？最后外卖还是没拿到，赶车走左。最后我想说现在的年轻人火气甘重。以后吃亏的是他地。总之没下次。以后都不会再光顾。

一間高質嘅點心舖，款式又多又特別，如果想飲杯茶又唔想食咁多嘢就一定要試吓呢間😋黃金糕椰汁味濃又煙韌，春風得意腸入邊嘅油炸鬼脆卜卜，炸蘿蔔糕加埋千島醬有另一番風味！🤑: ~$50 per head😋: 4/5

呢間見元朗店好多人話ok咁試下太子店係咪真係ok啦千島醬脆皮蘿白糕容許我 簡介為椒鹽九肚魚咁🤣因為面頭有 千島醬➕木魚好有八瓜小丸子咁既味啦之後入面既蘿白糕係軟琳身不像平時煎咁企身(間中轉口味個，個人更喜歡煎蘿白糕)得奬蝦餃之王皮薄👍🏻蝦多大，爽口重包到少少汁👍🏻有水準🉐沙爹金錢肚相對沙爹汁偏橙色亦不重辣味，甜多肉厚不過鬆化處理得不錯懷舊香菇燒賣淡淡既豬肉味我就食吳到香菇但就食到蝦size就同蝦餃一樣豬肉夠彈牙👍🏻蟲草花冬菇棉花雞無傳統既腐皮包住棉花就厚身都吸到少少味雞就估吳到係有骨雞可能咁所以就吳期望你包住一口食🙈蟲草花有出到味不過整個組合我個人就不太喜歡啦🥲3.6牛乳太陽蛋我本身諗住應該係陽加入甜品到點知係造型上係🤣實際無關簡單就係上黃色果沾牛奶布旬不過好食既🉐濃濃既甜牛奶味配上甜果沾結: 推薦 懷舊香菇燒賣3.6牛乳太陽蛋因為燒賣一粒有蝦有豬肉個整合好正👍🏻😋甜品就牛奶味香濃🉐#懷舊香菇燒賣#3.6牛乳太陽蛋#千島醬脆皮蘿白糕#得奬蝦餃之王#沙爹金錢肚#蟲草花冬菇棉花雞#得閒飲茶

星期五咁啱銀行整完嘢，就見到太子呢間得閒飲茶，野食賣相唔錯，再加埋門口貼晒大眾點評推介，而且我同屋企人都鍾意呢啲新派即叫即蒸嘅點心，就一於入去試吓。坐低叫咗壺香片，香片茶葉好香，茶味好濃，比起一般出邊啲茶香濃好多，餐廳裝修唔算好光鮮，但係勝在乾淨。點心紙叫咗幾款想食嘅嘢，包括：1-得獎蝦餃之王（4隻） HKD34得獎蝦餃個名唔係浪得虛名，佢個皮好薄身，入邊好重蝦，好好食，完全係皮薄餡靚2-韭黃鮮蝦腸 HKD30啲皮都係好晶瑩禿透，基本上你可以見到入邊隻蝦，而且好貼心咁切開晒六嚿 都係好好食3-千島醬脆皮蘿萄糕 HKD31一上碟有四大嚿，呢個簡直係必叫 炸蘿蔔糕配埋千島醬，佢炸得唔肥膩而且10分酥脆，而且上邊配埋木魚絲，成件事好夾😋4-藥膳雞腳 HKD34藥膳味好重，個湯好好飲，係有少少肥油，雞腳隻隻都好肥美❤️‍🔥5-山竹牛肉球(三隻）HKD23呢款就正正常常 冇乜特別總括嚟講買單160幾，好過去酒樓飲茶，佢其他特色手工點心看上去個樣都好正，得閒過嚟飲番杯茶 食件點心🫶🏻佢元朗都有分店☺️

🚶🏻‍♀️🚶🏻‍♀️經過太子，見到「得閒飲茶」呢個店名好有意思，主打點心更加啱晒我🤩。食店提供傳統點心之外，又有特色點心，選擇多多。同樣計有茶錢，但免加一，性價比高，唔怪得好快就全場滿座✨🍤得獎蝦餃之王脹卜卜，薄薄一層外皮，中間嘅蝦肉爽口鮮香，做到真正皮薄餡靚，不愧為蝦餃之王👑🦐春風得意腸腸粉包住油炸鬼，再包住蝦肉、粟米等，食落脆卜卜 ，忍唔住一口接一口😋🐣糯米雞每啖飯都帶有荷葉香氣，餡料有雞肉、香菇、蛋黃等等，好豐富💕🍰椰香黃金糕帶有 淡淡嘅椰香味，呢款糕點要趁熱食，涷咗質感就會變少少㗎😆🐭豆沙 QQ 小白鼠造型太 cute 喇，差 d 唔忍心食。其實佢係紅豆餡嘅糯米糍，唔會好甜😍🍼3.6 牛乳太陽蛋牛乳布甸香濃又滑溜，作為飯後甜品啱啱好✨

得閒飲茶😋😋😋店名真係名副其實「得閒飲茶」帶點懷舊色彩、仿古色檯椅、牆掛一張懷舊色彩的香港風景、望落去好懷舊港式茶居、配上現代化的即叫即做嘅點心賣點！最緊要食物cp質素極高、廚師細心構思、創造新配搭👍🏻👍🏻紫薯流心煎堆仔、外層嘅紫薯包裹着流心蛋黃、炸成煎堆仔、圓碌碌、鬆脆、紫🍠味香、內含流心蛋黃汁、外脆內軟、好juice!春風得意腸、香滑的米薄皮卷著脆脆雲吞皮、腸粉內仲有鮮蝦、好精緻、好好味！😘黑金流沙包、竹炭的黑、食用金色沾上包面、吸引我的眼球、黑暗中發光、加上內含流沙旦黃汁、超juice! yummy yummy 😋😋#中式點心#飲茶#cp值高#得閒飲茶太子運動場道7b號地鋪港鐵太子站A出口、步行2分鐘

呢間點心餐廳傳統得黎又有啲特色創意點心，有啲造型好特別嘅點心😍 點心籠係方形嘅，有別於傳統嘅圓形🤣 點心即叫即蒸，用心製作💖 而且老闆聽講好勁，曾擔任大酒樓嘅點心部總廚，有30幾年做點心經驗，攞過好多獎🏆 重點係價錢平民化，免收加一服務費，兩個人total唔洗$200埋單👍🏻🔸🍚鳳爪排骨飯 $39好足料，有好多排骨，啲飯唔會太濕或太乾，有荷葉包底，夾雜住荷葉既香味，加埋豉油同埋肉既油香撈埋一齊好惹味🤤🖤黑金流沙包 $34賣相幾靚，有別於傳統嘅白色流沙包，用黑炭粉製作，奶黃餡熱辣辣，好流心，奶黃餡甜甜地，仲有香濃嘅鹹蛋黃味😆💛灌湯小籠包 $27皮薄餡靚，好有鮮味😋 要小心啲夾，好易爆曬啲湯汁出嚟‼️🐭豆沙QQ小白鼠 $29好特別嘅點心，造型好得意😍 原來係紅豆餡嘅糯米糍💖 外層有好多椰絲，外皮煙韌，推介👍🏻🥛3.6牛乳太陽蛋 $26好有特色嘅甜品～ 初頭以為係真係蛋黃嚟，點知原來係啫喱🤣 牛奶布甸勁好食！質感滑溜溜，牛乳味香濃🥹🥥椰香黃金糕 $20甜度適中，有淡淡嘅椰香味，口感好彈牙😌 擺凍咗會硬咗，要快啲食🤣🫖茶位 $5/人

#千島醬脆皮蘿蔔糕 🥧$30呢個真係有驚喜🤩第一次食炸左嘅蘿蔔糕，炸皮脆口乾爽唔油又夠薄👍🏻配埋木魚絲有少少似食章魚丸🤣特別又好食😋（不過佢嘅蘿蔔糕唔係多蘿蔔多蝦米臘腸果種）#蟲草花冬菇棉花雞 🐔$30雞肉細嫩香甜，唔似雪藏雞🤔最重要魚肚夠厚身😍軟硬適中👍🏻索晒d雞汁😋#紫薯流沙煎堆仔 🍘 $30初時以為細細粒，上菜發現好大粒🤣外層一樣炸得香脆唔硬👍🏻紫薯蓉口感軟糯，最重要味道唔假唔會死甜❣️入面係流心嘅奶黃，完美嘅甜品👍🏻#蜜汁叉燒包 $19麵包口感幾鬆軟，味道正常發揮👍🏻醬皇蒸鳳爪 $23鳳爪夠大隻，調味惹味又煮得入味😋再煮腍d會更好😅期待之後再去食其他點心❤️*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_pe🫶🏻#kd_food_太子#太子美食 #太子打卡 #太子餐廳 #太子飲茶 #太子點心 #點心推薦 #點心推介 #香港點心

飲茶好多時俾人地個印象主要都係飲早茶🌞有時夜麻麻想飲個夜茶都諗唔到可以去邊🫖咁既然得閒想飲茶就緊係要去“得閒飲茶”‼️*❣️得獎蝦餃之王 $34話明得獎無可能唔食啦🏅️皮薄 蝦肉好多好大舊🦐食落粒粒蝦餃都好彈牙果然得獎嘅蝦餃係唔同啲*❣️沙爹金錢肚 $28好入味 好有香濃嘅沙爹醬汁味🥜仲會有豆腐卜嘅出現就連豆腐卜都入曬沙爹味 正正*❣️糯米雞 $32係足料嘅糯米雞有成個竹籠咁大舊嘅糯米雞唔好睇少呢隻糯米雞 係包到實一實真係有足唔同餡料🥚🍄🐥*❣️蜜汁叉燒腸 $26腸粉皮皮薄滑身每舊腸粉都睇得好清啲叉燒粒叉燒粒又無肥豬肉嘅出現🐷不錯不錯*❣️千島醬脆皮蘿蔔糕 $31炸到熱辣辣 好脆身🔥蘿蔔糕面灑木魚碎仲加埋千島醬都算係新派蘿蔔糕🥕不過咁樣又幾夾下🙈*❣️京蔥香煎菜肉包 $26包面金煎到黃色外脆內軟 啲菜肉汁好正下個人幾鍾意呢個菜肉包🥰🥰

早上經過太子想飲個快茶，進店明亮乾淨，店員不多但手腳很快，看看點心紙下單上菜，即叫即蒸上菜速度很快，點心熱辣辣，不錯。《沙嗲金錢肚》賣相不錯，醬汁不會過多或太稀，剛好每件金錢肚都掛上醬汁，味道中規中矩，不錯。《韭黃得獎鮮蝦餃》皮厚度剛好，蝦肉滿滿爽口，如蝦餃內能帶點肉汁會更出色《千島醬脆皮蘿蔔糕》上菜時仍熱辣辣燙咀，脆皮薄又香，包著蘿蔔糕剛好，配上木魚片及千島醬即時帶點日式風味，有創意亦容易接受《棉花雞》足料，中規中矩。《韭黃鮮蝦腸》蝦仁大大粒爽口有蝦味，主要食腸粉皮，夠薄軟淋，不錯《春蛋燒賣》傳統點心，味道咸淡得宜，如能加強豬肉咸香會更有風味

🫖得閒飲茶🫖-今日要去花墟做嘢，唔知食咩好時，個客介紹我哋可以去哩間點心專門店食晏，一於就去試吓🫖😍-下午都幾滿座，坐低梗係立即叫咗最鐘意嘅黑金流沙包🤤 所有點心即叫即蒸，上到嚟超熱😎 內餡甜而不膩，輕鬆K.O.🧏🏻‍♀️-必點嘅當然係佢哋嘅得獎蝦餃王，張生冇等我啪咗三粒🙃 就知佢幾好味啦…-春風得意腸，香滑腸粉入面有脆米網、蝦🦐同蟹籽，好熱氣不過好香口🥰🥰🥰 食完飲返啖茶清清再食多件😛-我哋仲叫咗灌湯餃🥟 清香嘅蟲草花湯底配大大粒餃子，滿足感超強，個湯頭非常好飲 🤍 值得一試💁🏻‍♀️-埋單兩個人唔使二百，但食到超飽，位置仲好近太子港鐵站，抵食❤️❤️❤️

🔸得獎蝦餃之王 ($34)作為得獎點心，來到當然要一試🏅餃皮有黏彈的筋性，餃餡蝦肉爽口帶香，混入爽脆清新的韭黃，肉汁豐富，做到名副其實的皮薄餡靚🔸黑金流沙包 ($33)有別於常見的白色流沙包，烏卒卒的外皮，相信是以黑炭造成，賣相份外吸引。熱辣辣的奶黃餡頗流心，咬下去微甜的奶黃，加上香濃的鹹蛋黃，食到停唔到口🔸千島醬脆皮蘿蔔糕 ($30)中式的蘿蔔糕，以一層香脆可口的外皮包裹着，炸粉不會太厚，內裏有一條條蘿蔔絲及臘腸，面頭灑上大量日式木魚絲襯托，加上酸酸甜甜的西式千島醬。這款中西日合壁的fusion點心，咬下去層次感及味道均十分豐富🔸懷舊香菇燒賣 ($28)燒賣一籠四粒，餡料飽滿，豬肉醉加入香菇及脆卜卜蟹籽，味道口感控制得宜🔸沙嗲金錢肚 ($27)沙嗲醬味道香濃，金錢肚的坑文吸盡醬汁的精華，食落十分入味，而且爽口彈牙🔸韭黃鮮蝦腸 ($30)皮薄的腸粉，透出每件內裡放有原隻鮮蝦，蝦肉爽脆鮮甜，點上醬油，鹹鮮味十足🔸3.6牛乳太陽蛋 ($25)食完點心仲有豐富嘅甜品🍨這個太陽蛋外型吸晴，上面放上蛋黃造型的啫喱，底層牛乳味香濃，食落滑溜🔸香芒凍布甸($20)布甸裡的芒果肉既多又新鮮，真材實料，

一個大人+1個唔食嘢嘅細路，叫咗四樣野。椒鹽魷魚鬚，炸得太油，出嚟的樣子黑蚊蚊，炸得太過火，不好吃👎🏻 春風得意腸好食，外皮軟綿綿，內裏酥脆。燒賣和牛柏葉正常水準。我同BB兩個人，招收兩位茶錢🤷🏼‍♀️

🦐得獎蝦餃之王$34（7.9/10）一口size，外皮煙靭入面係蝦為主，蝦爽甜有汁，個餡唔會死實☺️。✨春風得意腸$38（8.1/10）腸粉中間有脆皮同包住蝦肉、椰菜同粟米，口感好似炸兩，多重口感👄。🐖蜜汁叉燒腸$25 （8.2/10）腸粉晶瑩剔透，口感好Q好滑，好好食🤪。🍄養生野菌素粉果$24 （7.3/10）雜菌味道有啲似黑松露，味道有啲難形容，但整體係幾香😬。🌕黑金流沙包$33（8/10）相對細個嘅流沙包入口有鹹蛋黃味，然後慢慢有啲奶黃滲出黎，味道幾有層次，size剛好🤍🥕千島醬脆皮蘿蔔糕$30（7.5/10）千道醬加柴魚絲味道似章魚燒，有點蓋話左蘿蔔糕同臘味嘅口感、味道👀。🍚原籠鳳爪排骨飯$38（7.8/10）賣相唔錯嘅飯，荷葉包底令個飯多左風味，味道唔錯🤎

今日行行下街，忽然好想食點心，但夜晚茶樓又冇點心食，見到有喱類型既點心店就岩晒我😍✨黑金流沙包 $33流沙奶黃包係每次飲茶必叫既點心🤤喱個黑金外型好吸引，一啖咬落去，入邊既奶黃汁衝晒出嚟💓🤤好正✨春風得意腸 $38喱個腸粉好特別，唔同平時傳統點心嘅腸粉，外層係腸粉皮，入面包住一層脆米加上有蝦，椰菜，粟米同蟹籽做餡料，一咬落去脆脆地，口感好豐富🥰✨千島醬脆皮蘿蔔糕 $30喱款點心真係完全估佢唔到係蘿蔔糕，外層炸得好鬆脆，配上千島醬同木魚碎，真係非常特別！千島醬嘅酸酸甜甜可以中和油膩，冇諗過蘿蔔糕都可以同千島醬咁夾😍自己一個都可以ko全碟😋✨咸水角 $19傳統既點心一樣都做得好有水準👍🏻炸得好香脆，而且外皮煙煙韌韌，十分唔錯☺️✨豆沙QQ小白鼠🐭 $28造型十分可愛😍入面係紅豆餡料既糯米糍，糯米糍嘅外皮煙煙韌韌，配上紅豆餡，值得一試既甜品😚✨3.6牛乳太陽蛋🍳 $25係以太陽蛋造型嘅布丁，蛋黃係啫喱製成，布丁食落真係充滿濃濃嘅牛奶味，十分特別🤩