得閒飲茶

營業中

休息中

平日飲茶就一定係去酒樓啦，不過越來越多小店打正旗號賣點心，想要脫穎而出就點都要有一兩樣吸引到人嘅點心款式。 早前網上睇到尼間年頭先開業嘅點心小店，被佢動物外型點心吸引，決定一試點心出場喇：茜牛肉腸粉，賣相一般，但腸粉好滑！千島醬脆皮蘿蔔糕，脆漿炸嘅蘿蔔糕，外脆內軟，不過太多千島醬了！龍蝦湯鮮竹卷，龍蝦湯味道偏淡，其實無乜特別！蒜香蝦春卷，外皮酥脆，蔬菜同蝦都好爽口，唔錯馬拉糕，鬆軟綿密XO醬菜苗餃，味道一般！黑豚肉脆脆豬真係一隻好脆嘅豬，𥚃面個黑豚肉餡料足，有啲似食緊咸水角最後再嚟隻白老鼠（豆沙QQ小白鼠），隻白鼠一啲都唔小，外形討好，不過唔夠Q！本來打算試下個原籠蒸飯，但實在太飽，有機會再去先試下啦

元朗愈黎愈多好野食就人人都知，點心都有幾間選擇，見多開一間就試下。行行下街黃昏六點幾肚餓walk in 唔洗等位就入得，環境都乾淨衛生，落完單等一陣就陸續上菜，等待時間可接受。新款點心賣相得意好食，春風得意腸內脆外軟，黑豚肉脆脆豬望落cute cute 唔忍心食🤣，蝦餃都大粒啖啖肉，小籠包不過不失，芝士蝦春卷就脆脆嘅口感一流，沙爹金錢肚就失望啲，隻辣唔岩我口味。兩個人飲茶多數食5-7碟點心（不叫蒸飯計），試過叫成10碟真係食唔曬，自此就會好好控制碟數，最多唔飽先再加單！同埋叫左包點嘅都會就住啲，始終包都較滯！為免眼闊肚窄，今次就無叫到黑金流沙包同紫薯煎埋，望圖都似幾好食，唯有下次再試！整體黎講食物質素都唔錯，睇得影得食得，打卡一流，都係元朗飲茶推介之一，經過可以試下！

近幾年好似多左呢d新派點心店 多數都係茶餐廳既格局但係食點心 有卡位 同酒樓比起無咁嘈 而且多數唔使點等位 另外特點係營業時間長 開到凌晨 所以就算幾夜都可以來飲下茶食點心😋小籠包 塊皮厚薄剛好適中 小籠包入面有好多熱湯好正 以前有試過食到d皮太薄/蒸到過龍既好容易會穿 呢個就不會 韮黃蝦腸 皮好滑但唔會油淋淋 入面d蝦都幾大隻同鮮甜 菜肉生煎包 呢個就略嫌油左d 下面張紙吸滿哂油 不過都叫做到外脆內軟 唔錯總括來講 呢間都算ok 茶錢4蚊1位 比一般酒樓平 算好坐 食完唔趕客

星期日早上 剛好經過得閒飲茶又剛好走了一批客人，有位子，就得閒飲茶！春風得意腸滑嫩腸粉皮包住香口脆脆 還有爽口的蝦肉口感一流 不點豉油都好好味紫薯鮮奶煎堆仔脆脆煎堆仔入有驚喜！雖然食不出鮮奶味 但是一口咬開 紫薯茸包住滿溢的金黃蛋漿 甜而不膩，非常好吃！XO醬菜苗餃對於開口的餃子 我真的沒有太大的好感對喜歡吃餃子的人來食就是要吃一口餃子爆出的餡嗎這款葉苗餃畫公仔畫出腸 不過XO醬幾惹味黑金流沙包除了型格的黑色麵包皮外，流沙包不夠起沙不過不失的點心懷舊糯米雞雖然得閒飲茶定位創意點心，不過它們的懷舊糯米雞一點也不失禮！糯米飯充滿荷葉香，叉燒粒，冬菇，雞肉，非常足料！它們的普洱茶都很香濃 滋味醇厚！吃一口點心再配濃濃普洱茶，減脂瘦身！由於星期日去食，每款點心都要加2蚊，要留意！同埋呢間餐廳營業時間好長，早上好似8:30開到凌晨12:00宵夜新蒲點

呢間餐廳個名岩晒香港人，香港人出街撞到熟人都會講句得閒飲茶，聽日父親節但就唔到時間，唯有早一日慶祝父親節飲下茶啦。平時我地一家飲茶多數去東哥，不過見元朗開左咁多間同類既餐廳，所以今日試下新野，得閒飲茶😊每次去一間新野飲茶都會order ，間間都初初好食，但食多幾次流沙包就會覺得麻麻地，中間個餡勁油，東哥都唔例外，所以後期都冇再order。蝦餃，爸爸早果排先係到講而家食唔到傳統蝦餃，即係個餡有荀同韮王果d，點知佢一講我地就搵到傳統既比佢啦。 小籠包 正常既，不過終於有間唔係比紅醋唔記得左叫咩咩黑豚豬 之後食到半路就唔記得左相機食完，仲嗌左個紫薯煎堆仔同排骨飯，蝦腸煎堆仔 中間又係流沙餡，但外皮同鹹水角一樣，好硬，所以麻麻地。 排骨飯，寫明係金鳳米，但唔知係咪蒸得太濕，所以食唔出金鳳米果陣香味蝦腸，個皮滑而薄, 好食😋😋Overall 黎講ok既，有d好食，有d麻麻地，5個人 total 食左2百幾蚊，仲會有下次，不過下次會去埋雞地試左升哥之後會返轉頭😊

Happy Friday接了囡囡放學後, 都喜歡外出食午餐開心下. 問阿囡話想飲茶, 但附近酒樓又吃到有點悶, 突然醒起之前行過一間新開的點心茶居, 於是就帶囡囡同姐姐去試下.  <<​得閒飲茶>>係平民茶居, 午飯時間全店滿座, 似乎口啤唔錯. 店員見我地帶住小朋友, 特意安排了卡座, 十分貼心. 食物方面跟傳統酒樓相約, 有即叫即蒸點心, 腸粉, 炸點, 蒸飯等. 另外提供燉湯, 亦有數款可愛造型點心, 傳統和新派結合.  ​ 見阿女最近經常咳, 要飲返多D潤喉潤肺湯水, 依款五指毛桃燉豬骨湯, 原燉蒸燉, 保留到原汁原味, 味道十分香甜濃郁. 五指毛桃湯帶有椰子香, 加上蟲草花, 對氣管很有保健作用.  ​看餐紙就完全被黑金流沙包外型迷倒, 本來不愛吃奶皇也忍不住點了. 圓渾的黑色飽, 表層點綴了食用金漆, 賣相十分型格.  ​味道是竹炭包, 內裡是流沙奶黃饀, 竹炭並無特別味道, 但包的質感相當不錯, 香軟而有回彈力; 流沙奶黃並沒有預期中重奶味, 反而比較清淡, 倒是合我口味, 值得推介.  ​蝦餃王4隻30元, 也是合理價錢, 皮

朋友話，睇我個樣唔似鍾意飲茶 😝 其實呢個係情意結，因為細個時每逢星期日，爸爸媽媽一定會帶我去飲茶，係我兒時重要嘅Family Time ☺️ 所以，我都好想個仔享受同爸媽飲茶嘅樂趣，最近最鍾意去嘅係 #得閒飲茶，佢唔係傳統茶樓，呢度嘅點心好食又抵食，仲有啲造型好可愛㖭。我個人最鍾意食嘅係個豬仔造型咸水角，用黑豚肉㗎！仲有「春風得意腸」，好似炸兩咁，但造型精緻，仲加咗蟹子，內脆外滑好好食～另外黑松露鮮蝦餃、流沙包、蟲草花花膠灌湯餃、XO醬菜苗餃、懷舊春蛋燒賣，都非常正😋甜品我推介原籠蔗糖馬拉糕、鍋巴雜果沙律、豆沙QQ小白鼠😍 全部都好高質素。不得不提，呢度嘅燉湯同蒸飯款式都又多又抵食，所以話嚟飲茶真係最好嗌多幾個親朋戚有一齊嚟，咁就可以食得更開心喇🥳 美中不足嘅係呢度嘅BB椅係老式茶樓嗰隻，冇安全帶，所以Bat Bat 都係坐卡位夾喺我同爸爸中間咋，但見佢食得咁開心，唔緊要啦。食到飽飽，今次人均消費都唔使$100㖭 👍

唔知是否太多顧客，招待人員好差，有不耐煩的感覺，有三名客人被安排坐在四人的卡位，當有另一名男人表示自己是等候四位，招待人員為了留住那位男士，竟直接用帶著藍色手套(接觸過食物+收拾過枱面=不清潔)的手在問都無問過顧客情況下拿起本身被安排坐在四人坐位的手袋，拿起後才表示請顧客讓出一位坐位給那位表示自己是等候四位的男顧客，這位做法確實過份。第一，我明白在商言商，想客似雲來，最好哩頭食完哩頭走人，但招待員你對手套有污漬，你在問都無問過客人下拿起顧客手袋，那會整污垢顧客手袋。第二，你可先表示讓客人讓出坐位，客人會自動自行拿起手袋，不用你未經許可下拿起顧客手袋，這可避免了被懷疑偷手袋的情況。第三，那男顧客表示自己是等待四人坐位，但人未到齊，所以根本不急於去坐位，加上本身被安排坐在四人坐位的顧客尚未食完，招待員就大大聲表明叫那男顧客坐下，還說這三名顧客就快食完，這樣做根本是令顧客應為顧客只需俾錢，食唔食根本唔重要，錢才是最重要，果然在商言商。食物上罐湯餃似一個雞包仔放在湯中，紫薯流沙正常表現，唔特別，就是一個紫薯流沙，馬拉高好清淡似無調味，一個字「清」，小籠包正常，唔特別。

有陣時係街撞到朋友，寒喧兩句就講句"得閒飲茶" 有陣時真係諗，究竟有幾多次真係會約番出黎飲下茶? 不過人大了，加上當媽後真的比做女時還顧家而最少每隔兩星期，我們都會回去飲茶見見父母， 兒時最怕到酒樓，坐到天慌地老， 現在的我，反而更加慢慢喜歡品杯茶，吃過飽。不過平時飲茶去酒樓就最怕去搵位， 但係近來多了不少店鋪也推出吃點心， 咁...突然間想去飲茶都可以隨時飲茶啦 早前打算去朋友屋企聚會， 誰知去到元朗，朋友家突然有事未能聚會， 既然係咁，就去搵間餐廳食下野啦， 係元朗區咁多野食，今次我見到呢間小店...其實之前我已經係係太子見過，仲想試下， 點知今次就反而係元朗見到， 就入去試下食野先。由於當日放左工真係好鬼肚餓，見到隔離台既蒸飯好吸引， 呢一籠蒸飯，原籠上既原籠鳳爪排骨飯 $36 一到個飯即刻心諗，兩三個人食都夠呀， 同平時係茶點既蒸既盅頭飯完全唔一樣 大好多好多，平時酒樓既分分鐘一個鐘都夠飽然後就當然到我位少爺最愛，去親飲茶都必點既 手拉白布腸 $19腸粉就同平時食開既就好似短左少少， 但係一樣Keep到好滑既， 連我想食啖都唔比我食啦，成碟

今日約咗朋友去 #元朗 飲茶，一齊去食啲特別嘅點心。一行四個大人兩位小朋友，想佢哋坐定定飲到下茶梗係要嗌有公仔嘅點心啦！#得閒飲茶 打破 #傳統點心，#真材實料，多種類揀又有 #燉湯 飲！🌟呢度啲蒸飯真係大大籠香菇章魚飯($36)同鳳爪排骨飯($36)4個大人2個小朋友都食唔哂😆😆勁夠份量香菇味不是太重，唔鍾意食冬菇嘅老公都接受，排骨鳳爪夠入味，食蒸飯落豉油才是重點，唔太咸，合格✅有公仔嘅點心叫咗:🌟黑豚肉脆脆豬$34岩岩炸起，內暖外脆，同咸水角一樣想食新鮮點心一定係食咸水角，一食就知！🌟豆沙QQ小白鼠$28晞晞一手就拎住咗擺入口，仲快過老鼠😨當然呀媽面就黑到一個點，佢就食得好鬼開心，椰絲配上紅豆又真係絕配黎嘅❤️🌟金牌流沙包$26，啲蛋黃汁流哂岀黎熱辣辣，食嗰陣小心啲🤫堅係好好食🌟蟲草花花膠灌湯餃($28)勁大隻餃足料，湯係無味精嘅👍🏻👍🏻仲要真係有塊花膠喺底 $28咋！你想點🤷🏻‍♀️🌟黑松露鮮蝦餃($27)第一次食，但係黑松露同蝦係幾夾，好食！有黑松露嘅味打破一般傳統嘅蝦餃👍🏻呢度每位茶錢$4 不設加一添😊

卡卡由細到大就跟住爸爸媽媽去飲茶，自己覺得陪住老人家去飲茶令到佢地開心，卡卡係好樂意做！要記住爸媽費盡一生來養育我們，陪佢地飲茶這麼簡單的事都做唔到的話，就認真抵打！.但係而家啲後生仔女就真係唔係太鍾意去飲茶(我指我d仔s)，覺得飲茶就係【老土】！尤其彥彥大仔成日覺得無嘢岩佢食，飲親茶都只係得叉燒腸粉和叉燒飽可以揀！所以每次卡卡話陪4大長老去飲茶時佢都耍手擰頭，不願意跟去....或者係被迫跟著去....為了改變他們對飲茶的態度及想法，岩岩個星期日我同卡佬帶左佢去新派創意點心餐廳《得閒飲茶》~希望令佢愛上飲茶~🤭 潛移默化地令他愛上飲茶，期望佢哋大個都會陪我哋兩老《得閒飲茶》！🤣.果然真係無帶錯，2兄弟好鍾意呀～仲食得好開心，呢度點心除了賣相特別及可愛之外，味道更是美味喔～即叫即蒸， 熱辣辣上枱，而家睇返d相都覺餓呀！而家即刻想再去過~🏃‍♂️🏃‍♀️.原籠鳳爪排骨飯 $36每次去飲茶都會必點鳳爪排骨飯， 粒粒飯分明， 配上鳳爪排骨嘅汁及甜豉油，真係一碗接一碗不停食，一籠飯足足有4，5碗飯！ 飯桶嘅你一定要點~.春風得意腸 $34軟滑彈牙嘅腸粉皮包住脆卜卜嘅油炸鬼及餡料，絕配！超好味！有d地

講開飲茶, 原來唔一定要去酒樓，上月尾見到一間新開餐廳，名叫: 得閒飲茶終於有時間同朋友一齊到訪，佢地好多特色點心，比起酒樓有過之而無不及添，等我都介紹一下啦，睇下menu就知選擇眾多1點入座，最後1張枱，原來好多人黎飲茶啊點心樣樣都好吸引，最後揀左以下足料湯水，上下半個月各有3款，味道夠濃又好味，唔係清淡好夠味好鐘意牛肚，唔係間間好食，今次味道係中上的啊叉燒腸味道香滑，下次黎要試埋蝦腸好可愛既奶皇包，加2隻眼已經唔同晒，流沙我最鐘意上枱仲以為黎錯，原來係蘿蔔糕，大愛，必叫之選，下次黎要再食，好特別又好味馬拉糕香濃好味，仔仔一見即刻想掂下，彈性夠，又軟熟，贊豬仔造型勁可愛，入口煙韌，唔係薄薄既一層，識食就知係好野呢個上枱已經半飽，芝士味唔太重，如果可以濃啲更好，可惜冇沙律醬配送，否則更加吸引個飯勁大啊，最後當然食唔晒，但雞件夠滑，豉油要求另上，但姐姐可能覺得奇怪不停話要即刻倒落飯... 冇豉油先食到最真實味道嘛，下次黎會試肉餅飯 好滿足既一餐，2個女的實在食唔晒，已經打算再去食，因為想再試其他點心，下次再分享

今日去左元朗 #得閒飲茶 晚餐🥣好正呀💓因為大埔無得咁夜食點心🥟飲啖茶☕️架食左好多未試過既新菜妹妹🤤勁開心呀，有得食 #卜卜脆既蘿白糕#春風得意腸粉 系一定要食口感好豐富呀💓最後仲食埋芒果布甸🍮收個靚尾😍大滿足既晚上🌃

得閒飲茶，查實唔得閒都可以試下，點心都幾好食，夠晒精緻，款式創新，味道有水準，值得推介的特別係灌湯小籠包，都係2幾元，啲皮夠晒薄，啲餡夠晒juicy,另外，我最欣賞就係蟲草花膠灌湯餃，好夠料，真係有花膠呀，2x價錢，就可以食到花膠，都算老闆有心整啲好野俾客人食，分分鐘好食過啲大酒樓，價錢又夠晒平民化，無加一服務收費，我兩公婆食個lunch,都係80元左右，啲位置都唔錯，食了一陣，已經開始多人，不過，好野真係多人食，下次可以再來。服務態度都唔錯，啲姊姊好好服侍，我諗我會食多啲點心好過食魚生，食落都安全好多。

同事gathering朋友介紹，去左元朗得閒飲茶食點心，我都好少飲夜茶，又幾有驚喜喎。呢度除左有平時酒樓叫開既點心，仲有啲得意點心，豬形咸水角，芝士蝦春卷都好食，下次可以再黎。