得閒飲茶

營業中

休息中

元朗得閒飲茶特色點心小店🫖懷舊香菇燒賣 $28環顧眾多酒樓飯店，燒賣真心不似預期般好味，反而係冰鮮嘅仲多，今次就有晒驚喜係蒸籠熱辣辣出嚟，入口肉感彈牙爽口，香菇味浸入燒賣，值得一試！山竹牛肉球 $22牛肉球當然係大大粒，啖啖肉一啲都唔會有粉嘅口感，仲有好多支竹，加埋多喼汁冇得彈！黑金流沙包 $33雖然黑金流沙包真係成行成市，不過不是每間都做到香噴噴嘅流心奶皇，今次一咬落去，滿滿嘅流沙奶皇好足料，不過要小心燙口！蜜汁叉燒腸 $25真係皮薄餡靚嘅腸粉，包實晒勁多肉蜜汁叉燒，肉地都不錯味道一流！千島醬脆皮蘿匐糕 $30難得係飲茶見到特色蘿蔔糕，真係不能不試一下，外皮金黃香脆，入面包住香口足料蘿蔔糕，仲有千島醬同木魚襯托，無違和之餘配搭夠新鮮，味道都不錯！紫薯流沙煎堆仔 $30當然要叫番一個甜點作結尾，紫薯好足秤入口味道好濃烈，雖然加咗流沙不過配搭煎堆都唔會食到一堆嘢咁，反而每種味道層次感出咗嚟，慢慢帶出適當嘅甜度出嚟！免加一 茶位$5位得閒飲茶 (元朗)元朗谷亭街13號傑文樓地舖

元朗站📍得閒飲茶-呢間點心舖係太子都有食開，今次試下元朗呢間🫖蝦餃之王（$34）名不虛傳既蝦餃，皮薄餡正，平時食蝦餃有時覺得皮太厚/一夾就爛，呢度就完全冇呢個問題，蝦🦐都幾爽口同埋入味。雖然唔係大大粒，不過質量取勝。椰香黃金糕（$20）唔多點心舖有黃金糕，一見到就癮起😋黃金糕一梳梳魚翅狀，煙靭有嚼勁。不過我覺得如果再重d椰汁味更正😍蔥花蝦米腸（$25）腸粉出乎意料細滑，軟糯有米香。一開始睇錯以為係煎蝦米腸😂不過今次錯有錯著，冇煎更食到腸粉細滑。黑金流沙包（$33）流沙包有3隻，汲取咁多次辣親嘴既經驗，今次攤一攤先食。不過可能係攤耐左就冇想像中咁流心。流沙咸香十足👍🏻千島醬脆皮蘿蔔糕（$30）呢個邪惡之選🫢外脆內軟，咬開仲見到蘿蔔絲，真材實料🤤原籠鳳爪排骨飯（$38）老實講兩個人食完點心再食呢個飯真係好飽😰好鬼大籠，如果三個人share就岩岩好。飯底有荷葉，飯有淡淡荷葉香，排骨好嫩滑，鳳爪入味。茶芥每位$5🍵環境方面，裝修同新式點心店有少少分別，木枱櫈有一種舊式茶居感覺。卡位坐得幾舒服，衛生企理。

我19:08落單，去到19:45賣單，叫左6樣野，淨係黎左一份蘿蔔糕。眼見其他遲過我既客都keep住有野上，仲要有野係我都有叫（蒸飯）😅佢仲要不停接外賣單，搞到成班堂食就等到傻下傻下。（Sorry，門口等外賣都等到燥，有外賣早過我，到我走都未有）D間真係請我都唔會再去，等到一肚氣。

✅得閒飲茶最近興起好多食點心既餐廳 由朝到晚都可以飲茶😋今次就同屋企人去左飲夜茶~餐廳個名夠哂搞鬼😈 真係可以同朋友講:得閒飲茶呢到既點心價錢適中 唔會太貴點心紙到仲見到有啲特色點心 平時酒樓都比較少見而且仲係即叫即蒸 熱辣辣😝鐘意燉湯既朋友仔就要試下啦 每月都會有唔同既燉湯選擇好足料 冇添加味精㗎！加上呢到係唔收加一㗎！😎真係性價比高！🔆千島醬脆皮蘿蔔糕 $30脆皮蘿蔔糕真係第一次食🤣外皮香脆 蘿蔔糕整成條狀 仲有好大條蘿蔔絲味道都唔錯 唔會過分咸或重味配埋面上既千島醬同木魚碎 簡直就忘記左食緊中式既蘿蔔糕🤣🔆香煎菜肉包 $25菜肉包一碟有三個 每一隻都個外皮都好香口仲要熱辣辣 係即叫即煎！絕對唔係翻蒸加熱！肉餡係菜肉餡 仲要充滿哂肉汁😝🔆藥膳雞腳 $32雞腳係店舖推介之一既點心佢既藥膳湯底一啲都唔馬虎 仲要好足料湯底係熬出黎 一啲都唔油膩 入口回甘既味道除左食雞腳仲可以飲埋啲湯添💕💕雞腳都炆得啱啱好 唔會太硬身 都好軟腍😆🔆蟲草花花膠灌湯餃 $30灌湯餃湯底係蟲草花花膠湯會唔會太滋補😝用燉盅上既灌湯餃 見到啲蟲草花同花膠個湯好清甜 一啲油份都冇！灌湯餃一隻好大粒 連埋湯一齊食

有時想飲個燉湯 食個蒸飯 就會去得閒飲茶 可能因為唔係做好出名既連鎖店 所以通常去到都有位店內地方明亮整潔 點心即叫即製 好食當然不在話下 籠仔飯粒粒白米有咬口 價錢又唔貴 叫埋個燉湯 健康大滿足佢既春風得意腸好好食 試過去其他酒樓都有 但完全同呢間無得比 必食店內氣氛都幾好 一個女仔去都唔會覺尷尬既 d姐姐唔係粗聲粗氣果d 會同d熟客講: 今日收工夜咗喎...份工都幾辛苦喎.... 咁早走嘞.... 覺得對打工仔嚟講 係會有點安慰一個人食唔晒 食剩包埋返屋企比老公宵夜 佢話凍咗都好好食是日晚餐: 茶位+土魷籠仔飯+春風得意腸+五指毛桃湯=$110

想試呢間中式點心店好耐，呢日同朋友行過就嚟呢度試試佢，因為喺茶餐廳格局，唔係正式嘅酒樓，所以就坐得迫夾少少，但係呢度既點心水準一啲都唔差，完全值得一試。 醬皇蒸鳳爪 $23鳳爪醃得好入味，偏咸帶微辣，鳳爪皮好易咬出嚟，真係食到唔停口。 蝦餃之王 $34蝦餃都大粒，皮薄餡多，大大粒蝦肉包喺餃裏面，蝦肉彈牙有鮮味，即叫即蒸，個名雖然浮誇啲，但真係好食。 灌湯京滬小籠包 $26外皮厚度適中，餡料係豬肉，一咬肉汁同湯汁就會即刻流出嚟，有少少鮮味同鹹味，就係要小心啲湯汁熱得濟辣親個嘴。 黑金流沙包 $33外觀賣相唔錯，裏面係蛋黃流沙餡，咬落去就會食到鹹蛋黃味，鍾意食咸蛋既朋友可以試下。 韭黃鮮蝦腸 $30腸粉薄身，鮮蝦數量都畀足，入口都算彈牙，正常嘅鮮蝦腸粉。 豆沙QQ小白鼠 $28主任黎就係為咗呢個甜品，小白鼠外觀真係好得意，整體黎講似係豆沙糯米糍，糯米皮好煙韌，落左好多碎椰絲，椰香味好重。 豆沙餡好多，好甜，為係呢餐做個完美落幕。 呢度冇收加一服務費，有茶錢，不過整體食物價錢都畀酒樓貴少少，所以兩者其實差唔多。想有啲新意嘅可以試下呢間。

第一次去點心專門店食嘢~ 星期日下午諗住同朋友去歇下腳，至在唔洗加一服務費，地方都夠闊落，三五知己去聚下都係唔錯嘅選擇整體感覺very good比起一般傳統酒樓，呢到更多新穎同精美啲嘅點心，而且價錢合理，絕對可以再encore呀

今晚決定晚餐食中式點心，考慮咗一陣就決定幫襯得閒飲茶，對上一次幫襯已經係12月。叫咗好幾款點心，有黑金流沙包，菜苗餃，蒸排骨，馬拉糕，藥膳雞腳，灌湯餃……同埋亦叫咗個姬松茸燉排骨湯，及一個鹹魚肉餅飯。我同家人對得閒飲茶的食物意見係，質素真係唔錯，點心大部分都美味。家人特別鍾情於藥膳雞腳，一來夠入味，而且雞腳亦夠淋。另外黑金流沙包亦保持水準，賣相及味道都令人滿意。咁多款食品，唯獨係個菜心有啲煮得過淋。

叫了很多次這間點心外賣，每次都覺得質素平均，好味，樣貌精緻，未試過漏單同包裝得幾妥當，未試過散晒，來到都夠熱同新鮮，每個點心都配備需要既醬汁，好企理，食物應該淋既野都夠軟熟，家中老人家最愛的一間點心店，推介👍🏻👍🏻叫了10款點心加一個飯，個飯每次都好大碟足料，今次叫了豉椒排骨鳳爪飯，味道不錯。另外每次必吃黑金流沙包，好味，唔會流到好似水咁，做到起沙效果。野菌餃幾夠味又健康。春風得意腸幾特色，不同外面一般炸兩腸，佢有d蟹籽及粟米粒在上面，增加層次。其他點心表現不俗

得閒飲茶 (元朗)平時媽咪有幫襯開呢間茶居，有好多特色創意點心😚😚當然亦有傳統點心供應～🥢醬皇蒸鳳爪 $20媽咪最愛既點心之一，醬汁入味，有蒜香味，帶點香辣，好惹味😋😋🥢黑金流沙包 $29之前係貓咪🐱造型，今次型格霸氣款用黑金做主題，但味道依舊好味😋，新鮮熱辣～～ 入面係黃金流沙餡，一咬就溢出嚟☺️🥢蟲草花冬菇棉花雞 $30雞件唔會太油膩，肉質滑溜，仲有冬菇和蟲草花一齊蒸，幾健康🥳🥢紫薯流沙煎堆仔 $29小編係紫薯控，煎堆仔大大粒份量十足，入面係奶黃餡，唔會太甜，咬落去脆卜卜，好香口🥰🥰🥢3.6牛乳太陽蛋 $25估唔到茶樓都有得食牛乳奶凍，賣相好似荷包蛋🍳，好滑好濃牛奶味～ 🌟茶位只需每位$4， 唔洗加一服務費，好抵呀😍😍地址：元朗谷亭街13號傑文樓地舖

店鋪位於大棠路輕鐵站附近，下車後步行兩三分鐘就到了，地理位置很方便！點心價格適中，還有些很特別的款式，茶位費全日每人收費$4，不收加一👍🏻1. 黑金流沙包（$29）一掰開流沙噴湧而出，流沙的油份超足，好邪惡🤤餡料豐富且味道濃郁，不錯！評分🌕🌕🌕🌕🌕2. 春風得意腸（$37）餡料種類多，有蝦仁、馬蹄、西芹、粟米等，網薄脆香口，令口感更加豐富，如果腸粉少加一點油就更好啦！評分🌕🌕🌕🌕🌕3. 蝦餃之王（$32）皮厚薄適中，每粒蝦餃都包裹了兩粒蝦仁，入口很滿足🤓雖然價格有些偏高，但偶爾吃一次也還可以接受～評分🌕🌕🌕🌕🌗4. 醬皇蒸鳳爪（$20）醬汁味道濃郁，鳳爪個頭很大👍🏻味道不錯而且好抵食！評分🌕🌕🌕🌕🌕5. 沙爹金錢肚（$26）金錢肚軟腍入味，不過小編個人喜歡有咬口一些的🤣沙爹味不是很出，好在醬汁夠濃😀評分🌕🌕🌕🌕🌗6. 紫薯流沙煎堆仔（$29）很特別的煎堆仔🤩掰開和流沙包一樣也是爆餡！餡料感覺和流沙包的差不多～煎堆仔有淡淡紫薯味，但不會搶走流沙味，和餡料很match🤗如果沒那麼油就好了～評分🌕🌕🌕🌕🌗7. 3.6牛乳太陽蛋（$25）像太陽蛋一樣的布丁🍮3.6牛乳味道很重，奶香味十足，上面

點樣食推介✨⭐️抵食創意點心⭐️⭐️元朗/太子點心店⭐️得閒飲茶 (元朗)地址：元朗谷亭街13號傑文樓地舖/太子運動場道7B號地舖🍖黑金流沙包 $29 (7.5/10)夠曬平嘅流沙包🤣，仲要好流心，都幾濃鹹蛋黃味🥳，外面嘅包又夠曬煙韌，我一個人食左兩個，超幸福😙🍖千島醬脆皮蘿蔔糕 $30 (7.8/10)係佢哋獨有嘅創意點心🤣，蘿蔔糕炸到超級超級脆！面頭淋滿千島醬仲有d木魚片，食落唔知點解有種日式嘅感覺🤣🤣，真係特別得黎又幾好食，個炸衣好有存在感，但夠曬金黃酥脆，但咬開就會發現係蘿蔔糕🤯，仲要啖啖都係蘿蔔，依碟野超正！🍖春風得意腸 $37 (7.8/10)又係一道好食嘅創意點心🥳，雖然春風得意腸好多地方有，但佢地嘅餡同普通嘅有少少分別，正常就係腸粉皮包住油炸鬼再包住蝦滑，依度嘅蝦滑係有埋粟米、馬蹄同埋木耳🤯，多左份甜甜地同脆脆地嘅味道🙌🏻，真係幾好食，d粟米解左少少油炸鬼嘅油膩！🍖家鄉鹹水角 $19 (7.8/10)發現依度d炸野都幾出色🤣，鹹水角嘅外皮炸到好脆，食落外脆內軟糯，超鍾意食佢層皮！！！🍖懷舊香菇燒賣 $27 (7.3/10)比較普通，純粹係豬肉燒賣黎，裡面好似冇蝦，但味道都不過不

相信香港人都好鍾意同屋企人或者朋友一齊飲茶敘舊🤣 而我平時都好鍾意嘅人飲茶 但係如果夜麻麻想飲茶 酒樓又唔會有夜茶飲 咁又點算好🥲😭 今次同朋友無啦啦夜麻麻想飲茶 就去咗呢間點心專門店試吓佢😍 見到有好多特色嘅點心，但係可惜已經食得太飽冇機會試吓佢🥺✨ 醬皇蒸鳳爪 $20✨ 沙嗲金錢肚 $26✨ 蝦餃之王 $32✨ 黑金流沙包 $29✨ 原籠蔗糖馬拉糕 $26咁多款點心裏面最鍾意嘅就係佢嘅蝦餃之王😍 大大粒 皮薄餡靚🦐 聽講佢哋嘅蝦餃仲攞過獎!! 果然名不虛傳👏🏻 食落每一啖都係滿滿嘅幸福感❤️ 另外佢哋嘅馬拉糕都十分驚喜!! 本人係十分喜歡食馬拉糕✨ 但係有陣時去某酒樓食馬拉糕會覺得佢唔夠鬆軟 而佢哋嘅馬拉糕雖然望落平平凡凡～ 但係食落絕對驚喜!! 夠鬆軟得嚟更帶點甜❤️見到店舖有絕大多數人都有食到佢哋嘅蒸飯～ 超大兜超足份量😍 賣相十分吸引!! 但係我同朋友兩個女仔食量太少，食咗上面嘅點心之外就已經飽咗🥺🥲 下次有機會絕對會想試吓佢哋嘅蒸飯!!!

行過見到呢到排緊長龍，見咁多人排就有一個趁墟嘅心態想食埋一份😆等左一陣就入得🫖蝦餃之王🦐 $32睇佢介紹話係呢到嘅得獎點心，點可以唔試下。標準size，果然係皮夠薄，蝦仁亦都鮮甜，價錢唔算貴，叫得過👍🏻🫖貓咪流沙包🐱$26兩個公仔頭話係貓咪好似有啲勉強🤣不過有內涵就ok，入面係流心奶皇，但係呢個價錢唔抵食🫖春風得意腸🌽$36比起其他酒樓/點心舖嘅春風得意腸唔同，加左粟米同蟹籽係入面，可惜皮唔夠薄，配粟米亦都唔係好夾，失色🫖春蛋燒賣🍳$24味道正常，豬肉燒賣唔會太肥，OK🫖紫薯流沙煎堆仔🍠$29呢個比較特別，出面少見，紫薯外皮炸到金黃香脆，食落亦有紫薯味，入面都係流心奶皇，熱辣辣食仲要小心辣到嘴🫖牛仔骨蒸飯🍚$44飯底寫明用左金鳳米，食落係比一般荷葉飯香，米香味濃，飯底滿分👍🏻牛仔骨醃得入味，肉質唔韌整體黎講味道不錯，價錢比同區點心舖貴少少🤏🏻坐位就偏迫，可能會再黎

平時飲茶實會諗起酒樓，難得黎試下細細間點心鋪🤔👍👍沙爹金錢肚（真係無得頂）炆得好軟綿綿，香濃軟滑👍將醬汁掛係肉身，未試過食到咁岩口味！蒜香蝦春卷同平日炸春卷不同，濃郁蒜香味，外脆內軟💕賣相精美，蝦肉彈口爽口（不過細隻左啲）👍但唔會有油膩感😐黑松露鮮蝦餃🥟皮薄餡靚鮮蝦餃🥟但個人認為都係原隻鮮蝦餃更為出色，太太濃烈黑松露味反而搶左蝦鮮味，喧賓奪主🤔蟲草花花膠灌湯餃🥟滋潤黏口，夠足料，大大隻餃融入個湯到，有補身既感覺😂但同酒樓水準接近，唔算驚喜👍千層醬脆皮蘿蔔糕炸既蘿蔔糕，絕對係新口味，外脆內軟，保留到蘿蔔香甜軟熟🤤千層醬酸酸甜甜，新鮮嘗試！但都係一舊即可，略油膩👍原籠蔗糖馬拉糕其貌不揚，但絕對係推介！蔗糖香味隨熱氣慢慢散發，糕點濕潤軟熟🤤，輕按有些少回彈，食落絲絲甜味，回味無窮🥺🥺----------------------👍👍強烈推介+沙爹金錢肚+原籠蔗糖馬拉糕+ 千層醬脆皮蘿蔔糕（可一試）----------------------其餘既唔係特別口味，可以略過～～衛生環境很一般，但因為好味，原諒佢🙄🙄