彩aya

早兩日好想食拉麵!! 有位朋友推介彩AYA呢間所以就去咗試!!我叫左黑蒜油沾麵，揀左要黑胡椒麵。入面有兩塊薄嘅豚叉燒片，味道可以，正常發揮。溏心蛋做得好好，唔會太熟蛋黃流出嚟，好正。黑蒜湯都好濃郁，但作為沾麵嘅湯，我期望湯可以再濃稠一點，就可以更掛湯了！至於黑胡椒麵，我覺得好好味喎！食得出有胡椒味。老公就叫左海老沾麵，揀左芝麻麵。一樣都係有兩塊豚叉燒同一粒溏心蛋。海老湯蝦味好出，感覺真材實料！芝麻麵相對普通。一樣如果湯更濃稠，更佳。總結，都幾好食，價錢都合理。店員妹妹有禮服務佳。有機會會再嚟試吓其他湯底。…查看更多

呢日食左好吸引嘅日本拉麵沾麵🍜入到去一坐低就聞到好大陣腥味，應該係由隔離枱嘅貝汁鹽拉麵傳出來嘅～證明應該都幾有鮮味😆而且當時貝汁鹽拉麵做緊優惠，特價送埋可樂🥤所以有更多人食（不過我怕太腥就冇叫到）🍜辛味噌沾麵🌶️ $88 (9/10)呢款好似係期間限定，食落好有驚喜🤩麵條用左山椒自家製作，沾埋秘制辛辣汁超級香麻惹味，有少少似食緊川菜嘅味道👅雖然味道唔太日式，但調味真係好好味🩷希望佢可以永久列入菜單中🤤🍜海老味噌拉麵🦐 $93 (7/10)湯底有微微蝦味，不算太濃🦐比起辛味噌沾汁，海老湯較為遜色💔麵條可以選擇小麥麵或柚子麵，揀咗幾特別嘅柚子麵🍋‍🟩可以隱若品嚐到淡淡嘅柚子味，帶來一絲清新感！…查看更多

最近去咗彩AYA旺角店試咗黑蒜油湯沾麵，第一次喺呢間分店食，之前一直都喺西環店食，不過對於自己就有少少長途跋涉先去到⋯⋯喺旺角店食咗黑蒜油嘅香味搭上黑椒麵麵，配合湯底嘅濃郁味道，每一口都好有層次。麵條滑得嚟，仲好掛湯汁嘅精華，特別一提⋯⋯黑蒜油真係好特別，唔單止增添咗香氣，仲帶咗一絲甜味，正好平衡咗湯底嘅鹹香。質素依然保持到西環店嘅水準，作為新界東人，可以近近地多個高質沾麵嘅選擇，唔洗次次都要出去西環店先食到嚕！…查看更多

上海街開業大約一年的拉麵小店，招牌門面不顯眼，拉麵只有幾款，兩公婆路經當支持小店吧！濃雞湯麵，湯是濃和呈奶白色，湯的溫度是“暖”嘅；柚子麵冇柚子味，又吾彈牙；雞肉冇雞味但吾“鞋”；半熟溫泉蛋味道嫩滑；最讚是紫菜，細細塊都印到“彩麵”字樣招牌，打卡吾錯。沾麵，湯稍熱一點點(仍未達標)，辛辣味香濃，但杰度跟日本食的差距太遠了，根本都掛不起麵條，比雞湯麵還要稀；麵量就多，食得飽；廚師刀功都幾厲害，兩小片的叉燒都切到薄如紙張。食日式拉麵，基本要求只是湯夠濃夠熱，麵夠彈牙而矣，總評一般般吧！有點失望，抱歉難以回頭了。…查看更多

彩Aya一向以麵條及沾麵成為其賣点，之後突破界限在西環開多一間濃厚雞白湯拉麵。而在不久之前在旺角上海街開店，邀請了在日本深造廚藝多年，亦在香港有名氣的拉麵店工作的香港人當主廚，之後此旺角店便推出好幾款拉麵，更推出了小食燒賣。先講拉麵，旺角店有幾款獨特的拉麵，例如海老味噌拉麵、昆布拉麵及抹茶雞白湯拉麵。今次我點選了濃厚雞白湯拉麵及抹茶雞白湯拉麵。濃厚雞白湯拉麵味道不濃不淡，水準平穩亦相當易入口，拉麵麵條選擇了小麥拉麵，飽感度高，彈口亦有麥香，雞叉燒肉質嫩滑，實屬穩陣之選。抹茶雞白湯拉麵屬創意之作，平衡度甚高，濃濃的雞白湯滲出淡淡的抹茶味，沒有過咸或過甜的感覺，兩者味道沒有抹殺對方，筍片爽脆屬意料之外，這款拉麵可以一試。燒賣是屬於日本的中華燒賣類別，自家製造分別由雞肉、豬肉及魚肉製成，用竹皿盛載，大約$5港幣一粒，三粒一籠，咬口感覺得結實，但口感點單調，加入黄色的芥末醬提昇一點入口感，温度不熱，外形比一般魚肉燒賣大一點。…查看更多