彩福喜宴

營業中

休息中

本人極少post投訴🤬😓，但係今次忍無可忍，😳😤，本人不介意科技，亦有學習嘅態度同精神，但係，對於收錢唔提供適當服務嘅收費場所，極度需要投訴fist 👊✊🤬洒家要求80幾歲老人家掃二維碼點餐，侍應亦都冇提供任何協助，🤬🤬🤬🤬😨😨😨強迫人哋唔做啲唔識做嘅嘢，但又唔教人地喎，又想收錢，😵🤬🤬搵咗幾個侍應，都唔肯幫手，經理又唔理服務慢，😡😡😡😡服務態度超差😡😕😠

今日同屋企人去咗呢一間喺炮台山國都廣場嘅酒樓食飯，喺炮台山地鐵站行過去大概5分鐘，都非常方便，之前經過都見到呢一間酒樓嘅招牌，但係都係第一次去光顧 我哋訂咗7:00pm, 夜晚酒樓都唔係太多人比較好食嘅會推薦佢嘅白切雞，白切雞我哋叫咗一隻，賣相都幾靚仔，點埋佢嘅薑蓉食都唔錯，雞嘅口感都做到幾滑身，唔會有太鞋嘅感覺 我哋仲叫咗上湯芝士龍蝦伊麵，屋企人想食西澳龍蝦，龍蝦非常爽口彈牙，食得出非常新鮮，伊麵亦都有濃厚嘅芝士味，再加埋啖啖龍蝦實在冇得輸！

好耐無嚟呢間飲早茶，今日帶老公嚟試吓，入單全自動化，沒有點心紙參考，唔係太方便，尤其唔係太啱唔識用手機落單的老人家嚟飲！埋單時，因為趕時間我帶埋張單去櫃檯自己埋單，櫃檯職員話唔俾我埋單，佢話我一定要坐返去張枱度慢慢等，我話我趕時間，唔想入返去慢慢等，响櫃檯等咗幾分鐘，個職員都堅持唔肯比我响櫃檯埋單，最後真係等到火都嚟埋😡😡😡，才肯比我簽帳走人！既然為咗精簡人手，都自動化入單，點解埋單一定要坐喺張枱度慢慢等？已經解釋咗話好趕時間，啲職員為咗唔想孭鑊，完全唔肯變通，真係食到成肚氣！😡😡😡

千奇唔好去辦宴席更何況婚宴，失禮曬自己d客人整個用餐過程十分之差我叫想要加水，個阿姐見到我舉手過左黎。我話唔好意思 我想要加水。 個阿姐話 妖。就咁走左⋯亦無叫其他同事協助。無啦啦去食飯 叫人加水比人 妖。難道加水唔應該叫佢地？叫樓面黎查詢晚市d套餐。可能我叫左幾次。因為唔知叫咩餐好，想要樓面比意見。佢就話我不如諗清楚先叫佢。非常之沒有禮貌。d樓面 全部都扮睇唔到d客舉手⋯毫無服務可言。非常差體驗⋯⋯⋯⋯⋯。

健康嘅飲食 ，是包括每個星期食兩次魚， 不懂在家蒸魚怎麼辦， 唯有去酒樓食。 這裏就提供了又平又靚的蒸魚， 每次食都保持水準， 一斤幾的石斑魚， 只是158元， 蒸得又嫩又滑， 加上蔥絲椒絲，淋上蒸魚豉油， 條魚鰭仲凍篤企， 證明非常新鮮， 切開魚肉白雪雪 ，見到就流口水， 兩個人食一條魚 ，非常滿足， 通常都食到汁都撈埋， 魚汁撈飯係好好味的 。當然還少不了要一碟蔬菜， 今日就揀咗南乳溫公齋 ，一煲齋菜， 數埋有十種八種食材， 營養豐富又好味， 最啱模範夫妻😜享用 ，埋單都係三百幾蚊， 輕輕鬆鬆瀟瀟灑灑又一餐。🥰🥰

今朝同家人飲茶，婆婆想食咸水角，所以同個男伙記（原來是經理）講再後加一碟咸水角，大家都聽到佢都覆述左一次。後來卻來了紅棗糕，我地好正常咁同番佢講話可能落錯單，但那個經理卻一路行一路很晦氣地講“紅棗糕又話係咸水角！！”頂！你落錯唔怪你，本末倒置屈人就唔得啦！唔好意思都無句，自己攪錯仲要屈人講錯！態度極劣！想搵經理講番，原來佢係經理！仲要“得啦得啦咪同你改番囉！”敷衍之極, 態度極差！飲餐茶仲要受你氣！有冇攪錯？其後仲要其他員工幫佢來道歉！離晒譜！其實其他員工係好好的，唯獨是這個所謂的經理破壞氣氛。

今天放假，因為少去砲台山，約了親友飲茶， 上網尋找一下，發覺該區唔多酒樓，呢一間嘅食評唔錯，都叫新開， 而且很近砲台山地鐵站B出口，行大約六分鐘左右就到 ，好易揾，不過冇得訂位，但都唔係等好耐， 我們 12:15 noon 到，等咗十五分鐘左右已經有位。 😚接待處左邊有樓梯上，原來右邊都有𨋢，如果行動不便，記得搭右邊嘅𨋢上一層，就去到酒樓，入邊環境唔錯，幾光猛乾淨，樓底高所以聲音就唔算太嘈。😊 叫咗幾款得獎名菜，價錢唔算太貴。其他點心呢個得獎名菜 ⇒ 資深海王千絲春卷，味道唔錯，千絲好鬆化 ，不過有啲油。個蝦餃好食，皮薄蝦又彈牙👍 另一個得獎名菜 ⇒ 旋風黃金流沙包 ，真係好流沙，啲皮又軟熟 ，唔係太甜，我本身對呢啲奶皇包麻麻，都覺得佢唔錯。 反而另外個得獎名菜 ⇒ 潮州粉果就麻麻。潮州糯米卷，皮薄輭同個餡味道做得唔錯。金錢肚味道幾好，可惜個白蘿蔔就實同冇味。呢個鴛鴦煎糕， 可以一次過食兩款糕。 芋頭糕有一粒粒芋頭係裡面，好食。🤗腸粉D皮都好薄。呢個蛋散見好多人叫，都好鬆化。間茶樓整體食物都做得唔錯，D侍應生都有禮貌同勤快收拾那些已食完的碟和蒸籠。😊我哋喺門口等緊，碰到一個不認識的女街

星期日心血來潮，午餐去左飲茶去過呢間幾次，發覺北角無乜地方係企理既飲茶選擇，最後因為試過尖東果間，感覺唔錯就試左第一次蝦腸：腸粉好滑一件一隻蝦，精緻好食的粉果：細細粒皮薄，比係出面食既，係好味的蝦餃：有竹筍，正常，唔難食的燒賣：肥瘦適中，幾好食上湯腐皮卷：好食，次次都有嗌棉花雞（特價點心）：幾好食，但佢唔精緻佢地啲點心菜式有分特價同main menu ，當中質素是感覺到差別的，main menu 好食好多最後埋單$300，間唔中一次，自己帶埋茶葉，傾下計，家庭可以聯誼一下

每天都出街食飯，對食物總有一些偏好，在這裡我特別喜歡蝦子生根豆腐煲。一來喜歡豆製品的味道，豆腐，豆幹，枝竹，生根，豆卜都是我喜歡的範圍，二來豆腐是健康食品，三來豆腐的煮法千變萬化，點樣搭配都得。😘蝦子生根豆腐煲好大一煲，熱氣騰騰上台，香香的蝦子鋪在生根和豆腐面，下面是翠綠的小唐菜，味道調得剛好，不會太鹹，雖然是素菜，但黃豆營養豐富，不比肉差，加上有蝦子，營養和味道都很豐富，是我每次來食飯都必點的菜式。

近排天氣熱，連續幾天酷熱警告🔥，真係唔想煮飯，一於出街食！炮台山地鐵站附近有間彩福，食物質數比一向唔差，今晚服務員推介生猛澳洲龍蝦🦞大優惠，$168/斤，好似幾抵食一於試吓。一隻大約一斤三両左右，$210，加粉絲底+$30. 下單後廚房大叔即去大魚缸取龍蝦🦞，果然生猛新鮮。惹味蒜香撲鼻而來，龍蝦非常新鮮，紅白分明，肉質彈牙 ，鮮甜多汁，每條腿都脹卜卜、實的的。yummy! 粉絲吸飽了龍蝦肉汁和蒜蓉香，是整個菜品的精華所在。簡直好食到停唔到口。清蒸沙巴龍躉（一斤二兩）$158.肉質嫩滑多汁，而且蒸煮時間拿捏得恰到好處，配上酒樓嘅蒸魚醬油和薑蔥絲，有如畫龍點睛，把魚嘅鮮味全勾出來。蝦子麵根豆腐煲$90.份量足，味道不過不失。意猶未盡，加兩個甜品先，芒果布甸$28.實在令人失望😮‍💨，完全冇芒果味，又硬又實！反而滋養桃膠燉紅蓮$28.呢個抵食，食材優質，桃膠本身冇味，配上清香桂圓，蓮子和紅棗，滋潤得來又養身！

今天是特別日子，要慶祝一下，就食龍蝦啦。😀這裡龍蝦特價，＄168一斤，每只約一斤四兩，用蒜蓉蒸，帶出龍蝦鮮味，龍蝦上桌，肉多味甜，吃得盡興。再叫了一個攬菜四季豆，一碗飯，兩個人食，埋單不用400元，抵食。😋

今晚想吃清淡點，選了蘆筍百合炒蝦仁，蒜蓉西蘭花，恢復晚市堂食後，這裡差不多滿座，員工忙得團團轉。幸好不算等很久，兩個菜就送到，蘆筍，百合，西蘭花都新鮮翠綠，蝦仁也爽口不柴，不是塑料蝦，🤪只是炒得稍鹹，下次要提廚師少鹽。💪

我哋一行五人去北角彩福食飯，一出電梯口，已經好似感覺酒樓縮咗水，之前大廳落地玻璃已經改成包箱，昨晚還有同鄉會舉辦活動。我哋點咗超值澳洲龍蝦🦞套餐同炸子雞一隻，朋友到金鐘站我哋先才點菜，九秒九七不用五分鐘，龍蝦🦞伊麵便上枱，之後其他菜式陸續枱，不用十五分鐘便全部上齊，真的速度驚人，好彩上齊時朋友剛好到，還有紅棗糕甜品🍮

8月1日，開開心心約咗爸爸媽媽去用消費券食龍蝦餐，點知埋單時才話唔用得消費券。食物其實都ok, 坐位闊落，但是一心諗住用消費券，一時忘記問，竟然咁大間連鎖式酒樓冇得用，失望

一行六人，張檯細到放左龍蝦和片皮鴨已冇位放其它，不停要大碟換細碟才放得下餸菜，又要不停趕住食清全部，清左啲碟才放其它餸，全程冇侍應主動換骨碟，放抵左餸就冇人理你，九時多就摧埋單，到9:45 分叫你走話夠鐘。衰過快餐店，諗住同朋友食餐晚飯傾吓計輕鬆吓，結果食得急趕有壓力，永不會回頭。餸菜一般合格，不是特別出色，不值得再幫襯，這間酒樓遲早玩完，食物不是特別好，招呼差勁，食過尖沙咀的分店，完全不是這樣差的！