強記飯店

營業中

休息中

一個人夜晚食個快飯，唔洗排，快靚正。 行過門口見啲燒味賣相不錯，吸引左入反試試。叫左叉燒煎蛋飯 $62，黎到份量比我想像中小啲 叉燒5舊 不過煎蛋都有2大隻既。 但已賣相黎講都幾靚仔。 叉燒睇到燒到有小小燶邊又夠蜜糖封面。 味道都還不錯 叉燒都幾香而且肥瘦適中既。 煎蛋做餸用黎送飯就岩哂。夠大隻加埋叉燒汁撈飯一流。另外因為本身跟餐既係小小的豆角，如果想食菜的話，建議自行加多碟油菜好了。總結黎講賣相味道都不錯。都可以一試既。

我婆婆食叉燒麵，D叉燒係ok，我食蒜香魚腩飯加凍奶茶，本來我係話飲凍奶茶，點知佢比凍檸茶，D茶仲要有水喉水味。之後又話冇蒜汁得黑椒汁同飯汁，呢間野差到呢，永遠都5會食。

星期日2pm 以為有下午茶，我細食，叉燒碗上 + HOW, 入到去下單，侍應妹妹神情表示有啲尷尬下，俾咗張$58既單俾我。唔緊要，希望叉燒唔好令我失望。果然，來到叉燒半肥瘦，仲係我至愛的1cm平均切厚度😍，最怕厚切叉燒食到眼鯨鯨，今次呢個1cm 一口一叉燒 so good! 再來係HOW，真心港式茶餐廳十之八九熱飲杯容量細過我膽量，扮玻璃的透明杯使用量大到變成懵查查；最體貼係水吧哥，奉上兩片檸檬一定唔會酸親你個胃。 今次呢間茶記：杯夠大、檸檬夠多，玻璃杯乾淨，當然水夠熱😂。Good 😂有next time

About ten years ago I started coming here to eat and enjoyed the roasted meats and their double boiled soups. I came regularly. Since then (or maybe I didn't notice) this place caters almost only to tourists, and the food quality has dropped.Recently I went and ordered the dinner set last night.  I received a small dish of vegetables, 2 sausage tips, a small bowl of rice, and a soup. The serving size has decreased dramatically, and it's just what it used to be.I still like the soups, but sadly w

本身諗住中午入去食個快飯，叫咗個牛腩牛筋飯。個食物本身非常10分一般，啲牛腩好硬好韌，汁又少，都好在有兩條菜。點知食食吓，突然間有隻老鼠有廚房走咗出嚟，嚇到我癲咗，其他食客都嚇到呱呱叫。個舖頭姐姐睇都冇睇，就話係由街出邊走入嚟，講到好似同自己舖頭無關，唔好講大話啦。最後隻老鼠都冇捉到，亦都唔知走咗去邊度，我真係唔會再去俾佢嚇多次。綜合嚟講，食物一般， $70食個牛腩飯，送埋老鼠巡遊。我真係搞唔掂。唔該晒。

上次下午茶試咗個雲吞麵, 不過不失, 今次就來試試個飯, <京蔥牛肉飯 $66>, 一來到真係已經好正, 超香 賣相OK, 下面張相係我太心急整亂咗個樣, 熱辣辣, 本人十分喜愛京蔥, 呢個飯嘅京蔥超夠味夠脆, 牛肉夠多夠軟夠滑, 第一口食落去真係有一種驚為天人嘅感覺, 咁大個人第一次食到咁好食嘅京蔥牛肉飯, 食完第一啖就只係想不停食, 放低個電話去享受每一啖, 個汁撈埋飯真係極品, 呢個價呢個質素絕對冇嘢可以挑剔, 打呢篇食評時都已經不斷分泌緊口水, 好想即係再食

成日行由灣仔行去銅鑼灣都經過, 但係就未食過, 今日咁啱下午茶時間經過, 就入去試試啦, 唔想食飯, 就叫咗個<鮮蝦雲吞麵>, 5分鐘就到菜, 賣相就一般, 不過蝦子味就OK濃, 但係個湯就唔得喇, 太淡, 完全唔夠鮮味, 麵都只係一般, 唔夠彈牙, 鹼水味都多咗, 但份量就夠多, 雲吞就OK, 有鮮味, 蝦同豬肉份量啱啱好, 真係唔錯, $40蚊喺灣仔算係咁啦, 一碗雲吞麵來講算啱啱合格, 當然唔可以同任何麥X記比啦, 下午茶夠收貨

lunch食咗1.25hrs就有伙記行埋嚟同我講 ‘’提你埋單，驚你唔記得呀‘’，我哋共3人有老人家喺度食得慢啲，都唔敢再逗留臨走聽到埋單伙記竊竊私語話我哋 ‘’’阻x鬼住哂！‘’。呢度喺馳名食燒鵝但喺質數一般太油膩，亦唔見有人龍等入座，我哋特意點咗燒鵝脾餐都喺正常set lunch，當然無太高期望。呢度只適合附近返工人士快閃進食，如男士想豪邁同伙記爆粗交流。如果喺文人雅士想食得休閒，就唔喺選擇呢啲地方呀。

跑步堂結束一般大約9點左右，大部分餐廳已經關門，選擇不多的情況下，強記飯店是其中一間關門比較晚。強記飯店位於灣仔天樂里，銅鑼灣地鐵站B出口，步行約7分鐘。這家餐廳提共燒味和中式小炒，中式湯和茶餐廳凍飲。今次點了2樣小炒，分別是萵筍炒牛肉和西蘭花炒斑塊。萵筍炒牛肉以新鮮的牛肉和脆嫩的萵筍炒製而成，牛肉口感十分鮮嫩，加上萵筍的清甜。西蘭花炒斑塊則是以新鮮的西蘭花配鮮嫩的斑塊。兩款味道還好，如果少點油會比較健康。

本身係想上頸橋街市樓上食大排檔，星期五晚上6:45，竟然爆滿，排隊排到出電梯口。似乎很多人都是坐下不久，很熱鬧的在喝啤酒，看似有排等，唯有轉陣，過去天樂里強記。強記歷史悠久，不用多說，燒味就食得多，晚餐幫襯倒是第一次。很難得老婆肯陪我做一天麻甩佬，也就叫了乾炒牛河咕嚕肉，再加一碟蒜蓉清炒時蔬。當其時都是得一半坐滿客人。大約5分鐘已煮好上菜了！效率很不錯！先來的咕嚕肉，非常之熱辣辣，皮脆，多肉汁，不是用肥豬肉做的，有驚喜！很快，乾炒牛河 也上了。條條分明，算做少油了，熱辣辣出晒煙。我點一些辣醬，老婆大啖大啖的吃了三碗！哎一支青島啤酒送牛河，阿姐很友善的同我講，呢度小炒鑊氣很夠架！蒜蓉炒蔬菜，非常穩陣的菜色，水準保持。最後喝了兩支青島啤酒。過了一個愉快的晚上。

之前有一次偶然食過雪菜火鴨絲湯米驚為天人，於是搵左一日特登自己一條友再去食。再回味雪菜火鴨絲湯米，啲餸成座山咁高，火鴨絲勁多，全部都係肉，唔會得啲肥膏，又有大量雪菜、芽菜、青椒、洋蔥等配料，米粉只係喺底下薄薄一層，呢碗粉簡真係食餸多過食粉。然後叫左個馳名燉湯，陳腎蜜棗南北杏白菜膽，一嚟到個湯好香，熱到燙嘴，有一大舊腎，有幾塊豬肉，有一粒蜜棗，仲有一大棵白菜，料足湯甜，回味無窮。下次要再嚟。午餐：$66（米粉）+$30（燉湯）環境：佢肯俾我一人坐一張卡位，中途人多都無叫人搭枱，正！

雪菜火鴨絲炆米鴨絲皮脆甘香，份量幾多下。炆米仲有少少湯汁掛係米絲上，配埋雪菜，食落味道濃郁，唔會話好乾身，推薦。包埋例湯埋單68蚊。貴就貴咗啲，畢竟一分錢一分貨嘛。

今日下午茶時間行經此店，見店內無咩客人，唔駛等，於是入去食個下午茶。我叫了一碗魚蛋河加熱檸茶。我食左一粒魚蛋，咬落去居然係凍，唔係熱，即係魚蛋未熟，我再食另外一粒魚蛋仍，咬落去仍然是凍的，於是我立即叫侍應幫我換過一碗魚蛋河，之後侍應居然送上一碗有兩落已經咬左一半魚蛋嘅魚蛋河，即係廚房無幫我換過一碗全新嘅魚蛋河，佢將我食過嘅魚蛋河再倒落鍋內翻煮一次！！！我立即找侍應來理論，侍應態度非常惡劣，我同佢講頭先已經一早講左要換過碗新魚蛋河點解冇換過碗新，佢話佢頭先聽唔到。佢應該係聾人黎，幾個侍應仲大大聲問兇我，咁我而家想點呀，好似黑社會惡嚇我咁。之後侍應再幫我換過一碗魚蛋河，我發現只有4粒魚蛋，少左1，2粒。d河粉一夾就散，似係翻煮過。即係由頭到尾侍應都無幫我換過一碗新嘅魚蛋河，只係將我頭先咬過嘅魚蛋掉左，再翻煮一次！！！！此茶餐廳將食物未煮熟就上枱比客人食，個廚師不理客人要求換過一碗全新嘅，居然將食客食過嘅食物再翻煮一次，侍應態度亦非常惡劣。綜合以上幾點，呢間茶餐廳很難在競爭激烈嘅灣仔區生存落去。

強記飯店的叉蛋飯有兩隻荷包蛋，8件叉燒同一堆豆角。啲叉燒半肥瘦，嫰口又彈牙，汁唔算太多。荷包蛋煎得好完整，弄破荷包蛋後，蛋黃的汁液流出來，撈勻係啲飯到極度好食😋。豆角就普普通通。如果這個飯加啲薑蓉，整體來講會更加好食。#強記飯店 #美味叉蛋飯 #叉燒 #荷包蛋 #豆角 #薑蓉 #灣仔

一行三人嚟到呢一間強記飯店，主要係俾佢嘅燒鵝吸引，同埋小菜有好多款。今次我哋冇叫燒鵝，一嚟就嗌三個小菜：啫啫芥蘭、麻婆豆腐、仲有一個茄子。全部都好有鑊氣，d茄子炒到有d燶邊，脆口又惹味😋小菜加$18就有飯同野飲，麻婆豆腐味道ok, 可以再麻多少少，撈飯更好食！