強記小廚

營業中

休息中

是晚零晨兩點光顧，叫咗六樣小菜，3罐可樂，埋單$46x(唔係好記得,因為唔係我找數),店家仲送咗碟小食，食材新鮮，價錢便宜，份量都算大碟，服務人員都親切有禮，地方尚算乾淨企理，味道方面，好食！！ 《拍青瓜$18》新鮮爽脆，醬汁野味，咸淡適中，有少少辣，分量算多，正！ 《泰式生蝦$68》爽口，比起其他店舖算大隻，有十隻，略嫌醬汁唔夠辣！ 《薑汁抄芥蘭》價錢忘了 口感爽淋適中，沒有苦澀味《蒜蓉煙肉燒生蠔$88/1打》新鮮即燒,飽滿,價錢便宜,冇食到有蠔殼碎!《小唐菜鍋貼》呢個係一個好耐以前既菜色,已經好少舖頭有得食,裡面係一d墨魚滑+小唐菜再沾上炸漿做出黎既! 炸漿夠薄夠脆,食到墨魚滑中有少少墨魚粒,要親熱食噢!!《避風塘茄子》冇影到相,香脆,炸蒜粒同辣椒都好多,頗辣,略咸了一點!

強記是自己近排常去既新飯堂。順應潮流，強記都行鷄煲既formula，再加埋川式燒烤。鷄煲分大中小辣，如果食得辣，中辣比較野味。這裡的汁比較'傑'身，食完鷄加湯就可以打埋爐，不過火鍋料一般，所以都只是叫菜，頂多加個響鈴。小菜鐵板一口牛柳，有雞脾菇一齊炒，香牛油味，汁略帶甜味。味道不錯。川式茄子，蒜蓉，孜然粉，味道不錯。但水準不太隱定。有時燒得不夠時間，太硬。不過都係大陸食最正。唯一大缺點是太迫，人多時真係要起身先過到。

朋友想吃地道小菜，整體食評評價又高，結果決定一試！先說環境，店舖很光猛，衛生情況還可以。但檯與檯的距離很窄，不時要起身讓其他食客入座或離開。而且他們又會重組座位，又要你起身。加上很嘈，你是不能慢慢吃的，想很快離開這裡。唯一可取的是價錢算很平，平均一碟小炒也只不過是 ＄6﹣70。炒蜆蜆細無鑊氣，芡太厚，有食漿糊的感覺，亦不覺惹味！

男友話想食小炒, 但就要我諗地方上黎openrice search 旺角起頭一頁就見到"強記小廚"仲要無喊面, 一於訂位, 用網上訂位功能, 點知佢話8pm無2位我就再試下打電話問, 點知有位, yeah!所以下次大家最好親自打去問問其實由朗豪坊如果識路的話, 5-8分鐘就到位置都有點入同埋幾靜女仔朋友最好約埋幾個男生先好去呀!因為睇過openrice網友推介一個叫"金稻牛柳粒"超正心中只有呢味菜呢間小廚都好特別, 幾個國家既菜式都有泰國生蝦又有, 日本既刺身又有, 串燒又有, 中國既雞煲小菜又有不過我鐘意, 起碼可以一次過照顧唔同口味既朋友生蝦同三文魚刺身係我男友至愛 (野人, 哈哈)所以是切點的在點菜時, 侍應更推介是日特價靚湯我要了一客, "竹笙魚翅湯" $18其實咁平, 都無諗過會有幾多料起入面奶白色的魚翅湯, 有好香的魚味, 撈起也有竹笙及2小梳魚翅$18算係咁喇~三文魚刺身無乜特別, $18有6片生蝦很冰凍很爽口 $68 有8隻可能人多的關係, 小炒要等得耐d,最期待的金稻牛柳粒終於上檯喇, 新鮮熱辣原來金稻係暴暴飯焦來的, 加入大蔥, 茄子粒, 雞脾菇粒同牛柳粒炒成好香口

從朗豪坊行過黎不用10分鐘. 但越行入一條街就越靜. 終於比我地搵到用table map 訂左9點. 去到岩岩好9點. 但未有位.最後要9點45分先有位. 眼見每台客都係正在用膳. 打邊爐既打邊爐. 職員都騰唔到台比我地.雖然職員好好禮貌. 但係等左咁耐都真係有d 火火地希望店方會改善下. 差不多到訂座時間就先預留座位.落單既時候又因為太晚, 好多想食既野已經沽清..最後叫左10個小菜 + 1 個雞煲好采我最喜愛既泰式生蝦未沽清. 蝦挺大隻. 蝦肉爽口. 加塊蒜片伴以泰式汁. 正! 唯醬汁不夠酸及落唔夠香葉雞煲夠惹味. 小辣剛好適合我唔係好食得辣既人. 之後再叫手切肥牛加入. 索入精華蠔餅唔夠脆燒大蝦又好正! 蝦膏好香. 啖啖肉ps: 我以為店方會自動自覺把用table map 訂位送的三文魚刺身拿來. 大概食到一半都未有. 應該忘記了吧. 一提完店方就拎黎三文魚可能唔係幾夠凍, 覺得麻麻地而已

甚少踏足旺角的我，今日上完個 seminar 就去咗附近嘅朗豪坊行街。之前朋友幫襯過附近一間強記小廚，我同男朋友就決定去試下。由朗豪坊行到去甘霖街約10分鐘，未夠6：30已坐低喺卡位。好彩早一步，order 完已 full house.因為得兩個人，唔敢叫太多餸。第一味： 三文魚刺身。呢度唔係食日本菜，諗住個魚生都一般，但因為$28，仲平過三婆屋，所以就試試。點知有意外驚喜。。。。。。新鮮肥美第二味：泰式生蝦。大隻 n 鮮味。貨源一定要好靚，否則會有腥味。生蝦上有片蒜頭，感覺好健康同殺菌。抵食，值得推介！第三味：蒜蓉蒸大蟶子。略嫌太多蒜蓉，因會蓋過蟶子鮮味。第四味：椒鹽豆腐。平時都有食開呢味餸，但強記小廚真係俾到我驚喜。平時豆腐可能炸完會有啲硬，但呢個豆腐炸完都係軟綿綿。第五味：金稻牛柳粒。原本師傅話啲汁未 ready,幫我哋轉蔥爆牛柳粒，兩樣都未食過，所以我哋都冇乜所謂，但係金稻又好似特別啲。最後都係送上期待嘅金稻牛柳粒，yeah!乜嘢係金稻？喺我嘅形容詞下，金稻即係米通。脆脆我最喜愛，仲有矮瓜、菇、同牛柳粒。我鍾意呢個配搭！原本仲想食埋糖水，但實在太飽喇。 我仲想

是晚和兩位朋友在旺角朗豪坊睇完戲之後，心中想食泰國菜，但另一位朋友要食麻辣雞煲，後來我另一位朋友就介紹了在附近的強記小廚，由朗豪坊行去目的地只需三分鐘，原來強記都好多元化，泰菜、川菜、炒小菜、串燒和羊腩煲，而且連打邊爐都有！我哋叫左一碟生蝦，嘩！個汁好好味呀，唔同出面嗰啲好辣嘅汁，搶晒啲蝦味，仲有啲蝦係好大隻的^^重有金稻牛柳粒，呢個聽講係師父得獎名菜，我覺得個汁好特別，有點芝士味，牛柳粒好滑，D佩料有汁包住，食落又翠口，果然唔錯，一定要試^_^睇完戲重可以慢慢食因為收零晨2：00am!佢地啲食物又新鮮又好好食，鋪頭又乾淨，有一 間咁多元化嘅食店香港地真係好少有吖！重可以滿足哂我地各人嘅喜好愛吃的美食，所以我覺得一定要同大家分享！真係物有所值！

今日和女友及舊同事去試，一坐低就點咗一碟生蝦，蝦肉鮮甜彈牙!!!!!!!跟住點咗個鷄煲，值得推介，味道有點似深圳風味!!!!!!!!!鹽燒烏頭，肉質夠滑!!!!!!!!!!!薑蔥桶蠔，本身自己唔係太喜歡食，但都食咗兩隻，真係好食，重點唔腥，同埋夠脆!!!!!!!

晚上同朋友睇完戲，週圍行下，遠處見倒一間好光猛的舖頭，見到滿街花牌，應係新開張的，便入去試下，甫入到舖頭，幾乎爆滿，可能新開張關係，因為我見倒即見一個非常醒目的侍應，遠處見倒我哋,即上前親切招呼,我心想,這一位會唔會是老闆呢,我哋原先被安排座在一張較小的枱,因為風口太大,我見後一枱差唔多埋單,便叫侍應A,轉張彼為舒適嘅卡位,坐下後,只見每一枱總有一隻好多葱嘅雞,同埋小碟三文魚刺身,於是乎再叫醒目侍應問下隔離枱的是什麼?何解每一枱都有三文魚剌身,细問之下,這隻雞是招牌超滑葱油雞,於是乎商量後決定要了,超滑葱油雞,好大隻雞超級滑同好有雞味,果然係強記的招牌菜泰式生蝦,好彈牙,即係爽口?不知道,最後再來一碟超大聖子皇＄ｌ８元一隻都合理,一食入口,完全唔同平時嗰啲,呢個一定要食,因為好彈牙呢咖哩炒蜆,以為一般貨色,即係會滯點之食落有酒香味的完全唔覺膩蒜蓉粉絲蒸元貝,呢個係真元貝,因為元貝仲痴住個殼,Ｄ汁好有心思因為蒜蓉再加上乾葱同金菇嘅調味,非常香口油泡田雞,落足本呀,因為好多田雞沖爆牛柳粒估唔倒Ｄ牛肉好有和牛嘅味道,最後店長好细心行來我地個卡位,問我地意見,好耐冇試過食食下飯會有人問Ｄ餸好味

今後同咗個 friend 一齊去試下佢推介嘅強記小廚，我對食嘅方面一各抱著「敢試、敢食、敢言、敢寫」心態。專誠特意拜訪佢某位大佬Ａ打理嘅中房菜，好讓我肚子一嘗幸福的滋味。 ^0^第一道菜就是 － 椒鹽豆腐。金黃色的豆腐，散發出極級濃郁的椒鹽香味；一口咬下下，外脆內嫩的口感加上那股剩下的餘溫，已令我食指大動。友人試味後，曰：「嘩，連呀叔都讚好！」第二道菜 － 沙拉骨。沙拉骨是以煎炸過的排骨配以沙律醬煮成的醬汁製成。份量十足，絕對可以吃上四碗白飯有餘 =]]　本身排骨肉汁鮮美，但唯獨質感較為一般，愛食沙拉骨朋友的話，非一般的牙力是不可或缺呢。第三道菜 － 楊州炒飯。由於我們坐落在廚房出口位的正對面，離遠三尺已飄來陣陣的鍋氣，更使人垂涎三尺，原本三尺的威力是這麼強大。廚師的用心，可以從一碟簡簡單單的炒飯反應出來。細膩的飯粒佈滿了舌頭，一口嚥下，滿足感頓時湧上來；原隻蝦碌配餸，整體上增添一份誠意！最後皆因友人要求下，大佬Ａ以兩罐忌廉為今餐送上完美的句號。 )P.S 為表達敬意，小弟決定聯同友人下次以包場模式，支持強記小廚的伙伴們，加油！

正~正~正~食物新鮮,抵食~~~強記蔥油雞，重點雞滑，香蒜茸燒元貝，重點元貝生鮮，燒後果蒜茸味更香古法扣羊腩煲，重點用黑草羊，羊嘅嬾滑，醤味十足，食左唔會覺得口干三文魚，夠鮮，厚切好有口感原條燒茄子，重點茄瓜好滑，因為用明火燒，好香鐵板干牛河，重點夠特別，因為用鐵板上，上到枱重好熱，好香，師父炒得又干身，少油，比外面鋪頭價錢還要平泰式生蝦，重點蝦好生鮮，干身，個醬好好味，食到有鮮擰嘅香味，同銅鑼灣鋪頭食差唔多，但價錢平一半辣酒煮花螺，重點夠香夠辣，花螺能夠食到酒香辣嘅精華