張三

營業中

休息中

由一家三口開嘅餐廳💕呢間小店真係好推介個日我同朋友坐左係到傾Project 傾左好耐 點知原來我地已經傾到人地山左門30分鐘以上都唔知 （仲要佢地冇趕我地走）食物方面都好好味 揀左紅湯 入面超足料 卡邦尼意粉軟硬適中 汁唔會太稀 黑松露意大利飯 飯身一般 呢個麻麻地 不過係!!!幾香黑松露味 😂友手食嘅豬手好香口 脆身 但又唔會冇哂肉汁甜品個日係tiramisu 好soft好香咖啡味 而且佢星期一至四 滿400蚊仲有85折 堅抵

長話短說1）海膽意大利飯啲飯煮到好爛，完全唔係意大利飯那一回事，另外竟然將舊海膽煮熟左變咗黑色之後仲有腥臭味😩個飯就完全沒有海膽味還要收$160，完全唔會推介2）鴨腿豉油炒意粉試咗一啖意粉，沒有食鴨腿所以不知道鴨腿如何。豉油炒意粉來講沒有鑊氣，純粹似甜豉油撈意粉。另外加咗$50而家轉咗做餐，甜品係Tiramisu，唔好意思冇影到相，味道OK，可惜細到好似試食裝咁總結，價錢太高，味道太低，不會有下次

據說是一家三口開的小餐廳，所以決定去支持一下，目測父親大人是總廚，女兒負責飲料及甜點，媽媽則為大內總管。因下午茶時段，所以點了下午茶餐的熱狗，並喝了一杯咖啡。以數十元的價位，味道不錯，物有所值。不過因為坐在Open Kitchen旁邊，所以一直望著廚師先生一碟又一碟的意粉出爐，很香，下次一定要試下。

一早聽過有一間以抵食為主嘅西餐小店喺西營盤，見今日路過呢一邊，就一於同朋友試一試試佢。餐廳size唔大，一邊係廚房一邊係枱凳，好在枱同枱之間唔會密質質，坐落去都舒服。有兩份Menu，一份係散叫嘅一份係set，如果想將散叫嘅主菜升級做套餐都無問題既，加$50 。我就揀左水波蛋肉醬意粉set，配雜菜湯焦糖燉蛋同 埋Cappuccino 。雜菜湯味道正常普普通通，呢度唔着墨太多。講咗肉醬意粉先，肉醬個味食得出係自家製，水波蛋應該係即叫即整，意粉al dente，加埋就係一個合格嘅肉醬意粉，未到比一般嘅Cafe好，但你去到好好食。焦糖燉蛋有驚喜，面頭嘅焦糖脆脆，入邊嘅燉蛋軟，食落口有蛋香，你食得出有忌廉同牛奶嘅香味，同時唔會過甜，幾好食😋買單一個人$200唔使，唔算貴，以後食嘢又多一個選擇

同男朋友補祝情人節， 當然西餐係首選！-地點：👍🏻👍🏻當日男朋友揸車，可能疫情關係， 條街唔多車，門口已經有位泊。隔離仲係好出名既華爾登餅店，順便買左曲奇同斑蘭蛋糕食！😋-環境：👍🏻👍🏻👍🏻呢間由一家人一齊經營既open kitchen 西餐，好有西方人約埋係屋企邊傾邊煮邊食既感覺。👨‍👩‍👧🏠最近淡市，晚餐得我地一枱，好清靜，變相我同男朋友可以好好傾下計。亦可能因為咁，我地點菜都係睇住老闊即叫即整。雖然open kitchen, 但抽風做得不錯，無咩油煙味。老闆娘都好貼心，留意住我地餐飲既速度上菜，我電話跌左落地仲即刻俾張酒精紙巾我清潔！💖老闆娘女女幫我同男朋友影相亦態度好friendly!-食物：👍🏻👍🏻👍🏻餐湯羅宋湯好飲，有時怕紅湯太酸或太辣，呢碗調味啱啱好。主茶點咗大蝦意粉🍝同豬扒🐖。意粉個味主要靠洋蔥同紅椒帶出，清清地但惹味。豬扒可以再熟少少，可以老闆對豬扒本身既質素都好有信心，調味都係清淡為主，我本身鐘意濃味，配上source就啱啱好。甜品有tiramisu, 未至於好驚喜，但正餐後用甜品作總結就會令成餐飯更加圓滿！（女仔感該更加明我講咩🥳）飲品方面點咗水蜜桃果粒特飲同芒果

同同事食lunch, 搵到呢間小店，鋪頭唔算好大，由於附近有太多中學生所以晏晝時間都要等左陣位。叫咗個餐湯係南瓜湯，我覺得佢啲奶落多左，如果鍾意奶味嘅朋友就會覺得好正，不過我就覺得cover左南瓜味，不過個湯都好滑。 我叫咗忌廉菠菜雞肉意粉，份量都算OK，忌廉汁唔會太希👍🏿意粉嘅粗幼度適中，亦都有咬口，唔會太淋。而且雞扒係有事先煎過，所以食落口時都好香，仲好大塊我一個人唔係好想食咁多舊😂分左啲比同事🤭整體嘢食都算OK嘅👍🏿

學校附近嘅一間小店，由一家三口👨‍👩‍👧經營，去嘅時候好似都有唔少熟客，見到老闆娘同佢地都有講有笑😌。店舖唔大，open kitchen可以令顧客見到廚房狀況👍🏻除左menu上嘅lunch set仲有學生餐，唔少學生都嚟呢度食lunch。今次叫左個lunch set，有餐湯或飲品配主食。·<蔬菜湯>其實就係羅宋湯，上嘅時候仲係好熱辣辣，就算食完個意粉再飲都夠暖😌蔬菜已經blend爛曬，好有真材實料嘅感覺，好有蕃茄味，夠酸！·<米蘭豬扒配蕃茄意粉🍝>豬扒應該係用半煎炸嘅方式整，外層嘅脆皮唔厚，不過就唔係幾夠脆，豬扒唔會太薄，食落都唔乾唔鞋，但覺得似係有用過鬆肉粉，配上呢種茄汁有少少奇怪。意粉軟硬適中，個汁食得出係用新鮮蕃茄整🍅，不過就唔太夠味，而且比較水。·個意粉唔係出色，用湯搭救，下次可以試下其實菜色，支持小店😗

路過見唔算太多人入去試下午餐，價錢唔算貴，但食物質素有水準！鋪面唔算大，裝修比較chill , 夜晚食氣氛可能更好。午餐選擇都OK，唔同pasta同risotto 選擇，亦都可以加錢跟餐有嘢飲品同湯。要咗南瓜湯，味道鮮甜又夠creamy，就算係餐廳都做得好味!點左虎蝦意粉同張三醬油炒意粉，虎蝦意粉蒜香撲鼻，味辣夠惹味，好快就清晒！張三醬油炒意粉，味道有啲似馬來西亞甜豉油，帶啲香濃焦香。下次要再嚟試埋其他意粉！店員服務好好成日幫我地加水，所以都坐喺度吹水吹左一大段時間。

見到店名好特別，所以到咗食飯時間就過來試下了，點咗西蘭花牛肝菌長通粉、張三慢炸香辣雞翼、加杯奶茶啱啱好，雞翼炸得外脆裡嫩的，好好食，加上服務員態度唔錯，體驗非常好。

一個人食午餐的好處，就係想食乜就食乜，睇評論「張三」好似唔錯，就date下佢先。Lunch Set選擇都幾多，但就主要係意粉，花多眼亂之下，揀左「菠菜烤雞忌廉意粉🍝」，貪佢有啲菜健康啲。是日餐湯係西蘭花忌廉湯/羅宋湯，咁當然揀前者啦，特別啲嘛😂😂😂。果然無令我失望，個湯好滑☺，食到西蘭花碎，味道就偏清淡但我接受到。飲左一半，意粉來了😎初初諗過「忌廉」會好似Carbonara 咁漏，上碟一睇醬汁竟然唔杰身😲，因此食完都唔覺飽飽濟濟，而且味道都不俗。菠菜的份量唔會hea俾交貨，仲配有少量雜菌😍。意粉用蒜蓉炒過，夠晒惹味，軟硬度亦適中。抵讚的係雞扒煎得好香，同時保留到肉質嫩滑👍👍👍；唯一不足就無乜雞味 (唔係用鮮雞無辦法啦)。留意返…餐廳地方唔大，如果lunch time唔早少少嚟，就要排一陣啦。另外店員唔多 (一位負責廚房、一位負責水吧+收銀、一位樓面)，所以想額外叫小食，需要等較耐時間，因為會處理晒lunch set order先。題外話…唔好信google map講的位置😒，應該要再行過一個街口先啱 (即郵局附近)。

西環其實真係好多小店！對比起大型商場，雖然食物質素會唔穩定，但絕對俾到驚喜你！🎉而so far, touch wood 香港小店比我嘅印象「係愛呀！❤️哈里！」Lots of family run restaurants in Sai Wan which would definitely surprises you with their food quality! Love visiting this place! 🥰·🍝香蒜欖油虎蝦意粉 Spaghetti Aglio e Olio with Tiger Prawn $178 🦐一碟意粉🤩都有5隻虎蝦🦐，雖然唔係大大隻，但勝在食材夠新鮮，⏲烹調時間亦剛剛好！意粉質地仲要係al dente! 好好味呀！🤤只係味道方面可以加多少少鹽同胡椒令意粉更惹味！🤗 With 5 fresh and perfectly done tiger prawns in a plate of al-dente-texture spaghetti! Great value of money! 🤨 It could be more yummy with more s

好一間家庭小店，地點有點偏遠，但勝在夠清靜，午市有套餐提供，湯/飲品+西式主菜(飯或意粉)，而價錢都幾親民6x-80，所以帶阿媽嚟試一試什菜湯⭐️⭐️⭐️將所有什菜打成蓉，味道清香但較淡，唔油膩，較適合食得清淡嘅人西蘭花忌廉湯⭐️⭐️⭐️⭐️同樣將蔬菜打成蓉，成個湯好香滑，西蘭花味濃郁，好好味卡邦尼意粉 $65⭐️⭐️⭐️有少少失望，仲以為有隻蛋响面添，意粉煙韌度適中，材料煙肉、冬菇、紫洋蔥配搭正常，卡邦尼汁香濃但略嫌太少，撈起意粉後口感太乾車厘茄牛扒青醬炒意粉 $75⭐️⭐️⭐️牛扒條同配料份量幾足，味道都ok，而青醬味道特別但太油膩，由第一啖食到最後一啖都好油，所以感覺麻麻，雖然意粉係爽口彈牙二人共消費：$140

今晚同朋友去了張三食dinner, 冇食set dinner, 點了沙律和拼盤，皆因有我最愛的炸鷄翅，也叫了紅洒，跟朋友邊聊邊飲邊食，都好爽，老板見我們飲得好開心，提意德国炸豬手~嘩+++又超脆、又美味，跟著以陳皮焦糖燉蛋做甜品~~一頓回味的晚餐…………埋單才知他們做緊8月晚市8折优惠~~真是超哂值/：//性價比好高值 @@@fans 們快D去光顧吓這超好味的小品餐廳

Cheung Sam is definitely a restaurant with passion as it is run by a family of three. I first heard about this place on Instagram, their posts on social media was nicely crafted, and they do not dare sharing their own feelings towards food and running a business.My friend and I went there on a weekday for dinner. I did made reservation beforehand, the restaurant was half filled. The interior and menu design was really nice and shows an industrial feel.We both ordered set dinner, it was very good

媽媽生日想据扒，但做囡的我不太喜歡啖啖肉的美式餐廳，所以細佬推介張三，說抵食又好食，所以便拍板訂座。難得的是小小的店可以安排一個自成一角的位置安置我們十一個人😊餐廳採用開放式廚房，但卻沒有強烈的油煙味，讚👍🏼餐廳細細，但感覺五臟俱全。服務員態度親切友善，第一感覺已經很不錯😁細看餐牌，選擇頗多，除了set dinner外，每樣菜式都可以加$50配餐，彈性大。配餐有兩款餐湯選擇，意大利菜湯及南瓜忌廉湯，兩款湯質素都不錯，菜湯酸味適中，菜粒份量不算多但新鮮。南瓜忌廉湯香滑，南瓜味濃，不錯。有機三色藜麥沙律：新鮮，菜卜卜脆，加上藜麥感覺更健康。紐西蘭肉眼扒伴日本燒肉汁：點了五客，有五成，七成，八成熟的要求，我每塊扒都有試，但感覺七成熟反而比五成腍一點，juicy多一點，但總體還算不錯，肉質鮮嫩，不加燒汁原汁原味更好。伴碟菜也很吸引，起初以為黃色那半圓體是薯蓉，原來是藜麥加粟米蓉打成的，味道清淡，是濃味牛扒的新配搭。羊架：好味，香而不羶，七成熟剛剛好，肉質鮮嫩juicy。配菜跟牛扒一樣，重口味中帶點清淡。香蒜欖油虎蝦意粉：意粉烚得時間恰當，煙韌彈牙，虎蝦也新鮮。唯獨是炒得有點乾，味太淡。黑松露鮮