廟街玉子燒

落單叫明太子玉子燒，打開係成份得一條蟹柳既玉子燒，成份冇切之餘整到水汪汪咁點樣食？另外戴眼鏡嗰位哥哥仔職員仲搞笑，一個煮緊另外一個喺後面冇諗住幫手。連入袋咁簡單都會將客人啲雞軟骨倒瀉晒出黎。買左咁多次，今次真係離晒譜。…查看更多

第一次食鰻魚玉子燒，即整、又流心又香，有90分；第二次返嚟食明太子：現成、微䁔、太咸、蛋還蛋小乾、油/汁還汁喺個底度、唔覺明太子、太多蟹柳，芝士溶唔晒、食到我好失落…..無分想俾係我唔啱，無食一啖就反映。無論我返唔返嚟食都好，以後食掃街小食必定要即整，無妥協空間。…查看更多

廟街就去得多，成日都係食煲仔飯，真係冇乜食過其他嘢，上網見到有人推介，話廟街去食呢個玉子燒，於是呢日就嚟試吓。小店唔係太起眼，雖然就係正十字路口，但係都冇乜人幫襯，只有老闆一個在經營，除咗玉子燒仲有其他嘢食，一齊買嘅話會優惠啲平啲，不過今次就淨係試玉子燒，冇食到其他嘢啦。至於玉子燒，都有幾個口味可以揀嘅，我哋就揀咗蟹肉蟹膏，價錢就正常啦，都唔算係特別貴嘅，而且仲係即叫即整㗎。新鮮整完出嚟，熱辣辣，即刻企喺路邊食啦，不過真係好熱㗎。玉子燒面頭有好多紫菜同魚絲，好香，啲蛋好滑，入面真係有好多蟹膏流出嚟，都幾香。…查看更多

記得要帶現金去～支付寶要收多$5玉子燒本身揀左明太子，店員話最多人食蟹醬，推介，所以試左～賣相好吸引，但食落無乜香味蛋味，芝士味都無，蟹醬偏咸，唔知係咪蓋過哂啲食材味…查看更多

因為見到網上數個食評讚好，而本人亦喜歡玉子燒，於是今天19:45左右專程到廟街玉子燒品嘗玉子。未行到去就見到店員很主動介紹，於是二話不說點了明太子玉子燒。在等候過程觀察了店舖狀況，發現可能因為生意太好，沒有時間去清潔店舖，店內地下污積明顯非常，已經有第一步打擊食慾。然後見到店員A對店員B講在某位置找回了剪刀，我見到是一把不乾淨的剪刀，雖然未必用於煮食，但此舉卻令客人有無限想像，會對店員扣分數，此乃第二步打擊食慾。當玉子完成後，我才發現他們只是用普通薄透明膠盒去盛載剛製成的玉子燒，雖然店員很細心的提醒小心熱，可是這個食物器皿或包裝第三步打擊食慾。首先因為明膠盒薄而不耐熱，在沒有枱下即場食會顯得尷尬非常，熱力使你的手難於持續拿著薄透明膠盒進食，現場亦沒有任何物輔助，如果有一塊紙皮，厚紙巾或一個膠盤都可以解決問題。要知道玉子燒的賣點是新鮮熱辣，而器皿竟然是不耐熱，好明顯是一個錯誤的配對！幸好本人有使用手巾仔的習慣，可以用來墊著才避免燙手。其次是膠盒太薄，過大動作會令玉子燒倒地，所以在進食過程要非常小心，這點已令我分心去避免玉子燒倒地，不能專心去享用玉子燒。所以到最後我都忘記了玉子燒的味道，反而是對衛生程度及進食過程十分深刻。作為香港人想幫襯小店，可是小店不爭氣的話，更出名的美食亦不能發揚光大。$40玉子燒而經比一般小食貴，可是被一個成本估計少於$1的器皿影響，十分不值。希望該店能夠見到這個食評，如可以改善器皿選材及現場環境清潔，相信會有助提升生意。…查看更多

油麻地地鐵口的一家港風街頭小食，燒烤太香了！還有胖乎乎的爆漿玉子燒，會拉絲！！ 100r3⃣️件任食‼️便宜又好吃啊很多香港本地人都在排隊買廟街上的一家很火的街頭小食，下午四點才開門🧀️招牌芝士玉子燒滿滿一份超多料，裹了一層又一層！不同餡料可選，一定要趁熱吃，爆漿的玉子燒會拉絲！！！口感duangduang的，芝士腦袋不要錯過                                                🔥招牌鐵板燒大老遠就聞到香味了，這火力太旺了😍一定要吃招牌魷魚須，一整條魷魚現炒！🐓軟骨也hin不錯，都巨Q巨香！新出的鰻魚串入口即化，這淋的醬汁也太好吃了，重口味一定要試試！都是現點現做的，每次點完我都直接趁熱站路邊開吃，到了晚上幾張桌子全坐滿，相當接地氣的一家小吃店❤️…查看更多

話說今年行維園年宵見到廟街玉子燒有擺檔，本來想幫襯，但睇見條隊咁鬼長就嚇怕。上星期咁啱經過廟街，於是就過嚟食玉子燒。本來想叫個原味，哥哥話明太子或者蟹膏味多人揀，我怕明太子太鹹，於是就叫咗個蟹醬流心芝士玉子燒。原來呢度係有堂食，就係放張細細嘅 bar 櫈喺路邊當枱，一路食，隔離小販大叔就一路準備開檔，真係別有一番風味😆。講返件玉子燒，原來都唔細，亦頗厚身，塞滿咗成個透明膠盒。面頭除咗郁郁木魚絲之外，仲有沙律醬，賣相唔錯。咬一啖，即刻 feel 到入面熱辣辣嘅拉絲芝士同埋鮮甜嘅蟹膏，兩者出奇地夾，食食下仲發現原來中間隱藏咗一條蟹柳。餡料就好豐富喇，至於玉子本身亦燒得剛好，唔會太老，夠嫰滑，甜度也適中，總括嚟講，係我鍾意嘅味道🫶。…查看更多

一入油麻地條街就見到黃色燈牌寫住玉子燒，比佢吸引咗！$40一份大大份兩個人食剛剛好，一個人我自己會食唔哂因為材料都多芝士又多，好豐富！即叫即整，所以熱度十足，尼個天氣食一流！…查看更多

踏進廟街，食晚餐怎能錯過這間有口皆碑的玉子燒攤呢？真係瞓身上前試！我嘅「三寶饗宴」由明太子流心芝士玉子燒開始，一劃開立即溶化心房，芝士好香濃，啲明太子嘅鹹鮮味好正宗，個玉子燒又滑又細嫩，入口即化。跟住換上魷魚鬚，真係現炒現賣，外層微脆，啖啖肉，腍得黎唔腥，滿口都係鮮味，淋上一啲日式醬汁，甜中帶鹹。再嚟，雞軟骨，食落彈牙得嚟帶啲微辣，唔會覺得過乾，個味道層次豐富，款款係口中留郁。最後，真心推介俾大家 - 明太子流心芝士玉子燒，溫暖一啖就滿足晒！整體嚟講，呢度嘅小食絕對係值得大讚一番👍，啱哂下班後同三五知己嚟一齊搞下街邊江湖味，溫馨提醒，高峰時段可能要排少少隊，不過值得呀！🍳🧀🦑…查看更多

本人係係勁鐘意食蛋，玉子燒當然不例外🤣 前排終於有機會去試呢間玉子燒！💪🏻 3鰻Thx 玉子燒 ($40)呢間嘅玉子燒都算煮得厚身，而且雞蛋唔會煎得過熟，內裏保留到有蛋汁，玉子燒都好綿😋玉子燒當中有勁多芝士，啲芝士都熱辣辣，勁拉絲😍 mozzarella芝士都味香。而且入邊仲有一片鰻魚同蟹棒。如果玉子燒可以多啲醬汁同埋配料再多啲就更豐富😝味道：7.5/10性價比：7/10 食住瘦指數：💪🏻/5 …查看更多

因為行過聞到好香，見佢哋塊牌寫住有鐵板燒，所以嗌咗$40一份細盒嘅魷魚鬚。見佢好快就有，都有啲驚訝，成盒攞上手係微温，食落只能夠話唔係凍，都係一早整好保温住。味道好依靠重調味去整得香口。已經有啲失望，始終呢個價錢本身expect 可以即刻鐵板燒整，新鮮熱辣同香啲。但最失望係食食吓有條細膠，kick 住係口。一問之下只係答一句係魷魚骨。即當初唔去乾淨。坦白講自己就算自己整或出面食都冇試過咁，我明白唔關衛生事，但對答嘅態度都令人失望。因為都冇話特別好食，調味太重，所以食到一半就算。…查看更多

呢間店作為小食或者宵夜一流，$100任選餐牌三款食物，價錢親民。🥚流心芝士玉子燒呢個玉子燒真係好邪惡，蛋味十足，中間係流心芝士，份量都唔細，CP值算高，會讓人想下次再光顧。🍳大阪燒外貌好似玉子燒，用蛋包住呢個做法比較特別，裏面既餡都好多，味道很好。🦑魷魚鬚魷魚鬚味道幾好，不過唔夠熱，可以建議店員整熱啲，相信味道會更加好味。…查看更多

它有個100元套餐可點40元的三款食品 如玉子燒 章魚燒 大阪燒 晚上饞嘴的時候 小食便是不二之選但一個人晚上吃不了這樣多 故只嚐了其玉子燒🍳流心芝士玉子燒 $30玉子嫩滑有蛋香 帶少少甜味 加了芝士有牽絲效果 內裡更藏了條蟹柳 面層灑了不少柴魚增添香味 及非常配搭玉子的沙律醬 …查看更多

算係半個常客,食物質素唔錯。多數食烏冬,魷魚,牛肉粒老細整啲牛肉真心好食魷魚都唔錯當然,舖名有玉子燒點可以唔試下個人喜歡+黑松露+叉燒（個人餐單不過老細多數建議明太子有好多配搭等人發現慢慢搭下@@…查看更多

蛋控朋友話想試呢間玉子燒好耐，平時好少行呢頭，今晚就專登過嚟試吓。原來勁近油麻地地鐵站（C出口）。環境🌝🌝🌝🌚🌚天氣凍凍地，坐喺街邊食幾有風味。高摺櫈係枱，膠凳係凳，幾有香港特色。夜晚10點左右，人流唔算多，但柯打後要等10分鐘左右，即整嚟講算快手。一行3人止口痕，所以叫咗個3權分立餐（$100揀3樣）：🍽️ 魷魚 🌝🌝🌝🌚🌚大細啱啱好，一咬就咬得開。魷魚都幾入味又唔會太咸，略嫌個醬汁偏甜，不過日本醬料係咁，個人口味問題。🍽️ 章魚小丸子 🌝🌝🌝🌜🌚共6粒，可以一粒啪入口，但都唔會咁做，因為好鬼熱。個皮脆脆地，口感都好煙un ，每粒有一小粒章魚。🍽️ 明太子玉子燒🌝🌝🌝🌜🌚我哋帶住高嘅期望食，但都無乜失望！新鮮熱辣食，本身都唔會差得去邊。食落食到芝士同明太子味都唔會太咸，蛋同料都平衡得好好，唔會一夾就散晒。總體🌝🌝🌝🌝🌚街邊小食嚟講幾好，唔會食到好「呢HEA」，$100/3樣都好滿足到乜都想食少少嘅口痕🤤如果行開嚟油麻地，或者有外國朋友都可以推薦嚟試吓！（頭盔：非專業食家，人稱垃圾脷，通常食唔出「高級食材」有咩分別。食評僅供參考，敬請留意(*˘⌓˘*)ゝ）…查看更多