庭園咖啡室 (裝修中)

大學既飯堂一向都係出哂名性價比高，今次我就黎到香港城市大學一試究竟。由又一城經時光隧道黎到城大，再轉左就會發現一間餐廳。餐廳有室内同室外既座位，感覺天氣涼爽既時候會幾舒服。我叫左個歐陸早餐配熱咖啡。你地一定會問歐陸早餐入面其實有啲咩？其實有雞扒、蕃茄、薯餅、煎蛋、火腿同多士。雞扒塊皮煎得幾脆，配上燒烤醬，酸酸甜甜都唔錯。另外蕃茄都幾甜幾新鮮。其實呢個餐都只係要$25，依個價錢係出面冇咩機會食到呢個質素既早餐，呢個就係大學canteen吸引人嘅地方。…查看更多

環境唔錯，唔驚蚊坐出面都幾舒服，座位都幾少，朝早就未見有爆滿的情況。早餐25蚊，凍飲加兩蚊，標準嘅乜都有，蛋，煙肉，多士，茄豆，腸仔，蕃茄。但有個問題喺出到嚟條腸仔唔夠熱，雖然講完之後都有換，不過已經咬咗啖，感覺麻麻地。…查看更多

畢左業N年，好耐都冇返大學了，最近緣份到，咁啱有project同母校合作， 所以成日都要返去，發現學校多左好多唔同種類嘅餐廳，其中呢間Garden Cafe, 就係我近期嘅最愛， 每次要返學校做野開會， 都會係度食個早餐先。其實餐廳店舖好細， 亦都長年唔夠冷氣， 但佢有個大嘅露天area, 有雅座😏，好開揚，所以坐得好舒適。我近期最愛嘅兩款早餐分別係big breakfast同沙爹牛麵， 食物水準ok得嚟好穩定， 早餐咖啡亦算合格， 最重要係佢價錢真係平過出面連鎖快餐店， 性價比極高👍。…查看更多

$24魚柳腸仔早餐配多士加熱奶茶。又是我奶茶控一日一杯奶茶。先講奶茶，有茶味，但茶葉不夠靚，尚算合格。多士有點乾，塗了牛油也改不了它的質地。腸仔兩條，合格。魚柳，也炸得過火了，太乾。但以此價錢，份量那麼大，服務那麼體貼，我還是誠實推介。吃過早餐很滿足，久久不餓，差不多2時後才想吃午飯。告訴你一個小插曲，吃早餐時，我不小心打翻了水杯，成枱同地也是水，姐姐立時殷勤清理，並没半點黑面，真不好意思，非常感謝。…查看更多

一入去裡面一看款式尚多，價錢亦合理，主要為學生及學校職員使用，但味道確實麻麻份量又少，天氣熱時會食得相當辛苦，好似去大排檔的感覺，冷氣嚴重不足在26度以上氣溫用餐確實會相當太熱，希望得到改善！…查看更多