幸福鳥 (K11購物藝術館)

營業中

休息中

在 K11 內有許多食肆。我在地下那一層的轉角處發現了一間日式餐廳。到達時是 6:30pm，餐廳並不擁擠，我選擇坐在一個角落。這家餐廳主打串燒，但因為天氣炎熱，我決定點了一份魚生和三色醋漬蕃茄。這個三色醋漬蕃茄非常清涼可口，尤其在炎熱的夏天，吃下酸酸甜甜的蕃茄，加上啫喱的襯托，讓人感覺特別醒胃。魚生的味道也不錯，我還叫了一碗熱騰騰的白飯來搭配。當我準備離開時，發現餐廳已經不知不覺間坐滿了客人。這讓我意識到，香港的食肆其實是因為餐廳本身的質素和服務標準，才導致有些餐廳即使在低峰時期仍然有很多客人光顧。

很好的用膳經驗。服務員很細心,很有禮貌。非常好的服務。他主動問我們冷氣是否舒適？雖然我們要求比較多。他仍然不厭其煩說服務客人是他的責任。環境好。食物好味又抵吃。

第一次同小朋友去居酒屋慶祝生日，早前經電腦系統訂座，雖然已經確定了，職員仍然致電給我以確定時間，雖然有在電話中說慶祝生日，但餐廳聽完便算了，感覺只是希望你唔好甩底。食物整體不過不失，但係唔算熱，飯只是微暖的，加上坐的位置可能近風位，食物很快便凍了。上菜職員有禮，經常幫忙加茶。我最後在埋單的時候，雖然有同職員講我們的意見，但他表現出只是負責埋單，聽完後沒有回應，真的有點錯愕。似乎這間居酒屋並不建議用來慶祝生日，一般食飯聯誼是可以的。

一人高質晚餐枝豆 熱到有水蒸氣的鹽🧂是後加 調味及質感剛好多款水果串燒 燒得勁香又juicy 一啲都唔膩燒🌽 件件都沾滿牛油及蒜蓉 推介👍🏻～～～～～～～～～～～～～～～～～～～

第一次嚟呢到食，係朋友介紹我嚟，話呢到嘢食同氣氛唔錯。加上自己同老公都想試好耐，就抱住黎嗰試下嘅心態過嚟。點知真係OK。個氣氛係正嘅，100分。食物都好食，但可以再好啲。因為個日有點忙，啲waiter急急腳行，但係知到我老公生日之後，都抽空送左兩份甜品俾我地仲幫我地影相。有時仲會同我地講兩句講下笑咁。著西裝褸肥肥地個位經理同埋好高個位哥仔同我地唱生日歌。滿足❤️

今日自己一個人去食，點知d waiters 當我透明，舉手3次叫個男經理落單都扮睇唔到，結果要行出去叫佢落單，差！👎🏻👎🏻食物係ok的…但之後個4眼阿姐繞場一周加茶，偏偏唔加俾我，又係要好似求佢咁，先有得加茶…想問吓係咪一個人食飯就唔係客、就唔係生意，可以唔使理？😡😡

在K11商場逛街時，被餐牌上誘人的菜品照片吸引，便決定與朋友一起進入「幸福鳥」餐廳品嚐日式料理。整體用餐體驗不錯，首先要讚揚的是服務人員的熱情有禮。但由於沒有訂枱，只可以在吧枱就座。我們選擇了兩款午市定食 - 包含麵豉湯、沙律和溫泉蛋的套餐。「幸の串焼七盛合」🍖$208極上牛舌心、雞翼、雞腿肉、免治雞肉棒、豬肉串、冬菇和秋葵🍽️串燒種類豐富，肉質不錯多汁，惟略帶一些油膩感。「刺身定食」$208三文魚、油甘魚、深海魚、甜蝦和北海道帶子魚生新鮮，味道不俗，不過不失。整體餐點的份量相當豐富，兩人完全吃得很飽。價錢略貴，若以此作午膳價錢應可以有更高質的味道。環境：🏅🏅🏅🏅味道：🏅🏅🏅🏅性價比：🏅🏅🏅

環境舒服，侍應有禮，日本居酒屋嘅感覺，選擇種類都多，有串燒，燒物及鍋物等...味醂魚干必叫之選，口感煙韌，送酒一流汁燒免治雞肉棒汁燒雞肉沾上蛋汁後，肉質更滑，口感豐富極上牛舌芯串燒得剛剛好，牛舌芯肉質爽嫩牛油香夠，少許鹽吊味，再厚身點口感更正醬油燒飯糰醬油味塗滿滿再燒，看似簡單，但燒到外脆焦香內裡煙靭，不錯飽腹之物拉絲芝士玉子燒蛋味香濃，入口嫩滑，玉子切開流出濃厚芝士，配埋紫菜同沙律醬，味道更有層次火焰帶子帶子新鮮高質，熱辣辣脹卜卜，帶子鮮甜，口感爽彈

朋友預約咗這間餐廳，於尖沙咀K11藝術廊，地點位置方便，星期二的晚上人客不多，我們首先叫了不同串燒，支豆，同埋燒銀鱈魚，一路慢慢食，一路傾偈至九時左右，環境安靜食物質素不錯，而且侍應會不停幫忙加熱茶，重點就係唔會有時間限制，讚！

店員態度好好 又有禮貌單係呢點 已經可以再泥👍🏼😊餐廳關10點 我差唔多9點入座都好好禮貌話我知幾點last order 叫我盡快叫野食事後仲請我食甜甜叫左幾串串燒 ，雞皮 雞肉棒 番茄燒肉等等都好食 雞皮推介，燒得啱啱好 又脆又香🤤雞肉棒 三個味都好好食🤭嗌咗三款精選刺身都幾厚 而且脂肪分布好好食呢個好滿足，價錢唔貴價錢上 ，兩個人食人均$500左右 都絕對夠食👍🏼👍🏼👍🏼👍🏼👍🏼日本嘢嚟講 仲要開喺K11 算抵食要支持吓香港消費

我係第三次幫襯哩間餐廳，三次都係同三兩知己聚餐，因為唔會好多人等，所以稍微食耐少少都唔會俾人趕（但注意佢有落場時間）事前我訂咗，因為朋友未到所以喺餐廳外等候，店員見入面仲有位都有善地叫我入去坐住先。因為我地會嘗試叫唔同嘢share，所以我都幾肯定lunch menu上都係安全嘅，但就唔會好驚喜。我剩係記得佢個汁燒魷魚好味，啲鬚仲脆脆地。某店員依然hard sell, lunch都好堅持俾個單叫menu我地睇下有咩想加，見到我地喺menu某頁面停留佢就會開始吹奏，仲會問幾次要唔要飲嘢又會介紹下牆上嘅特別menu, 因為佢相當有禮貌反而好難拒絕。（完全唔記得影相）

每次黎幸福鳥食lunch都係食串燒七盛合 ($198) set lunch有齊沙律、湯、飯、溫泉蛋串燒燒到好香口 調味啱啱好唔太咸雞翼拆開咗黎燒 食落好方便唔洗lun骨加小小錢就有埋野飲~餐廳員工好細心食完遞上濕紙巾抹手

食物很好 環境很舒服員工態度非常友善 會和顧客溝通 特別是職員金仔 細心了解我們的需要和普遍很多香港餐廳的服務態度很不一樣感覺很舒服自在讓我和朋友有一個輕鬆愉快的晚餐體驗

今日放假去尖沙咀睇戲就響附近食個lunch😊坐低後先享受一下呢個舒適嘅環境，柔和嘅日光從繪馬間透入餐廳，好舒服😊🔸燒頂級谷飼牛定食🥩呢度以串燒為主打，先前食過唔錯，今次想試其他出品就叫咗個燒牛定食。每個定食都隨餐附上前菜、沙律、味噌湯、溫泉蛋、白飯🍚牛肉燒得有啲過熟，配燒汁未至於好乾。記得之前同屋企人嚟食，燒牛肉入面仍然能保持粉紅色的。今次嘅全熟燒牛有進步空間。🔸汁燒牛舌丼定食🍚汁燒過後嘅厚燒牛舌有啲乾，都係過熟了。反而汁燒後嘅洋蔥配飯底嘅燒汁拌飯更好食。🔸拉絲芝士玉子燒🥚有大胃王男友包底，叫咗個芝士玉子燒試。熱辣辣冒煙而且拉到絲嘅玉子燒好好味😋 玉子好軟熟，加埋蛋黃醬一流😋🔸芝士免治雞肉棒🧀芝士控忍唔住要叫，燒過嘅半溶芝士配免治雞肉棒好香口。🔸汁燒免治雞肉棒🌕每次去居酒屋都必叫嘅汁燒免治雞肉棒，加埋月見醬汁真係百吃不厭🤭餐廳以鳥居作設計，居酒屋路線，餐廳環境絕對加分⛩️ 店員細心服務態度有禮，食物可能未達滿分，但整個用餐體驗唔錯。呢度以串燒為主打，串燒的確做得好出色，下次食返串燒定食確實係穩陣之選😊

餐廳模仿日本神社, 每次經過敝店都被它門前的鳥居和掛在旁邊繪馬所吸引, 加上店名取用同音字由幸福了變為幸福鳥, 非常特別, 所以一直都想嚐試 😊 所以當朋友提議到這𥚃用饍我就二話不說讚好了。正是這樣, 到訪後才發現餐廳主要吃串燒的, 有點意料之外 😅靠門邊位置設有串燒吧, 再入內就是其他座位。 餐廳座無虛席, 以現在的經濟環境下也能保持這個狀態實屬難得! 😳 拉絲芝士玉子燒 $88一切開就見到非常濃厚的芝士, 入口嫩滑, 配上沙律醬伴食更加邪惡 😈 焦糖菠蘿 $38被燒焦的是菠蘿🍍面層的砂糖, 所以當咬去焦糖後就吃到涼涼的菠蘿, 菠蘿甜美多汁 😋大啡菇 $38似乎燒得稍微偏乾身, 正常一咬多汁的大啡菇只剩下少許水份 🫠 師傅未有加太多調味, 吃得到原汁原味和牛串 $78軟熟嫩口, 加了少許醬汁, 旁邊配有芥末醬, 不建議加芥末醬, 完全破壞了本身的味道 😐芝士年糕 $42外脆內軟糯, 比較淋, 不算太煙韌, 但芝士份量不少燒絹豆腐 $38朋友讚口不絕的豆腐, 我卻覺得一般, 最主要不喜歡豆腐皮的口感, 而且豆腐淡而無味 😐另外還點了其他食物:松露炒日式野菜 $98烤茄子 $28唐揚魷魚