幸福粥店

經常路過這小店但沒有幫襯，看到總是有人排隊買外買。這家庭小店，只有3張2人枱，午飯時段門口也会放幾張臨時桌子。今天來吃早餐，點了一粥一腸粉。皮蛋瘦肉粥粥中規中矩，滿滿一大碗，咸瘦肉是撕開一絲絲的，不黐牙。花生香脆新鮮，皮蛋也沒梘水味。炸倆腸粉是即點現做的，腸粉皮靱滑，油炸鬼香脆，枱上放着各色醬汁有麻醬，甜／辣醬，炒芝麻，自己加配喜歡醬汁，十分美味。平常吃得茶餐廳的各式粉麵套餐，嘗嘗這些中式粥品，改改口味也是不錯的選擇。…查看更多

慈雲山呢間粥店係毓華街雖然唔起眼，但係次次經過都見到好多人食！今晚咁岩經過突然好想食炸兩就幫襯左佢啦！個炸兩入面嘅油炸鬼食落好脆，外面嘅腸粉好滑，夾埋一齊食好好味！仲要d甜醬麻醬可以自己任落！…查看更多

近來成日無胃口，晚餐想食清d，想買碗粥返屋企食。慈雲山粥品唔係好多，平時食開另一間，今日試下呢間店面有d Up Dup嘅幸福粥店。餐牌都幾多粥揀，平時我多數食粟米粥/肉碎粥/豬骨/雞粥，今日想揀有魚味嘅粥，最後揀左魚腩粥。我平時好少食魚粥，因為好怕有骨，但今日又好想食魚，順口問老闆一句：「會唔會好多骨架？」老闆話：「魚腩咪一兩條骨囉」好，就試下啦！生滾魚腩粥係即叫即整，都等左幾個字，整完佢會問你要唔要蔥花同花生，我無要到。返到屋企，急不及待打開碗粥食，試下個粥底先，比起我平時食開果間鮮甜，再試埋個魚，好滑，一咬就化開，唔會煮到好實好鞋，好好味啊！同埋真係唔多骨，每舊魚腩得1-2條大骨。碗粥細細都有3-4舊魚腩，好足料，好有驚喜！下次都多d幫襯呢間小店先～…查看更多

食物質素 8/10尼間粥舖出名抵食，相比起同區既另一間粥店都平唔少！平時諗唔到食咩我都會去買栗米粥同埋腸粉食，兩樣加埋三十蚊都唔洗！栗米粥尼度既粥品都係即叫再即煮，栗米粥係我既飛佛！栗米粥既栗米份量多，食落鮮甜，唔會覺得太淡無味，亦都唔會覺得係野咬口，咁既價錢食到咁既質素真係超曬班！腸粉尼度既腸粉正正常常，無咩特別，但係好既係啲醬任落，每舊腸粉都痴曬醬，岩曬我要食重口味！環境衛生 6/10地方唔算好乾淨，門口擺滿要洗既碗筷服務質素 6/10尼度既位好少，坐得唔耐，所以都外賣拎走食…查看更多

今朝起身陰陰凍咁，諗住去食啲熱辣辣既野，兜兜下就望見間粥鋪。搬左黎成年都知有呢間野，不過見佢得幾張枱，門口有好多人所以好多次都卻步了。食食下先知原來樓上仲有位，下次可以上去睇睇有無位，因為樓下都好迫下。叫左碟白腸粉，甜醬麻醬自己落。腸粉好滑，唔厚，食落有啲煙韌。另外佢地有賣豬潤腸，搵次黎要試試，因為唔多地方有得食。仲叫左碗豬潤粥，啲粥好綿，加上豬潤所以令到個粥好甜，豬潤亦都好爽，同埋我食呢碗都有唔少豬潤。…查看更多

今日朋友介紹我這間幸福粥店，我去粥舖吃粥都只係吃艇仔粥(料靚粥底正)和炸兩(即叫即做，腸粉滑油條脆)，味道同即做都完全係100分呀，完全係我小時候吃的味道，好幸福…今日係外賣所以冇相，下次一定要影相記錄先！…查看更多

一直都唔鍾意食粥，以為自己唔會有機會食呢間，點知因為腸胃炎咩都唔食得嘅狀況下，屋企人買左呢到嘅栗米粥比我，佢D粥有D稀，我個人鍾意稀嘅多過稠嘅，因為比較易入口，所以我幾鍾意，栗米粒都有好多，個粥有小小甜，我覺得好好飲，之後有食過呢到嘅炸兩，雖然係小店好簡陋，但味道絕對唔差，甜醬豉油仲會大量提供，不過速度係慢嘅，要等好耐…查看更多

起身係屋企食左兩片包，過左一陣，屋企人就話出去食野。又唔係太餓，諗住食譚仔的。行行下突然想食粥，就過左來。之前病嗰時都有來買過外賣，覺得佢幾足料，價錢又合理。11點幾來到，都差不多坐滿，仲有兩張枱。餐牌上，款式眾多，有少少選擇困難症。最後都係叫左我的最愛之一#粟米豬肝粥#。食物都幾快上枱。粥品大大碗的，足料。開頭好稠，食食下就開始水喇！#豬紅粥#有成6~8嚿豬紅，不過我唔食的。#魚腩粥#有兩至三嚿大大嚿的魚腩，真材實料。味道啱啱好#炒麵#無試，內有芽菜仔。#叉燒腸#我自己本身就唔鍾意叉燒係咁的做法。啲叉燒係全瘦的，食落@鞋"。佢啲度啲豉油幾好食，少少甜味，唔鹹的。所以細佬又encore左碟#豬潤腸#嘩，呢個正，啲豬潤好滑，我都忍唔住食左幾嚿(其實我已經好飽)太好食喇！下次無乜謂口嗰時就唔使諗，來呢度食瓜返碗粥就得喇！…查看更多

成班fd通完頂，就想搵野食完返屋企大覺訓，但又唔想食m記咁頹，就揀左呢間點心lai食，屋村點心從來都係咁出色，同埋係大件夾抵食，蝦餃皮唔會太厚，牛肉球亦都幾實淨，唔會一夾就散，腸粉亦都幾出色，就浸油一薺蒸，所以好滑，盅頭飯夠熱，加埋豉油一流！總體好抵食！…查看更多