幸福石磨腸粉

營業中

休息中

買宵夜：一個豬什粥、小籠包及义燒腸。落單時，得疑似老闆，但態度極差，我落了第一個腸粉時，我未開囗就講了幾多錢，我話仲有粥同小籠包，之後三個加埋1 1 0，算平。粥係健康粥，冇乜料，可能怕膽固醇高，再看看之前的留言，都係話冇乜肉，小籠包皮厚，超細粒，而且不是上海小籠包那一樣。腸粉一般，义腸同淨腸冇分別，我們個仔好唔好食，佢話唔知义燒係邊，我試一條，勁！第一次食义燒肉粉腸，連一般白飯粉都大粒過佢。唔好意思，冇影腸粉，不過都影唔到义燒！唔通肉真係咁貴，最差係態度！

我本身真係好鍾意食腸粉，特別係石磨腸粉呢一間，我都食過好多次，當食外賣都有試過好想讚嘅係，係OpenRice 叫外賣自取無外賣額外收費仲同堂食一樣都會送豆漿👍🏻👍🏻我今次食粟米瘦肉腸粉，米味好香濃，個醬油甜甜地好好味🤤

係旺角街頭行來行去，想食小食，又可以坐陣。最終揀左坐左係呢間小食鋪。1）幸福滿滿腸粉，即係乜材料都有，包羅萬有。除左椰菜外，其實食唔到任何味，連豉油都唔鹹。但係可以飽肚👍🏼呢個價錢，喺旺角有得坐，算係咁。2）另外，餐廳老闆送豆漿，豆漿熱嘅，但係完全冇味，同水一樣。由於係送嘅，所以就當係一杯水啦。

現場落單一個豬膶粥，一個小米，一個牛肉腸粉，三杯豆漿，咁佢就話「好呀 坐底等一等先。」點知喺門口等咗一粒鐘，睇住佢做晒啲外賣平台嘅單都未處理自己張單，都算數公道啲講 佢有話要等不過冇講等哂平台先。一個鐘後第一句問你既係「你要咩雲吞 你2樣野係咪」 下，師父你冇落單？「ehh 冇叫雲吞」 糾正返之後叫我地拎大佬 我要3杯豆漿師父pack左一杯 得啦我嘩話「3 杯豆漿」大佬 可唔可以尊重下人？$118 你值唔值 小人做野粥好鹹仲有燶煲仔味小米蒸唔透豆漿完全冇味都算 $5當買水飲腸粉爛蓉蓉 老實小小過分

腸粉本身都幾滑，幾好味。但瘦肉腸，幾乎冇瘦肉！肉碎都好難搵！食得非常之唔爽。開頭有去過幾次，後來都係唔再去啦。建議老闆闊綽少少，俾多幾粒肉碎客人啦。啱啱諗住叫外賣，見到呢間舖頭，專登入返嚟OpenRice留言。🤧🤧🤧強烈反對:幾乎冇瘦肉！幾乎冇瘦肉！幾乎冇瘦肉！

小店一間，座位唔多有啲迫，服務普通～叫左瘦肉雞蛋腸粉加生菜賣相吸引👍 瘦肉幾滑，生菜爽脆，腸粉係正宗石磨腸粉，少少皺皮，滑身唔漿口，吸豉油吸得好快，係好食既！😋#石磨腸粉 #幸福石磨腸粉 #旺角美食

鮮肉雲吞麵轉米粉落咗勁多芹菜芫荽蒜頭，所謂作為調味，但隻味勁難食又臭，仲要冇得比客人選擇是否落這些配料，要求退款，得到不友善的回覆，其他食客沒有問題 不代表我沒有問題 態度勁差 冇諗過食第二次諗住試吓其他嘢竟然係咁 不會再幫襯 垃圾店家

終於係香港九龍區食到一間抵食既足料腸粉 早幾日係趕時間底下搵間部食店，咁岩經過這間腸粉店，就走入去試一試！我就叫左一份幸福滿滿腸粉，超級足料，套餐仲要包一杯無糖豆漿，難值抵食$35 腸粉皮薄，又多餡料，腸粉包了牛，豬，叉燒，蛋，粟米，菜脯，超級豐富，再配搭少少豉油，真係好好味😋 豆漿就正正常常，沒什麼特別，只係無糖比較健康😊簡簡單單既午餐，質素算唔錯，大家可以黎試一試 👍🏻環境方面：地方比較小，快食都可以既

其實就食開 不過有日拎個外賣都俾個阿姐大大聲小 唔會再幫襯野食就正常唔差嘅 係香港可以食到30零蚊嘅足料腸粉算係咁 不過珍珠餃竟然唔俾蠔油我 叫佢比蠔油就會唔俾辣醬我不過對返題先 個阿姐真係好趕客 係咁先

鋪頭坐位唔係好多，5張四人枱腸粉即叫即蒸超好味，皮薄餡多！仲有個蒜蓉辣椒醬，溝埋落腸粉度食簡直一流，買返去煮面食都正。平均28蚊一碟仲送一杯無糖豆漿，值價比超高！

終於係香港食到好食的石磨腸粉！HKD28 瘦肉雞蛋腸加HKD3生菜／或其他料平靚正，通常大陸先食到好食的石磨腸呢間做到，皮又薄又滑，夠料。希望下次經過旺角都來食，可以過下口癮但蒜蓉雞翅HKD30/4隻有待改善，雞翅黎到，有大隻有細隻，冇乜蒜味+炸太濃，感覺好熱氣。叫腸粉送豆漿一杯，好飲！堅無糖，唔會愈飲愈口乾都算好大杯，誠意十足2人食，前後叫左1碟雞翅，3碼腸粉，送3杯豆漿，埋單HKD117

位於濕街市裡面有間細細的腸粉店，週末的這天時間已經是下午三點多，還未食午餐就內進試試一個輕盈的late lunch吧。食物選擇只有這幾款，是專做腸粉的店，而每叫一份腸粉都配有一杯豆漿，是一個套餐的那樣。豆漿很快就送上，店員沒有詢問我要凍還是熱的，給我一杯微暖的豆漿。飲品質地幾滑不過沒有甚麼豆香，她們說本身沒有加糖，檯面有砂糖客人有需要可以自行加入，個人覺得不加也可。叉燒雞蛋腸粉($28)用上一隻完全不夾的膠碟上菜，感覺好像是拿了一些貨版、別人不要免費的膠碟來用的似 腸粉做得幾薄，雞蛋只是上面的那層，裡面包著叉燒碎份量普通，但這個價錢也沒有甚麼投訴。餐廳加入的豉油不鹹，若是重口味的朋友可以加入放在檯面的蒜油，蒜味濃郁帶點辣，都是惹味的不過加一點點吊吊味就可以了。如果經過附近不太肚餓想要吃點東西填填肚的話這裡也是一個選擇，食物正常而這個價錢也是抵食的

本身唔係話超級鍾意食腸粉，都係飲茶會叫下咁，但有日夜晚9點幾喺旺角未食飯，發現大部分都last order咗/閂門啦，行行下見到呢間石磨腸粉店，門口寫9點半閂門，但都問一問仲有無得食，點知可以，而且食緊果陣見到陸續仲有人坐低食/外賣🤩•🥢 幸福滿滿腸粉 $35🥢 鮮蝦雞蛋腸粉 $28🥢叉燒雞蛋腸粉 $28腸粉份量都唔細，腸粉皮會捲到有好多皺紋，所以會實啲啲，但係食落都好滑！幸福滿滿即係有晒所有材料：鮮蝦、瘦肉、牛肉、雞蛋、香茜(走咗)、粟米同菜脯，係最豐富嘅一款！料都明顯多啲，全部切到細細粒，唔會逐款食得出，但都唔會奇怪，反而多啲唔同口感～另外叫左鮮蝦雞蛋同叉燒雞蛋腸粉，但呢兩款就料少啲，唔係啖啖都食到😢 不過鮮蝦都值得一讚，幾彈牙！枱上面可以自己加嘅辣菜脯好正👍🏻 菜脯係小辣，有啲串燒店食到嘅原條燒茄子嘅味，可能因為有啲蒜？超級惹味！一定要加！😍•🥢 無糖豆漿（送）叫腸粉就有豆漿送，豆漿係無糖，可以自己加白砂糖，不過我哋都無加，因為豆漿嘅黃豆味都幾香，唔會好‘寡’～

一直對腸粉有種迷戀，所以行到街口見佢個廣告牌，二話不說入左黎。鋪頭細細，都有幾張枱仔，不過如果坐滿人應該會好逼。叫左個粟米瘦肉腸粉加菜脯，送豆漿一杯。細細碟，粟米就落得幾多，瘦肉係有嘅，但食落冇咩存在感 一啖食落去口其實主要得菜脯嘅味道，其他材料冇咩feel ，豉油主要係咸口嘅，腸粉拉得薄少少黏，但冇咩米香杯熱豆漿其實一d都唔熱，暖都唔到😂我欣賞佢會放d白糖係枱面俾人客自己落，但熱豆漿唔夠熱係溶唔到d糖架🤣🤣🤣🤣食完淨係記得d菜脯味😜

旺角廣華醫院附近新開嘅小店，主打石磨腸粉。招牌係幸福滿滿腸粉，個名好得意。呢個腸粉有齊晒所有料，包括牛肉、粟米、蝦、瘦肉、雞蛋同菜譜。依家一份腸粉仲送一杯無糖豆漿！