幸福川226

營業中

休息中

朋友係openRice睇到本店Book佐位老友齊聚,一個細粒的職員好热情友好接待及介紹,環境真係相當唔錯,因第一次上黎不太熟悉,我們決定食簡單沙律西餐,職員好開朗同我地講解可以自取食物和飲品,初時友人几人都覺得非常不錯,但等待大半個鐘后,依然不見有歺,向店員催促几次後先陆续出菜,厨房出品捞捞舊舊,食物量少,店員知道我們不滿,期間同我哋講佐好几次對唔住,亦揾上司轉達過,希望比机会佢地改善,我哋好欣賞呢個員工,好好傾,為表歉意話下次過去找她有折扣,腊眼睇店中職員為數不多,不管真假,但起碼感受誠意,談話中已是兩個小朋友媽媽,可能同是為人母感到大家都不易,有心解決客人問題,于是不再為難及追究.于是選擇原諒,給好评完全出於服務態度和環境,希望下次再來時厨房真係有改善,大家不妨試下

今日八號風球在家工作完襯有時間就介紹下早幾日食lunch既餐廳，lunch time諗唔到食咩，行行下見到有個廣告牌🪧介紹有間新開餐廳係附近，於是就試下.餐廳位於寫字樓入面，上到去好似課室咁😂😂間左幾間房，每間房有大約六張枱，餐廳主打係打邊爐，另有西餐可以選擇。前菜同飲品係可以去拎，飲品有花茶紅茶檸檬水都可以無限添加。.自家制安格斯牛肉車打芝士煙肉漢堡配香辣薯角 $128今日唔太肚餓所以唔想打邊爐所以我叫左個burger，呢個價錢黎講個burger 份量就有啲細個🤔牛肉幾厚身，個包烘過幾脆口，不過應該係牛油揸多左少少有啲咸，薯角炸得幾脆，唔錯~.田園菜籃配美國肥牛 $96同事叫左個邊爐，食材都算豐富，唔夠食仲可以自己拎粟米，米線，蘿蔔，生菜等等嘅配料

見佢派傳單係新餐廳，膽粗粗咁去試吓係個甲級寫字樓入面，一見大堂以為去錯，不過一上到去估唔到地方好大，而且冷氣好夠三個同事上去試，啲枱都有距離，唔使迫，坐得幾舒服係lunch嚟講真係好特別，有西餐同火鍋揀最特別係佢前菜同飲品都可以無限自己拎，凍飲熱飲都有，火鍋料都可以無限添加，一定食得飽今次三個人分別揀咗部隊鍋，牛肉同雞肉火鍋，食材都好食鮮，湯底都有3款可以揀食左1個鐘多少少，一啲都唔趕，有啲cafe嘅感覺，咖啡都飲咗兩杯同附近茶記比完全唔同感覺，有時間真係可以慢慢坐，值得再訪

今日在觀塘附近做野，試間新餐廳，有火鍋同西餐，我就點左西餐的carbonara,味道幾好食，夠creamy。朋友就點左個香煎三文魚清酒檸檬汁，個魚皮夠脆，係幾特別，但份量略為少左少少😂，飲品就無限添，我就試左無咖啡因花茶，幾特別，仲有咖啡。西餐配個黑松露蘑菇湯，個湯有驚喜，黑松露味重，好好味👍🏻坐得舒服，唔迫既，可能新餐廳未係好多人。臨尾先知原來前菜任食，我食左泡菜，中華沙律，仲有西瓜。好鬼飽😅