幸福單品咖啡

營業中

休息中

呢日重陽節，要登高避瘟疫 (即係武漢肺炎), 行hea山之前， 食個靚早餐先~ 今次行山頂， 呢間幸福單品都好近個起點， 一於揀呢間~~~ 以前上山頂會經hku上， 不過而家封咗(但係唔明點解d大媽可以入到去拆連儂牆， 係咪揸大陸passport先俾入？？), 唯有行第二條路上去啦~呢間咖啡小店， 之前都係食tea時間上去， 今次係第一次食早餐~ 小店細細， 俾你好溫暖嘅感覺, 又唔會有人催你落單，埋單， 不過會默默咁幫你加水， 可以行山之前食個悠閒嘅早餐. 我地要行山， 所以叫咗兩份三文治， 真係好飽.我地叫咗個超。幸福三文治， 入面有餐肉，芝士，炒蛋，青瓜，火腿，海苔， 真係治如其名， 食落有種幸福嘅感覺，乜都有d, 好滿足~~ 佢嘅三文治真係唔駛飛邊， 條邊都好好食. 我地仲叫咗清新三文治， 入面有牛油果，青瓜， 蕃茄， 一咬落去真係好清新， 好好味呀！！！我杯柚子蜜都好大杯， 好好飲~ friend就飲ginger cappuccino, 好香嘅薑味，食飽好滿足， 可以去行山喇~

外賣自取三明治，到了可取餐的時間 足夠40分鐘，還沒好 那只有等待 等十分鐘 還沒好⋯ 我去確認到底需要多久 老闆娘告訴我就她一個人 忙不過來 bulabulabula⋯ 那我說難道你看不到外賣自取嗎？如果忙不過來那可以不接單啊？老闆娘說她看不到時間喔～ 啊？看不到訂單妳接單？這⋯ 接單後做不來要食客等？等多久還說不出來？你的時間是時間 我的時間不是？ 太不誠實了吧⋯ $60一份的三文治是不錯 因為只是外賣自取 沒有品嚐咖啡 三明治好大一份可以當午餐了⋯

喺附近住咗咁耐，都未嚟過呢度。趁今日星期六得閒，就決定要去試一試。我哋兩個人叫咗個超。幸福三文治($60), 焦糖燉蛋（$35）同一杯咖啡($60)。小店得一個人負責晒煮野食,收錢, 執枱,所以都要俾少少耐性去等。先嚟咗個焦糖燉蛋, 唔好見佢細細杯,入面都有好多㗎, 啲蛋好滑, 成個texture 食落去好smooth 好creamy, 加埋上面啲焦糖一齊食, 一個字, 正!杯咖啡就正正常常啦...等咗十五到二十分鐘個三文治終於到!!一見到個樣就已經心心眼, 佢一共有四件, 每一件都好足料呀! 啖啖咬落去都好有口感, 而要加分嘅係佢喺啲炒蛋度加咗黑芝麻。每塊包都極都好脆, 有淡淡牛油香。每一啖都真係超。幸福。佢個三文治真係好大份,最後我哋食唔晒打包咗一件走。

雖然喺街坊食店，但超足料 ，佢一送咗第一份過嚟嘅時候就知道大大鑊，一份等於出面嘅兩份。味道唔喺有咩特別 ， 但食到 對客嘅用心，所以住喺乎近嘅話 我一定會買嚟食，晏就食佢一定好飽肚，舖位坐落又舒服。 喺一個唔錯嘅一間小店。 

假期難得早起身 (其實都已經11點🤫)梗係要食番個靚早餐 嘆杯咖啡啦🤩 呢日就嚟到西環 尋找呢一間小店據聞啲三文治好大份好足料☺️ ~~🥪鹹牛肉蛋三文治 $35份量真係幾足 有四大件三文治即叫即製熱辣辣🔥 麵包烘得好香脆👍🏻鹹牛肉好足夠 🥚蛋唔會整得過熟咬開中間仲食到少少流質蛋漿🤤 另外仲加咗好多黑胡椒 咬落去好惹味😋.🥪牛油果炒蛋芝士三文治 $50呢個係餐廳招牌之一 食落都幾有驚喜🤩牛油果🥑好新鮮 唔會太生 又唔係太熟淋pat pat嗰種👍🏻炒蛋滑身 仲可以揀加一款調味料 我哋就揀咗薑汁估唔到又幾夾🤪薑汁味都好突出 朝早食好醒神🙈~~總結1）好足料嘅三文治 可以一試 飲品都好高質 但相對價錢偏貴~~評分📈味道 7/10環境 6.5/10性價比 7/10

Mark 了「幸福單品咖啡」好耐都未有機會試，今日終於的起心爬上山，經過第三街望向左邊就會發現佢。佢嘅地理位置優越好chill Lucky me 去到吾使等，地方細細，真心有啲迫，吾系好岩hea 既地方。一場黎到一定係揀打咭之選「 層層疊三文冶」老闆娘一個人工作，好忙對客人都好 nice 。三文治即點即做，吾使幾分鐘就攪掂，三文治預期大份，比平時嘅三文治起碼大三份一，仲要連埋皮感覺更大。三文治表面烘得有啲燶，不過冇燶味，時間控制得唔錯！嫩滑形炒蛋加咸牛肉，填滿成件三文治 ，超豐富，味道同一般嘅咸牛肉三文治其實系冇分別，只係份量加大左，食完飽左。估唔到咖啡出名外試左「玖瑰奶茶」奶茶面加上玖瑰花瓣，仙氣加分。茶都頗濃郁，口感順滑，不錯的。

幸福單品咖啡 #西環 #💛 ❀❗️超足料勁厚三文治 簡單食材帶出意想唔到嘅滿足❗️ ——————————————————好耐以前已經有唔少人推介過呢一間三文治🥪話食完之後好幸福嘅感覺，當時我抱着疑惑嘅態度，心諗只係一啲好簡單嘅材料，自己係屋企都整到，係咪真係會咁誇張🤨前嗰排咁啱去西營盤，決定比次機會佢，點知真係會有意想唔到嘅滿足幸福感覺😍有時候最簡單嘅材料就係最能睇得出廚師嘅功力。.餐廳係台灣嚟嘅大姐阿鈿所開，除咗招牌嘅三文治之外，咖啡亦不容忽視，有超多種咖啡豆選擇，老闆娘嘅對咖啡亦好深入嘅研究☕️。餐廳環境唔大，有種木系rustic嘅感覺，坐得有少少逼，但每張枱都有用膠簾隔開。.✷𝑀𝑒𝓃𝓊✷☞真。幸福三文治🥪$60用上成1.5 cm咁厚嘅麥包，男人手掌咁闊🤩搽上牛油烘到酥脆，內裏夾住芝士、餐肉、炒蛋、生菜、吞拿魚。全靠每樣食材自己本身嘅香氣，同埋生熟剛好嘅滑炒蛋，再加上少少黑椒畫龍點睛🔥，令到成個三文治非常美味，就算冇額外嘅醬汁都唔會單調。味道: 4.7/5 性價比: 4.6/.☞黃金曼特寧 ☕️$60呢度冇用大型嘅咖啡機提煉咖啡，而係用虹吸式咖啡壺沖製，即叫即整👍🏻。一共有多達40幾款咖啡

二訪至愛特大份三文治咖啡小店呢度的三文治絕對係我心目中全港數一數二💛超大份足料用心製作 性價比極高店舖細細但充滿人情味由老闆兩個人一腳踢 即叫即做三文治上枱時熱烘烘仲出煙架 勁新鮮真係有幸福的感覺☺️食過你就明😌鹹牛肉蛋三文治 | $35芝士蛋三文治 | $35麥包好厚但好用心每邊揸上牛油煎至金黃香脆用心製作係絕對食得出架！炒蛋蛋味濃郁又夠厚滑 仲可以揀唔同調味我揀左黑胡椒勁香 配鹹牛肉真係超好食哥納 美國夏威夷咖啡豆 Cappuccino | $80有多款咖啡豆來自不同地域可供選擇每款都列出豆的特徵同產地方便客人揀今次揀左一款來自夏威夷重果仁香的豆有著微甜vanilla的尾韻香滑非常易入口 係一杯好滿意的咖啡

今次要介紹同路咖啡店係位於西營盤,正街行到上頂,英華臺的幸福單品咖啡店,其實C出口近DD。老闆娘係一位來自台灣的大姐,佢叫阿鈿, 由以前第一次閒逛撞入去呢間小店時已見阿鈿同男老闆好熱情招呼。呢間咖啡小店充滿住日式台式咖啡店的裝潢同氣氛,店子不大,所以擺位有少少迫,但已有膠片分隔每張枱,也算不錯。佢哋唔似一般新派港式文青cafe 用貴價咖啡機做咖啡, 呢度無咖啡機, 佢哋係用虹吸式咖啡壺沖咖啡, 認真的堅香濃好味。先講食物,不得不提呢到招牌,幸福三文治,有分真幸福同超幸福, 至於個分別自己睇menu 會知,今次我食咗超幸福, 食完真係超幸福,D 台式海苔真係勁好味。btw, 佢哋的瑞士汁雞翼撈公仔麵都超好味,不過今次無食。再講番重點,咖啡, 佢地所有熱咖啡都係即磨即煮, 總共有40多款, menu 上會有簡單介紹,今次我哋飲咗布隆迪同孔佳。布隆迪係醇厚濃味的,孔佳飲落係香滑有果香, 有果香但不是酸味的咖啡-（小弟不太喜過酸的味道）,味道同咖啡豆品種,日曬同水洗有關,不詳談。幸福單品有40多款口味我大約試過一半,布隆迪麥西哥雲南莫卡都好味 佢用 # 來分 別味道濃淡,4.5濃, 3較滑

That’s how we find happiness.🎈幸福單品咖啡Happiness Single Coffee/Learn to appreciate every single thing happened around you./望返之前食既呢份三文治 真系好大份呀🤩超。幸福三文治($60)見到份三文治既時候 真係嚇一嚇😮超級大份嘅三文治 用左三塊厚方包整成 未食就大飽眼福👀三文治用左芝士 午餐肉 炒蛋 青瓜 火腿同海苔整成🥪 材料好豐富 層次又飽滿 而且每一層都落足料 一份三文治應該要兩個人先食得晒 十分推薦❤️雲南($35)☕️知道呢度既咖啡出名 就試咗幸福十大咖啡豆 叫雲南既咖啡 雖然menu度寫住呢種咖啡豆會有杏仁核果香同唔苦 但我都係唔太識飲🙈飲唔出杏仁核果香味 飲落香濃 苦既程度系可以接受到既😆另外試左少少既英式早餐($68)就覺得煙肉太咸 但蕃茄烤得好好食 好多汁呀😍

啡·嚐 @ 幸福單品咖啡幸福的味道🙂打開咖啡店地圖，今次嚟到西營盤～其實近年呢區都多咗好多咖啡店，而今次選擇左呢間比較有”地道”特色嘅咖啡小店，冇錯，其實佢係位於樓宇嘅平台地舖，入邊嘅空間真係唔大，緊緊有6-7張枱，而且位置都唔容易搵到，幾經波折，終於嚟到喇。驚喜嘅係，佢嘅咖啡嘅選擇十分之多，我估計應該都有接近25款，真係每日試一款，都要試足一個月呀🙃整體來講，佢嘅咖啡都係偏深炒，而佢沖煮嘅手法只得一種，就係虹吸式，其實睇住佢由沖煮，到都將咖啡送上枱，成個過程都係一種藝術嘅感受😌值得一提嘅就係，佢呢度嘅食物十分大份，而且又好食，基本上下午茶已經係午餐甚至乎係晚餐嘅份量，建議真係可以兩個人分享一份三文治架🙂🥪食物：⭐️⭐️⭐️⭐⭐咖啡：⭐️⭐️⭐️⭐️環境：⭐️⭐️⭐️番叮：⭐️⭐️⭐️⭐

Obsessed with sandwiches lately and cravings satisfied after having these super thick and filling sandwiches. The scrambled egg may not be the silkiest but their sandwiches are surely the thickest🥪三文治即叫即製 光顧當天人多 所以要等比較久三文治是用全麥吐司 特別大塊 烤得金黃酥脆 炒蛋疊到超厚 配上其他餡料口感不錯嘴巴小的要一口把所有餡料吃掉還真的有點難度不過吃完也真的有幸福感🥰

想食三文治呢種三文治好耐啦！淨係見到相已經肚餓，襯禁堂食令未生效，拿拿臨趕黎食左先  呢間小店鋪位唔大，主打三文治同單品咖啡，三文治款式同咖啡豆都有好多品種，淨係豆都已經有兩板menu，真係有排先試得哂！　🥪鹹牛肉蛋三文治真係每一份三文治都好豐富好大份，一份有四件，望到烘到金黃色的多士，金黃色的炒蛋，加上鹹牛油同黑椒粒，未擺落口已經覺得幸福！賣相一流的三文治，食落肚更加不得了！味道豐富，飽足感十足！如果好似平時咁飲奶啡，應該就會飽到食唔哂　🥪BLT三文治BLT就係bacon， lettuce + tomato，食材新鮮，蕃茄加上生菜，食落感覺好fresh，配黑椒粒調味令到成個味道更加特出！☕咖啡（坦桑尼亞）平時真係少飲齋啡，因為特別豆通常都比較貴 唔捨得試手沖，虹吸更加係完全未試過，所以對於豆的風味唔太認識。今次真係第一次飲哂成杯啡！成個menu甘多種豆揀邊種好呢，我就揀左帶點果味的坦桑尼亞，一於試試佢。味道真係好fruity，一d苦的感覺都冇，好易入口，尾段帶橘子的風味，如果唔係平時手沖甘貴，都真係想試多幾種haha

C出口轉右 扶手梯落一層轉右手邊就係英華臺🤗店舖面積細細間但勁親切當日店員廚房一位樓面一位店員姨姨拎左餐牌俾寫低想食咩跟住話lunchtime勁忙招呼唔到🤣☘️🥪超 • 幸福三文治 ($60)Ok!佢一上碟我係呆左既🙂因為勁大份 而我係自己一個食三層包🍞都烘到好香脆可口夾住餐肉 芝士 青瓜 炒蛋 火腿同紫菜真心一大啖咬落去係超·幸福既🥰值得一提既係厚厚既炒蛋混合左炒香左既黑芝麻再整極❗️香❗️極❗️幸福‼️💡店內亦有出售咖啡豆食飯過程見好多人黎買豆亦見到有人黎嘆番杯手工啡係生活態度呀😭😭💕💕💕💡食性價比超高 食物好大份真心 兩個女仔share一份就夠了同埋店舖面積較細座位唔多食完影完相就讓位俾等緊既客人喇💕🍽

去幸福單品就純粹係為咗飲 arabica 咖啡，點解要飲 arabica？因為平時喺飲開嘅 robusta  口感太粗糙，順滑嘅咖啡係飛砂走奶架！試過幾款，味道各有特色，個人最中意藝妓，仲有甜蜜詩歌 ，偏酸有象豆，偏苦有黃金曼特寧。至於藍山，太貴飲唔起！..............................BTW，阿拉比卡（Arabica）：貴、味道柔順、咖啡因低 >= HKD 50。羅布斯塔（Robusta）：便宜、味道苦烈、咖啡因高 =< HKD 40