幸福咖啡

營業中

休息中

幸福、快樂、歡喜、瀟灑、開心、心寧、希望、如意、光明、信心、自在和滿足，這十二個祝福或鼓勵可在這個大鐘裏找到，但在你們的心中可找到嗎? 看着這個大鐘，真的很想擁有每個詞語。自從搬了來葵青區，第一時間就是寫嗰「想到訪」食肆list，這間是其中一間，它是一間素食咖啡室。咖啡室位於一座辦公室平台上，望看藍藍的天空，雖帶着口罩，未能深深吸入一啖清新的空氣，但晒晒太陽，感覺也不同。落地的玻璃門窗，外形好似一間溫室。一拉開門，就被那個大鐘吸引着。內以純白色和木為主調，座位不多，設有幾張長枱和四人枱，設計簡約樸實，感覺舒適悠閒。*****************************第一次(1/7/2020) 來到是下午茶時段，故沒有點套餐。除套餐外，也有小吃、自家製麵包、甜品和飲品供應。今日就等了半小時，等什麼? 就是等伯爵茶鬆餅出爐，再加杯熱抹茶豆奶。一上枱，店員便跟我說「祝你快樂」，原來杯熱抹茶豆奶 Matcha Soymilk ($36)上灑了「快樂」兩字，也正正是我的需要。溫度剛好，入口暖暖的，既有豆香，亦有抹茶的甘，味道不會太濃，也不錯!伯爵茶鬆餅 Early Grey Muffin

🔺Loving Nature Fortunate Coffee無意中發現的小確幸💕呢間Cafe位於葵涌工廠區附近位置都幾隱蔽 入到去感覺環境好舒適☺️仔細睇Menu發現原來呢間係素食餐廳😯.牛油果天貝壽司配有機麻醬豆腐🍣壽司入邊有牛油果、天貝、青瓜同埋紅蘿蔔😋小編第一次食天貝 上網睇原來天貝係黃豆發酵之後再壓制而成嘅健康食品😙加咗鰻魚汁之後無論樣貌同味道都同鰻魚幾似😂麻醬豆腐上面仲鋪咗D炸香菇味道清新開胃😃.牛油果大啡菇芝士漢堡配薯角🍔漢堡包好多料好厚大啡菇唔會好大草青味 入口多汁💦配搭蕃茄、沙律菜好fresh🌱不過牛油果略嫌唔夠熟😯.飲品方面揀咗餐湯同埋以半價加配咖啡餐湯係冬瓜蘿蔔粟米湯🌽飲落係食材本身嘅鮮甜味無加味精👍🏻咖啡上到嚟好surprise😀上面用朱古力粉撒上幸福呢兩個字😍

今日同素食朋友食午餐，就自然選擇間特別的素食，今日去決定去葵興食，沒想到其實都唔難去，而且都幾舒服，我地一人一毎餐再加小食，白汁鮮蔬牛油果意粉比較多汁，味道都夠，因為多汁比較水不太掛到意粉普通不太差。少有見到藜麥扒 就試咗個 #藜麥漢堡 ，沒想到幾好食，因入面有好多不同種類，口感都幾特別又唔會太淡，麵包面脆入面軟熟幾好味。燕麥咖啡待應會同你講希望你開心過一日，真的有點感動，味道咖啡味都濃唔會得奶味，朱古力咖啡朋友叫就字是滿足，朱古力味同咖啡味都平衡，2個餐最後每人一百元唔貴會再去。

想搵個地方靜靜地坐下睇下書，朋友推薦呢一間cafe 話裝修好特別， 所以嚟試一試。我大約十二點九嚟到，唔需要等位就可以入座， 坐低之後要自己出收銀落單，呢間餐廳主要係素食嘅menu，選擇都算好多，日式同西式嘅款都有，而且 定時會轉menu，我今次試咗個牛油果天貝壽司配麻醬豆腐，落完單好快就有店員將食物送到枱上， 牛油果壽司幾好食，牛油果唔會太生 ，麻醬豆腐亦都好正常，個套餐仲有一碗海帶豆腐湯，亦都係素食嚟嘅。整體嚟講份量都算足夠，不過如果比較大食嘅男仔可能就會覺得唔夠飽。 最後仲叫咗一杯咖啡黎飲 ，佢唔同一般cafe嘅拉花，今日係中文字開心，都幾得意。想食素食嘅朋友可以嚟試下，而且佢有個好大嘅時鐘都幾特別

今次係我第二次嚟Loving Nature ☺️對上一次嚟完就好想再嚟，因為環境好舒服，無論自己嚟定同朋友一齊都好適合，不過位置就離我屋企有啲遠，所以都係要星期六放假先嚟～💛💛🔸芝竹「蛋」漢堡🔸▪️價錢：$59▪️今次試嘅芝竹蛋漢堡，第一眼真係似為啲蛋係真嘅😂因爲個邊煎得好似真蛋，但唔好忘記呢度係純素餐廳嚟咖😂啲蛋應該係用腐皮做（無估錯嘅話），食落又幾香幾好味，我諗個蛋應該有調過味，而芝士當然都係純素，入面仲有菜啊、蕃茄等等。而同我上一次嚟一樣，都係覺得個薯仔仲好味😂🔸抹茶豆奶🔸之後我就跟餐叫咗杯抹茶豆奶，大豆味好香亦都較重，抹茶味就帶少少苦，甜味就唔多不過我諗可以自己再落糖嘅（我無落）🍵🍵

隱世素食Cafe #葵涌唔係咁岩有車同埋搵素食都搵唔到呢間😂😂😂芝竹旦漢堡配薯角🍔菜名同賣相好有驚喜 😮👍 食落個包好香脆素壽司配麻醬豆腐🍱對我黎講份量比較少😂配左杯咖啡豆果茶☕️及無味精湯味道係淡d 但野食都比較健康 又幾好食做輕食就岩🤗好多野都想試 環境舒服 值得再黎嘆返杯咖啡同試試其他素食🙏🏻🤘🏻

1) 喺呢個區賣all day夠膽收成舊水，又唔係好食。幾塊toast白烚咁，問佢攞牛油，佢竟然話冇！2) 佢收Alipay同八達通，前者未ready，咁我話比八達通啦，佢話cashier冇機，要稍移玉步去個kiosk嘟。得幾步路，咪行去囉，點知揀返所有飲食要貴$10。姐姐仔話呢部機冇discount，佢又唔早講！ Cashier同kiosk價錢唔sync都算，呢間嘢，小貓三兩隻都冇，整乜鬼自助點餐kiosk？不過最膠，一定係cashier不設八達通機。3）2個Wi-Fi都冇work4) 冷氣似有若無，今日大暑呀！冇下次！

當女性朋友建議去葵興Fortunate Coffee吃，其實我心裡面是拒絕的，但由於要請她吃飯以報答一夜之恩(畫面是色彩繽紛了些少，但不是你所想的這樣)，唯有跟她說句"來讓我跟你走"，我真是好憎我自己，點解我對女人總是咁心軟，尤其是靚女……韓式伴飯($51套餐)：屬宮廷菜之一的韓式伴飯色彩繽紛，尤如一個含苞待放的女仔，是極度容易招蜂引蝶，至少我是流了不少口水，忍不住搞了幾下(我指的是飯)，因為必須充分搞拌以泡菜/昆布/豆芽/青瓜/醃水果蘿蔔(紅身)等五色元素加秘製醬汁，才可以將"得成僱傭，融入飯中"。昆布香韌、豆芽爽口、青瓜清甜、蘿蔔乾爽，再將過份辣的泡菜同飽滿的飯粒融為一體時(白飯攤分了泡菜的辣)，吃起來，每一口都充滿豐富的味覺層次感，有如仙樂飄飄處處聞風起舞，不自覺扯斷了自己條白色底橫，然後左右搖擺，衝口而出："從來未試過咁清新脫俗既感覺"...芝竹旦漢堡($56套餐)：本來我理應與此漢堡是有緣無份的，誰知她竟切了些給我吃，但我想說的是：傻豬來的，我自己咬咪得囉，你一啖，我一啖，多麼美滿的畫面，何必浪費把刀咁唔環保呢...漢堡包烤得來脆身，揭開即見沙律醬加青瓜，泛起陣陣溶化的牛油香

Vegan純素餐廳在香港不多, 很幸運的可以找到這間優質美味的健康純素餐廳。這裡環境很舒適，有小清新的感覺。今天第一次到訪，我們點了牛油果天貝壽司配餃子和芝竹旦漢堡，味道很不錯，我特別喜歡牛油果天貝壽司，配搭很特別，出奇地美味。另外，我們買了一個健康麵包-南瓜合桃提子回家吃，十分好味，外皮脆卜卜的，內𥚃鬆軟。這個麵包是用了兩天時間發酵18小時而成的，沒有蛋，奶，蜜糖，添加劑等，十分健康。這𥚃還有售賣純素甜品和蛋糕，下次一定要試試。

一向神秘既葵涌都愈來愈多美食，特別係多咗好多又大又舒服既隱世cafè，近排就去咗呢間有埋露天茶座既素食cafè。【牛油果天貝壽司配香煎餃子🥑🥟 $59】呢個價錢有成10件卷物+4隻餃子+1碗蔬菜湯，CP值都算幾高，卷物入面既牛油果夠軟綿，天貝好重堅果味，配合日本醋飯，味道非常配合👍🏻餃子內裡有多種蔬菜絲，包括紅蘿蔔、椰菜、黑木耳，口感豐富，調味剛好，食到蒸菜既清新同爽甜。惟獨餃子有少少過油，希望餐廳可以改善下，或者俾客人揀蒸餃。蔬菜湯非常足料，幾乎全碗都係大大舊蔬菜，飲落有淡淡既清甜，並非求其之作。除咗lunch time時段比較多人，其餘時間都可以慢慢坐低同朋友傾計。Lunch set好抵食，味道不俗而且仲好飽肚又健康，下次再嚟飲下佢地既燕麥latte同試下佢地既健康麵包先！

自己一直無食素嘅習慣，係標準嘅食肉獸。以前只有去天壇大佛，或者近期少少為咗做專題研習先專登食素。當然素都有好食唔好食之分，以往食過某啲素食餐廳，食完個口真係有浸「齋味」。聽人講可能係啲製造齋嘅豆味。所以自己都幾怕食完齋會有浸味嘅感覺。呢間素食餐廳幫襯過一次，好彩無出現呢種情況，食物味道唔差。牛油果天貝壽司配香煎餃子第一次幫襯同第二次都係叫牛油果天貝壽司配香煎餃子。其實唔太知咩係天貝，不過見佢個樣同鰻魚有少少似，味道都有點相似。加上有牛油果粒，因為自己好少食牛油果，個配搭都幾新鮮。香煎餃子略嫌有點油，煎得唔算好香脆。餡料方面，都唔算好豐富好滿，普普通通吧。一開始會驚幾件壽司同餃子會唔會唔夠飽，但對女仔而言，呢個份量絕對夠食，都幾飽下。如果係男仔，可能要叫多個小食會飽肚啲。今次跟餐要咗枸杞金菊茶（應該係呢個名）。味道比較清淡，甜度不高，頗溫和。而上次加錢轉咗豆奶，印象中豆味唔算突出，都係較清淡。

上星期六，趁着早上要到長沙灣的機緣，「長葵」兩地只是相距幾個港鐵站，終於找到機會探訪葵興的 Loving Nature 了👏👏。一進店內，看着餐單，目光👀都是在3款漢堡🍔的名字中上下移動着(「漢堡控」的特色🙈🤣)，最後選擇了「藜麥漢堡」，又多點了一客6隻的「香煎蔬菜香茸餃」。先上桌的是餃子，一看外型，漲卜卜的，眾多食材仿如要「破餃而出」，給人一種材料充實的感覺👍。餃子材料有菇粒🍄、木耳、蘿蔔粒🥕等等，當然少不得香茸這個主角。有趣的地方，在於店員稱呼這個為「香“訊”餃」，起初，版主以為自己聽錯了，「茸」的發音明明是「容」，怎麼會讀成了「訊」呢？🤔但當再指着餐單中的「香茸」，問店員所說的香「訊」是否這二字時，店員卻說是的，這個發音之謎，實在令人摸不着頭腦了🤷‍♂️。接着登場的是「藜麥漢堡」🍔，第一眼看見時，腦中突然浮現了「巨無霸素食版」這詞語。和日常所見的巨無霸相比，這個漢堡雖然沒有兩塊素扒，但在厚厚的麵包、藜麥扒、蕃茄的組合下，也有一定份量。麵包方面，走的不是「鬆軟」路線，而是走「爽脆」風格，有少許在吃「烘多士」的感覺。此外，這個漢堡的神秘之處，在於「伏兵」的存在😏。咬下去時，除了嚐到實在

同事推薦食素菜主題嘅餐廳。果然好特別！真係一啲都唔似食緊齋咁。感覺個人即刻健康咗叫咗個壽司拼餃子，真係好好味。壽司入面係有牛油果，好新鮮。另外素餃有煎過，好香口但一啲都唔油。同事就食漢堡飽，入面係素豆腐，又健康又特別！配菜有薯仔粒。整體都好好，會再黎食！但注意營業時間係11:00-20:00架。想做晚餐就要早啲啦！

原本係因為工作嘅緣故而有機會嚟到呢間純素餐廳(P.S.我無錢收㗎)，一嚟到見到員工同某個客人唱緊生日歌，場面已經好溫馨，而員工都好nice，好有心機去介紹菜式點做，仲會問你意見睇下食物有無改善地方添！所以我覺得好值得up上open rice，一嚟環境舒適同靚，二嚟食物真係唔錯！真係值得一試㗎！另外因爲佢哋係用幸福做主題，店裡面係有埋好多同幸福有關嘅擺設，同埋有得買幸福手錶，內面無1-12點，係同個鐘一樣咁嘅字，都幾靚！

前個排陪個vegan既friend去食，下午都ok多感覺上係上班族既人去食，不過等位等左一分鐘都冇已經有位。不過個位真係有d釣腳都有少少難搵lol見到好多人食咖喱所以我fd叫左咖喱而我叫左個白汁蘑菇意粉。咖喱好好味，雖然係vegan既但係d香料味好香，飯係有溝紅米，成個感覺好健康。我個蘑菇意粉都好味，唔講根本食唔出係vegan既，d汁好creamy同埋蘑菇好多。不過係整體份量有d少，但係$50左右加埋有杯野飲其實都ok既。只係佢其實過條馬路就係d平餐廳所以其實都算set得貴貴地咁。