幸拉麵 (已結業)

一直都知道幸拉麵得師傅一腳踢，未能定時開業，咁耐只係食過2次。而我一直有留意幸拉麵動向，知道佢今日做感謝日，再去捧場！叫了白豚同海老名味噌，叉燒好淋，好入味。湯底濃郁，試過兩種湯底後，比較喜歡海老名多了一層鮮味既湯底！流心蛋入口有陣甜味，正！😋食緊既時候，見到有食客堅持付款，店員都拒受，叫佢地下次再來食啦！我走時都同老公講，我地要再來食，多謝佢地今日既款待！點知，剛剛佢地網上宣布要結業了！原來呢個先係今日感謝日既目的…可惜…🥲有幸食到師傅最後一碗幸拉麵，謝謝款待💛期待你再開新店，記得通知香港人😀…Read More

早排同朋友都係喺尖沙咀返工，會成日出嚟食飯，自從朋友轉咗工去咗北角之後就少咗一齊食嘢，早排請咗假塭佢食飯，佢知我係門小雷fans，就話帶我去試一間好隱蔽嘅拉麵店。店舖喺北角AIA地點下，不過因為唔係喺正門位置，所以有啲唔太顯眼，店舖唔算大但係有種日式小店嘅感覺，門口貼咗三張門小雷嘅海報。喺介紹拉麵之前介紹一下門小雷，門小雷係一位我非常鍾意嘅香港畫師，好多歌手例如容祖兒、周國賢、Rubberband都有塭過佢設計專輯封面或者演唱會海報。拉麵有五款選擇，我鍾意重口味嘅我所以我要咗個黑豚，另外追加10蚊筍。黑豚即係大蒜豚骨拉麵，一擺低碗麵就已經聞到一陣蒜香味，雖然大蒜味好重但係冇冚過個湯本身嘅豬肉味，平衡得啱啱好，叉燒嘅肥瘦亦好均勻，食落都好入味，絕對可以再嚟食。臨走之前我問老闆仲有冇門小雷嘅卡賣，好彩仲有少少存貨，於是買咗一set返去收藏。…Read More

💫平時好少去北角嗰頭，見去staycation 前咁岩順路就試下呢間都幾🔥嘅拉麵小店🤩鋪頭細細間咁，大概得十幾個位左右，得一個廚師加一個侍應，好忙🙈個日平日大概1點左右，前面排左1個人大概等左10分鐘先可以入座，食完出嚟見到大排長龍😂海老湯底係好濃嘅櫻花蝦味，鮮甜，有驚喜，叉燒係偏瘦帶少肥嘅薄切，啱曬我，好味😋溏心蛋係原隻上，咬開係勁流心㗎，而麵質嘅硬度如果硬多少少就更好，整體都幾好味白豚嘅湯底相對海老冇咁濃，少左d鮮味，但都唔錯，濃郁嘅豚骨味，其他配料都一樣😆整體都ok👍🏻有冰水提供👍🏻💫呢間鋪嘅裝修都有少少日本feel🇯🇵, 而佢個碗好特別😂，有個囍字😅整體覺得呢間拉麵店都幾抵食，都幾推介😋但排隊嘅位置有d熱🙈…Read More

🍜幸拉麵😆•今次推介嘅係位於炮台山嘅拉麵店 由一名日本學師嘅港人主理 所有嘅配料、湯底、麵 和廚房嘅一切都由佢一人負責🙀以製作博多拉麵為主 採用一種極幼細嘅傳統乾麵 工序比起傳統生麵繁複😢店內所有嘅麵都由店主一手負責製作過程 絕對唔會假手於人🙇🏻‍♀️真心respect💛除此之外都好欣賞佢嘅叉燒、糖心蛋和湯底✨上面三樣我都覺得比起其他拉麵店特別🌟整體來講表現都好出色！真心好推薦大家一試🙈 (每次都山長水遠入去就係為咗食一碗拉麵🍜)————————————————❶ 赤豚 (香辣蕃茄豚骨味道) $98(肩胛肉|半熟蛋|筍干|大蔥|紫菜)📌湯底: 個人推薦 因為出面少見而且幾特別🌟豚骨湯底濃郁但絕對冇過鹹過油嘅感覺 聞落有香濃嘅蕃茄味但帶點微辣✨ 中和咗本身嘅湯底 飲落黏口順喉😆而且加深湯頭嘅味道嘅層次 (好少食拉麵會飲晒成碗湯🤫因為飲飲下會覺得好鹹 但係呢款絕對可以🌟) 上面鋪滿用上百分百嘅新鮮蕃茄蓉和辣肉碎 有麻嘅後勁 食食下覺得少似肉醬意粉嘅味道🤣 另外有專屬嘅芝士粉 個人覺得味道都唔錯 但落咗之後更加似肉醬意粉😂📌肩胛肉:叉燒選用係每日新鮮用原條歐洲梅頭肉醃味按摩 紮起定型 慢煮入味 再即叫即切 每一塊肥瘦恰好 軟腍嫩滑 肉味比較豐富 而且切得比一般叉燒薄 更容易吸收湯汁 同時一啲都唔覺得油膩😋個人極推薦！📌半熟蛋:流心蛋真係好出色 我會比滿分😂生熟度控制得啱啱好 蛋醃製得好入味 同時蛋味濃郁 甜甜嘅蛋黃 再加埋拉麵🍜好夾好match🌟📌麵質:用上極幼身麵🍜由於麵條含水量較少 所以食落偏硬身 勁爽口彈牙😆(個人極鐘意食偏硬身嘅麵質) 而且相當掛湯💯 (平時去其他拉麵舖食啲極幼身嘅麵因為冇控制好麵嘅軟硬度 所以好易出現糊嘅情況🥲或者淋patpat🥲 但難得呢間兩者嘅平衡做到啱啱好😭好感動)❷海老豚骨 (蝦味噌豚骨味道) $88(肩胛肉|半熟蛋|櫻花蝦|筍干|大蔥|紫菜)📌湯底:呢個湯底真心值得一試🌟蝦膏味好重 濃郁鮮甜 配上大量嘅櫻花蝦🦐但同時不失豬骨嘅香甜 兩者平衡得好好😆如果鍾意海老湯底就一定要試吓😍❸黑豚 (大蒜豚骨味道) $88(肩胛肉|半熟蛋|木耳|大蔥|紫菜)📌湯底: 嚟到已經聞到勁香濃嘅黑蒜油香味✨配上新鮮蒜泥 所以湯底明顯比其他濃郁 一入口非常香醇 兩隻味道唔會互相搶咗 仲食到蒜頭微微嘅辣 加深咗湯頭層次嘅變化 個人係幾鍾意 (不過偏重口味嘅關係 食到中間有少少食膩咗)🤣 不過一入口嘅時候真係好有驚喜💛➍白豚 (豚骨味道) $78(肩胛肉|半熟蛋|木耳|大蔥|紫菜)📌湯底:最原始嘅豚骨湯底 由過百件豬骨逐一清洗然後熬製而成 至少熬製10小時 愈簡單嘅就要愈體現到師傅嘅功架 相比起其他湯底清淡 但肉味都好出 啖啖豬骨香味😋特別要稱讚嘅係店內提供嘅水 夠晒冰凍🌟喺夏天嘅時候解渴一流🤣💯總括嚟講係一間性價比極高嘅拉麵小店 雖然得一人負責 但對店內對每一樣細節都非常認真 而且都做得好好💛💛所以真係好值得試吓✨————————————————🌟歡迎留言話俾我哋知你哋食完嘅feedback🥰•🍴 幸拉麵 📍 北角電氣道183號友邦廣場地下19號舖•…Read More

呢間喺北角嘅拉麵小店相當受歡迎，長期都有人龍，全店只有主廚老闆同一個樓面，都做得幾踢腳，收完碗、抹完枱，又去傳嘢食，疫情期間呢啲細節就真係麻麻。黑豚湯底蒜味極重，完全冚過左豬骨湯味，叉燒同半熟蛋都正常，可惜個有一陣鹼水味，所以不了！⁣⁣This ramen place has been very popular recently after being featured. However, the ramen itself was just below average - very disappointed! Also, the same waitress was cleaning tables, collecting money, and serving food (without washing her hands in between) - which was extremely unsanitized during COVID!…Read More