平昌

營業中

休息中

煲韓劇煲得多，今次嚟食吓韓燒。呢間裝修佈置，音樂連店員都充滿韓風。主要係食放題，有兩款選擇，一個係大君，另一個係世子放題。我哋要咗世子放題，諗住盡興啲，肉類同海鮮選擇更加多。放題包埋飲品任飲，可以自行去雪櫃自取，飲品款式都唔少。由於係放題關係，兩個人可以每款食物都試少少，唔怕食唔曬，啱食又可以再點多次。我哋點咗T骨牛扒、牛胸腹、牛肉眼、牛舌、虎蝦、蠔、青口、帶子、雞軟骨、雞腎、芝士腸、午餐肉等等。熟食都有唔少野揀，我哋要咗炸雞、番茄、辛辣麵等。食物種類勁多，尤其係肉類同海鮮味道不錯，加埋個辛辣麵，好完滿嘅一餐。上菜速度快，店員殷勤有禮，算得上係食韓燒放題嘅好選擇。

韓燒黎講算平 200蚊鬆啲燒肉放題😬但係勁多昆蟲曱甴 隔幾分鐘見到一隻💩👀 not joking啲侍應見到曱甴都好似習以為常司空見慣 有幾次叫佢哋過嚟幫手捉曱甴佢地有少少唔耐煩😬

之前試過walk-in平昌無位，所以今次我提早book定枱陪閨密慶祝。今晚大概七點到，全場full house，果然係超人氣韓燒！入座要先揀套餐，我哋今次就揀咗$298 set B世子御膳，可以點曬set A大君御膳加set B所有菜式，點餐方式用marker 寫菜式number同數量喺白板仔，然後交俾店員就可以，幾方便。係等肉熟嘅時候可以食超香滑嘅爐邊蛋，如果想encore就可以揾店員幫你refill。前菜除咗有泡菜、沙律、炸物等等，赤貝沙律唔錯，赤貝都幾厚肉，沙律菜新鮮開胃。原本期待嘅一口芝士唔夠熱無得拉絲。肉類選擇超多，調味嘅肉類會較為濃味，其中嘅牛舌、護心肉、豬五花腩都唔錯，牛舌爽口，護心肉外脆內軟又唔太油膩，口感特別。豬五花腩肥瘦相間，好適合加埋辣醬包生菜，增加口感。海鮮個人推介扇貝同魷魚，扇貝唔算太大但幾鮮甜，魷魚就好爽脆。主食有多款韓式熱湯、石鍋拌飯、炒年糕、辛辣麵，個人認為水冷麵必點，清涼湯底加埋梨、蛋同青瓜絲，口味清新，麵條煙韌，辣拌麵就係乾身版本，同燒肉簡直係絕配！飲品方面除咗有忌廉溝鮮奶、烏龍茶等等嘅罐裝飲品，仲有hite 啤酒同枝裝水，燒肉有無限凍枝裝水真係好正

今日心血來潮想食韓國菜，好耐無食想食多幾款菜式，上網搵到兆萬13樓有韓燒放題，岩哂今日既口味，立即上去睇下有冇位。上到去經已接近滿座，有一位韓國店員安排我地入座，非常友善。有兩個套餐揀，我地揀左世子御膳，可以叫埋大君御膳入面既野食。一開始店員會加蛋漿係鐵板邊，有蛋香，滑溜。-沙律食燒肉放題咁多肉食，一開始未飽肚，緊係要健康啲，叫個八爪魚刺身沙律同北寄貝刺身沙律，兩款沙律用唔同沙律汁醬，好新鮮，好開胃。-牛肉牛前胸腹肉胸 : 油脂分布平均，肉味濃，有牛既油脂香，質素唔錯，加生菜包住食一流。T骨牛扒 : 大大件T字骨牛扒，好巨型，好處係可以一次過食到肉眼同西冷兩個部位。 牛扒都算有牛味，但係不宜燒得太乾。調味牛舌 : encore得最多嘅就係呢一款調味牛舌。牛舌夠薄切，經調味後會有啲蒜香味，牛舌唔韌，有咬口，出色。-護心肉護心肉（Saorae）是韓國近年大受歡迎的食材，它位於豬的橫隔膜和肝之間，每隻豬只有二百至三百克，極為矜貴。護心肉燒香後油份不多，爽滑彈牙。-帶子世子御膳可以叫帶子，帶子幾厚身，已經去殼，燒完沾少少油鹽，更加可以帶出帶子既鮮味。-醬油蝦世子御膳另外一大特點就係包括醬油蝦，

平日放工來到平昌韓式放題一來到就有種親切的感覺一爐爐圓枱圍住食 同朋友感覺好CLOSE平昌係有種地道的親和力手袋同外套可以放入椅子底咁就唔怕有油煙味今次我同朋友選左食大君SET 每人$218食物都非常豐富包括有9款牛類 3款雞類 9款豬類仲有不同蔬菜, 海鮮, 韓式熟食, 涼伴小菜等一開爐 侍應門已經幫手倒入邊爐蛋 YUMMY呢度係用手寫卡落單 食飯大約5分鐘已經送到好高效率推介食物調味烤牛肉好入味 燒完又好香 夾上泡菜和生菜食 好味道牛舌好有口感同牛味濃郁海鮮類都係推介魷魚, 扇貝, 蝦 蠔其實各款都幾新鮮好食所以都點左幾次辣海鮮豆腐湯好好味呀 豆腐嫩滑 湯底濃郁少辣有好多迷你海鮮係入味 例如 蜆肉仔暖下個胃 好味道 推介仲有飲品任飲有不少係韓式的飲品正

呢排做到傻 想食好野慰勞下自己呢日book左平昌試下佢既世子御善set世子御善set同大君御善set相比，會多左一啲平時韓燒少見既款式，例如醬酒蝦、炸紫菜粉絲卷同安東燉雞餐廳採用點餐板點餐，order亦好快送到而且仲有特別既拌菜如醬油蘇子葉、醬油鵪鶉蛋等，值得加分👍🏻👍🏻特別推介以下菜式：✨護心肉✨調味烤牛肉✨豬頸肉✨豬五花腩✨醬油蝦✨水冷麵✨牛肉海帶湯雖然餐廳繁忙時間多食客，但店員都好快上菜😁酒鬼們有福！呢到啤酒任飲，只係燒酒需要加錢，值得一戰🤣🤣🤣

因為朋友想食韓燒，咁有其中一個朋友就推薦左呢間韓燒任食。有兩個任食嘅餐，我哋叫咗最平嗰款，大君御膳。星期一至四晚餐218。星期五至日和假期都只係238。另加一。生日前後三日，生日果個都有七五折。唔好以為平就冇嘢好食，其實佢都有海鮮。有蠔，蝦，扇貝等。款式好多。坐滿晒人。早啲book位好啲。點菜有點菜膠板，但交完俾佢地，佢哋唔會拎返嚟，又要再問佢哋攞過。上菜好快，但係好多漏單。海鮮新鮮，淨係狂叫海鮮都抵返晒。。牛舌，牛肋條等好食。牛肉類都好食。其他肉類都唔差，其他主菜如粉絲，湯等都好食。蛋邊前菜可以無限refill 。反而飲品款少。雪條follow ig 就送。食兩個鐘，一夠鐘會叫你走。總結：埋單每人$261.8。有海鮮又肉。仲要質素唔錯。性價比超高。

平昌裝修和佈局都好韓式，同睇韓劇嗰啲參唔多，一入場會以為自己去咗韓國咁。平昌主要係放題為主，有大君御膳和世子御膳兩款放題，如果淨係想食吓韓燒傾吓偈，我覺得大君已經好多款式選擇。另外有幾款飲品係自助嘅。韓燒有牛肉，豬肉，雞肉，肉類，海鮮和蔬菜。餐牌一目了然，好清晰。牛肉和豬肉各有9款，每次上嘅份量唔多，可以試齊晒，覺得啱口味再order。調味烤牛肉和照燒薄切五花腩片最好食，已調味嘅牛肉又薄又快熟，夾住生菜食一流。五花腩片燒到啲油出晒，脆脆地，真心推介。調味雞翼都唔差㗎。海鮮類有虎蝦，扇貝和蠔，仲有鯖魚和魷魚。另外仲有啲好地道嘅熟食，醬油鵪鶉蛋，炒粉絲，石鍋拌飯等等，叫個辣海鮮豆腐湯和石鍋拌飯，湯好足料和惹味，拌着飯一齊食好開胃。店員醒目又有禮，落單上菜上得好快。而且當店員一見到鐵板燒焦就即刻換，讚👍🏼

雖然依間餐廳座落喺有劣食之塔之稱嘅兆萬中心，但係依度唔單止食物服務滿分，用餐仲充滿氣氛，所以一啲都劣㗎！一出𨋢就見到餐牆上畫滿充滿韓國特色嘅壁畫，打開menu又見到好多嘢食，食緊嗰陣員工都會好細心咁主動換板同埋問使唔使加前菜，真係好值得過嚟幫襯👍大君御膳 每人$218（星期一至四）$298（星期五至日/假期）3點前嘅係午市放題，3點後嘅放題就有兩款，小編同朋友揀嘅依款係平啲嘅~ 同樣都係有各式肉類同海鮮可以選擇🤤熟食方面就有韓國傳統料理同小食（詳見最後2幅圖）。前菜有芽菜同泡菜，每枱都會有兜生菜可以夾肉食，每人都會有一排醬料，包括燒汁、微辣麵豉醬同麻油鹽。下面就介紹吓小編覺得值得點嘅美食啦！肉類：辣調味烤牛肉 調味牛舌 辣調味豬五花腩 雞肉串所有餐廳預先醃製過嘅食材都好好食，特別推依4款因為真係醃得特別入味，好食到要係咁encore💯海鮮：半殼石蠔 半殼扇貝依2款都好鮮甜，感覺都新鮮，所以值得叫嚟食吓~唔使齋食肉咁寡🤣熟食：涼拌海青菜 海鮮煎餅 炒粉絲 辛辣麵海青菜食落感覺似紫菜，小編個人認為撈啲落辛辣麵度食都好夾🤓辛辣麵就唔係好辣，所以都唔使驚會辣到食唔到！ 炒粉絲份量就唔算多，都唔

最近剛完成一個大project，所以便輕鬆吃，四圍吃，上次吃完韓燒，朋友變推薦我到於旺角的平昌吃韓燒放題，這天下班後，便到這裏一嘗韓式燒肉放題。當天我們叫了最便宜的那個set，但菜單上所提供的肉類已不少，作為牛魔王，當然馬上叫了不少牛來吃，裏面最特別的是照燒醬醃的牛肉，不論是牛肉，還是肥牛，配上照燒醬，燒得脆脆的，鹹甜鹹甜的， 非常好吃，十分合我意。另外值得一讚的是它的LA牛仔骨，沒錯，就是看韓劇或綜藝節目上常提到的LA牛肉，吃下去便知道餐廳並沒有因為是放題而選擇廉價的牛仔骨，因為吃下去也是充滿牛味的，厚度剛好，並沒有切得太薄或太厚，方便燒烤技巧不高的我們燒出美味的牛仔骨。當然其他的食物也不錯，尤其推薦的是水冷面，吃下去能婫美甚至比其他韓式餐廳做得更好。麵條咬下去有點煙韌，湯汁酸酸的，加上冰，在吃燒肉中途，吃到此麵，讓我們得到refreshing的感覺，然後再繼續下半場的燒肉。以這樣的價錢能吃到美味的韓燒，也是CP值高的一所韓燒餐廳囉！

book左十二點半，不過嗰日落大雨，所以遲左十五分鐘到，諗住佢係好似其他餐廳咁，入座之後先開始計時一小時半，但係去到佢話因為我地遲到左十五分鐘，所以淨係得返一小時十五分鐘食嘢，遲到係我地衰，但係來遲左就要食嘢少左時間，咁我地如果早到咁係咪可以食耐啲先？仲要個店員講嘢嘅態度麻麻，喺食嘢嗰陣又同我地講左兩次係兩點交檯，食嘢心情頓時被影響😞呢間上次我來食係下午茶嗰個時段，嗰陣嘅服務我都覺得唔錯，但係今次覺得少差。應該唔會再來食。佢嘅差評總可以來講有幾點：1）比你嘅食物份量係按人頭計，但係張order卡又叫你填份量，搞到我地想食多啲某啲種類嘅食物係要多次order2）多次order唔緊要，但係檯面只有三張order卡，即係用完就要叫侍應，然後order完再叫侍應，再等食物送過來，但係食嘢時間得一個半鐘，仲要等佢烤熟，order麻煩，如果人多可能仲難啲食飽3）經常漏比order左嘅嘢食🥲叫左兩次生菜，兩次都冇，礙於時間關係我地都懶得追4）侍應態度差，呢個真係去到你地就會體驗到。5）冇問過個客就擅自幫你換鐵板，然後粒聲唔出，等你自己喺舊鐵板夾啲燒左嘅嘢食落新鐵板度，我嗰陣三四秒之後先反應到，場面尷

去食個韓燒放題過下口癮，任飲任食，性價比高，我哋係晚市時段去嘅，幾乎滿座，餐廳格局好似去咗韓國食韓燒咁樣，氣氛相當好！一坐低第一時間更係所有牛肉都落單一份、牛肉望落去顏色都好新鮮，肥瘦適中，牛肉我唔鍾意燒太耐，時間一長啲牛肉就會佬，食落有濃郁嘅牛味，肉汁豐富、又夠嫩滑當然唔少得餐前小菜，豆芽同泡菜韓式食法泡菜五花腩包生菜，口感豐富，酸酸辣辣夠晒開胃，配搭生菜一齊食又唔會太油膩醃製嘅肉類都好新鮮，味道啱啱好，食多都冇口喝嘅感覺，肉類都有好多款真係任君選擇虎蝦同埋扇貝賣相不錯，燒熟左食落去唔會有沙，肉質有彈性，新鮮唔會腥，仲有其他海鮮類我哋兩個人仲食咗三大塊蔬菜煎餅，真係好好食😋嘢飲方面有支裝水，啤酒，碳酸飲品，飲茶類等大多都係韓國飲品店員服務質素都幾好，由落單到上菜速度都好快，會主動幫我哋換鐵板，食咁多間韓燒，依間係我會再想幫襯嘅一間😊

去旺角又想食韓燒 就會去呢間(˶‾᷄ ⁻̫ ‾᷅˵)雖然揀左係最平既套餐 大君御膳 但都有好多選擇～有唔同肉類 海鮮 仲有好多韓國小食 泡菜煎餅 水冷麵 炒年糕等～而且成個環境都好似去左韓國咁(￣∇￣)不過之前去walkin試過full曬 所以book定位最穩陣～👅味道：3.5/5💰性價比：4/5👀回頭率：3.5/5

近年出街食放題多數都係食打邊爐多，好似好耐冇食過韓燒放題，有同事推介呢間旺角兆萬中心嘅平昌放題😋兩個鐘任食嘅放題套餐世子御膳都係二百幾蚊一位，啱晒食肉獸嘅我！😀前菜：泡菜食韓國餐廳點少得經典韓式前菜，就係泡菜喇，食少少已經好開胃，今次冇食太多，因為要留肚食燒肉🤣北寄貝片沙律好少可有沙律會用北寄貝，好新鮮嘅體驗~一起爐，店員好快手過嚟幫我哋落咗蛋漿先，爐邊蛋係食韓燒最鍾意嘅環節之一，燒到佢7-8成熟，最幼滑嘅狀態就最啱食🤩正式開動食肉獸行動，我鍾意每round叫幾款，慢慢燒😎T-Bone一放落去燒，霸晒成個爐咁滯😱呢塊T-Bone嘅size真係有啲誇張，估唔到放題級別都會供應！一塊T-Bone食到兩個牛肉部位嘅口感，牛魔王表示好滿足😜除咗燒肉之外，其實呢個放題套餐有好多其他韓式料理可以揀，今次分別試咗石頭鍋飯、海帶湯、醬油鵪鶉蛋😎由於胃容量關係，仲有好多款韓式料理都好想試但未試到，不能盡錄...

兆萬中心多餐廳揀就係人都知啦！成日見樓下咁多人派傳單，今日就決定試吓平昌！呢間餐廳係食韓式燒肉放題！我哋七點左右黎到已經好多人，好彩book 左位😍 同朋友平平地揀左2百蚊鬆d ge 大君set!原來大君set 已經好多野食！坐低之後，店員立即幫我地在爐邊淋上蛋漿！跟住自己在白板仔上落單😆 第一round揀左海鮮類為主，食鰻魚，蠔，帆立貝，海蝦等等😍😍 之黎就開始入正題，係燒肉類！ 覺得醃味牛肉勁入味！！而且一d 都唔un! 另外我好中意食雞肉串！ 食食下，發現爐邊的蛋漿開始熟，食起黎係勁滑的水蛋，真係勁好食！蛋味濃郁！每次落單，其實店員都基本上1 分鐘內上菜！完全無漏單！而且店員見到個鐵板變黑會好主動換塊新！服務勁好！野飲就出面任揀，基本上都係韓國飲料！仲俾我發現follow 佢地ig 送韓國雪條tim!😍😍我揀咗花生醬出嚟雪條，佢ge 脆味又重朱古力味，又脆！反而花生醬味唔會太濃，中意呢種淡淡然！整體黎講，$218 加一 食到咁多野，真心正！！