常悅素食

營業中

休息中

下午茶質素欠佳香菇腸粉夠膽死舖啲菇粒係街市腸粉上面。福建燴飯啲飯淋到不得了！嘢食勁鹹！點心仲要凍嘅！完全冇心機做永久不再幫襯！去大_然食好過！把鬼火，平都唔好咁冇質素吖！

最近我屋企人呢就好鍾意試吓唔同嘅素食店啦，於是就上網搵到呢一間見到有好多唔同嘅好評就決定來光顧一下。裝修係一啲比較普通中式嘅餐館但成個環境都係舒服嘅，普遍來講枱同枱之間都唔會過迫大家都有一啲嘅私人空間而且有幾張枱係靠牆邊嘅可以望到街邊嘅環境唔錯。但係睇得出服務員嘅人手不足，變咗落單同埋買單就需時。京式燻鵝呢一個前菜食落去好清新嘅感覺，運用左用麻油撈嘅蘿蔔，香菇等再包腐皮包住好食。南瓜盅呢一道菜嘅賣相非常吸引南瓜盅裏面係有一啲素肉，鮮百合，蜜豆同埋少量嘅南瓜片，食落去非常之香口，二鮮百合都煮得啱啱好令到成個感覺好清新。不過略為嫌佢啲南瓜煮得太乾身令到食落好張口竹笙蟲草花浸翡翠苗由於當日翡翠苗賣晒我哋就加咗$10轉豆苗啲豆苗非常之新鮮所以食落去好鮮甜而且竹笙同埋腐皮份量亦都十足，呢一道菜，滿意得很。泰式明爐魚呢一道菜嘅賣相又係好精美真係好似食緊泰菜。佢唔單止有一個魚形嘅器皿同埋上菜嘅時候都會有過火坐熱啲食物。不過呢一條魚佢會配上一個冬陰公所以唔食得辣嘅朋友呢就可能要留意啦。呢個泰式魚配埋個冬陰公索晒啲汁好開胃。最後仲送上咗一個甜品，上碟嘅時候非常之熱而且唔會太過甜感覺比較健康整體而言呢間嘅

久唔久去食素，每次都想試新餐廳，今次來左旺角呢間。喺樓上鋪3 樓，平日都都有七成滿上去之前已經諗定要食呢個明爐冬蔭功素魚滾住係有啲綽頭，但湯底有啲淡，冇想像中咁好食黃金寶盒，開頭唔知係乜，叫黎試下原來係農夫包載住葡汁雜菜和素肉，好多料，乜都有啲，用包沾汁同吃，食完已經飽鎮江骨，擺得都幾靚，份量都好多，但唔似骨，以素肉丸多啲開頭食幾得意，但咁多粒，食食下，有啲寡姐姐強力推介綠豆布甸，叫左一個黎食，綠豆味都好出，幾好食。除了明爐魚外，所有餸都係80蚊左右，以咁嘅份量黎講，唔貴，一班朋友黎，就更加抵食。

一家人一行11人黎常悅食晚餐！之前都黎過幾次，味道幾好，水準都keep 到，就再次光顧！首先湯，我地叫左一個紅燒翅，加例湯，今日例湯係牛蒡粟米湯翅好好味，好味過真翅但湯就味道較淡，始終無肉煲，好難好有味，不建議點餸菜就叫左10款左右，再加一個飯一個麵，可惜我唔記得影張單，如果唔係方便大家睇，既然咁，我就highlight 幾個我覺得好味架啦！糖醋小排骨呢個超級好味，每次必點，糖醋味好正好開胃，好味到令我懷疑佢用真肉整串燒羊肉講真，佢所謂唧肉真係用豆，你仔細食會感覺到係同一種’肉’，但佢嘅調味真係會令你覺得呢隻肉就係你點嘅用，因為佢個醬汁真係好夾好正田園咖哩包一句講晒，同出面泰國菜咖哩包有得揮黑松露脆脆卷黑松露味好重好香，但一啲都唔漏又唔太油食齋雖然無肉，但一般其實都較油較濃味，呢度有味得黎唔太濃，食完無好口渴，而且又唔會好油但，最尾加一句，個焗牛油果唔得😅

旺角的常悦素食 ，清淡，健康！去旺角食晚餐款式本來就很多，今次跟朋友們到旺角的常悅素食吃晚餐。整體來說，很滿意。（＾∇＾）不但感覺清淡健康，而且覺得他的菜色很有創意。(=^x^=)他的炒飯，炒到每一粒飯都是一粒粒的，吃下去不會覺得很油膩。他的豆腐，外皮有微脆的感覺，但豆腐裏面是十分嫩的，我個人來說十分喜歡吃！ ！ ！ ！ ！ 另外，其中叫了一道菜，是有水果的，真的估不到原來水果和肉類的配合是如此好味。士多啤梨酸酸甜甜的，跟肉類一起吃，有醒為提神的感覺。（^，^）今次是我第一次來吃，吃過這一餐之後，我感覺滿意，我會下次再來吃的。

今日拜完神，食素，女朋友话陪我食，见佢甘有heart,諗住揾少少新意思，search 下open rice，睇下有咩介紹，最後決定呢間，好評夠，款式新穎，得意，地点方便，係潮流特区行過對面馬路便可。當晚叫左个二人餐，彷鰻魚，泰式彷名爐魚，湯彷翅湯，ok,夠味，夠料，之后鳗魚用左鳗魚汁，味道ok,但之后每一樣都淡而無味，名爐魚得個酸字，其實可以加番多幾样配料吊味，例如雜菇，金針菇，豆卜，生根等，賣相與味道不附，可能賣相太好，你会expect味道as a same level, 總括黎講，不係難食，但不可以用"好食"來形容。可以有好大空間改進!

又到老公生日同佢屋企一齊食飯嘅時候當然要就奶奶素食者然後就揀咗呢間比較近我哋屋企嘅開餐眼見呢間都有好多鬼佬幫襯可能地點太方便嘅關係跟住我哋就嗌左好多款唔同嘅素食令我最驚喜嘅係五花腩同埋黃金豆腐黃金豆腐又係外脆內軟啦而個五花腩呢，佢真係做到有瘦肉同肥肉嘅質感個味道亦非常唔錯雖然佢哋話咸左少少，不過我覺得送飯OK另外就係糖醋排骨，個排骨就似肉丸多啲而個糖醋味道亦都非常惹味其實整體來講都幾好食，不過比起我哋平時食開嗰間貴左少少，但就多咗好多唔同款式嘅菜式👍🏻👍🏻👍🏻未食過齋嘅朋友可以試吓呢間

高水準的素菜。叫左甜酸素肉，同平時的咕嚕肉一樣好味，唔似一般仿肉的味，正！黑松露春卷好香，好脆口，亦唔覺得油膩。 蛋白豆腐羹個蛋白好滑。三個人兩餸一小食剛好。人均100元。

呢個係圍餐，一次過試左好多道菜式。其實每一次上菜都好有驚喜!🤗顏色同食材都好豐富，只看賣相已好吸引素叉燒、素鵝最好味。熱騰騰外皮脆口，食完想再食材料新鮮又有鑊氣。記住食埋個 '鳥巢' (米網) ，米香夠香脆，但米網底有點油膩。黑松露好強，有沙律醬、紅蘿白同青瓜呢個素翅做得好神似，主要有金菇、豆腐、黑木耳同素翅，仲會提供埋醋。貌似東坡肉。呢個翡翠白玉內有乾坤。出面係冬瓜，裡面有白果、黄耳、鮮百合、杞子等等開胃菜，醬汁酸酸地，素腿球顧名思義裡面係素肉。呢道菜一定要試想 ! 腐竹好鮮好滑嫰好鮮，配薑溶好夾好香!💕💕💕💕💕 賣相吸引，芋頭足料，芋香味濃因為之前既主菜太出色﹐自然對甜品也很有期望。但。。。結果是不是甜品不好吃，只是沒有什麼驚喜。💥總結，呢間野用料新鮮，食材又多元化，款式配搭多樣。食素原來一D都唔悶! 

之前朋友介紹呢間素食，話佢經常同家人去食，味道ok。琴早心血來潮，打個電話訂座，夜晚6點鬆d 去食。我地一行3人，店舖面積尚可，檯與檯的距離都幾近，幸好我地張檯一面係走廊，所以都ok。開咗茶，有碟菠蘿做前菜。之後叫了4款食物：(1) 草莓骨：份量不多。“骨“做得有口感覺，茨汁幾好味，不錯~(2) 黃金豆腐：我以為有鹹蛋，原來用粗鹽扮，哈~咁豆腐比較重豆味，同平時食既豆腐味道有d不同。5係好滑，但5鞋，還可以~(3) 五柳仙斑：條“魚“(芋頭)扁平，若圓碌d，造型會更好。芋頭香濃，可惜五柳汁太求其，破壞咗整體感覺 =_=(4) 香芋焗飯：香芋香，有芋粒及磨菇片，好味~記得問有冇糖水送，佢地5主動奉上。琴晚係香芋粟米西米露，味道好，但就稀咗d。茶錢：每位 $12前菜：$8埋單：$391

朋友提議走肉食素，就揀左方便就腳近旺角油麻地既常悦素食可預先訂枱，不用等位烤麩無乜特別，反而東坡肉真係好似泰式明爐魚推薦菜和腐皮沾到濃濃既冬陰公湯份量較多，4-6人食較好最後仲有糖水送

約了班中學同學聚舊，其中一個係食素的朋友，所以我地就試下素食餐廳。呢間素食餐廳位於油麻地A出口附近，十分方便，入面都有唔少客人。我食咩都無所謂，所以交比朋友選擇。椒鹽豆腐， 新鮮炸起上枱，熱辣辣，但比起外面大排檔的始終不夠惹味。紅草莓香味骨，呢個味道一般，朋友話咕嚕肉比較好食。雜菜煲，味道比較清淡。鐵板黑椒素扒，呢個有驚喜，有d食肉的感覺，味道都惹味。羊腩煲，估唔到有得食，個味都幾似，支竹都入味，但略嫌太杰。黑松露炒飯，味道較淡。經過今次先知原來素食餐廳都有甘多有趣選擇！

同學推介午餐到常悅吃素菜，有推介當然就更好了！我們一行共四位，點選五個小菜，先來雞絲粉皮，混了麻醬有淡淡芝麻香，沒有豉油味道偏淡，在家吃我喜歡添少許豉油、麻油。羅漢齋炒麵，我們要的辦麵，有少許梘水味的，大家都勉強吃光。烤麩，似炆冬菇的廣東小菜味。火腿扣芋頭&煎釀秋癸都非常滿意，合時芋頭又粉又腍配合入味濃汁，外形睇得又好食。原來烹調秋癸用作煎釀是十分可口，外脆香口的秋癸，雖然都吃到切口有少許滑潺潺感覺，是可接受的。對免費咋喳糖水用料和甜度都感到滿意。

即使八點都已預先訂位，到步眼見只是七成full，都安排一張超差嘅枱，要求要另一張二人枱，推說什麼什麼，最後堅持都成功轉到！餐廳地方唔算好細，但真係異常嘈吵，少見的素菜店這麼嘈！素菜款式算係有多種選擇，今晚二人只簡單點了其中——竹笙燴素翅：湯芡略嫌太重手，素翅爽口，不過不失。咕嚕素球：似模似樣，素球麵根都算有口感，整體ok。東北砂鍋粉皮：味道幾好，但都係一樣個芡太勁，當中只有一款仿蝦丸都幾真！上湯浸白菜仔：menu沒有的普通上湯白菜仔反而係最好食。異常嘈雜的素菜餐廳、真正一般的服務態度、中規中矩的食物質素，短期內都應該唔會再次光顧！

因為爸爸高血壓，要食少啲肉類，而老人家又覺得食素無啖好食，所以帶佢黎食返啲現代素菜！羊腩煲無令人失望，連我爸都話好似肉類，咬落去仲有肉絲既感覺，今次突破左父親大人既口味，下次要再努力💪🏼食材都好新鮮👍🏼我都忍唔住食食食食😂仲有糖水送