帯広はげ天

營業中

休息中

是日喺圓方行街行到攰啦，好想食日本定食類作為晚餐，喺商場2樓位置有間日本餐廳，大約8:00到等位15分鐘，被安排坐吧枱位置，整體衛生情況幾好，因為食客同師傅之間都有透明膠板隔住。同友人分別點左個鰻魚定食同埋刺身丼，另外小食累選擇咗牛肉香蔥卷，同埋蛋卷，驚喜位係個牛肉卷，不但冇乾爭爭亦都冇細細舊，反而佢加入左啲香葉同埋配料成個口感好好，相反蛋卷比較失色，冇咩蛋味，同埋一咬就散晒😥至於個主食鰻魚定食又有前菜又有甜品性價比幾高，味道都正常，份量更適合男士享用😂而刺身丼冇咩特別，海膽味道偏淡，食飯去到中段，職員突然自動幫忙換上一杯全新熱綠茶，加多句食完飯飲杯熱茶啱啱好，整體感覺飄升😎👍🏻眼見好多客人都食shabu shabu，賣相唔錯下次嚟可以再試下！

星期六諗緊邊個商場有泊車優惠就去邊度食lunch，上網search完發現element 有個promotion 係飲食消費可以泊到夜晚，於是就睇吓有咩岩食。見到呢間冇乜人唔洗等位價錢又合理就入去試吓。見佢呢間係專食天婦羅就叫左佢個set 。一黎到，我真係嘩左聲，會唔會太豐富！！！刺身正常發揮冇咩特別，但係一定要提右下個燒肉！超好食，個燒汁甜甜地，燒到岩岩好，超送飯，天婦羅都好食，炸粉唔會太厚，仲有蒸蛋，沙律，湯，前菜，甜品。推介呢set🙌🏻刺身飯定食就普普通通，不過都係份量超多。

來到element 搵餐廳食lunch, 事關次次黎泊車行出黎都見到呢間日本野都無機會試, 見到啲set lunch 都係大概140蚊，於是就攞飛試下。餐廳都準備A4紙咁大張既登記表黎登記資料。天丼SET 整體天婦羅都唔錯，外皮粉唔厚，配醬汁幾好食👍🏻什錦刺身丼飯SET本身以為係一塊一塊魚生的丼飯，最後原來係粒粒魚生飯style。但魚生食落都新鮮，👍🏻每個set都附上沙律 漬物 同甜品紫薯味的Mochi 整體而言不錯，可以翻食😸

今日選了去呢間來自北海道的過江龍———帯広はげ天 Obihiro Hageten食日本菜。午市定食「銀鱈魚西京燒定食」$165，包括有前菜、沙律、麵豉湯、漬物及甜品。每個套餐都跟有沙律🥗及日式前菜，我覺得唔太吸引。銀鱈魚嘅肉質白細柔嫩，口感光滑細膩，新鮮豐滿，味道的而且確係好，可惜份量太少。漬物係南瓜，味甜但略嫌硬身。白飯黏軟度一般。甜品紅豆大福外皮乾硬，紅豆甜度適中。餐廳算係高收費，食材新鮮，但製作欠缺創意及新鮮感，實在好難突圍而出留住客人。

慶祝生日的中午飯環境整潔，有日本特色，寧靜，有氣氛，推薦喜歡安靜環境的人士去食。一入到座位，見到午餐menu, 我忍唔住想食海鮮（發現好多人都叫），全因為有蟹膏、蟹肉、鮑魚等刺身。價錢大概2百幾，味道一流，蟹膏撈飯好正。鰻魚飯（1百幾蚊）， 味道鮮，又大份，再加上有齊其他前菜，好正。

呢間舖頭都應該開咗好幾年。每一次去Elements 行街, 經過見到每次都係排長龍。我成日覺得響圓方食日本菜應該會係好貴。聖誕日前夕，應該周圍已經book 滿枱，所以姑且一試，入去試一試佢嘅午餐。見到個餐牌，又覺得價錢合理，平均都係$1xx-2xx 一個餐。我哋叫咗帯広はげ天set 同埋雜錦刺身定食。定食來之前，侍應都俾咗沙律同埋炆肉丸俾我哋做前菜。我哋亦追加咗土佐豆腐。個定食套餐冇乜特別，正正常常，雖然唔係貴，但係因為太普通，所以覺得性價比唔高。反而個土佐豆腐，出乎意料之外嘅好味。一舊豆腐黐咗好多鰹魚碎拿去炸，伴碟嘅係有赤味噌醬。個味噌醬食到有少少酒香，唔太鹹，有豆嘅香味，超好食。成餐飯我覺得最好食嘅就係依兩舊炸豆腐，同埋個味噌醬。

‼️❤️ 記得CLICK我PROFILE關注我呀 ❤️‼️.🇯🇵 Ｊａｐａｎｅｓｅ Ｔｅｉｓｈｏｋｕ @ 🌟 帯広はげ天香港店 Obihiro Hageten HK《👽食神大媽食日本耶》.🍤 Tempura Donburi Set HKD145算係大媽我食過最細碗、全部天婦羅淋曬身、完全無咩調味又唔夠醬料嘅天丼 🤣🤣🤣.🐷 Obihiro Grilled Pork Rice Bowl Set HKD145相比以上介紹嘅宇宙級難食天婦羅，呢碗十勝豚丼就正常好多啦！雖然肉質麻麻，絕對OVERCOOKED，唔夠嫩滑。不過勝在汁醬濃郁，非常香口！正宗嘅煮法係一路燒一路塗抹十層先完成！唔係OPEN KITCHEN睇唔到佢點煮，不過以大概HKD150嘅價位黎講，絕對收貨！.🐟 Grilled Cod in Saikyo Miso Set HKD165話說海運前一段時間開左一間聲稱京都名物銀鱈魚嘅日本餐廳，大媽幾個月前特登去試，真係食完好想寫一篇中伏紀錄鬧爆佢。相比嗰間有名無實嘅垃圾，竟然呢間完全無刻意宣傳嘅銀鱈魚，係不論質素定味道都非常讚！🌞.‼️❤️ 記得CLICK我PROFILE關注我呀 ❤️‼️.💯 最真實

話說同太太享受完九龍站嘅Staycation旅程之後，就落去圓方食個快飯，點知就中伏。一間連旺角兩百蚊放題都唔會有嘅問題，呢度竟然有，仲要兩個人落樓過600，好Q嬲！首先講左最唔掂嘅野先。海膽無味，蟹肉好乾。帶子太薄。但都唔係問題，因為有個好大嘅問題，吞拿魚未解好雪，好似食雪條咁，講真200蚊旺角放題都唔會咁啦（佢地係直接難食）。呢樣好基本，食到成口凍冰冰，食魚生變食雪條，無晒隱。至於其他魚生都太凍跟本無味，拖羅都係無味。究竟佢點好意思收我三百蚊個lunch?隔離酒店啲刺身都好過佢。個蛋呢，真係好難食。首先個蛋唔滑嘅，好大陣雞湯味，好似我用蒸焗爐蒸咁。最大問題，粒白果先大問題，竟然係苦嘅，即係處理得好差。麵豉湯就酸嘅，係我飲唔慣，不過無乜料頭，唔足料咁。粒果子都係凍嘅，個心雪條咁。啲沙律唔夠料，漬物就普通。不過都係好難食。老婆就食咁嘅定食。燒豬肉正常，唔難食，有豬油香。刺身帶子同八爪魚好薄。天富羅都係重災區，首先啲皮好淋，而且好油膩，都算，我食個白身魚，竟然有油益味。講真，旺角200蚊放題我接受，但300蚊個lunch真係好難食。唔知係咪食到個人好嬲，我覺得杯炭燒咖啡真係好難飲，無啡味

第一次光顧這店，午市定食質素不錯，當然一分錢一分貨，但也值得推介。很久沒有吃日本料理，原本想去圓方千両，經過這間店，是同一集團，但較高檔次，看看午市定食，雖然價錢比千両貴，但份量和種類較多，想試試，結果沒有失望。我們4⃣️人由於限聚令要分2⃣️枱坐。點了4⃣️份餐牌照片的定食，有烏冬、鰻魚飯、什錦和炙刺身飯。每份都有沙律、前菜、麵豉湯和甜品。烏冬最普通，較粗身，賣相不吸引。鰻魚飯好味，有日本風味。什錦定食有天婦羅，無油、蝦爽口彈牙。炙刺身足料有蝦蟹鮑魚帶子等，醋飯也特別好味。醬汁沙律算新鮮素食前菜腐皮菇夠濃麵豉湯味美莫池甜品綠茶味

常日聽朋友講呢間好貴今日takeaway 六折wow好似好吸引不過menu 寫到咁豐富，at the end 都是得個飯盒+湯，完全downgrade 曬百幾蚊一個外賣飯盒，又好似唔太抵，而且魚生唔新鮮......又要等好耐，hmm...

這天是車爸爸的假期我們如常回荃灣外家陪兩老，不過這天先到W酒店取粽那便跟差不多生日的好友吃個忽然午餐嚕！ 她選了帯広はげ天 Obihiro Hageten吃日本菜，來自北海道的過江龍供應多樣化的料理如食事、鍋物、海鮮丼、一品料理、爐端燒、刺身、天婦羅，基本上數得出的也可在此品嚐得到！ 我們一致選吃午市定食已包括有前菜、沙律、漬物及甜品，成個Set都好豐富呢好彩車爸爸肯給我負擔多半份嘻嘻！先吃清爽的沙律和蓮藕前菜開開胃，主菜隨後亦陸續送上檯了！ 車爸爸選了和牛烏冬定食＄148湯頭看下去挺濃，可惜他覺得牛味一點也不香濃返而我買回家的肥牛更勝一籌，但烏冬則夠爽滑連我也吃到那牛肉味有多少大家可想而知吧！ 好友則選上銀鱈魚西京燒定食＄165賣相很不俗，見她吃光光那銀鱈魚應該是美味的，定食還跟上白飯和味噌湯一碗絕對足料！ 而我則選上至喜歡吃的蒲燒鰻魚丼定食＄158同樣的附有味噌湯，減肥中的我我分了半份鰻魚丼給車爸爸辛苦他了！蒲燒鰻魚也算弄得入味而且沒細骨，汁醬較輕身米粒可以香口點會更合我意！ 甜品是Mochi我沒吃不過車爸爸說很甜呢哈哈哈.

哈哈～好久沒有打食評，唔知道會唔會又不能上載負評。同朋友點了二人中午套餐定食，埋單約合共690元。以定食盒來說 唔平，但只求日式服務。朋友先攞位，疫情 規範下 應該保持一米半的距離，但這間店舖安排客人坐位明顯只有半米。當時平日中午一點，以圓方商場來說這是一間很寬闊和多座位的食店，由於價格與人流關係平日午飯時間食客也只佔三至五成座位。以日式食店這店舖絕對可以安排坐位更加 妥當。可惜顧客要求轉位，女經理不是太過願意和找借口拒絕！食物刺身方面，中吞拿魚入口肥美，三文魚不夠新鮮有腥味，甲羅燒味道比較淡，三文魚籽都唔夠新鮮， 牡丹蝦大隻但上菜前未有立即送上食檯變咗一點溫度。用中價珍珠米做飯，飯身比較乾 米醋味淋不夠突出。芥末蓉可以合格，起碼不是芥末辣粉開的泥膠。加茶服務不夠 積極，經理有turn the blind eyes情況。食到甜品 經理開始趕收碗筷，由於只是收完碗筷就離開，令到桌面更nasty 墊枱紙弄濕了 倒到一檯子水也沒有抹，留下桌面一堆紙張垃圾。

今晚本身想去旺角間天_丼食天婦羅飯，但上到去超過40人等緊。 Google見到Element都有天婦羅丼食飯食就飛車去。 去到見到門面同環境都ok. 加上佢有個差唔多全日文既名。。。2個人叫左1個特上天丼(天婦羅) ，十勝豚丼，一個名太子蛋卷。食物上菜速度唔算快，正常既，因為睇番佢既定價同定位都唔係sell快餐。先講個十勝豚丼，好似大概$160. 上枱碗飯幾靚仔既，蓋滿唔太薄既豚肉，都有燒過既"火農" 邊。 但食落似煲湯豬肉再拎黎燒，佢寫就十勝豚，但以我食過既日本豚黎講，佢都幾冇日本豚既肉味同肉汁。個飯極鹹，加左幾粒青豆係裡面。 特上天丼(天婦羅) 一上枱就知中伏。呢幾年開既天婦羅丼飯，都係將各自制既天丼醬汁淋係係天婦羅飯上，因而叫天丼。呢碗野收大接近$200. 佢冇將醬汁淋面，比左枝野你自己淋，但枝野可能只係鼓油(極鹹). 天婦羅方面比左2隻都幾"梅"既蝦，一條整薄有D腥既魚尾同埋幾片疏菜同一舊好油既炸帶子。 所有炸物都有浸油"益"味，個油味食落有少少似係港式煎釀三寶既味。 食到一半真係唔對路，點解可以咁難食。上網search下呢間帯広はげ天原來係美心集團旗下。 全晚既感覺係坐係

都係想搵一間少人嘅餐廳食下午茶可能太晏嘅關係，我差唔多3:00先入去餐廳入面無客人叫左2個午後輕食🍛🥮🍙🍚迷你十勝帶廣名物豚丼真係好迷你，得3塊豚肉但確實係一分錢一分貨，雖然得3塊肉加一碗迷你飯但塊豚肉係超級好味呀肉質超嫰，超讚👍🏻👍🏻👍🏻👍🏻👍🏻迷你炙燒刺身丼拼烏冬剌身新鮮加多個烏冬又好似多得滯🥢我覺得個烏冬加落去個豚丼份量就岩岩好2個餐都包咖啡或汽水一杯雖然下午茶都成$100，但係物有所值🍭

今午到戲院看完戲後便隨意到商場的一家食肆進食，在餐廳接待處查詢有位後便入座。餐廳間格不錯，樓底高，有足夠私人空間，感覺高尚但又帶點簡約。餐牌首數頁詳細說明餐廳的理念及飲食文化，朋友們喜歡吃壽喜燒，當然要點和牛壽喜燒。和牛壽喜燒 $390和牛有四塊，油脂分佈很美!蔬菜配料甚多，如大蔥、冬菇、金菇、洋蔥、菜和豆腐等都非常新鮮!湯汁鮮甜，涮兩下和牛很快就熟，嫩滑好味。粉絲也同樣入味 又可以喝湯，在稍涼的天氣食確是暖笠笠!燒松葉蟹肉蟹味噌伴法包 $108在這個季節當然要食蟹，上菜時店員解說待火熄滅後便可打開蓋享用。大約等了八分鐘，火熄了，打開蓋不算有太大香味，但見到蟹肉蟹膏真是吸引!新鮮好味，配法包吃法口感也不錯。鹽麴吞拿魚腩丼 $220吞拿魚腩顯然易見色澤美麗，油脂不錯，鹽麴味剛好，好滿足!馬糞海膽海苔卷 $148本來想點日本冬菇海膽，但店員回覆已售罄，建議可試下馬糞海膽海苔卷。馬糞海膽海苔卷放在枱上超過五分鐘後才進食，因為還未吃完吞拿魚腩丼。起初以為海苔卷涼了擔心影響味道，但吃了一口後，海苔卷仍然有熱氣奔出。海苔卷做法非常精緻、微脆、海膽口感綿綿，沒有油膩感。另附醬汁未有沾上，有原味已經足