師父飯堂

營業中

休息中

呢排香港社會氣氛非常緊張😓#小秘書 可以簡簡單單圍埋食餐安樂茶飯已經心滿意足❤️ 呢日我哋本來想帶個新同事去 #東達中心 一間中餐廳 #囍點 食飯，好可惜去到先知原來老闆已經無做👉🏻👈🏻 誤打誤撞我哋上到13樓，打開lift門，見到 師父飯堂 呢個名好得意，反正都要搵地方食飯，就試吓新嘢😉#師父飯堂 嘅裝修走「小清新」路線，單睇個 #店名 完全估佢唔到😅 因為 #餐廳 實行自助式落單，我就先讓同事出去，而 #小秘書 當然就把握時間上 OpenRice Hong Kong 睇吓有咩推介啦😄 睇到第一個食評就係講緊佢哋嘅「厚切豬扒配野菜沙律餐」，咁就一於照跟啦🤗 午餐$62、凍奶茶+$2，而「為食嘅我」最後仲加多$5要埋個湯，總數承惠$69。#厚切豬扒 咸咗少少，不過肉質鬆軟，配埋個用麻醬撈成嘅 #野菜沙律，味道認真唔錯喎👍🏻 不過杯 #奶茶 就甜得阻、無咩茶味😅 至於碗 #餐湯 我就只係見到 #青蘿蔔 同 #白蘿蔔😑 味道都幾清甜嘅，不過身子弱嘅你，就未必啱飲喇😅🤣 至於其他食物，同事話佢點嗰個 #香蒜煙肉菠菜意粉 好咸😏 另一個同事就話 #海鮮焗飯 濕咗啲，似乎未焗透😉 唯一一個同事讚好

Porn chop curry rice with egg-Food here priced at around 50-70 dollars which is pretty cheap in the area of Tai Koo.-Let’s go straight to the topic — Food.The pork chop is big in terms of size.Considering the price, I would say it’s of high quality. The pork chop is crunchy and juicy which is very good. The egg is tasty as well since it it flawlessly cooked as you can see from the picture.Curry used are from Japan, thus is not spicy. I really enjoyed eating this ! Would definitely visit this sho

其實太古好缺乏一到可以食野既地方，見到呢間咁大既「小」店就入去試下啦！開頭冇乜人都吾敢入去，好似自己包左場咁但鼓起勇氣入左去！！叫左個吉列豬扒沙律配凍檸茶，等既時間都頗長，因為即炸嘛飲品都幾得意，因為係用環保飲管，係小麥做嫁～～而吉烈豬扒好熱辣辣，好脆口，配埋沙律感覺就無咁膩啦～～其實店內環境真係吾錯嫁，食物我覺得都唔錯值得一試既～～可以講真材實料啦支持港式「小」店😂如果要改善既可能係店員可以再再再積極啲啦哈哈！不過我接受到既，有種港式風味係到～～加油！

係太古好難搵到間cafe類既餐廳，上星期六留意到呢間餐廳有供應意粉，對於喜歡食意粉既我，決定一試。餐廳位於一工廈內，地點方便，不過浄係開星期一至六到5點。大約2點到，餐廳有約50個位，裝飾簡約，當日不算太滿座（之後聽朋友說平日lunch好爆場）。餐牌選擇主要為飯及意粉，我最後點了茄子carbonara配咖啡，約$70，男友點了濃芝士carbonara (附送一杯果汁），約$60。意粉分量不少，口感正常，我既茄子carbonara 用淡忌廉，比較淡味，而男友既濃芝士carbonara 相對味道濃郁。餐廳整體質素不錯，終於太古有一間小清新餐廳！

Quarry Bay公司附近位於地面既餐廳試得7788, 咁岩見到有呢間位於mtr附近既樓上鋪，似係較新開既，不防try try!!Lunch餐牌價錢正常, 質素唔錯，呢個黑松露雜菌意粉真係值得試下，同事就試左果個西冷配野菜沙律再跟飯(無影相) , 有一杯drink或揀是日餐soup都可以，加$5蚊仲有可以有哂兩樣，而且地方都算係幾寬敞; 又有電視睇下，坐得都算舒適; 亦係支持小店既好選擇！下次可以不妨試吓晚餐，可能有驚喜！

在太古/鰂魚涌一帶食晏，閒閒地都 60 幾蚊，又迫人，晏十分鐘都要等位等成半句鐘以上，呢間樓上鋪就唔到啦，地方唔算大，都有十二、三張枱，坐得好鬆動。佈置方面，有少少田園 feel ，而且在13樓，啲窗向街向馬路，唔係向內街，所以好光猛開陽，食晏都食得醒神啲。講完環境，講下服務啦，首先係收銀，先付款，後送餐 (即係快餐店咁)，個收銀靚女一腳踢，收錢又係佢，水吧又係佢，我睇佢都好忙，但佢都好熟手，佢一邊沖緊茶，一邊聽完我講食乜，然後好快好快咁打完張飛收我錢，係毫無錯漏(神技)。我想應該係唔夠人手啦，送餐既係一位姨姨，間中我又食食下見到個廚都送埋餐，，都幾親切呀。餐枱無乜糖醬既，真係好簡約，如果要既就出去自取果隻囉，真係無乜服侍既，唔緊要呀，仲好，無好似出面咁，未食完好似趕客咁，即收。跟住要讚下我食個午餐啦，好正喎，有冇醬呢？無...乜，就係無乜先好，最怕淋到成碟汁，飲湯咩？雖然冇汁，但唔會覺得冇味度喎。啲豬扒本身有醃既，但唔會過咸。而且又唔會好實的的，口感鬆軟。用油煎過，但唔覺油膩，可能係配沙律啦，加埋一小份白飯。賣相呢...我會比 9.5 / 10 分，有相為證，色彩好 fresh，就真

這天有茹素的同事帶我去試新餐廳「師傅飯堂」! 餐廳位於工廈中層，沿路以至工廈的大堂都沒有大招牌/大水牌顯示內有餐廳，絕對是「識窿路」的食客，才會知到這隱世小店！餐廳有一排大窗，令餐廳環境很光猛，加上景觀開揚，感覺整潔、清新、舒適！餐廳午市約有十數款套餐，有素、有葷、有飯、有意粉、有沙律，即使平日沒有選擇困難症的我.....也會遇上選擇困難，哈哈！這天選了「忌廉鮮茄🍅鷄胸意粉」在西式料理中，忌廉汁和蕃茄汁都是兩種常用的醬汁，但它們多是分開使用在不同的菜式的，而鮮茄多數會配搭蕃茄汁。今天看見餐牌上這道意粉覺得非常特別，很好奇當忌廉遇上鮮茄會是怎麼樣。加上忌廉汁後，鮮茄不會因出水而令醬汁變得水汪汪，反而帶點creamy 質感，但又沒有忌廉汁那麼膩，感覺清新。鷄胸肉很滑嫩，沒有粗糙的質感。配菜有煙肉、茄粒、三色椒套餐加$2 可配凍蘋果汁，感覺refresh又健康小店樓底不算高，中午時間人多，聲音難以擴散，有點噪雜。而小店工作人手不多，大家要耐心等候出餐/收拾東西啊！

鰂魚涌真係有好多好嘢食.師父飯堂係其中一間我覺得食物質素高嘅食店.咖喱吉列豬扒飯 HK$50個豬扒勁大塊, 成個大碗咁大, 完全cover晒個飯, 仲要係厚切的.雖然厚切, 但佢一D都唔韌, 而且炸得勁脆.配埋個咖哩汁真係超級好味.D飯都多, 所以食到勁飽, 好滿足.總括黎講, 食物質素係唔錯嘅. 其他同事都覺得佢依度嘅飯同埋意粉好好味.環境方面, 佢堂食嘅位置唔算多. Lunchtime 都要等下位. 不過多過8個人的話可以預先打電話嚟訂枱.另外, 可能餐廳嘅人手唔係好多, 所以上菜嘅速度都唔算快. Lunchtime依D繁忙時間有時都需要等成20分鐘先至有嘢食. 不過有得食好嘢, 等下都係值得嘅.

又係舊式大廈入面一間環境清幽之地，可惜冇風扇，又唔開冷氣，開曬窗都唔係特別流通，愈坐愈有啲熱。喱到應該係主要做喱棟大廈打工仔生意，而作為作工仔，食到咁樣一餐都算唔差。佢地仲有出素食，但本人唔太喜食素，就冇食。不妨試試，佢地好似主打健康咁。.吉列豬扒煎蛋咖喱飯（$55）+蘋果汁（+$2）估唔到送上嘅煎蛋係太陽蛋，我本來以為係全熟蛋，好驚喜。咖喱汁嘅量剛好送飯，味道普通，咖喱入面有蘿蔔、洋蔥同薯仔，但洋蔥有啲生，仲有個人覺得咖喱入面嘅蔬菜應該炒一炒先夠味同好食，但睇黎佢冇做到，可能係想健康啲。吉列豬扒好大塊，好脆，入面嫩，但冇肉汁，又未去到乾。.咖喱牛肉煎蛋飯（$55）+凍奶茶（$2）牛肉係沙嗲牛個種肉片，我朋友覺得失望，佢以為係炆好耐好鬆化嘅牛肉，可惜事與願違。

話說公司附近開左新野，試過兩次覺得真心不錯。點知真係人怕出名豬怕肥，今次同條女上到黎就見到一堆人排隊，我都本住多人要等既心態去叫野食。13:19:58當佢13:20，坐到13:50見到遲過我入黎兩輪既人都有野食，忍唔住叫佢地跟一跟單，坐多兩個字想走之際，14:02 終於黎我果碟意粉，好明顯係臨時整出黎，重要有隻青口唔開,fine, 好彩我份工都唔洗話好準時要番去做野，我食緊頭兩口果下，就有個侍應走黎同我女友講無飯，正，叫你追左甘耐，依家先發現無飯，期間不停出緊飯俾其他人，結果我女友迫住轉左食咖哩意粉，好似都係14:15甘上下先黎到，由落單到有野食差唔多一個鐘。我想講既係餐廳野食係幾唔錯，不過服務態度真係好缺乏，一句對唔住都無講過，無嘗試安撫過我。可能少個客唔少，多個客又太多啦。另外，我估我係幾黑仔，其他客（有兩台係公司其他部同事）都只係等得耐，而我係等得耐加無整再加無當過我係客。野食好食既情況下，佢唔忙果陣我都會建議大家試，而我就不想再試了。

為心中之念，約定每星期一天吃全素。同事看到這店有提供素食，於是介紹給我，約定一起去試試踏入店內，感覺很舒服⋯ 白牆、木傢私、藍窗框、滿室窗外自然光、闊落的空間；給我樓上cafe的感覺⋯ 清新自然。一間這樣的小店，提供了很多選擇⋯ 不只有素食，也有牛排/豬排/海鮮類。但店面員工只有2位，所以帶點手忙腳亂的感覺。同事點了焗飯，等了半小時以上，再細問之下，原來才開業了3個月左右，眼見全店年輕店員，難怪營運上會有錯失。我點了是日推介，心想應該會快⋯ 但也要等上十多分鐘才出現。明顯我點的冬菇燒豆腐是煮好一大煲，只需上菜；在辦公室林立之地，如果流轉時間不夠快，不能滿足上班族的。來說說食物，我點的冬菇燒豆腐有6-7隻花菇，肉算厚也入味，燒豆腐也中規中矩，加上茄子，白飯選用珍珠米（我喜歡）；味道有家庭感，不似茶餐廳式的多油多味精的感覺。下回會試意粉類⋯建議：中午集中菜單，減少選擇，縮短出餐時間；人手不足，建議讓客人自取食物，加強人手幫忙出餐⋯ 反正不收加一服務費希望再去之時會有所改善

第二次黎食飯。上次過煙肉白菌濃芝士汁長通粉，好足料又大份，男仔一定包肚😋又有得叫少飯少意粉，女仔唔洗怕食唔囇，浪費食物👍🏼第二次黎，負責收銀個店員認得我，可能我第二日又黎😂好貼心，見唔太多客，特別轉長通粉比我。同店員傾開計，先知道原來係一家人經營，所以無論食物定服務，都希望做得好d。檸檬忌廉煙三文魚好夠味，唔會太淡又唔好咸，本身以為得煙三文魚，原來重有番茄仔同白菌，好豐盛！加左$12轉即磨咖啡，一個餐$77，今時今日咁高質又大份，即使加左錢轉咖啡，一d都唔貴。CP值超高👍🏼👍🏼👍🏼下次會再幫襯！

今日黎到商廈搵食, 都係誤打誤撞上到黎... 未入餐廳之前, 「師父飯堂」比我既感覺就係武打師傅用餐既地方, 以為得3款菜式, 原來好多選擇啊!!每日精選都有7個, 另外餐牌亦有30多款食物, 包括焗飯; 意粉等等, 價錢只需HK$50-70, 送埋餐湯或餐飲, 而且不設加一!我點左是日精選: 台式蔥酥雞胸飯配送餐前小食及山楂茶簡單既雞肉白飯配合埋自家調製既醬汁, 令成個餐美味度提升! 而杯餐飲, 唔係行貨; 山楂茶有助消脂袪水腫, 想飲多杯添呢~

因為同事係OpenRice 見間新開的餐廳，咁岩星期五Happy Friday就決定黎試一試。一入到去可能岩岩新開，人唔算好多，坐位足夠空間都好足，另外店主佢地好有心，店內設計唔錯，坐得好舒服。點菜時服務員好nice，而且重送左小食。叫左吉列豬扒咖哩煎蛋飯，$55 包埋餐湯！份量好夠，其他同事叫左意粉，味道濃郁！但因為份量好足，女仔就最好叫少飯，唔好浪費！咖哩味好濃，豬扒都炸得岩岩好！有機會會再返黎食多次～