帝京軒

今日約咗一個老朋友嚟飲茶！純粹諗住地點方便泊車，又未嚟過試吓呢度嘅茶樓！點知質素比想像中好，環境非常舒服，侍應服務態度優良，而且效率不錯 成餐用的非常愉快 不過佢上菜嘅速度真係非常慢，知道佢係即叫即整，不過時間都係有少少長，我哋嗌完個點心好似唔知有冇過半個鐘先有嘢食等到肚仔都篇埋　🤣🤣我哋得兩個人，嗌唔到好多嘢食，本身諗住嗌個套餐，眼利嘅我睇到有個點心套餐性價比高，而且咩都有啲！所以就試咗呢個，不過唔夠飽，最後加多個油鹽水浸菜心㗎金錢肚㗎叉燒腸粉我哋嗰餐一上枱超級興奮，雖然唔係樣樣都啱食，不過乜都有啲，因為我本身唔鍾意煎炸嘢～個灌湯餃有好多蟹肉喺入面，主要係蟹肉，有個竹笙好好味整體😋不過咸咗少少🤏紅棗糕軟綿綿，又有口感彈性不會太甜正蝦餃，足料不會有太多肥膏正常高質素蝦餃水平燒賣有帶子喺面頭，入面覺得有少少油膩，而且肥豬肉較多，呢個我嫌油得滯潮州粉果，香口好味，個皮都係！不過你都預佢油少少🤏鹹水角一定好香口，不過係邪惡之選haha珍珠雞有鮑魚！不錯個吉仔包造型一流，肚仔餓都忍唔住打給張卡！唔算話太留心，不過做得幾好味！極度滿足最後加多左個甜品，朋友揀紅豆沙，我本身揀豆腐花，但係賣晒😮‍💨

基本上耐唔耐都會嚟食吓飯 感覺水準穩定 一定唔會話中伏😂 而且環境寬敞 幾啱靜靜哋食吓飯傾吓偈  拔絲菠蘿咕嚕黑豚($258) - 個皮卜卜脆😙 不過醬汁偏甜 砂鍋家常紹子煮海參($338) - 辣辣地好惹味 海參彈牙有咬口😁  鳳梨桂花燒脆鱔($298) - 唔脆 面頭搽咗好多桂花蜜偏甜🤔  油鹽水金菇水瓜浸鮮蜆($268) - 加咗蜆同水瓜嘅湯底幾鮮甜 夏天食瓜啱晒😋

Their restaurant recently had a promotion where a set meal included most of their award winning dishes.Their Dim Sum presentation looked amazing. However, initially, they forgot to introduce it and whether any order we should enjoy it so I ended up eating the sweet dim sum(sticky dumpling) first.Subsequently all dishes were introduced. I love how the next dish incorporated lamb in so many different ways without the smell overpowering all the ingredients.For this dish, despite it looked really im

💡記得訂位時留意 Openrice 優惠細節哦天時暑熱，一間連接地鐵站、商場嘅中菜館對 family gathering好重要！🌬️🥵濃淡得宜嘅套餐😋 香麻魚皮（好耐都唔敢食生魚皮）加左薑絲生蒜超正！鱸魚球啖啖肉唔使拆骨！共8道菜： (左起) 話梅鴛鴦涼瓜、桂花燒脆鱔、香麻魚皮8/10 松露南瓜牛柳粒 7/10 高湯松茸燉玉環瑤柱甫 8/10 蔥爆智利響螺片 伴 脆蝦球 7/10 崧子菊花鱸魚球 7/10 金菇水瓜浸蜆 6.5/10 (蜆肉鮮味再突出D就更好） 野菜炒飯 8/10 （一滴油都冇，炒得好乾身👍🏼） 十勝紅豆綠茶奶凍 8/10 （呢個堅好味，食完好fresh冇負擔）

當你走入一間餐廳，打開琳瑯滿目的餐牌，結果「選擇困難症」發作時，最簡單的解決方法，便是試餐廳的招牌菜和得獎菜色。這個方法亦可以了解大廚的手藝，一舉兩得。最近我們來到帝京軒，品嚐了一系列餐廳的招牌菜和得獎菜色。結果，果然沒有令人失望，得到比預期更好的體驗。頭盤先來一個【花樣年華】，共三道小點：黑虎掌杏仁將黑虎掌菌加入蔬菜、黑松露爆炒，又香又好味。櫻花海膽蟹肉盒的餡是手拆鱈場蟹肉及豆腐，鮮甜飽滿；加上北海道海膽及蟹油醬汁的邪惡滋味，以及外層炸到香酥的櫻花蝦。很好吃！不過我覺得更好吃的是桂花龍蝦脆米餅。啖啖彈牙龍蝦肉已夠吸引。最特別是配上酸忌廉、蔬菜，放在脆米餅上，加上桂花柚子啫喱和食用花點綴。滿足得來，卻又帶點開胃的味覺元素，層次豐富。不愧是曾獲「香港國際美食大獎」金獎的得獎菜色。【陳皮墨魚餅．手絲雞陳村粉．京蔥爆遼參】陳皮墨魚餅用順德鯪魚球的做法製成，加入葱花、芫荽及陳皮等材料。吃起來甚有鯪魚球的風味，但又保留了墨魚餅本身的飽滿彈牙口感。京蔥爆遼參煮得出常軟腍入味，值得一讚。手絲雞陳村粉則四平八穩，粉的質感夠細滑。【黃金紫玉杯】這道曾獲得「美食之最大賞」至高榮譽金獎的菜色，是這個晚上最令

順德這地方會令大家想起什麼？粵曲、粵劇的發源地、大良媽姐！而饞嘴我則想起魚米之鄉的順德特色菜餚。我們一眾吃貨這次再訪帝京軒是衝著新推出的鳳城．尋鮮譜而來，所以事不宜遲先品嚐首道前菜，包括是京蔥爆遼參、陳皮墨魚餅及手絲雞陳村粉。大廚以日本遼參遼來炮製燜煮至軟腍入味，墊底經爆炒過的京蔥香甜味美，兩者渾然天成一拍即合。順德的鯪魚菜式出名大家也知道，但大廚破格地用上墨魚膠來製作向鯪魚餅致敬，墨魚餅內裡有滿滿的葱花、芫荽及陳皮，吃下口感彈牙之餘還帶上幽香的陳皮味很可口。最後的手絲雞陳村粉選用本地農場鮮雞手撕而成，配襯芝麻醬、秘製辣汁調配的醬汁，質感滑溜的陳村粉配香嫩手絲雞太好吃喇。接下來這個是生拆魚雲燴花膠，魚雲羹是順德著名手工菜製作工序繁複，拆出來的魚肉、魚雲配以奶白色的鮮濃魚湯，再加入勝瓜絲、木耳絲、陳皮絲及鮮竹絲和養顏花膠，呷一充滿骨膠原的湯羹充斥鮮甜的味道，丁點腥氣也沒有連胡椒粉也不變成無用武之地。第三道菜欖仁銀杏蝦球炒鮮奶是我的至愛順德菜之一，傳統是用水牛奶大廚改用了北海道3.6牛奶來炮製。炒鮮奶口感滑溜味道香濃，內裡的蝦球彈牙鮮爽，配襯鮮銀杏、蜜豆、炸欖仁及金華火腿蓉，鹹香添鮮味滋味

帝京酒店中式廚藝總監江肇祺師傅入行超過30年，經驗及廚藝水平自不在話下；創意更是無限，例如為傳統菜式注入另一些原素，一新大家的耳目。所謂「食在廣州、廚出鳳城」，這次便以順德菜為主題，加上自家創意；呈獻出全新的「順德．漁鄉風味」與「鳳城．尋鮮譜」套餐。邊吃邊等，很快這些炸得酥香的駐檯小吃(合桃及腰果)已被吃至七七八八了。我們選了每位HKD738的「鳳城．尋鮮譜」套餐，而兩位起更可享85折優惠！繼而在侍應推介之下多添兩個小菜。首先上場的前菜有陳皮墨魚餅、手絲雞陳村粉及京蔥爆遼参(由右至左)。陳皮墨魚餅 ～取裁自鯪魚球的製作手法，改以墨魚膠替代，加入葱花、芫荽及陳皮等食材，入口鮮爽彈牙，更帶微微陳皮香。手絲雞陳村粉 ～選用本地新鮮雞，熟後拆肉，加入芝麻醬及秘製辣汁調配而成的醬汁，雞肉鮮嫩，陳村粉細滑煙靱；清新醒胃。京蔥爆遼参 ～選用海參中之上品日本遼參，滑溜且膠質重，浸發一晚後；加入煎香過的京蔥燜煮至軟腍入味，更帶誘人的蔥香。順德生拆魚雲燴花膠～魚雲羹是順德其中一味出色的手工菜，但因工序繁複，現已甚少地方供應，故而更顯珍貴。須先將魚頭蒸熟；放涼後再拆成細絲，過程中還要剔除細骨，非常費時；熬煮

認識我既朋友，大概會知道我是帝京之常客，每隔一、兩個月都會到訪酒店的不同Outlet。週五收左工，又約埋大家去中菜廳帝京軒，品嚐佢新既餐單。今期，大玩順德菜~一開波的頭盤，分別有陳皮墨魚餅、手絲雞陳村粉，以及京蔥爆遼參。遼參軟腍入味，口感唔錯，記住要連埋京蔥同吃，那馥郁的蔥香，令遼參更迷人。素來喜歡吃雞絲粉皮，將之換成陳村粉，沾些足量之麻醬，一樣掂！墨魚餅口感彈牙，還有絲絲陳皮香，用料十足，絕無欺場。順德的魚雲羹出晒名，生拆魚雲就是相當花時間的工序，畢竟細骨實在多。生拆後配以濃郁的魚湯，再混入勝瓜絲、木耳絲及鮮竹絲等等的材料，當然仲有花膠，各款材料切得細緻，湯頭熱度夠，喝得舒服。大良炒鮮奶是順德另一名菜，來到酒店，用料自然更矜貴。師傅採用了北海道3.6牛奶，加入鮮銀杏、蜜豆、金華火腿蓉及欖仁等，面頭再整隻大蝦，炒出來更為香滑及有層次，我連底下的脆盞也吃清光。很愛吃筍殼，平時多半是吃油浸，但今次師傅將之起肉去骨，再以豆豉及蒜子去燒焗，魚球咬落啖啖肉，又香口，吃得滋味。污糟雞以銅盤盛載，保留原始風味。雞肉是毫無疑問的入晒味，肉嫩多汁，妙在加入了爽脆之豬肚，層次感更為豐富。蒸籠上桌，眼見薑絲

裝修後第一次嚟帝京酒店，環境靚咗好多，感覺高尚得多。到達酒店自取盆菜回家過年食，職員細心講解兩碗盆菜湯汁需加熱後加入盆菜享用。盆菜以鍋盛載，面層放滿名貴食材，賣相唔錯！6隻糖心鮑魚，隻隻有手掌咁大，咬落好淋好好味。平時好少食蠔豉嘅我，今次食咗好幾隻，味道唔咸又軟又入味。大大粒瑤柱入口甘香。最精彩最滿意係個盆菜汁，唔會過咸，味道鮮味。

2022Chill住食，是香港旅遊發展局主辦，美酒佳餚巡禮的一部分，為期30日。第２站：帝京軒相關活動指定366元/位午餐，包括以下的：#厚切黑豚叉燒：９分瘦，但很juicy，好味！#蟹籽玉帶燒賣皇：很足料，帶子肉厚，蝦肉滿滿，好吃！#金粟魚肚海參羹：味道不錯，吃完這個，已經７分飽。#琥珀碧綠油泡玻璃蝦球：蝦球肉質爽脆，我很喜歡吃的西芹，合桃起很好的點睛作用，讚！#櫻花海老皇焗釀蟹蓋：蟹肉和蝦肉的無縫結合，大滿足！#醬燒黑虎掌杏仁鍋巴盞：本餐驚喜！我不愛吃鍋巴/飯焦，這個食材搭配出色，好好味！足以令我對鍋巴改觀。#燒鵝肉珍珠雞：用鵝肉代替雞肉，肉味更濃，我喜歡！#芝麻糊：芝麻味濃郁，yummy！#金桔流心奶皇包：太飽吃不下。非常滿足的午餐。

今年去到十一月聽好多朋友講大閘蟹已經好靚，咁當然要繼續出發食大閘蟹。好耐無去帝京軒，年年都會食佢嘅大閘蟹menu，本身想揀個簡單Menu，但係呢個餐單又真係幾吸引，唔記得邊個推介我佢哋東坡肉做得好好，咁就食個full少少嘅menu啦。懷舊芝麻虎蝦多士配金榜蟹粉醬珊瑚元貝蟹粉鮮奶盖甜梅菜一口東坡肉葛仙米泉竹花膠泡斑球清蒸江蘇大閘蟹荷香銀鈎臘味糯米飯薑茶金薯芝麻湯圓每位HK$698有咁多野食，絕對適合請客約朋友，地方又好坐，好多朋友舊年食大閘蟹就話要喺屋企，但係講真如果咁平我就寧願出去交俾人搞，仲要有酒店服務嘅水準。同場加映舊年我好鍾意食嘅砂鍋古法扣雙冬羊腩，送飯一流。仲有以為我食緊大阪王將咁嘅松茸蟹粉黑䐁煎鍋貼，中菜聽做蟹粉做到咁真係好滿足幾有創意。如果有興趣食大閘蟹餐就要快，供應是到11月尾，記得抓緊大閘蟹嘅尾巴。

最近兩個月，前前後後都吃了好幾次的大閘蟹，但近排質素是漸入佳境越來越好，而今次到訪旺角帝京酒店中菜廳帝京軒，正推出龍宮▪︎蟹皇盛宴套餐，每位$698，就帶大家睇睇內容。懷舊芝麻虎蝦多士配金榜蟹粉醬炸得恰到好處，多士鬆化，放上虎蝦更具層次，最開心係將蟹粉完全蓋過蝦多士，味道豐腴。珊瑚元貝蟹粉鮮奶盞把亮麗的魚籽放在雪白的元貝上，增添了色彩，置底是嫩滑的炒鮮奶，最難得係加入蟹粉去炒 ，美味又可口。甜梅菜一口東坡肉東坡肉用小蠟燭保溫，炆得既腍又入味，豐腴的口感邪惡度爆燈，油脂位超香，入口即化的感覺真好，最啱配返碗白飯。葛仙米泉竹花膠泡班球重口味過後，又到清清地時間，原來葛仙米是食用藻類，而且蛋白質豐富，再加上滋補的花膠及班球，實在幾欣賞這道菜。清蒸江蘇大閘蟹（每位雄蟹一隻 / 每隻約四兩半）餐廳好窩心，會因應客人用餐時間蒸蟹，上檯時包保熱至辣手，亦提供了代客拆蟹的服務，客人可省卻了時間，一揭開蟹蓋，深橙的蟹膏好誘人，食落甘甜味美。食大閘蟹當然要配杯薑茶，帝京軒的薑茶可以話係我遇過辛勁最澎湃的一間，但係我又好鍾意喎！荷香銀鈎臘味糯米飯以竹籠送上，糯米飯煙韌有嚼口，加入蝦乾、臘腸及膶腸令味道有層次，

又到擦大閘蟹嘅季節喇！我唔算好好食喱味嘢不過老婆大人鍾意囉喎我梗奉陪啦，不過梗係要去信得過嘅地方開餐起碼知道啲蟹來源安全可靠嘛！所以就同埋班朋友去咗帝京酒店嘅帝京軒食當造嘅龍宮蟹皇盛宴。喱個套餐有成7道菜大部份人肯定夠飽，不過難得喱晚人多我哋仲叫多幾樣餸一於食爆佢！先嘆咗第一樣懷舊芝麻虎蝦多士配金榜蟹醬。蝦多士用咗成隻虎蝦嚟整勁鮮味，食落仲脆卜卜好鬼彈牙添，加咗個金榜蟹醬一齊食再多咗啲鮮味好正架。跟住喱個珊瑚元貝蟹粉鮮奶盞個樣好突出食落味道仲好有驚喜，尤其個好似炒蛋嘅物體，初初大家未知菜名嗰陣我哋好似超級無敵估歌仔咁估係咩嚟笑爆咀。開估原來佢係炒鮮奶嚟不過梗係冇咁簡單啦！因為師傅加咗蟹粉落去推啲鮮奶所以有奶味之餘仲有蟹味，加埋粒鮮甜嘅元貝同埋三文魚籽就鮮上加鮮。喱個用火爐仔上嘅係甜梅菜一口東坡肉，最鍾意食喱啲肥嘢不過減緊肥嘅老婆大人就陰公啲，食咗一啖就要奉獻咗比我唯有幫吓口啦哈哈哈。話就話一口其實件東坡肉都好鬼厚吓，一嘢咬落去質地好鬆化唔痴牙，甜梅菜嘅味道仲好醇香添，不過最邪惡嘅其實係底下嘅菜，吸晒啲豬油同醬汁勁好食。邪惡完緊係要清一清個口啦！喱個時候送嚟嘅葛仙米泉竹花膠泡斑球就啱晒喇

每逢農曆8月至10月便是一年內最菊黃蟹肥的時節，飯局最不缺就是大閘蟹的蹤影。久末試過一圍十二人的熱鬧場面，要交通便捷、坐得舒適兼有質素保證，帝京軒是我們的心水之一。由即日起至2022年11月30日推出的「龍宮．蟹皇盛宴」(每位 $698~兩位起)正是我們這次飯聚要品味的套餐。一圍人，自然有早到有遲到，食住叉燒等就最好不過啦，這裡的出品一向有水準，肉質軟腍鬆化有肉汁，幾乎每次必點。首道菜是「懷舊芝麻虎蝦多士 配 金榜蟹粉醬」～普通蝦多士就食得多，以為用上大大隻的虎蝦就叫升級版？加埋蟹粉醬才算招積！爽彈的蝦肉夾酥脆的多士，沾蟹粉醬同吃，雙重滋味！珊瑚元貝蟹粉鮮奶盏～以脆盞承載著炒鮮奶、鮮嫩的元貝、飽滿的蟹籽及爽脆的蘆筍，味道相當清鮮。鮮奶要炒得好，火喉及烹煮時間要控制得宜，才能炒出嫩滑卻不水汪汪的質感，再以蟹粉提鮮，無人不愛。甜梅菜一口東坡肉～梅菜鹹中帶甜的獨特滋味滲入了五花肉中，令肉的味道添一重甜香，東坡肉燉煮至入口即化、肥而不膩、超級好味，如非要為大閘蟹及接下來的餸菜留肚，，一碗白飯肯定是少不了的。葛仙米泉竹花膠泡斑球～葛仙米原來是藻類中的一員，這純天然綠色食品含15種胺基酸及人體必須