成日行將軍澳廣場都唔為意呢間嘢，見店內仲有位就入去食個早餐。入面嘅裝潢最特別係佢啲燈，係公雞🐓碗嚟，而且有好多盞，所以店內十分明亮。佢嘅早餐款式唔算話好多，我揀左沙嗲牛肉麵配滑蛋，加杯凍齋啡。杯凍齋啡味道正常，唔會太苦，飲完後唔會有不良反應（如：頭暈😵💫）估唔到佢個滑蛋整到咁靚仔，41蚊嘅早餐都要有擺盆，雖然唔係啲咩複雜嘢，但都算有心思。佢個滑蛋煎到剛好，有口感又唔會水濕濕。另外佢個多士有烘過，竟然烘到外脆內軟，呢個有啲驚喜。佢個沙嗲牛肉麵，牛肉都夠滑同淋，亦有牛嘅香味；個沙嗲醬個咸度剛好，質素算唔錯。經過網上搜尋🔍呢間餐廳嘅背景，原來巷仔見係大家樂旗下嘅餐廳，暫時只有一間店。大家樂同樣有沙嗲牛肉麵，但佢呢個麵比大家樂嘅更加好食。…查看更多
完全冇諗過咁大間餐廳準備食材可以咁少完全唔充足我哋去到嗰時只不過係兩點最後坐低咗如果就咁走又好似好樣衰咁所以最尾叫咗兩個炒粉麵飯食楊州炒飯中規中矩冇乜特別 茶記標準乾炒牛河 比較油膩碟底好多油而且河粉唔太新鮮一夾起就碎濕濕凍奶茶冇乜茶味最慘係成間餐廳好似好多侍應但叫一個人嚟服務都好難整體上感覺麻麻唔會再嚟翻食
