巴辣仔烤魚

營業中

休息中

今日我地叫左烤江團魚、加美國肥牛同菜打邊爐，前菜就有鐵板燒茄子。有三種魚選擇，我哋揀咗江團魚，因為簡介寫比較少骨同埋嫩滑。另外因為我唔食辣，所以揀咗金銀蒜香。唔食辣嘅人食烤魚都有唔少選擇，仲有醬汁味同蕃茄味可以揀！鐵板燒茄子都係一道蒜香味的不辣菜品，茄子經過鐵板燒烤後，非常惹味。另外餐廳仲有免費菊花茶同埋甜品可以自助任食！其實我哋兩個人食晒一條魚已經覺得超級飽，所以覺得都好抵食！呢度係街坊同埋側邊Hong Kong U學生聚腳點！另外呢度嘅姨姨服務員全部都超級好人！

愈來愈喜愛食辣的食物，尤其想食成條魚，今日去西環探朋友，朋友介紹巴辣仔烤魚雞煲，餐廳位於西環石塘咀德輔道西345號維港峰地下1A號舖。餐廳滿大坐位寬敞，一入內已聞到陣陣的辣椒味。餐廳主打原條烤魚爐上，烤魚可以選擇三種：羅非魚、花鱸魚、寧波魚，每一款魚的口感和鮮味都不同，餐廳職員推薦我們食花鱸魚，因為口感滑順，肉質較其他鱸魚更細緻，不太多刺、老人孩子都適合，煮火鍋更加美味鮮甜，我們加了幾款配菜黑木耳、海帶、萵筍片。味道真好味又香、又辣、又酸非常之下飯。

平時係中環依頭返工同事同我講想食烤魚上OPENRICE SERACH下附近有咩烤魚好食見到依間咁多正評又多分店 就揀黎試下佢先入到去好光猛仲好多打卡位添都唔少內地人專登過黎嫁鴛鴦糍粑 $38入面係黑白糯米  食起黎好香好有口感兩邊既感覺又有D唔同 好睇又好食又唔會怕太多糖太甜同事飲 牛油果奶昔 $38清香牛油果味再加有香蕉成份係入面真加香味同飽肚感火龍果奶昔 $38都係有香蕉成份係入面但冇阻火龍果既清甜味而且紅肉火龍果 賣相更好睇任食既冰粉 $0免費嫁 仲有好多配料提供選擇添呀!正黎到主角喇騰椒味沙巴龍躉 $378估唔到佢咁鬼大條肉質非常滑份量十足最緊要係個湯好入味魚肉完美索晒D汁食到停唔到口再叫左D烤魚既好伙伴薯粉 $20青瓜 $20娃娃菜 $20黃金組合 $38 啱晒15 16既我依到除左烤魚同配菜 串燒都唔錯嫁bb辣燒牛肉小串 $32有10串 佢D BB辣都幾辣幾入味嫁鐘意辣既可以挑戰再辣啲臨尾緊係要揀個糖水做結尾紅豆沙 $0又可止渴 又可以當食甜品兩個人食到肚皮裂開都只係 $622人均$311 

好耐冇食烤魚，今次試下西環呢一間巴辣仔烤魚。餐廳有免費嘅菊花茶同冰粉可以自己出去拎點餐有三個步驟，先揀魚，分別有沙巴龍躉，江團魚同寧波魚可以選擇，之後就可以揀口味，有八種口味可以揀，我哋就揀咗餐廳標榜招牌必點嘅爆檸酸菜，最後就可以加配料，我哋都揀咗餐廳嘅黃金組合，非常抵食！$38有齊萵筍、土豆、金菇、蓮藕。另外值得一提嘅係呢度除咗普通嘅火鍋配料之外仲有串燒食！烤魚上台之後可以自己將湯汁淋喺面，會更加入味，魚肉肉質好結實，幾肥美，最鍾意就係冇乜細骨😆而且條魚好大，我哋兩個人食食到超級飽🤣串燒質素都唔錯，尤其是係燒茄子，蒜蓉味勁濃，食落超香。燒麵包亦都唔錯！雖然餐廳有免費嘅菊花茶，但都好推薦大家叫佢哋嘅飲品，我哋試嘅滿杯金菠蘿同至尊手作水果茶都好好飲，甜度適中，好適合食烤魚嘅時候解膩，兩杯飲品都大大杯，好抵！最後記住食完出去拎返一碗冰粉，可以自己DIY配料，幾得意😜

巴辣仔位於西環，主打川味烤魚！巴辣仔堅持只用活魚製作烤魚，食材優質，捧場客自然多！菊花茶同埋冰粉係自助嘅，仲可以無限免費添食，正！江團魚 - 爆檸酸菜烤魚 $348無細骨兼肥美嘅江團魚，配招牌爆檸酸菜湯底，浸一陣先開始食，雙色鮮檸賦予湯底清新嘅味道，集酸、爽、鮮、甜、辣於一身，勁爆入味，推介！黃金組合 $38勁爆索湯嘅四種蔬菜！海陸空把把燒 $138一口氣有8款，每款4串共32串嘅把把燒！有個爐仔heat住可以慢慢嘆！有牛肉小串、雞珍小串、月牙骨小串、芝士腸小串、五花肉小串、魷魚鬚小串、臘腸小串、粟米小串！滿杯金菠蘿 $38用鮮菠蘿blend成嘅特飲，勁鮮甜同埋解辣！藍妹 $24

你在香港有多久没吃过烤鱼了？这家港大附近的烤鱼店绝对可以唤醒你对烤鱼的美味记忆～ 从门口的大招牌再到店内火红火红的霓虹灯，到处都充满着火辣辣的感觉！超级有feel～ 他们家店内的装修不仅充满活力，而且还有着赛博朋克风格的等待，大饱口福的同时还可以大饱眼福～ 因为去的是晚市，所以他们家的特色菜都可以点！ ⭐爆柠酸菜味的烤江团鱼 虽然说烤鱼要吃辣的，但是本人比较喜欢酸酸甜甜的哈哈哈，所以要了不辣的鱼，超大一只鱼，两个人足够吃，里面还有金针菇、豆芽等配菜，而且鱼特别入味，超级推荐！ ⭐口水鸡 非常嫩！而且不是那种很辣很辣的，有一点微微辣，而且还有有麻麻的感觉，重庆特色的feel一下就出来了～ ⭐烧（烤）鸡中翼 他们家的烧烤绝了！微甜微辣，吃完不会特别渴，而且油也不是特别重，轻口者狂喜！！！ 喜欢吃烤鱼的uu一定不要错过他们家哦～

西環石塘咀德輔道西維港峰地下嘅巴辣仔係食烤魚出名嘅。晚上都是專做街坊嘅生意。係鍾意食烤魚嘅人最好嘅地方。巴辣仔嘅烤魚🐟是用活魚嚟烤，今晚叫咗沙巴龍躉烤魚（蕃茄味），魚味非常之鮮甜，大大條，啖啖肉。兩個人食一條魚真係好滿足。沙巴龍躉魚烤完之後，加上有鮮番茄🍅粒的嘅汁燴返，真係啖啖肉又有鮮味，鮮蕃茄酸酸甜甜好開胃。我哋加咗冬菇、萵筍、海帶結、同埋千張豆腐皮喺蕃茄汁裏面滾，好似食邊爐咁，非常入味👍🏻鐵板燒茄子揀咗蒜香味，茄子好腍又新鮮，好入味。燒雞中翼BB辣對我哋剛剛好，有孜然粉等香料，烤得非常之香，太惹味。一個人食四隻都唔嫌多，加個1664嘅啤酒送雞翼絕配。巴辣仔嘅冰粉係任食嘅，冰粉加上啲配料滑捋捋，食完烤魚食返個冰粉真係有清涼嘅感覺。冰粉可以自己加配料，好似椰果、葡萄乾、紅棗乾、爆珠……仲有菊花茶任飲，其實都幾抵食嘅。最後食咗個果皮味濃嘅紅豆沙，紅豆沙（任食）微甜起沙，食完真係一個圓滿嘅結束。

巴辣仔烤魚喺香港已經有9間分店，凍冰冰除咗打邊爐都好岩食烤魚～環境光猛寬敞坐得好舒服，而且冇咩煙油味，唔嘈沙，唔似一般嘅烤魚店，呢間可以慢慢同朋友品嚐烤魚美食同埋傾偈。呢度嘅自助區仲有免費供應：菊花茶同冰粉DIY！連嘢飲錢都可以慳返嚟嗌多啲嘢食，真係好抵～電子落單，款式比實體餐牌多少少～有3款烤魚，每款都可配唔同嘅湯底都辣度～我就揀咗《 江團魚 💲348 》（醬香味、走辣）魚好大條，肉油潤又細滑，好少細骨，份量都夠3-4人share~ 仲可以加配料：+薯粉 💲20 +千張 💲20除咗烤魚，呢度仲有小食、燒烤串等等，都要試吓！《 鐵板燒茄子 💲38 》（走辣）超多蒜粒！我諗真係多到有成樽咁多！好香蒜味，茄子肉又稔嫩，好味～《 燒手工麵筋(2串) 💲28 》（走辣）岩晒我，脆脆地又唔會硬，幾好味～《 燒雞軟骨(3串) 💲32 》（走辣）細細粒有咬口～《 口水雞 💲38 》雞肉好嫩滑，有驚喜～《 鴛鴦糍粑 💲38 》熱熱香軟煙韌好正！放涼咗都無變硬～黑色部分係黑芝麻製成，多份芝麻香～冰粉我地食咗好幾碗，多配料，正～

菊花茶區的杯每一杯都有污漬類似女經理解釋話係用過既痕跡 然後嘴苗苗野食叫左少辣黎到清湯 最後淨係比左d辣椒碎仲有個帶眼鏡既女職員 叫極唔應 掛住同人吹水同埋淨係企係度扮工職員係多啊 服務態度係0等左半個鐘野食仲未到 問佢就話黎梗完全無諗住幫你問下廚房 完全不知所謂野食又唔新鮮

沙巴龍躉烤魚 香辣風味來自馬來西亞沙巴地區一種大型淡水魚肉質鮮嫩多汁，有著天然甜味 將整條魚烤箱中進行烤制保留了魚原始風味和質地 烤至外有一層微焦外皮 魚身可能會在切開幾道刀痕 以便更好地吸收調味料辣椒粉、辣椒醬、蒜蓉、姜蓉、醬油、糖 花椒粉 上菜之後記得幫條魚淋辣汁沖涼 約8至10分鐘後 係最佳食用時間加咗份安格斯牛小排食 正至尊手作鮮果茶蘋果 西瓜 香橙 檸檬 青檸 金橘 熱情果籽 草莓 清新、果香濃郁 一種健康和天然飲品柑橘類水果可以帶來酸甜口感，莓果類水果可以帶來微酸和香甜的口感，熱帶水果帶來豐富芳香成杯嘢飲落唔會好甜 食烤魚解辣一流

the fish is big in portion! the meat is tender and it does not come with lots of bones, so it is easy to eat the soup gives the taste to the fish and it also comes with lots of ingredients, like chopped vegetables The restaurant allows us to have some dessert free of charge as their sides! and it is actually really good chinese dessert! apart from the fish, we ordered some barbecues as well. they are all seasoned, giving the si-chuan flavor. as they are served in a bite size, so it is a good sna

朋友喜歡吃烤魚，今晚佢提議去石塘咀維港峰地下的巴辣仔烤魚吃晚餐。申11月17日起，5:30pm前落單或9:00pm後入座，惠顧大烤魚，全單七折，好抵食。巴辣仔烤魚的川味烤魚是用活魚現烤，川香入味。今晚試過果然係真材實料，有風味又好食，一試難忘。有三種魚可以揀，包括沙巴龍躉，江團魚和凌波魚。我們揀了招牌必點的爆檸酸菜烤沙巴龍躉，BB辣。條魚有差不多兩斤重，啖啖肉，骨少魚肉結實肥美唔腥，個湯酸甜微辣好惹味，酸菜，青檸和檸檬錦上添花，令魚肉更好味。湯內的大豆芽和配菜好夾味。我們加點了一份黃金組合(有金菇，蓮藕，薯仔和萵筍)，加埋千張和薯粉，吃過不易樂乎，正!吃烤魚可以吃埋燒烤真係一樂也。叫了一份32串的海陸空把把燒，有牛肉小串，雞胗小串，月牙骨小串，芝士腸小串，臘腸小串，粟米小串，魷魚鬚小串，五花肉小串等，BB辣好惹味。吃烤魚，吃些酸酸甜甜的燒菠蘿幫助消化不錯。有免費菊花茶任飲，也有自助冰粉DIY。冰粉配料好豐富，有紅豆，青提子干，哈蜜瓜，珍珠，果仁，花生碎，生楂餅碎等。菊花茶和冰粉清涼，是吃烤魚最佳拍檔。店座位寬敞，通風良好，服務員態度好。今晚吃得好滿意，期望再訪。

今日收工朋友帶我黎石塘咀食呢間 巴辣仔烤魚😋 香港大學站行幾分鐘就到～ 坐低睇睇有咩食先😬魚都有分3種 口味又分咁多種 有辣冇唔辣 仲有不同種類嘅串燒 同埋小食 好多野都好想食呀😋諗左一陣就用qr code落單啦～ 椒麻小酥肉 $38呢個係新菜式 即刻想試下😌 酥肉炸得好酥脆又唔油膩 啖啖肉點埋椒麻粉 讚👍🏻 燒雞中翼 $36串燒即叫即燒 熱辣辣上枱又勁香 好好食仲要有4隻 正😗 鐵板燒茄子 $38好大條既茄子🍆 表面鋪滿蒜蓉、香蔥、同埋辣椒🌶️ 味道調得岩岩好 勁好食 呢個必點😇 麻辣卜卜蜆烤江團魚 $348+$38主角黎啦🤩 我哋最後揀左江團魚 最怕食魚有好多骨 呢隻就唔會啦 肥美冇細骨同啖啖肉真係最岩我哋😍 魚真係好大條😋 仲要起左一半肉 好方便我哋食😇 同埋麻辣調味調得岩岩好 又唔會好辣 魚肉加埋麻辣真係好香好好食🤤我哋加左$38要左卜卜蜆 就咁睇都見到唔少隻 仲要隻隻厚肉又冇沙 加左啲辣味真係愈食愈想食😙 薯粉 $20烤魚必點薯粉😛 麻辣湯煮既薯粉真係超好食 入哂味又唔會淋 姐姐話佢地啲薯粉真係用薯粉整 唔會煮到爛哂 仲會愈煮愈入味 真係大推👍🏻 食完辣最後當然要食個冰粉啦😋

第一次吃烤鱼，感觉真好，首先是环境非常宽敞明亮，座位很舒服，个人空间大，不受旁边的人影响。 食物选择多，吃辣的程度也有几种，非常体贴。一进餐厅，就看到一大壶的菊花杞子茶，很明显是照顾广东人的体质，吃烤鱼烤串前，先喝点清凉滋润的茶水，不怕上火。👍👍我们先点了一人优惠套餐江团魚🐠，配有红薯粉，一杯特别漂亮的水果茶，然后我们又加了麻辣鱼皮，很大一碗，又香又脆的麻辣鱼皮，吃得十分过瘾。 牛肉串烧得麻辣鲜香，吃不停嘴。再来蒜香烤茄子，软糯鲜甜，蒜味十足。焦糖烤鮮菠萝，又漂亮又美味，烤江團鱼套餐里，鱼肉丰厚，鱼刺少，味道鲜香，我们选的是酸菜鱼味，烤鱼里还配有油豆腐，大豆芽。我们喜欢多点青菜，又加了莴笋和大豆芽。江團鱼肉很厚，有点像吃鱼扒的感觉。特别要夸一下这里的服务，主動幫我們掃碼點餐，問清楚我們的喜好，上菜时都告诉我们这是什么，还问我们套餐到齊沒，服务很到位。兩杯特色饮料。 都很漂亮，一杯是水果茶，有苹果，哈密瓜，百香果，柠檬，西瓜，我选的菠萝特意，浓浓的菠萝香味，酸甜可口， 配烤魚🐠是一流的。下次再来試其他的烤鱼。😋😋

前幾日我去咗巴辣仔烤魚，除咗餐廳裝修靚空間感大，啲野都好好食。檸檬酸菜烤魚：有幾種唔同嘅魚揀，然後再揀味道。餐廳都好細心，每種魚都會寫埋有咩特別，肉質肥美定緊實，多唔多骨咁。我哋揀咗海鱸魚，肉質鮮美結實。再揀味道，呢個檸檬酸菜烤魚好正，超多檸檬，好香檸檬味又清新，然後配埋好多配料，芽菜酸菜，食到湯都想飲埋。烤魚外仲叫咗啲燒烤，特別推薦烤雞軟骨，好香好脆，另外叫咗卜卜蜆同烤茄子，爆多蒜茸，正！另外仲叫咗杯野飲鮮果茶，好有心思，整到好靚之餘仲飲得出好新鮮水果味，唔係出面落咗好多糖個啲。兩個人最後食到好飽，啲粉量都好足。如果兩個人嚟，可能只係食條烤魚都夠飽，不過其他野都好好食，有胃口就試堆啦！