巴辣仔烤魚雞煲 (聯昌街)

晚上9點40第一次黎食，一入門口我已經問有冇野食，兩個服務員話有，我坐底叫左個雞煲就催鐘話10點截單,我心諗你要截單點解提前入黎前同我講，唔緊要，醬油費收左6蚊之後野都未食又趕住收走d配料,講真呀，你地急收工唔歡迎我冇所謂，唔好放左我入黎就話截單，有一個口音比較大既姐姐從頭到尾都西面，冇所謂，都係一次性消息…查看更多

食材質素係ok, 但問題湯底太咸，晏就食完，飲茶又飲水都解唔到個咸，到晚飯都係好頸渴。食量一樣，因為太咸所以磅重，比平時食完午餐磅係重左1kg, 都幾誇張，唔會再食。仲有，啲餐牌全部油淋淋……查看更多

食開巴辣仔烤魚餐，去過唔同分店食。粉嶺其實最近我，新年第一次去食有啲失望。魚冇問題，但烤魚個汁好水….環境衛生又差…..去咁多間都係尖沙咀屯門果2間最好食！下次去試埋上水果間！…查看更多

今日同屋企人去巴辣仔度食嘢一開始落咗辣子雞鍋咁我哋一直都有食緊其他鍋嘅但係愈食愈覺得唔對路過咗半個鐘...一個鐘...個半鐘...個鍋都係未到連其他丸啊 都係一直未到心諗 咦點解咁耐呢？原來佢一直接緊外賣平台嘅單～～～哦～明晒！係接唔到咁多單就咪做啦又要接客 又要接街客唉 搞到全屋人食到一肚火問佢幾時出得 佢次次都話整緊話要等半個鐘我話我等咗個半鐘喇！隻雞係咪未出世呢？如果係同我講聲先呀嘛～～我咪唔叫囉☺️完。…查看更多

下午茶時間去食 叫左碗麻辣燙 恐怖嘅事情就發生啦😀其中一個餸係牛栢葉 碗嘢到左 我撩曬成碗嘢都搵唔到有一舊牛栢葉🤔 叫左啊姐過黎 佢撩下我碗嘢 指住個碗話 呢個咪就係牛栢葉咯😐 我話邊度 我都睇唔到🧐 跟住就指住幅相果條嘢 啊姐仲大大聲話 我地D牛栢葉係咁㗎啦 係幼過條米線㗎啦 🙂🤬（利申：我無誇大 啊姐真係咁同我講 唔信可以check CCTV）我對面個食客都聽到呆左係相入面嘅牛栢葉 同一個粗幼度嘅 我數住食左5條 五條加埋應該有一舊完整嘅牛栢葉 咁就可以當一個麻辣燙嘅餸 牛栢葉好貴？😐 味道方面 叫左中辣 但碗嘢無味 好似辣油溝水咁 服務就唔駛講啦 自己睇 抵唔抵食就見仁見智啦 如果鍾意欣賞師傅嘅刀工嘅話 呢度會係你必去嘅餐廳 我自己個人就 無下次🫠…查看更多

其實真係好鍾意食🐔雞，不過唔係太食得🌶辣，所以麻辣雞煲都係偶然食一次。呢間雞煲店都有幾間分店，算係薄有名氣，經濟而且性價比高，晚巿座無虛席仲要門口企🈵晒人就知，唔使多解釋。其實仲有烤魚🐟都係主打菜式，一樣有棒場客支持🌶———————————————————————————🥢麻辣雞煲🐔💬一鍋可以一隻或者半隻，叫咗BB辣🌶都已經流汗💦（個人問題），夠麻夠辣夠惹味，味道不錯。之後放湯可以打邊爐🍲，加咗牛柏葉🐮、豬腸🐽、蟹籽蝦滑🦐、菜🥬，都已經非常滿足🌶…查看更多

龍鳳檸樂少冰，勁少，唔緊要，重點係好甜，飲一兩啖試下，無氣，似係大支可樂開完擺好耐果種，我朋友試完都覺得係，同職員講，佢話啱啱開嘅可樂點會無氣？我話真係無呢⋯⋯阿姐態度好差😦我O曬嘴⋯⋯…查看更多

呢排天氣特別潮濕個人都特別攰，今晚近近地係屋企附近買外賣食就算，經過呢間巴辣仔烤魚雞煲做緊套餐優惠，有雞煲同火鍋，最適合一家人開心share啦~🌟前菜: 涼拌雲耳前菜我就揀左個涼拌雲耳，麻辣味好足，份量都幾多，辣辣地好開胃🌟巴辣鮮雞煲 雞煲套餐外賣自取仲有7折優惠超抵，可以自選辣度，屋企人唔食得辣所以揀左走辣，辣雞煲用大膠碗裝住，配料有芫茜、洋蔥同蒜頭等，半隻雞份量唔少，加左佢地既秘製醬汁炒過之後夠哂惹味，食完雞煲就可以開始打邊爐，套餐會包左多款配料同丸類拼盤同時蔬拼盤:🌟自選配料▫️美國肥牛 肉類可揀美國肥牛或者黑豚肉，識食一定揀食肥牛，美國肥牛吸收哂湯底既精華，食落有嚼勁，幾好食▫️招牌肥腸最欣賞佢地既肥腸處理得好乾淨唔會有異味，肥瘦適中同雞煲好夾▫️雜餃混丸拼盤呢個拼盤有齊魚皮餃、牛筋丸、雲吞、墨丸、芝士丸同豬肉丸，每款各一粒，最岩我呢啲選擇困難既人，可以每款都試齊▫️精選時菜雜錦拼盤最後就係呢個時蔬拼盤，有牛柏葉、水魷、鵝腸、松葉蟹棒、蘿蔔、凍豆腐、鮮枝竹，非常豐富，落埋出前一丁一齊打邊爐就大滿足啦…查看更多

202211月週日--巴辣仔烤魚雞煲 (聯昌街)地點位於: 粉嶺聯昌街20號聯昌大樓地舖:)作為聯和墟街坊，巴辣仔算是我經常幫趁的食店之一，晚市堂食烤魚、雞煲，外賣雞煲，價錢合理，水準合格，今次食下午茶的冒菜:)週日也有下午茶餐冒菜的下午茶餐，可選兩葷一素配菜，另外附送一杯凍低糖綠茶，也只是$36:)我的選擇豬潤、黑豚肉，豆腐皮，紅薯粉，辣度選了特辣上枱大大碗，份量足，未食眼睛先滿足，看見滿碗紅油，以為會好辣，但幸好辣度還可接受，慢慢吃，不嗆喉，豆皮有點硬，浸一會，軟腍入味才吃會更好，豬潤切得薄少細件，味道普通，豚肉有數件，帶點脂肪，肉嫩不會硬，薯粉軟硬度適中，配辣湯最佳配搭:)家人的選擇肥牛、黑豚肉、鮮腐竹薯粉，BB辣肥牛多脂肪，要咬走一點，豚肉份量也不少，鮮腐竹較豆皮軟腍，BB辣剛好附送的低糖綠茶，味道普通，不要有期望，解渴飲料一杯:)埋單: $72沒有加一服務費味道唔算最正，便宜飽肚之選…查看更多

冒菜外賣！跟同事一齊叫外賣，佢哋之前話呢間冒菜都唔錯，於是我都試吓先！其實我覺得冒菜有啲似車仔麵，都係選擇唔同餸菜，然後揀個麵底同湯底。豚肉冒菜$56- 我揀咗清湯薯粉，入面好足料，有豬肉片、貢丸、豬大腸，同埋好多蔬菜。呢款薯粉係我鍾意嘅類型，好煙韌、好滑溜。不過我覺得清湯入面加咗味精，食完有啲口乾。豬肉片冇乜肥膏，所以入口比較柴。反而豬大腸入面有好多肥膏，一定要咬走佢。呢幾款食材嘅組合都唔錯，最緊要有多啲菜食下，多啲纖維！:)…查看更多

以前成日聽日講聯和墟多美食，但真係完全唔覺。search openrice 北區真係好少資訊，見到呢間烤魚見佢裝修都有咁上歷史應該都係屹立多年。叫咗酸菜烤魚，淩波魚好大條，魚炸得好乾食，要煮一陣先吸味。後來店員話江團最滑，下次可以試下。叫咗酸菜bb辣，加咗份肥腸，肥腸寫住係新鮮肥腸，洗得好乾淨冇怪味。bb辣對我喺講啱啱好，食開譚仔10小😂。一條可以揀四個配菜，選擇好平常，大路嗰d都有。烤魚唔會太鹹，調味啱好，食到最後都唔會過分濃味。嘢飲好大杯，成個大啤杯，如果太辣都夠飲😂烤魚加咗肥腸，两杯嘢飲，一共450左右。…查看更多

呢間巴辣仔烤魚雞煲都幾多人幫襯，今晚1930到，雞煲就售罄喇，烤魚就只有沙巴龍躉，預左食烤魚，少貴都照要啦。烤魚要有嘅鮮、香、麻、辣、脆都齊晒，香噴噴，味道特濃。沙巴龍躉肉質彈牙又夠嫰滑，3個人食份量都足夠。食完個魚繼續打邊爐，愈食味道會更辣，刺激感十足，但唔係死辣，反而係一種刺激到味蕾而又享受嘅辣味。烤魚底層可以揀4種配料，我地揀左豆卜、海帶、蓮藕同秀珍菇。另外追加左d配料有肥牛、娃娃菜、牛柏葉、餃子同墨魚丸，墨魚丸入面嘅墨魚好大嚿，唔係死粉糰。其他就冇特別，都係新鮮嘅。推薦店內特飲，呢2杯係什果蜜桃茶同柑桔青檸，真係好鬼抵飲，大大杯冇呃人，仲要35蚊，性價比同顏值好高，最重要烤魚真係好惹味，呢杯飲極都唔完嘅特飲真係好出色，陪我食到最後，超級正。由於出面落雨都冇影到門面相。店內環境光猛，不枱櫈不算油，不過落雨同埋我都幾怕濕笠笠，所以感覺都爭少少。呢個係自助醬區，每位6蚊總結：期間都見到都幾多人叫外賣，仲可以借爐添。個人覺得外賣喺屋企食都唔錯，下一次會試雞煲外賣…查看更多

🐟巴辣仔烤魚雞煲冬天最啱就係食烤魚，順便打邊爐！🐟🥘麻辣烤魚外賣套餐 $650今次我哋叫咗麻辣小辣，味道好夠！套餐包咗米線、薯粉、肥牛、丸類、墨魚滑、豬腸、豬耳小食、生菜、牛柏葉，全部味道都唔錯！魚方面係用上沙巴龍躉，魚係先炸過處理，再放喺麻辣湯上滾熱，好味！我地額外比咗$500按金可以借埋佢個爐，連埋個爐一齊拎返屋企！就算屋企冇爐都唔使驚，而且食起上嚟都好方便！🤣📝今餐總結味道唔錯、材料都好新鮮！六百幾蚊有一條咁大嘅沙巴龍躉仲有咁多樣配料，認真抵食！呢個優惠係做咗八折先有㗎！未試過嘅你哋可以去試下啦👅#巴辣仔烤魚雞煲 巴辣仔烤魚雞煲 (聯昌街) (粉嶺)粉嶺聯昌街20號聯昌大樓地舖環境：NA味道：💛💛💛💛價錢：💛💛💛💛 (五個心為滿分) …查看更多

🔥🔥 #巴辣仔 烤魚雞煲🔥🔥最出名就係辣得好過癮嘅刺激滋味👅原來亦有推出❌唔辣❌嘅養生之選🍂秋冬滋補藥膳醉雞鍋👩🏻‍🍳🍲趁呢排天氣凍凍地我買咗全隻雞返去同屋企人食個湯底分開包得好實唔怕漏超大份雞肉好嫩滑👍🏻藥膳酒味好香濃💛✔️真材實料✔️好好食😋連一向嘴刁嘅大廚老豆都讚😏佢話下次想食烤魚但係又唔想落街食堂食唔洗自己洗嘢仲好啦😂😂唔夠佢講😒😒😒okok, 外賣無難度😎👌🏻我見烤魚外賣盒都好穩陣好方便…查看更多

突然想食烤魚就喺附近行逛一下見到呢一間都有人喺門口等就決定食呢間之前試過喺其他分店買外賣堂食都係第一次店舖唔大，座位唔算多所以食飯時間過嚟嘅話最好都係訂位比較穩陣我哋一坐低梗係飲杯啤酒先啦😆我哋嗌左江團魚，麻辣中辣配菜要咗萵筍枝竹豆卜濃濃嘅辣湯，配上呢碟索味嘅配菜夠香夠辣，真係好正不過個爐就時得時唔得😅呢樣就要改變下啦之後再加咗黑栢葉同薯粉食咗啲辣椒🌶️同飲哂啲湯咁滯2個人食，飲咗3枝啤酒🍻埋單差唔多6舊水，算合理！…查看更多