巴辣仔烤魚雞煲 (順年閣)

朋友約食飯聚會，提議食烤魚，第一時間就諗到這一間，全盛時間好多分店，尖沙咀都有，現在就只剩下幾間分店了。茶餐廳格局，地方都叫乾淨企理。有個自助醬料吧，可以自己配。選擇這一間烤魚，因為有沙巴龍躉，大大條，肉質結實。泡椒雞腳 $35雞腳都大隻，份量不少藤椒脆魚皮 $38魚皮爽口彈牙，非常好食。涼拌皮蛋 $33 金黃的皮蛋，中間還有流心，配上辣料，很特別。大大杯檸檬茶$35 ，非常大杯，很抵飲。沙巴龍躉， $418價錢不便宜，但龍躉很大一條，肉質結實，新鮮，雖然不便宜，但質素頗高。泡椒滑雞鍋（半隻）$158非常清淡，泡椒味道不濃郁，雞沒有什麼味道，口感很滑。四人埋單$716 ，沒有+1服務費，因為朋友是會員可以有優惠$130 。雖然價錢不是太便宜，但質素不錯，特別是龍躉烤魚，現在很多人都不願意留港消費，假期總是上內地食嘢，希望這些港產小店能夠撐得住，用食物質質素留住香港人留港消費。…查看更多

呢間食過三次，凌波魚同江團魚都係一樣味道👅⋯食凌波魚就平$10左右，湯底無乜油，蕃茄味濃，係真係有成個蕃茄既肉喺入面，配料唔算貴，但外賣返屋企再自己加配料就好抵，$100左右 （一人餐）炸成條魚連湯底外賣，再自己另加配料，兩個人食都夠！實有味精，但我飲埋湯都唔覺口乾～都真係幾抵食又好味，推介🫶🏻地點真係偏遠少少，地鐵行過去都要15分鐘，唔難揾～ 其實堂食都好正，有卡位，個烤魚盤又大，冬天食幾正～ 食過大陸探魚超多油，呢間幾好，無乜油，因為我只食蕃茄味～ 但抽風系統可能差少少，食完之後個身、件衫都有味，所以會嗌外賣🥡 ，外賣分左湯都好好味🤤…查看更多

放假梗係同朋友一齊聚餐啦，我個friend之前食過長沙灣店嘅巴辣仔烤魚，都話吾錯，可以一齊試下食😍我自己都好鍾意食烤魚，仲要有得打邊爐👍今次我哋就叫咗原條江團魚$388， 湯底係酸辣湯小辣 ，見menu有好多款唔同嘅湯底適合大家口味。我係第一次食江團魚， 魚好新鮮！同埋啖啖肉仲要好滑， 試食過其他烤魚有時有d魚都食到有腥味， 但呢個仲要煎到個皮好香好好食， 湯底有少少辣，煮咗一陣已經好入味😍😍 而且配料亦都好多， 我即刻叫咗個白飯送飯食！唔使一瞬間，已經好快食完條魚，當然唔少得就係利用佢嘅魚湯+酸辣湯底去打邊爐啦，我哋叫咗水餃、雲吞、鴨血、拼盤蔬菜、肥牛，同埋薯粉，勁鍾意食完烤魚一定落薯粉，因為一定索晒d精華湯，淡淡都好入味🤤另外我見到佢有多款嘅小食，我哋都叫咗個麻辣青瓜同埋小酥雞，特別推介佢個紅糖糍粑，煙煙韌韌好好食！食咗啲咁濃味嘅嘢，唔使擔心唔夠嘢飲，見佢啲嘢飲全部都係大大杯，有多款口味選擇，今次我揀咗個金橘檸檬，又開胃，又可以解溜👍特別推介佢有一個百香果啤酒，飲落去唔似啤酒苦苦澀澀，淡淡嘅百香果比較適合女生容易入口😍同埋依家巴辣仔推出咗個一人烤魚，平時你想食烤魚嘅時候，以為要一大班人先食到，依家唔使啦！ 佢個套餐仲要勁抵，有飯有嘢飲，仲要有烤魚大大條， 都先係80至$100左右， 我朋友食完巴辣仔之後幾日都喺度叫一人烤魚食😂勁吸引！ 如果大家想食烤魚同打邊爐，真係極力推介巴辣仔，仲要有唔同嘅分店好方便大家去試👍👍…查看更多

呢間黎過好多次，因為我唔食得辣，所以次次都係叫蒜香味，蒜味濃入曬味超鐘意👏👏 次次食完都唔覺得咸同頸渴～原條烤魚擇擇咗江團魚，雖然佢係最平個款魚，但係好大條，多肉而且係大魚骨。另外可以免費擇4款配料放入鍋裡面，擇咗萵筍片、大豆芽、豆卜、金菇，令到成盤烤魚更豐富，全部索曬啲蒜香汁超入味，另外再單點配料香炸餐肉、鮮准山、出前一丁🤗 正！鮮准山份量算多且厚片。額外叫咗半隻雞煲bb辣比屋企人，佢地話bb辣都有d辣，所以我一件都無食過🤭🤭 呢度野飲係超誇張嘅大大杯size，必叫！不過女仔飲嘅話就最好同人share啦🤣 我自己就通常飲天地壹號，好滿足 🤭 …查看更多

不是試食，也沒用餐優惠，已補充外賣自費證明。不要胡亂檢舉我一打開個餐嘅時候真係嚇一跳，因為真係好巨型我心諗：到底一個人點樣可以食得晒所以就叫咗人同我一齊share😂講吓個餐先，其實條魚係煎得幾香脆嘅，略嫌佢醃得唔夠耐，所以建議餐廳下次可以考慮醃耐少少先去炸/煎；至於薯粉嗰部份冇乜問題，將佢個份量真係好大，所以都係要兩個人先食得。今次配料我加咗酸菜而呢啲酸菜佢處理得好乾淨，同埋冇想像中咁大陣味，呢點係值得讚嘅。唔講唔知佢哋最令人驚喜嘅，就係飲品。我叫咗杯港式凍檸茶一飲就真係好有茶餐廳風味，唔澀，茶底飲得出係錫蘭紅茶😂…查看更多

記得第一次幫襯係荃灣分店午餐，大大碗價錢合理抵食第二次係深水埗分店食烤魚，當時第一次係呢間食烤魚，已經覺得可以再次幫襯琴晚2人食，烤魚加4個配料，今次叫江團魚，蕃茄微辣湯+娃娃菜+豆卜+雞肶菇+萵荀片，超飽，條魚好大魚又無乜細魚骨碎骨加2支啤酒，店員好好，提示3支可以有冰桶，雖然我地最後都係只要2支，但都主動話如果一支唔開住就幫你放返入雪櫃先，等下飲左一支再叫我地拎…查看更多

餐廳座位很寬敞舒適，必點的烤魚非常美味可口。您可以選擇搭配白飯、米線或公仔麵等主食。份量非常大,即使一個人也吃不完。除了烤魚,我們也試了口水雞米線,雞肉非常嫩滑,雞汁香濃,令人回味無窮。 飲品方面,我們點了一杯冰涼爽口的凍檸樂。新鮮檸檬汁與可樂完美融合,是夏日消暑的絕佳選擇。這是我第一次來品嚐這家餐廳的烤魚,果然名不虛傳,非常惹味誘人。肉質鮮嫩,表層微焦,入口即化,令人垂涎三尺。這道菜絕對是這家餐廳的招牌菜之一。總的來說,這家餐廳環境寬敞,菜品味道出眾,是一個非常值得推薦的用餐好去處。我相信無論是單人用餐還是與好友聚會,在這裡都能享受到愉快的用餐體驗。…查看更多

出左街但諗唔到食咩係成日發生既事😂但咁岩見到朋友story去左食烤魚,  男朋友又話想食, 即刻就搵左間附近既巴辣仔去啦goooo~ 去到仲係6點幾, 未開始多人, 所以即刻入得啦!之前食過一次其他分店既凌波魚, 所以今次試試中價既烤江團魚🐟哈哈! 本身唔鍾意lur魚骨好煩, 不過呢種魚好少骨, 就算有都係大骨, 只要避免某d位食就得, 推介比一樣唔鍾意lur魚骨既朋友哈哈😝同埋呢隻魚肉好厚好嫩, 份量又好足, 性價比幾高!我地揀左最少既辣🌶️, 不過食到後面都愈煮愈辣, 仲係好好味既 另外加左雞髀菇、紫洋蔥、薯仔🥔、薯粉同飯🍚. 頭3樣浸落個湯一齊煮超入味, 薯粉男朋友就覺得麻麻地, 無食哂. 最後佢d野飲都好大杯, 係幾抵既, 兩個人share一大杯檸樂岩岩好! 🥤🥢總結: 推介烤江團魚, 魚肉厚嫩 性價比高! 如果想食烤魚會再訪👍🏻…查看更多

喂喂喂，今次食評話你知我嚟到「巴辣仔烤魚」食咗場誇張嘅烤魚盛宴🐟！首先話你知，香辣烤魚簡直正爆，辣得嚟又唔會過份刺激，啖啖都係留晒口，吸晒滷味入肚嘅快感🥵。烤魚揀咗小辣嘅沙巴龍躉，真係一絕。魚肉鮮嫩得嚟又肥美，足足有兩斤重，皮脆肉嫩，真係可以講係滿分表現！豉汁肥腸，醬香味重，實行爽脆過癮，入口即化嘅牛肉，簡直係地道得滯！穿梭喺脆皮同滑肉之間，係啱啱好嘅爽口爆發力！一邊嘆，仲不能唔提埋手切安格斯肥牛，咬落去既滑溜得嚟帶點嚼勁，簡直係精華所在。再配埋幾罐靚酒，四兩撥千金嘅感覺，暖笠笠嘅烤魚配冰涼嘅金桔檸檬特飲，爽度一流，清新解辣，實行係食得過癮又飲得稱心。總結，呢度嘅烤魚真係做得好，菜式質素高，味道係咁樣多元化之中仍然保持得好平衡。下次再嚟我一定要試埋其他款式，為呢個秋冬添啲暖意。記得成行成市嚟搶食啊💥！嘩，講到口水都流晒出嚟呢🤤！…查看更多

🔸巴辣仔🔸🔆唔知有冇人都會覺得食烤魚依件事係好嚴重，就一定要好大班人一齊食，自己一個係唔會食得哂/唔會自己一個食。🐭搵到間可以晏晝自己一個好麻甩地食烤魚嘅地方，想同大家分享下，到底值唔值得食呢？🤭🔆依間烤魚嘅一人餐可以分別揀魚同湯底。🐭同朋友今次都係揀左最平嘅羅非魚，但就係唔同嘅湯底。烤魚底下一直有個火熱住佢，一路食一路滾住，唔擔心食到中途就凍哂。🔆蕃茄羅非魚 $78一人餐會包一份主食同一大條魚。朋友今次叫左白飯。蕃茄湯底幾惹味，酸酸甜甜，非常開胃。仲有好多蕃茄係面，配料仲有豆卜﹑芽菜同海帶。豆卜索哂佢個湯低真係好好食，用嚟送飯都真係非常唔錯！不過，羅非魚肉質唔夠滑同偏腍，兩樣野並無融合得好好，有啲可惜左個湯底。🤣🔆酸菜羅非魚 $78酸菜湯底可以揀辣度，🐭今次揀左小辣，個辣度好適中，啱哂我依啲唔係好食得辣但又好想刺激下嘅人。酸菜份量都好多，酸中回甘，唔會係死鹹。配料同樣係豆卜﹑芽菜同海帶，又係索哂汁，yumyum🤭。不過，魚嘅問題都係一樣，比較腍身，如果係爽口嘅魚就更match啦~ 另外，🐭揀左煙韌嘅紅薯粉，佢係分開上嘅，有需要可以浸落個湯底到食，又或者就咁食都有味嘅，唔係淡茂茂。🔆霸氣葡萄特飲 跟餐+$17葡萄都係藥水味架啦，但都大大杯，解渴！🔆橙心柚惑 跟餐+$17意外地幾有橙同柚味，不過正常冰都真係幾多冰，下次會叫少冰。🔆Overall個一人烤魚餐都幾大份，一人一份真係食到飽哂，味道都唔錯。下次大家得一條友又好想食烤魚，可以睇下你個頭附近有冇分店~幾值得一食架！☺️🔆Pleasure指數（滿分5粒🤩）🐭小姐：🤩🤩🤩+0.5📌地址：深水埗順寧道55-61號順年閣地下2號舖🎐Foods are powerful🎐#Pleasure食#Pleasure深水埗#Pleasurer#hkfoodie #foodie #hkfood #hkeat #food #foodstagram #hongkong #hongkongfood #Shamshuipo #烤魚 #即叫即製 #香港美食 #深水埗 #長沙灣 #深水埗美食 #尖沙咀美食 #荃灣美食 #深水埗外賣 #深水埗好去處 #串燒 #酸菜烤魚 #一人午餐 #巴辣仔 #巴辣仔烤魚雞煲…查看更多

巴辣仔烤魚雞煲成日都想食雞煲打邊爐 呢到午餐都可以食到啊！想食川菜既我無意中發現呢到可以叫一人烤魚午餐都食到烤魚會唔會太幸幸福🥰仲要只係$78就可以食到烤鱸魚 真係好抵！不過我今次就試左佢哋既粉麵餐先 始終一條魚對我黎講有啲多🤣粉麵餐可以揀set左既冒菜套餐 又或者自由選擇🤣🔆鮮菇冒菜 $40冒菜套餐已經包左一款粉麵 可以揀米線或薯粉而呢個餐既配料就以菇菌為主有冬菇 雞脾菇 金菇 秀珍菇 萵筍 雲耳 芽菜等好啱食素人士添啊🤣我另外再加左一份蓮藕片 (+$5) &肥牛 (+$8)配料超級多！本身菇菌已經好多 $40呢個價錢都真係好抵食 好足料！揀左薯粉 係煙韌彈牙 好掛湯👍🏻湯應揀左中辣 但感覺又唔係太辣佢個辣並唔係麻辣 所以唔使驚太重花椒八角既味道感覺就好似雞湯加左大量紅油咁如果講麻辣燙啲frd 都真係得川婆婆一直都咁好食💕味道: 7.5/10賣相: 7/10…查看更多

巴辣仔唔係得烤魚食，另外仲有多款雞煲，小龍蝦煲，肥腸煲，我就多數食烤魚，記得之前食過佢既雞煲，質素普通。另外仲有多款凉拌小食，鐘意食酸辣既朋友仔，一定要試泡椒雞腳，超級好食😋龍躉，江團魚，凌波魚，3款魚都係得一條大骨無乜細骨既，食起上黎好方便。order一條烤魚可以配4款配菜，所以其實叫一條魚都好夠食。魚係拎去炸過既，但肉質都好嫩滑，我選擇左香辣小辣，唔好見佢咁多辣椒，其實唔會好辣。我自己就飲啤酒，但係見到隔籬枱都叫啲大大杯特飲，佢個名真係冇起錯，真係杯杯都咁大杯，仲要有幾多選擇，都只係$38，啱曬無酒精人士。巴辣仔都幾多分店，想食都好方便，總有一間係你左近。😁…查看更多

烤魚雞煲，可以選擇唔同嘅醬汁同配料，非常豐富多樣化。除咗烤魚雞煲之外，餐廳仲有唔少好味嘅菜式。其中一款值得推薦嘅菜式係麻辣豬肚絲，味道香辣麻辣，豬肚絲口感爽脆，非常開胃。另外一款菜式係江團魚原條，味道鮮美，肉質鮮嫩，深受食客喜愛。巴辣仔烤魚雞煲係一間非常值得一試嘅餐廳，菜式多樣化，味道好好，價格亦合理…查看更多

沙巴龍躉烤魚🐟門口充滿着滿滿嘅人龍究竟係邊間餐廳咁吸引呢？原來係巴辣仔，聽講佢哋嘅烤魚都係非常好吃，大大盤嘅烤魚一班朋友一齊食，之後仲可以火鍋，真係幾過癮㗎今日就約咗幾個朋友去試吓佢哋嘅烤魚，烤魚分別有三款：沙巴龍躉、原條江團魚及口凌波魚，一向食開沙巴龍躉蒸魚嘅我當然都會選擇呢一款啦，因為都鍾意佢哋嘅肉質比較實淨🥰🧡原條烤魚沙巴龍躉 沙巴龍躉嘅魚質鮮嫩，肉質比較結實，識落好多好新鮮而且啲骨唔會太多，真係值得一試👍🏻烤魚可以選擇三種口味分別香辣味、酸菜味及蒜香味，而我哋揀咗酸菜味要小辣，朋友覺得佢哋嘅小辣都係比較偏辣🤣揀完味道再選配菜，可以揀四款配菜，而我哋就揀咗蓮藕，芽菜，娃娃菜及鮮腐竹😋😋所以配菜都非常掛湯 美國肥牛卷 牛肉味香濃，油脂小小偏肥的🙈但可以接受…查看更多

發現愈來愈多香港人鐘意食辣野🌶️，同時港人對食辣嘅接受程度亦愈來愈高🥵，喺疫情期間都有唔少專門食麻辣料理嘅店舖開業，一講到麻辣，烤魚都係非常熱門之選⭐️，同時都有唔少香港人愛上烤魚，大大盤嘅烤魚一上來，即刻吸引到我地嘅眼球，一條大大條全魚及滿滿嘅配料，非常之滿足！😋今日就約咗幾個朋友去到📍深水埗嘅一間專門食烤魚同雞煲嘅餐廳 - 巴辣仔烤魚雞煲，喺香港都有唔少分店架！📍👍🏻而今次就食佢哋嘅招牌原條烤魚，烤魚分別可以選擇打三種魚：沙巴龍躉、原條江團魚及口凌波魚，每一款魚嘅口感同鮮味都好唔同，雖然餐廳職員推薦我哋食原條江團魚，因為肉質鮮嫩，特別滑身，但我都想試吓烤魚食龍躉😋⭐️ 原條烤魚-沙巴龍躉 $418沙巴龍躉嘅魚味濃郁，肉質嫩滑得黎帶有少少結實，而且少細骨，岩哂鍾意食魚又驚鼻骨哽親嘅人❤️🐟🐟烤魚可以選擇三種口味分別香辣味、酸菜味及蒜香味，而我哋揀咗香辣味要小辣，辣嘅程度就好似譚仔十小辣，係我可以接受到嘅範圍；揀完味道之後就要揀配菜啦，可以揀四款配菜，而我哋就揀咗薯仔🥔，豆卜，娃娃菜及鮮腐竹😋餐廳先將龍躉原條炸，令到魚更加結實，令到條魚烤左成個鐘都唔會散開😬香辣味嘅魚湯，含有香濃嘅魚香味非常之鮮，我豆卜、娃娃菜、腐竹你完全入晒味！😋⭐️ 美國肥牛卷 $118食烤魚又點少得肥牛😋 口感柔嫩，一咬落肉汁香甜四溢，肉味之香濃🐮🐮🥩⭐️ 蟹籽墨魚滑 $88食落去嘅厚實又彈牙，加上蟹籽嘅爆破感😋口感天豐富⭐️ 香炸餐肉 $58經過油炸嘢午餐肉，放入去烤魚鍋到煮後，唔會咁容易爛或者散開😋⭐️ 山水豆腐 $20最鍾意香辣火鍋煮豆腐，特別係放入烤魚盤上，因可以清晰見到豆腐嘅蹤影，唔怕佢煮嘅過程整爛哂塊豆腐😋⭐️ 讚岐烏冬 $25食落去煙靭嘅烏冬，伴隨著香辣兼濃郁嘅魚湯😋⭐️ 大大杯雜果鳳梨茶 $38⭐️ 大大杯青蘋果綠茶 $38$38就有一杯大大杯嘅嘢飲，我朋友都講咗幾次淨係飲杯嘢都已經夠飽，不過食香辣烤魚又點少得叫一杯嘢飲爽一爽呀！😋…查看更多