巴辣仔烤魚雞煲 (加連威老道) (已結業)

想食邊爐但又唔想淨得邊爐咁齋，糾結於烤魚同雞煲之間，最後都係揀左烤魚。叫左條江團魚，其實唔識揀，只係見大部份食烤魚同酸菜魚嘅舖都有呢款，應該最安全最合適啦。湯底揀左香辣嘅中辣，心諗香港好多川菜都唔會好辣啦，點知呢度又幾有料，中辣已經辣到有少少嗆喉。好在佢呢度有啲大大杯0.5L嘅野飲可以嗌，幫助解辣一流。佢每款烤魚附送四款配菜，全部都係蔬菜，如果想食其他邊爐料就要另外單叫。條魚上到黎都幾震撼，充滿哂一張二人枱。佢係炸左再放上個湯同啲配菜上面，我哋以為條魚已經熟左，但發現魚肉都未分離到，只係半熟，太急住想食啦哈哈。其實佢魚肉同配料都唔係好多，我哋六個人每人都只係食得幾啖，仲要加多四、五樣餸都唔係好飽，早知唔加咁多餸，另外叫多個雞煲好過。條魚魚肉都幾嫩，冇冇咩細嘅魚骨，都係啲大大條嘅，好易拆肉。食到最後吸埋佢魚骨啲精華，係一個完美嘅落幕呀。可能因為個湯都重口味，蓋住左啲腥味，但感覺都仲有少少，無可避免。

巴辣仔烤魚雞煲就咁睇個名都知佢係出名食烤魚🐟但係除左烤魚之外，佢仲有四川冒菜食。四川冒菜我係第一次見，就咁睇個名都唔知係咩黎，但係其實佢係香辣米線黎！可以自己揀唔同既配料🤤而且價錢好抵有好多餸！性價比好高！  1️⃣大蝦冒菜套餐（中辣）（$48）（蜂巢凍豆腐+$5）有得揀米線或者薯粉，揀左薯粉，薯粉好彈牙好煙韌！而且份量好多😲湯底食到有啲蒜味、西芹味，香香辣辣🌶️雖然我嗌左中辣，睇落去成碗好似好紅好辣咁，但係食落冇我想像中咁辣。  大蝦冒菜套餐既配料有大蝦🦐墨魚仔🦑蟹柳、鮮魚皮、芽菜、包心菜、豆皮同埋金菇。48蚊有咁多餸真心抵食。大蝦有兩隻，墨魚仔好爽好彈牙，蟹柳索曬啲湯汁食落好正🤤鮮魚皮係仲痴住好多魚肉，有啲驚喜✨本身諗住淨係得層皮🙈芽菜、包心菜、豆皮、金菇呢啲份量都好重手！一碗麵食到咁多蔬菜感覺營養均衡好多😂特別包心菜真係勁多，而且仲係好爽口好新鮮，唔會好似出面一啲鋪頭咁食落有種好霉既感覺👍另外仲加左錢要多左個蜂巢豆腐，呢個真係正😌蜂巢豆腐入面有無數個小孔，浸係個湯到完美吸收曬啲香辣湯汁，一咬落去真係噴汁！  2⃣️自家製紫菜響鈴（跟餐+$10）見到有呢款寫住自家製好似唔錯咁，就嗌黎試下。有

之前吃這間的時候做了會員，突然在５月份收到一大堆的現金劵，最多還可以減１００元，那就趕緊找朋友一起來吃了！原條烤魚—沙巴龍躉（４１８元）對比上一次就加價了一點，但剛好有現金劵的話感覺還可以！這次就選了香辣味，小辣，湯底喝起來香濃，辣中帶點香，不是死辣的一種！沙巴龍躉仍然是非常大的一條，對半分開，肉很厚，經過油炸後，外皮都帶點酥酥的感覺，吃起來特別吸湯汁，內裡魚肉還是很嫩滑！配菜方面，這個是包了４款的。這次就選了豆卜，金針茹，娃娃菜和鮮腐竹。配料給的份量還可以，特別是豆卜，吸飽了湯汁後，吃起來特別爽！自助醬料和水果（１５元／人）這裡提供了很多不同的醬料，不過最好是可以任吃水果！今天的西瓜很甜！

一入到去，可能是午市關係，主要都是在二樓用餐，可能還早，一個人也可以坐到個卡位😁食物方面，除了烤魚外，這裡亦有其他套餐可選，而我就選左佢既水煮魚，水煮魚片飯 $62首先，佢比既魚片份量不小，且每片都好滑嫩，配埋佢既醬汁，辣，鮮，香👍而除了魚片，佢仲有大量既豆芽，配飯一流，越食越正😆另加配了一份豬耳，麻辣豬耳 $16醬汁味道跟水煮魚片相約，都係辣得黎，麻香不減，而豬耳亦都夠脆口，也是一樣不錯的選擇。

經過門口陣陣香味就傳入我的鼻，即刻呑啖口水餐廳上下兩層有足夠位置，加上下午兩點半先去食，唔洗等位就入得，仲坐到卡位添空間夠闊，一d都唔逼。見到餐廳有啤酒飲，見到都好心動

正宗四川冒菜薯粉 🍜 $40間舖頭出名食烤魚雞煲，今日就試吓佢個四川正宗薯粉，選擇左嘅餸菜有羊肉片、黑豚肉🥩同埋海帶結，雖然湯底偏鹹，但整體嘅味道連埋蒜蓉、芫荽、蔥同其他配料好有四川風味，兩款肉片嘅肥瘦適中唔算韌，全部配料嘅份量都唔少幾抵食，個人幾欣賞海帶結，整得好靚之餘又好味，整體來講性價性價比都算好高餐廳嘅冷氣好夠，入面嘅裝修都有四川中國風超級靚，間舖頭都好大容納到好多人，啲人嘅距離都好梳唔會太擠迫👍🏻下次有機會絕對想試吓佢嘅烤魚，聽人講好似係唔錯值得一試

第二次吃巴辣仔，距離上次大約都有三四個月了。現在百物騰貴，餐牌上的價錢都有所上調。晚市人流比較多，六半剛巧人流未到，能夠住到卡位。原條烤魚沙巴龍躉 - $418烤魚專用的爐剛好可放置整條巨型的沙巴龍躉，整條外皮煎封再一分為二，外脆內嫩，中間還切開了幾刀。沙巴龍躉既有龍躉的鮮濃魚味，又有老虎斑的細嫩肉質。不同部位有不同味道及口感，魚腩油脂超多、魚尾富有彈力、魚皮爽嫩帶膠。湯底則選擇了香辣味，可以接受的辣度，辣油較集中於邊緣位置。另外，可自選四款配菜，分別選了娃娃菜、金菇、鮮腐竹及豆卜，剛好放於四個角落中。醬料自助區，有任吃的水果，包括火龍果、車厘茄、西瓜和蜜瓜。現在時令的西瓜特別清甜，瓜籽不多，還帶點起沙感。

😍😍身為魚怪家族無魚不歡的我今次帶媽咪出來嘆烤魚呀！帶我家大廚出來食緊係有目的啦！因為媽咪有一項解鎖技能好掂，就係食一次下次就可以煮返個8成半相似的餸菜出來， 大家知我想點啦！😂😂😂要食烤魚就緊係要食出名和味道正宗小小先似樣的， 所以今次來到巴辣仔果然冇令我失望水準唔錯幾有驚喜。⚛ 酸菜小辣深海大斑一條 $388 包4款配菜我緊係選擇吸汁的大豆芽，鮮支竹，薯仔，娃娃菜放底啦！ 一上枱已經比條魚氣勢嚇親都幾大條佢地烤得好香，我地叫左小辣，但亦會見到好多辣椒和芫荽紫洋蔥放面😍。先等一等魚吸收緊d 湯的味道再食，嘩入口魚肉夠滑，因為係斑啖啖肉又唔多細骨可以放心夾住酸菜一齊食，食左差唔多一半時我地再放其他配菜。⚛ 鳳城水餃 ~ 皮夠哂薄， 入面蝦和豬肉比例剛好，咬落彈牙。⚛ 油麥菜 ~ 超掛湯汁爽甜。♥️♥️♥️ 超邪惡的一丁 ~ 放落去掛滿酸菜魚的辣湯😍 絕對唔需要再加味粉已經一流，唔知有冇人同我一樣會咁鍾意最後放一丁去做結尾呢 😁😁😁最正係食完仲可以出去拎水果食平衡返小小。媽咪食完都大讚呢間好味話下次要再來食過呀！

喱間烤魚火鍋店相當便利，尖沙咀站只需要行5分鐘就到。位於加連威路道，好易搵到。喱間店並唔係普通火鍋店，集合左烤魚同火鍋於同一間店。係香港係好少見。好適合一大班人，想食哂兩種款式，唔會正係雞煲火鍋咁單調。烤魚係重慶最出名的菜式，不過一條魚相當有份量，因為今次只係得兩個人食，所以選擇左因為我地兩個都係吃辣之人，香港所謂既辣都唔會太辣，所以選擇左大辣。雞好滑，唔柴。上菜既時候，香味直撲，不過開火都要等一陣。唔洗自己睇時間，完左唔洗自己開蓋，服務好貼心。然後再加多幾份火鍋配料，價錢適中，最重要係份量十足，好抵食!仲有一個好驚喜既飲品，杯野好巨型，我叫左杯桂圓茶，有我一隻手咁大。大家打邊爐都知一定會好口渴，唔洗叫好多野飲，一次過就已經解決左個問題，入面仲有桂花糕，絕對可以清熱解渴。喱間火鍋絕對係平靚正，下次一定要食烤魚!!!

今晚同男朋友心思思想食辣野，次次去尖沙咀都經過見到呢間巴辣仔，今晚終於去試試佢。呢度原來除左烤魚仲有雞煲，烤魚有三款，我地叫左江團魚，因為無細骨同埋魚肉比較滑。原條江團魚，超大條！餐廳有預先炸過條魚先再放落個湯度，所以連個魚皮都好香。湯底有6款味道，我地揀左香辣味-中辣。烤魚可以免費揀四款配菜，食得麻辣嘢一定要揀啲吸味嘅食物，所以我哋揀咗、萵筍、豆卜大豆芽，同埋金菇😋😋😋另外我哋仲叫咗一碟水魷同珊瑚蚌，兩款海鮮都好新鮮，配埋個麻辣湯底一流！呢度嘅嘢食價錢唔算太貴，而且個烤魚真係超大條，四個人食都夠哂食！下次一定要帶埋朋友或者屋企人嚟再食過！

今日突然間好想食辣野，所以就去咗尖沙咀嘅巴辣仔食烤魚啦🤣可能我哋唔係高峰時段去，就算係紅日都唔使等位，地方非常之闊落，一入到去就有位！喺烤魚方面佢就有三種魚俾我哋揀，咁我哋唔知有咩分別就揀咗最平嘅寧波魚啦！條魚仲會包四種配菜俾我哋，咁我哋就揀咗娃娃菜、萵筍、薯仔同雞髀菇。之後我哋覺得唔係太夠飽就另外加多$20要咗個薯粉。大概等咗10分鐘左右，侍應就已經將條魚搬上我哋枱面。條魚一上到嚟就已經聞到辣椒嘅香味，食嗰陣雖然啲魚肉唔係話特別滑，但係就索晒啲湯汁，非常之過癮！仲有條魚因為係炸過嘅關係，啲魚皮煮完之後都係脆卜卜，兩個字，好食！喺配菜方面我同友人覺得最出色都係個薯仔同埋薯粉，佢哋全部都會索晒，簡直係為呢個晚餐畫龍點睛呀！買單就加埋$476，我個人就覺得有少少貴，不過食一次半次都無所謂啦！🤣

好食呀會再幫襯囉！而且服務好好！🥰幾個員工都好好！😚而且咁啱安排到坐咗張好舒服嘅四日卡位～勁有私人空間喺度傾偈！條魚叫咗龍躉好好食呀😍嗰個皮煎炸咗！好香好趣！我叫咗香辣湯底個湯底如果加埋公仔麵真係無敵不過因為太飽叫唔到公仔麵～～最無敵係佢個生啤已經$58好平第二杯仲要半價！開心到我爆炸！hogarden呀～～～～～～🥰😍🥰😍🥰😍🥰🥰🥰😍🥰😍🥰😍半隻雞$98加埋落去打其實都好夠飽！龍躉魚嗰個就$388～同埋佢想一路呢西瓜同埋嗰個火龍果都飲食㗎而且有少少甜品🍮原本上到去聽到個男人客人話呢度啲烤魚唔好食，雞煲好食，但我又叫咗烤魚已經好擔心但食咗之後係好食過囉！可能嗰個人唔鍾意食魚啦😅又或者唔啱佢口味啦。但我哋三個女仔食完都覺得好好食囉，會再嚟幫襯！

今日放工約咗朋友食飯傾偈輕鬆下，諗緊食咩好嘅時候，就見到巴辣仔烤魚雞煲。諗起好耐都無食過烤魚，所以就決定去依度喇。餐廳最有特色嘅，莫過於佢係嘅燈飾，一條條竹魚掛起，非常可愛。拎起餐牌，選擇都非常多，除咗招牌烤魚、雞煲，仲有腸鍋、邊爐配料、川味小食。另外餐廳仲有自助調味料Bar，同埋生果甜品。烤魚分別有深海大班、原條江團魚同凌波魚。味道都有成六款供食客選擇，而且仲可以喺十多款嘅配菜中，自由挑選四款。我同朋友就選擇咗深海大班，小辣香辣。而配菜就挑選咗好健康嘅菜，分別有萵荀片、蓮藕片、冬瓜片同娃娃菜。深海大班都相當大條，成個煲夠哂氣勢。店員建議先食魚腩位置。魚預先輕輕炸過，令其口感平爽肉嫩。魚腩位肉嫩鮮香，魚背位置亦不輸蝕。配菜吸收哂湯嘅香辣，魚嘅鮮味，當當惹味。不過好似我哋咁叫萵荀片嘅話，記得唔好只掛住食條魚，唔係嘅話啲萵荀片就會煮融哂。除咗烤魚我同朋友仲叫咗即炸腐皮蝦卷。唔使等太耐就有得食。腐皮蝦卷非常彈牙有蝦味，喺烤魚仲未食得嘅時間到，我同朋友食到停唔到口。飲品方面，我哋點咗餐廳特色嘅大大杯雪燕玫瑰花綠茶同大大杯桃膠洛神花紅茶。顧客手機落單時，可以自行選擇冰量同甜度。而最大特色就係真係

爸爸最鍾意食辣🤗食日專誠帶爸爸黎呢間餐廳食佢個辣烤魚！首先想講餐廳好闊落！坐得好舒服！有自助bar自己拎醬料😆仲有生果都係無限自取🤩先叫左一條大烤魚！超級足程大條！食落麻辣味好重好滋味🥰我地2個人其實好努力但都完全食唔曬😂下次再多啲人先再order呢個先岩岩好！雖然條魚好大 但一場黎到又好想order其他野食😆所以我地都有叫其他野食當打邊爐😆雲呑 芋絲 麻薯丸 全部都好fresh 好新鮮☺️食呢餐爸爸都好滿意🥰開心！

業績反映了一切，包括伙食的份量。老闆跟同組同事約定，最佳業績與最差業績互請對方吃飯，順道交流一下互勉。這個方法其實不錯，每個人都有順流與逆流的時候，說不定有化學作用。L 今個月穩奪最佳業績，知道同事喜愛烤魚，於是跟他到巴辣仔食晏。同事選了一人份量烤魚套餐，沙巴龍躉，自選酸菜小辣，多芫荽及多麻。額外另加巨無霸蟹棒、自家制紫菜響鈴及沙爆魚肚。響鈴鬆化，豆味濃沾滿麻辣湯底好好食，麻比辣更重要。湯底很香，龍躉外層香脆，內裡魚肉鮮甜香滑。同事請吃的正宗四川香辣米線，L 轉了白飯，裡面配料包括包心菜、芽菜、芫西、豆腐皮及蘿蔔乾。雖則對比大得有點像貧富宴，但其實湯底酸酸辣辣都不錯，材料亦豐富。事業跟樓梯一樣，向上定向下都是由自己掌握。希望同事下次可以請全隊人吃烤魚。低糖綠茶與檸茶，飲杯！拼了所有 斷氣方休靠我呼吸捲起整個宇宙縱會失勢 碰上關口聽到心裡鼓聲穿透