巴蜀軒豬扒酸辣米線

營業中

休息中

💛💛💛米線關注組成員💁🏻‍♀️又黎介紹米線喇 😍😍呢間巴蜀軒豬扒酸辣米線係黃店黎架💛西環同灣仔都有分店可以話係港島人嘅福音💛佢哋嘅辣度分咗四種 少少辣、小辣、中辣同大辣唔係好食得辣嘅朋友可以揀少少辣🤏🏻🤏🏻湯底就有分酸辣同麻辣兩款而個餸就有好多唔同嘅選擇俾大家揀就算唔鍾意食米線嘅朋友都可以揀轉拉麵，烏冬、紅薯粉或者好少有嘅四川粉真係有好多唔同嘅配搭👍🏻招牌豬扒酸辣米線豬扒炸得好香脆 食起黎唔會太多炸粉👍🏻略嫌普通米線份量唔夠飽所以今次叫咗特登加底🤣酸菜肉碎都好足 不過略嫌湯底差少少花生香🤔

屋企人出晒街, 留低大食妹喺屋企於是就call咗住喺附近嘅朋友, 一齊食晚餐因為係紅日, 好多地方都冇開最後我哋揀咗巴蜀軒, 因為突然好想食酸辣米線<招牌豬扒酸辣米線>巴蜀軒嘅招牌豬扒酸辣米線可以揀辣度, 大食妹嗌咗小辣, 覺得比起市面上嘅小辣再辣一度酸辣米線嘅湯底唔係好酸, 而係偏辣嘅, 米線份量好多, 一定夠飽肚招牌豬扒嘅質素有所改善, 豬排肉質肥瘦適中, 配上巴蜀軒嘅獨特醬料, 好有特色<巴蜀麻脆雞扒酸辣米線>朋友嘅巴蜀麻脆雞扒酸辣米線湯底同大食妹嘅招牌豬扒酸辣米線一模一樣, 大食妹就唔多介紹啦巴蜀麻脆雞扒嘅外皮炸得硬脆, 鍾意食煎炸野嘅朋友可能會鍾意呢味<紅油雲吞拼菜肉餃>紅油雲吞拼菜肉餃皮薄餡多, 但紅油同大食妹想像中嘅有啲出入, 味道比較似麻醬<菊花蜜>菊花蜜認真係用菊花沖嘅, 但有少少中藥味, 但相對天然

平時經過見到大大個招牌, 今日就自己一個去試下。本身鐘意食酸辣米線, 但食唔到太辣, 叫左個秘製單骨雞翼酸辣米線(少少辣,)。店內冇咩人, 野食好快到。一黎試啖湯底就知出事, 完全冇酸咪, 亦唔濃郁, 好似譚仔清湯咸少少咁。單骨雞翼4件, 味道一D都唔秘製, 咪就係普遍醃料生抽老抽糖鹽整果D。總括黎講係一碗唔好食既米線, 佢擺係普遍餐記可能勉強合格, 但呢間係米線專門店, 真係一D都唔OK.

Came here the other night for dinner. There are tons of restaurants in this neighborhood and on this street in particular, so it’s easy to miss this spot, though I do recommend you try to find it and give it a try. I believe they specialize in rice noodles, which is what I wound up having (along with a pork chop). You can also customize your order and have other things thrown in as well.Apart from that, they apparently also have pretty good dumplings. The range here is quite wide overall, so I r

外表好簡陋嘅粉面舖頭，其實好好味，諗唔到食咩，就會食呢間。通常會叫 酸辣肥牛米線，佢有大中小辣/小小辣/唔辣，不過我怕辣，又怕冇味，所以會叫小小辣。肥牛就一般肥牛啦，湯底就酸酸地辣辣地，好夠味！入面有酸菜、肉碎、花生，如果一啖過配料連湯底咁食個米線，係好好味！

講到港島區嘅米線三甲通常都離不開金西南、阿一豬扒米線、同埋巴蜀軒😙作為一個非常之鍾意食米線嘅我就經常都會去發掘唔同嘅米線鋪，而巴蜀軒都係我比較常去嘅其中一間🤩呢度嘅湯底除咗有酸辣揀仲可以揀麻辣，而佢嘅餸菜都係非常之出色，講到招牌菜就莫過於係豬扒酸辣米線啦😋順帶一提巴蜀軒仲要係黃店嚟嘅添，又黃又好食嘅米線鋪可以話係港島區係非常之難得💛-招牌豬扒酸辣米線 $40除咗米線之外呢度嘅粉面亦都可以轉配四川份/拉麵/紅薯粉/烏冬🤩餸菜方面亦都有好多唔同嘅選擇，如果想一次過試多一樣仲可以加$8叫雙拼添！我今次就叫咗酸辣中辣，食嘅時候覺得辣味唔算好出大約等於譚仔嘅四小辣到，但係食完嘅時候先開始覺得個口有啲麻麻哋，後勁十足🤣米線嘅質地都幾好，我今次食嘅時候都唔會話會過淋，而且呢度嘅豬扒真係好出色仲要有六大嚿添🤓聽朋友講呢度嘅麻脆雞扒都好好食，等我下次嚟再試試佢先！

what you can expected with just 42$ nowdays?fires pork chop is juicy and tender inside, slighly chrispy outside. perfectly serve with the sour soup is the way of tradition chinese noodle.it just with 42$ and and you wont complaint, thats the reason why it stands over 10 years in saiwan area. 對得住天地良心！

好耐都冇出post嚕咁放假特登去試吓好耐冇食位於德輔道西嘅巴蜀軒叫左個雜錦小鍋酸辣辣米線咁我好鍾意食辣嘅我特登叫左個大辣啦一黎到😑天.......見個樣我已經知唔係好對路食落,真係平平無奇最失望嘅係辣都唔辣下好記得巴蜀軒一開頭係好好食既佢啲肉操 酸菜 同辣係成碗米線嘅靈魂可惜而家......嚴格來講有啲失望

好耐好耐冇食米線，突然間好掛住酸辣米線陣味，本身想去星林居，但係因為交通嘅問題，決定近近地搭車去西環食算<招牌豬扒酸辣米線$40>招牌豬扒真係好好食，炸豬扒舊舊都彈牙可口，雖然係油炸過，但係都唔會話好肥膩酸菜再加芽菜係Perfect match，加埋微辣嘅湯底，令到成碗米線更加加分<雜錦小窩酸辣米線$49>雜錦小窩酸辣米線一啲都唔偷工減料，老實講材料都幾豐富，有牛腩雲吞蝦餃豬腩肉，啱晒心思思咩都想食嘅fatbrown 牛腩炆得好琳好入味唔會咬極都咬唔開，雲吞同埋蝦餃皮薄喊靚，最衰得一舊，食過返尋味

呢間出名食酸辣麻辣米線嘅舖頭除左有得揀唔同配料嘅米線, 例如今次推介嘅招牌🐷扒同豬軟骨之外, 仲有多款特色小食😍 要重點推介嘅就係麻辣手撕雞, 果種令到條脷麻痺嘅刺激, 真係會令你食唔停口!小妹其實唔太食得辣, 好彩呢間店有得揀唔同嘅辣度, 由小小辣去到大辣, 連唔辣都有得揀, 所以唔食得辣嘅朋友唔洗擔心呀😼 至於麵底方面, 雖然店舖推薦麻辣配四川粉, 但小妹試過就覺得四川粉麻麻地, 反而鍾意煙靭嘅紅薯粉, 再索埋啲麻辣湯, 諗起都流哂口水🤤豬扒香口, 啖啖肉, 但四川粉麻麻地, 建議轉紅薯粉🤔豬軟骨夠淋紅薯粉煙韌, 麻辣湯底好惹味, 夠麻味👍招牌菜之一, 必食之選, 麻辣醬汁索哂入雞肉, 好入味🤤

口痕痕想食啲返酸辣野, 落下行下行下先發現附近嘅巴蜀軒開左咁耐, 自己竟然未食過所以買個外賣返屋企食<招牌豬扒酸辣米線 $40>豬扒分量都幾夠, 口感偏軟, 上面灑上孜然粉, 食落唔講仲以為食緊羊肉米線分量比較少, 男仔食可能唔夠飽配料有啲辣菜、花生同肉碎, 都幾惹味嘅

酸辣招牌豬扒米線（小辣）$37 外加半價飲品凍檸水 $8成日搭電車都俾佢既香味吸引😆有一日終於抽空去試呢間最出名的是豬扒😋所以我叫了招牌豬扒酸辣米線🍜豬扒熱辣辣啱啱炸好👍🏻而且有落調味料醃好先再炸，味道不錯米線方面份量頗多，湯底偏酸。而且有少少肉噪和青蔥伴盤😌美中不足係湯底可能落左較多味精😫食完飲好多水都覺得好口渴...偶爾食一次都OK

巴蜀麻脆雞扒酸辣米線🍜 Crispy Chicken, Sour and Spicy Rice Noodles💰HKD36-香茅豬頸肉酸辣米線🍜Lemongrass Pork Fillet Sour and Spicy Rice Noodles💰HKD37-秘製單骨雞翼(細份) Chicken Wings (Single Bone)💰HKD33-👦🏽最中意嘅米線🍜佢嘅湯底濃郁得嚟唔會太油膩，香辣度適中。雞扒同豬頸肉都醃得好入味，雞扒無落好多粉嚟炸所以肉質都保持到鮮嫩，入口唔會好乾。最神奇嘅地方係佢嘅炸雞扒浸好耐湯都唔會變淋，吸入酸辣湯汁之餘又保持香脆嘅口感一流！😍單骨雞翼熱辣辣好香口，深受👧🏻呢個雞翼控嘅歡迎🤤-👦🏽’s favourite Yunnan rice noodles (Mixian). Both the chicken and chicken wings were well-marinated😋. Soaking into the broth for a long period of time, the deep fried chicken pieces were sti

好記得呢間米線係誤打誤撞經過俾佢既香味吸左入去試，係大半年前整親頸椎，係老細介紹下去左附近睇脊醫，個次誤打誤撞就愛上左呢間米線，直到宜家晤洗再覆診，依然會專程過海，正正就係愛..愛上巴蜀軒既麻辣豬排米線。利申: 本人其實平時係好少食豬肉，因為覺得偏肥同埋總會有陣怪味。但巴蜀軒既招牌麻辣豬排係一定要試既！佢醃得好入味，而且係好夠瘦(有機會鍾意食偏肥既朋友會覺得有d乾)。今日33度，熱到不得了！下午茶會送熱飲一杯。見佢有撈麵揀，咁熱的確需要refresh下，所以就試新野。當然要揀番必食既豬排啦，配料有青瓜絲，乾蒜，有d酸汁豉油等等..叫左小辣，整體味道同口感都好夾太肚餓關係，快拍一張就開動lu

西營盤放飯覓食都好多選擇，今日行左去遠少少嘅巴蜀軒。當然行得泥就要試下佢嘅主打豬扒酸辣米缐。人多就緊架啦，不過位都算多好快有得食。我就轉左紅薯粉。先講豬扒醃得入味，炸得好脆好香但肉就有小小韌，可以接受。至於麻辣我已經揀左小辣，但仍然不斷標汗同標眼水，果然刺激。至於紅薯粉就正正常常。久唔久食一次都ok。