巴打

令人食完叉飽電的午餐！返工返到頹頹地試下新野！之前一直都有聽過朋友介紹巴打呢間良心小店，但未有機會去試，今個星期返工返到有D攰決定去食個好西。呢間餐廳食D野都幾特別幾創新，例如有腐魚、蝦醬意粉XDD好似好fusion咁！幾得意！我自己就叫左個咖哩牛肉薄餅，跟餐飲熱檸茶。間小店下午唔算多人，所以可以比自己有一刻的寧靜，節奏慢左，心情都放鬆左。個薄餅好香好脆口，而且足料，本來都擔心大食的自己會唔夠食，但又好ｏｋ　ｗｏｒ！嘆返杯熱檸茶非常滿足！唯一少少建議係個冷氣可以較返細少少，ｄ野食好快吹凍晒有ｄ可惜呀！但真係十分推薦呢間！正正子！…查看更多

一間幾隱蔽既小店CAFE 主打西餐 意粉 漢堡 PIZZA跟套包餐飲同沙律 芝麻醬番茄沙律菜 幾清爽魚柳漢堡配薯條  薯條同魚柳都係即炸既,夠脆口 麵包烘香再抹牛油魚柳厚身肉嫩,咬開見到芝士醬同沙律汁,麵包又夠香口惹味 魚柳嫩又大件~野菌芝士PIZZA 個批底好脆好薄身,滿滿既芝士同野菌片~半溶化既芝士特別香~基本上都係食芝士同脆批底為主~夠曬滋味!抵食夾大件,有水準出品元朗教育路81-85C號元達樓地下6號舖消費$200…查看更多

第一次係呢間鋪食佢既晚餐餐牌同午餐一樣枝豆雜菌豚肉丼呢個我朋友食，佢評語只係話「好好食」😂😂所以我估都應該好味泰式紅咖喱鴨胸意粉咖哩唔算辣，應該大部分人都可以接受個意粉汁好creamy，感覺似係Carbonara鴨胸份量一啲都唔少，絕對對得住良心啡菇三重芝士薄餅芝士可以拉絲而唔會太乾，個餅底有別於大型連鎖店餅底口感似好趣既餅乾，又唔會太硬同乾身凍檸茶甜度適中，唔會死甜，少少茶香但杯凍奶茶就差左少少，無乜茶味美中不足…查看更多

早前入元朗丫髻山睇日落，出發前去咗呢度食嘢，三個人叫咗三個 tea set，我最鍾意吉列豬扒南乳意粉，因為我本身好鍾意南乳朕味，而呢個意粉嘅醬汁南乳味比想像中濃厚，既特別，又好食😋。另一個 tea set 嘅啡菇三重芝士 pizza 質素都頗高，餅底烘得脆卜卜，上面嘅啡菇卻仍然好 juicy，一啲都唔會乾噌噌，配埋厚厚嘅芝士，雖然整體味道較為清淡，但依然好味👍。最後係芝士肉醬熱狗配薯條，呢個熱狗原來係冇腸仔㗎😮，同我哋嘅想像有啲落差，所以雖然味道正常，但係無可否認，我哋係有少少失落🙈，不過見住個哥哥仔拎住樽香草追出嚟，然後煞有介事咁灑喺隻熱狗上面，呢種認真同執著又有分加喎😆。…查看更多

某日午餐時段經過，看到放出街邊既餐牌有樣好吸菜名（蝦醬吉列豬排意粉）,由於我都幾鍾意蝦醬，而且估唔到可以咁配搭，決定一試。*此店為米豬連推介店員好有禮貌，充滿笑容介紹午餐，各款午餐各樣汁，肉類可以互換最後都係直接叫左蝦醬吉列豬排意粉，唔算平，$68 ，但一試就上癮完全估唔到咁既配搭咁夾，蝦醬亦唔會太咸唯一要改善既係吉列豬排既口感，唔係唔好食，但可以更加外脆內軟。題外話, 當日唔記得帶Tissue, 問老闆可唔可以賣包紙巾比我，老闆直接送一包Tempo 比我非常推薦這店！…查看更多