巴依餐廳

營業中

休息中

巴依餐廳係港大附近的老牌羊肉店，名氣鼎盛，店員唔憂做。試完之後覺得質素平平，決定為民除害😀平日傍晚6:15pm黎到，已有唔少枱客，夜啲仲需要排隊。今次都試咗唔少菜式，味道不驚艷，價格偏高，甚至乎坊間的羊肉店質素亦比佢好。烤羊腿 $368（需預訂）賣相吸引，但食落完全唔掂😢好似煲湯肉咁鞋口。羊什湯 $150普通，多羊什，冇乜羊味。酸辣土豆絲 $58土豆絲爽口，但酸味過重，搶晒辣味。羊肉薄皮包子 $180所謂羊肉包子，即係羊肉餃，一籠15隻。算係所有入面最好食嘅，羊肉味比烤羊腿重，有唔少湯汁。唯獨麵粉皮整得唔太好食。新疆拌麵（細）$60其實份量都唔少下，性價比高。麵條幾彈牙，唔錯。但味道略嫌不夠濃，有啲到喉唔到肺。同埋竟然係配豬肉而唔係羊肉😂酸奶 $30呢個OK，偏酸，鍾意乳酪嘅人可以一試。杏仁羊奶凍 $30細細盒，又唔好食。完全冇羊奶味，普通杏仁布甸一個😂

你係咪鐘意羊肉呢？如果係，咁你一定要去西環嘅巴依餐廳啦！巴依餐廳藏身喺水街的倔頭路，餐廳充滿著濃郁嘅新疆風情，秉承傳統烹調手法，將新疆菜味道地道地帶到香港，連續多年獲得米芝蓮推介。1️⃣風味羊扒 $168呢道菜外表平平但係味道一純羊扒炸得外脆內軟濃郁嘅肉香氣難以抗拒面上撒上孜然和香料襯托出羊扒嘅味道令人回味無窮呢道菜係一道令人著迷嘅佳餚絕對值得一試2️⃣熗苞菜 $48熗苞菜啖啖清甜炒出嚟口感爽脆加上辣椒，少少辣夠刺激3️⃣ 清燉羊肉湯 $50如果你係一個愛飲湯嘅人，清燉羊肉湯絕對係你嘅最佳選擇。湯底清香，清燉出嚟嘅羊肉口感軟嫩入味，有補身滋補功效。4️⃣ 杏仁羊奶 $30香滑滑，觸口即化，滋味濃郁，夠杏仁香。羊奶香濃不羶，My favourite ❤️❇️總結❇️價錢實惠，食物份量大食到真正的新疆味道晚上經常爆滿，建議提早預約

今日經過朋友嘅介紹，佢話呢間餐廳嘅樣好特別，係新疆嘅味道，所以我同朋友放工專程過去，之前兩日前已經訂咗位，因為咁遠過去驚無位。入到去餐廳嘅時候已經爆滿晒所有嘅客人，而且佢地方比較偏僻，但係都有很多客人，而且坐滿了位置，出面嘅裝修好懷舊，裏面嘅吊燈好特別好復古，所以忍唔住影嗰張相，而且後面有一張好大嘅地圖作為擺設，我覺得好靚，本身想同朋友食個羊肉餃，但係因為一盤實在太多，佢又唔可以叫四粒，所以放棄咗，我同朋友兩個人點咗一個烤羊排，我覺得呢一間餐廳烤羊牌好香，係我食過咁多間烤羊嚟，講真係第一名今日味道好濃，而且啖啖肉，另外我哋叫咗個手抓肉份量非常之十足，佢每一淡都係好嫩肉，而且一啲都唔鞋口，但係我覺得有少少失色嘅就係，佢乜醬汁，只係俾咗一啲辣粉我哋，令我哋叫咗新疆老虎菜其實即係味道酸酸地，好似平時啲沙律咁，不過佢用青瓜同洋蔥做主要嘅蔬菜，最尾我哋嗌咗一個羊肉燉湯，我覺得呢個一啲都唔好味,但係有三舊羊肉,最尾叫咗一個羊奶做甜品，佢係杏汁嘅味道，本人覺得羊奶唔夠味，所以但係佢個口感好滑，所以總括嚟講其實我都覺得呢間餐廳好值得一試。

味道很一般 服務巨差我跟朋友6點過一點點去的，剛坐下來要點大盤雞，有個短頭髮很瘦的女店員就阻止我們，說什麼要我們7點半離開，大盤雞很費時間？！我沒理她還是點了，結果上來一盤像是剩菜重新熱一下那種溫度的，很難吃。有點了土豆絲，基本沒味道。酸奶還可以7點還不到店員就跑來開始趕我們走，叫我們打包，真的很討厭。最後結帳的時候，他們一口水都沒給我們，居然還收了一個人5塊錢茶水。真的拉黑，絕對不會再去了。比它家味道好的多了去了，服務也比它好，誰去它家找不痛快啊。而且還難吃死了

本人需要關注血糖飯前要食藥佢寫明收$5茶介枱面只得滾茶表明話要食藥可唔可以斟杯溫水？黑面話冇🤷🏾‍♂️咁我諗住自己出去買支水飲啦，由邊度枱面又寫住外來飲品包括汽水，唔係酒…每樽要收$50🤷🏾‍♂️我比$50來食藥再食飯？真係鬧佢都費事嘢食就可能我可能我叫唔啱啦真係一般般🤷🏾‍♂️不過佢呢個地段價錢為超貴，好又一餐，唔好又一餐嗰頭冇乜餐廳如果住嗰頭都方便嘅不過冇乜事就奉勸大家唔好啦你食好唔好食就見仁見智態度就大家睇返啲留言應該都唔係我一個咁講

第一次光顧，原打算星期五晚做晚餐，電話預約回覆無位，心念一動改為翌日星期六早一點下午6時吧！哈哈哈😂有位，說實話我們來目的就是品嚐新彊烹羊的味道，一開始除了開胃頭盤「新彊老虎菜」和「涼伴豆腐」，其他均是羊：羊羊羊，最後來客杏仁羊奶凍做個完美句號，雖然用膳時間只限90分鐘，我們一行人均吃得滿心歡喜，值得一讚的是客人雖多，但店舖員工服務均是一流。

位於西環水街,唔算太難搵,由上而下比較近,而由第三街上去就要行啲斜路同樓梯. 餐廳唔算大間,我哋26人都佔據咗大部分嘅座位,亦都要分開3張長枱嚟坐. 有啲食物要預訂,其他都可以即時落單. 訂位分兩個時段,六點或者七點半,咁我哋因為有人放工比較晏,所以訂咗七點半. 又可能因為我哋人多,所以訂位嘅同時要俾兩千蚊訂金,都算巴閉!今日預先訂咗四隻烤羊腿,烤羊串,羊肉薄皮包子,其他各人想食啲乜嘢就再叫! 7:45先至嚟個烤羊腿,之後等咗差不多半個鐘都未有第二個菜,但未夠8:15就話last order係8:30! 結果喺唔知食埋啲包同羊串夠唔夠飽嘅情況下,我哋張六人枱就加咗個手抓羊肉,酸辣土豆絲同埋羊雜湯. 另外隔離枱叫咗個大盤雞食唔晒,又拎咗過嚟俾我哋試吓!烤羊腿賣相唔錯嘅,不過可惜只係和暖,唔夠羊肉味而且唔入味,要靠啲有咸味嘅孜然粉嚟提鮮! 可惜! 烤羊串算係幾大串,可惜烤得過熟,羊肉粒死死實實,真係唔慌唔夠chewy😅羊肉包子反而有驚喜,最有羊味,而且包子餡料用咗小粒粒羊肉而唔係絞碎羊肉,所以口感唔錯,幾好味😋手抓羊話好有名,不過希望越大失望越高,真係好一般嘅貨色! 羊雜湯勝在夠熱辣辣味道

最近烤羊腿比不上以前的好食， 羊腿大了一倍多， 許多肥油， 肉質十分老， 騷味濃， 猜想不是餐廳一向所推廣的紐西蘭羊腿， 一問三不知， 來歷不明。服務態度不理想， 上啤酒不給杯， 要求了三次， 才給一個小茶杯， 服務員說沒有玻璃啤酒杯， 非常不專業。我們兩位進入後只許坐兩人用的小餐桌， 有如玩象旗的旗盆的大小， 要求坐卡位不被同意， 要多了幾個菜， 放不下， 非常狼狽。 到食完， 仍有三個卡位從未有客人。餐廳的規矩似乎十分重要。餐廳沒有什麼裝飾， 衛生條件非常一般。幾個月前做了一些推廣， 但由於食物的退步， 生意最近淡了。

这个店整体感受超级差，整体服务超级差，我们6:25到达餐厅，服务员直接带我们入座后，但没有提醒我们收台时间是7:30，我们7:25点饮料的时候还继续让我们点，结果7:30开始赶人走，短头发的服务员扯着嗓子喊，太没素质了。食物整体也一般，手抓饭没有味道，土豆丝和呛生菜也没有味道，超级不推荐！！！中间要换菜点的时候 店家特别不情愿，找了各种理由来推拖，最后好不容易终于说服了才很不情愿的给换了，其实那时候刚点菜3分钟，他们肯定没有跟厨房下单。

d待應態度衰到一個點好似你要乞佢咁，服務咁差真系香港罕見。永遠唔會再去。味道叫OK既，但食完一肚火，幾好食都無用。想響度寫粗口架喇，但應該唔比post。希望佢地快d執唔好阻住個鋪位。

一直想試公司附近的這間巴依餐廳，今日終於約到人一齊食，12:30去到已經滿晒位要喺門口等等咗15分鐘先可以入坐。叫咗兩樣嘢，午餐食啱啱好。烤羊排$99新鮮烤好上枱時仲熱辣辣，羊肉一啲都唔鞋，非常之嫩滑，調味亦唔會太濃蓋過咗羊味，同時亦都唔會太膻，加埋孜然粉一齊食完美。羊雜湯$80呢個係Menu上面冇嘅，只係貼咗喺餐廳牆上，因為屋企人好鍾意飲湯，今次就試左羊雜湯面。份量好足，而且羊雜一啲腥味怪味都冇無，處理得好乾淨，調味亦都啱啱好個湯就咁飲都唔會覺得太鹹加試面一齊食又唔會太淡啱啱好。不過一定要快啲趁熱食，因為食到後面凍咗就會覺得有啲油膩。我覺得兩個人午餐一個主食，一個烤羊就啱啱好，但一定要記得早啲去，越晏越多人。

一直都好想試吓呢間嘅新疆菜，咁岩我地三個都好鍾意食羊肉，就Book咗六點鐘枱，但已經話烤羊排賣晒😮‍💨新疆老虎菜，開胃配肉解膩一流。烤羊串不可少，$99兩串，所以我哋嗌咗兩份，肥瘦均衡，撒上孜然粉同辣椒面🌶️酥酥脆脆，和啤酒超級配，強烈推荐！手抓羊肉非常嫩滑有肉汁，用手抓著吃，豪爽份量足！羊肉薄皮包子，已經小心翼翼夾起，仍然每粒都會穿窿，肉汁流走晒🥺燴苞菜正正常常，杏仁羊奶凍，Q彈香滑奶香濃厚❣️整體喜歡吃羊肉的朋友表示唔夠羶味，可能配合返香港人口味🤭同埋限時90分鐘就真係爭少少🤏🏻

朋友邀請下一試， 我最鍾意食嘅係要提早預訂嘅烤羊腿， 佢係整得幾嫰滑，但都唔係話令我想講好食，冇咩羊羶味🫢我覺得平時食個啲羊腩煲仲正 …另外，食咗老虎菜，佢係係酸酸地嘅沙律菜，都幾清新， 最正係有生洋蔥😁，但要一大匙擺啲沙律落口食先食到個種酸爽感， 唔錯嘅。羊肉薄皮餃子就真係做到薄皮，但一夾就穿， 味道都係ok而已，屬配料嘅陳醋反而仲正😂酸奶同杏仁羊奶凍ok,幾易入口，淡淡羊奶味，但無咩記憶點。Overall黎講,我覺得真係比較普通，羊肉好瘦（我偏好有啲肥肉），肉嘅調味偏淡，食唔到新疆菜應有嘅惹味感覺，而且羊味唔重（如果鍾意羊羶味嘅人應好失望）。 btw, 間嘢好多內地同胞食，可能只係間嘢口味唔多岩我啦🤣但佢拎過咁多次michelin 真係令我有點摸不着頭腦😅

記得以前係大陸新疆菜館食過羊肉手抓飯，念念不忘，搵下香港有無，得寥寥可數個幾間，咁岩出開港島就過黎試下😁食既時候係夏天，但都忍唔著叫個羊肉湯試下，好彩有嗌！真係好暖身好正！冬天一定要黎再飲！羊肉串大大串，咬落好香好夠味，好食！手抓飯不過不失，記憶中係大陸食既比較濕潤，呢到較乾身。羊肉份量唔多，下次會叫烤羊排試下。大盤雞無乜特別，我prefer食辣子雞或雞煲多啲😂😂身為新界人出到西環真係有啲遠，而且價錢唔平架！不過係一定會encall之選😊

一年前嚟過一次，嗰次阿哥話帶我嚟試新嘢，其實對佢嚟講一啲都唔新，因為佢自己就幫襯咗好多年。佢話老闆娘去新疆旅行識咗個當地人，即係而家嘅老闆，千里姻緣從這開始。佢話嚟呢度一定要食手抓羊，今次我哋當然都有order啦。不過如果怕羊肉嘅「蘇」味，同埋怕「漏」，咁最好就同人share －塊，因為好大塊。我哋今次仲試咗洋蔥羊肉飯同京蔥羊肉飯。京蔥嗰個好食啲。😋 平時我都唔係好食內臟，今日阿哥點咗個羊雜湯，羊肝切得好薄，連乜肝都唔鍾意食嘅我，都覺得好okay。雖然$150都值得一試。有湯、有肉又有飯，加埋個炒菜就perfect啦！個菜雖然肥咗少少，但係好有回鍋肉入面啲菜嘅風味，好食。最後我哋試咗新嘅甜品：酸奶涼糕，本來想一人一份，好彩店員話都好大份，同埋有糯米，應該唔使一人一份，於是叫咗一份試吓。果然係好大份。😅呢個超好食😋😋，值得推介，之前阿哥話酸奶啲味好怪，不過今日連佢都讃好。👍🏼👍🏼