巧手製作

營業中

休息中

行經見到巧手聯乘Sanrio推出布甸狗包點同甜品，造型可愛。聽講布甸狗喺Sanrio嘅長期No.1受歡迎角色，加上每日限量發售，相信今次又會引嚟斷貨熱潮😂。.📍Pompompurin奶皇包 （$20）呢個以布甸狗造型嘅奶皇包賣相做得好傳神！一次過買晒2款唔同表情，睇落完全冇走樣，喺幾可愛嘅😌！奶黃餡料唔會過甜，不過如過喺流心會更加正🤟。不過始終喺造型包，一定用多咗麵粉去整個樣，皮比平日厚咗啲，但都鬆軟！ ..📍Pompompurin焦糖布丁燒 （$18）估唔到今次出埋焦糖布丁燒🍮 ，老實講我哋對嗰甜品更加有興趣😙!上層喺印有布甸狗頭🐶嘅芝士蛋糕，口感鬆軟。配合中層滑溜又香蛋味嘅雞蛋布甸🥚同底層嘅焦糖，食落真喺幾香唔會覺得太甜，味道同口感都幾豐富😚🤟🏻。 

繼上次My Melody超萌包包之後，今次路過又見到有新款推出，雖然冇主題公仔咁吸引，不過來一個聖誕雪人都幾應節呀~睇見海報出左四個公仔款，係我唔知買邊款嘅時候，店姨姨就話咁靚就緊係買哂四個款，就咁就入手了。兩個今日做下午茶，兩個留返明天早餐，咁都唔錯~聖誕款式都有點點聖誕包裝~每一個聖誕包包就會附送小裝飾，等我地可以幫雪人扮靚靚先，聖誕雪人又真係幾可愛哦~買返嚟既時候就係凍包，所以食之前就需要返蒸熱，只需要隔水蒸八分鐘先可以食呀(未食嘅時候記得要放入雪櫃下格)~整體上紫薯包都唔錯，夠味得嚟又唔太甜，係好食嘅。不過....如果可以再多少少紫薯餡，咁就應該更加好味。最重要係食完真係勁飽呀...哈哈哈~雖然造型包包比普通嘅包包係貴左啲啲，不過間唔中推出買嚟食下，食起上嚟都會開心啲，唔知下次有咩公仔包包推出呢？

巧手係唐記包點嘅姊妹店，咁我今日就嗌咗鹹蛋肉餅飯外賣，的確係幾方便嘅。鹹蛋肉餅飯 $24叫鹹蛋肉餅飯時，姐姐都會俾啲菜你，同埋會問你要唔要豉油嘅。咁巧手就係將豉油一包包Pack好，會擺喺外賣袋入邊，咁你可以自己返屋企先再揀落唔落豉油，就唔使怕啲飯冧晒。咁鹹蛋肉餅飯嘅鹹蛋係半隻，今日嗰隻都幾靚。肉餅加上馬蹄mix埋，肉餅質感就比較冧身，始終係機整。我覺得佢都算OK，正常發揮，但就幾方便又快捷。

話説見到好多朋友洗版分享，不過屋企附近冇得買，所以只得個恨字。 剛剛係屋企附近嗰間姊妺店見到，緊係即刻豪不猶豫買返屋企開心下(我仲買到last set...so lucky)~ 一行到入去店舖，已經見到有MELODAY嘅小佈置，好可愛呀~ 唔止包包做得靚，連包裝都係勁靚嘅Melody，好有主題點心店feel呢...哈哈~ My Melody 雙色餃點心盒，一盒4件嘅雙色餃點心盒，分別兩件蝦餃同兩件菜肉餃。蝦餃嘅蝦肉都好爽口彈牙，不過我個人就比較鐘意食粉紅色餃皮嘅菜肉餃，好足餡呀~ 由於兩個飽飽都係以凍包購買，所以買左返屋企就要隔水蒸八分鐘先可以食呀~ My Melody紅豆包以立體造型，可愛度爆燈，超萌真係唔捨得食呀~ 唔止得個樣，佢個紅豆蓉都唔錯，有紅豆香之餘仲一啲都唔甜，讚呀~ My Melody菜肉包雖然都冇咁特別，不過將Melody印係菜肉包上面，望到都增加食慾呀~ 飽飽入面都好足料呀~ 一系列嘅My Melody點心每日都係限量發售，真心覺得靚得嚟又好食，所以各位粉絲要快手入貨啦！

Lipton同蒸包crossover🤩流心奶茶包今次係第一次見奶茶味嘅中式蒸包，撕開真係超級流心，啲奶茶餡即刻係液體狀咁流哂出來🤩雖然係會周圍滴到，但味道都算唔錯❗️exactly 係茶餐廳洗式奶茶嘅味道，用花奶沖成茶味偏濃的口味，鐘意台式奶茶嘅人可能失望了🤣因為真係茶甘味幾出，整體都唔算甜

流心奶茶包（$6）唐記/巧手又推出新款包價錢仲要係$6都幾抵包身一貫水準係鬆軟嘅今次個流心餡做得唔錯超級流心🧡一撕開就把把聲流出嚟個餡有少少奶茶味☕️唔會太甜亦唔會過杰口感都幾順滑👍🏻不過唔知點解好似比平日細個d咁嘅🤔

雞雜講到明要等10分鐘左右，OK冇問題但係點知佢一早整定啲腸粉擺咗喺度成20分鐘 叫我攞返屋企食，咪凍哂囉 ，可唔可以換過碟，跟住仲話冇㗎喇，我收爐㗎啦，我退返錢俾你囉，我當然話好啦，但係腸粉師傅咁嘅服務態度令我好唔滿意 記住藍田啟田店 要等千祈唔好叫腸粉 係會凍哂先攞到返屋企食。

近來屋企做咗無飯家庭，常常都要外出吃飯。今天就試咗呢一間鋪頭，留意返呢度主力做外賣生意，得一張企台可以食嘢，所以就叫咗外賣回家。呢度嘅蒸飯好抵食，會有每日精選，$17就有一大盒，絕對係飽肚之選。不過，飯就略嫌有點濕，如果可以乾身啲就更好。另外，值得一讚嘅就係佢嘅手工腸粉。即叫即蒸，十分新鮮，米香濃郁，試咗翡翠鮮蝦腸和香蔥蝦米腸。翡翠鮮蝦腸，有點失望，明顯是冰凍蝦，有啲雪味。反而，香蔥蝦米腸有驚喜，好香口，不用落豉油已經鮮味十足，值得推介。

今日在藍田附近買完野後見到巧手製作，有即叫即蒸的腸粉外，還有多款蒸包和蒸飯，便每樣買了些來食。秘製叉燒腸，見到職員在現場即叫即蒸，效率頗高，腸粉滑溜香甜，皮夠薄而滑，熱騰騰，叉燒香甜嫩滑，份量適中，點甜䜴油食好夾。燒賣，肉質嫩滑多汁，豬肉份量多而鮮甜，不帶油膩感。雞扎，腐皮薄而滑溜，包住芋頭，雞肉同冬菇等，味道豐富。香芋包，包子鬆軟香甜，入面有熱騰騰的香芋蓉，香甜滑溜，有很濃郁的芋頭味。黑豆漿，冰凍可口，甜度適中，豆漿味道香甜。

之前喺啟田成日都見到呢間巧手製作，門口有好多人買，不過一直都未試過，今日行過嚟呢度探朋友，所以就順道去買外賣，上朋友屋企食，夏天熱辣辣，其實買外賣返屋企食，都係一個好好嘅選擇。今次買咗兩個梅菜肉餅飯，梅菜好香，肉餅蒸得幾好，再加埋質地都算唔錯嘅辦法，其實食完一個飯合都已經好飽。另外又買咗幾個菜肉包，菜肉包又大個又好吃，啲麵粉好靚，所以荷包嘅質感做得很好，彈牙，買咗三個可以當下午茶或者早餐。另外買咗一個番薯包，中式嘅番薯花真係未食過，原來都幾特別，而且番薯好甜好香，係中式甜包嘅另一個好選擇。最後嘅蝦米蔥花腸粉，做功好玩，蔥花腸粉好香，真係唔錯。總結來講，唔使$100可以買到咁多嘢食，夠我哋三個人食一個午餐，而且有剩的做下午茶，真係平過出街食太多太多了。

呢日中午大帝話想食糯米雞！！之後女皇又話要食蝦腸....所以做細既小妹收到order之後就去做外賣妹~~呢日係菜肉包做梗價惠，十蚊有三個，但今日又唔太想食包，所以就無要嚕！！本身想要個今日做特價既“鳯爪排骨飯”，但太好賣，咁岩賣曬，要等成廿分鐘先再有~~肚仔餓既我就無等啦，決定同女皇一樣都係食蝦腸xpp諗住要14蚊3隻既鍋貼又未出，咁就唯有下次啦...... total 要左兩份“蝦腸”HKd$19×2，一個“糯米雞”HKd$24，兩老就要“芝麻豆漿”HKd$9×2，我就加左HKd$4.5要左罐可樂=]]]趁住d野食未凍，就梗係要先開動啦啦啦啦！即製既腸粉夠滑，入面既蝦仁爽口，質素不俗！！！而大帝既糯米雞依舊大大隻兼足料~~~簡簡單單咁又一餐嚕！！！

行過呢間巧手製作，發現又有粥又有腸粉賣，當然要試吓。好鍾意佢有素食粥，係番薯粟米粥嚟㗎，營養豐富，又有好高纖維，又可以補充到維他命，正呀。食落去粟米同番薯都好香甜，粥底有落到小小鹽去調味，唔會太淡，好味呀。鮮蝦腸真係多料到預計唔到，有成十幾隻蝦，仲係好大隻，酒樓都食唔到咁足料。腸粉夠滑，啲蝦都好鮮甜，超級抵。番薯包同埋糯米卷都好足料，朝頭早食夠晒飽肚。最緊要兩樣野都好健康！可惜呢間分店冇新出嘅阿華田包，又要去其他分店搵喇。順帶一提呢間鋪頭嘅店員姐姐態度超級好👍🏻👍🏻👍🏻！

自從俾我發現藍田除左有唐記之外，仲有哩間巧手製作有媽咪鐘意食既蒸飯同點心，健康即叫即正，仲要係瓦煲蒸出黎架啵，價錢相當親民，今日帶左媽咪黎買外賣🤗🤗🤗12點半去到，多人到不得了，大排長龍呀，不過職員好快手呀，唔洗等好耐😋😋😋我地嗌左三盒「鳳爪排骨飯」「雞扎」「蝦米腸」，係打包既期間，媽咪係咁讚啲「鳳爪排骨飯」好大碗，熱辣辣，番到屋企即刻打開，仲係熱辣辣架，oh my god「鳳爪排骨飯」好大盒，勁足料，排骨大大件🤪🤪「雞扎」又係好大份腐皮包到實一實，材料豐富🤩🤩「蝦米腸」即叫即拉，熱辣辣，好新鮮😋😋😋😋哩度真係大件夾抵食喔🤝🤝🤝🤝

連續幾日紅假，應承左去小表妹小表弟屋企陪佢地玩~~玩到餓餓地，就同佢地一家人落左去買茶點xppp舅母話佢地平時最中意食呢度既叉燒腸同叉燒包，前兩日先買左腸粉俾佢地做早餐~~~呢日問佢地想食乜，佢地就即刻話要食叉燒包xpp咁就帶埋佢地落黎買包啦：）舅母除左買叉燒包之外，仲買左當日既特惠凍包~~10蚊就有三個香菇雞包，咁又真係好抵食既！！！！小表妹要飲白豆漿，小表弟就飲黑豆漿~~呢兩個傻豬都幾食得，每人食左兩大個叉燒包之後仲飲曬成枝豆漿添啵！！而我就無食到包，反而食左個煙煙韌韌既紅豆砵仔糕值得一讚既係，呢間分店既店員姐姐超好笑容又有禮貌

在藍田工作多達兩個月，啟田商場的餐廳大致已經試過，今次同同事試試新意思，巧手製作外賣店。選擇多，價值仲好抵，仲有每星期每日都有出位價，蒸飯17元，去哪裏找，眼見好多街坊買回去，值得一讚有街坊自備食物盒。凰爪排骨飯（$24）：蒸飯新鮮，剛剛蒸起，而且夠大大碗，豉油汁甜甜的，仲會有椰菜章魚肉餅飯 （$24）：也是即蒸的，肉餅厚厚，少少章魚味鵪鶉蛋燒賣（$16）：懷舊的點心，有三粒，有大酒樓的風範。翡翠鮮蝦腸 （$19）腸粉見個姐姐即製的，在收銀台後面即刻倒米槳，好滑，而且仲有大大條韮黃。蒸飯加五蚊及九蚊就可以有罐裝咖啡及豆漿了