巧手製作

營業中

休息中

這天因為工作需要，前往了將軍澳工作，到了下午茶的時間，我的肚子真的太餓了，於是找了一家性價比極高的中餐。餐廳位於坑口附近的商場之內， 冷氣充足不在話下， 餐廳更提供每日特價的蒸飯，即製的飯品當然味道更佳，口感一流，米飯清晰分明，米香十足，而這天的特價就是鳳爪排骨飯，沒想到鳳爪排骨的比例剛剛好，兩件鳳爪配搭六件排骨，恰到好處的比例。另外點心方面，我最喜愛的就是燒賣，全因為肥肉與瘦肉的比例剛剛好，有如大酒樓般的味道。

日式牛肉夾饃HK$19 牛肉醬汁好特別，味道濃郁入口很香。外皮口感十足，裡面仲加左生菜，口感無咁油，依個配搭一流！仲要咁平，買黎早餐午餐，都夠飽！咸蛋肉餅煎飯HK$20，每日精選都有唔同款式既飯做特價，原價$26 每日精選就$20，性價比高；肉餅飯上面有大大粒咸蛋黃真係個肉餅既精華，肉餅唔洗加豉油都好夠味，豬肉有彈性有咬口有質感，又唔會好肥或者油 雞扎$17 大大件好足料，裡面有雞件火腿魚肚芋頭，非常入味，正

和風牛肉腸$19腸粉皮夠哂滑，一打開已經聞到米香味夠之餘食落唔油；唔知係咪細個同爸爸媽媽飲茶洗左腦，一諗「點心」就諗起「燒賣」。 所以每次食燒賣都特別開心，特別有愛。 唐記仲有鵪鶉蛋燒賣，熱辣辣送到我手上，真係忍唔著要偷食一粒先！咬一啖仲要有少少汁流出黎。味道好好， 童年回憶番哂黎。金錢肚$17 沙嗲味道香濃，金錢肚一格格的外表特質令更多沙嗲汁停留係表面。 金錢肚沒有怪味停留，即是金錢肚清洗處理相當恰當。 口感上就証明金錢肚沒有洗得太過火，依然爽口！

今日返工又遲到 ， 所以趕頭趕命買早餐 ， 屋企樓下最近開咗呢間中式包點鋪 ， 可以講話非常就腳 ， 因為呢度只係佢哋嘅鐵站大約五分鐘路程 。遲到要請食早餐是常識 ， 所以我刻意點要比較多的份量 。今日點了和牛腸粉，蝦腸，燒賣，排骨飯，一樽海鹽檸檬柚子蜜這間巧手蒸飯點心店確實比以前唐記多了很多選擇，腸粉都是賣點，以大約二十蚊食到又大又滑的腸粉，勝價比好高。飲品都好高質，柚子和海鹽味都好夾。燒賣都好大粒，也不是好油。總算趕得切返工。

天氣熱辣辣懶得煮喺Tko gateway買野返去慢慢食今次幫襯左 巧手製作佢應該係同唐記同一集團買嘅嘢相類似不過！竟然比我食到一個超級好味嘅嘢！我見前面個中學生叫咗個肉夾饃咁我就貪得意試吓啦要咗一個日式牛肉肉夾饃我自己就唔鍾意熱辣辣即刻放入口嘅始終係街食嘢又唔係咁方便咁呢～返到屋企凍左先食啦～嘩！都超級好味！夾左好多牛肉又有生菜& 洋蔥就算食到落去中間同最後都仲有牛肉！好多料牛肉係薄薄地但係非常之惹味而且有少少黑椒汁！汁又唔會多到流晒出黎，依樣抵讚👍🏼鹹鹹地嘅牛肉，清爽嘅生菜同埋帶少少甜嘅洋蔥配埋白色嘅包我真係估唔到成舊嘢咁好食所以星期日放假都特登拉左男朋友一齊再食😁😁😁😁除咗依個新嘗試之外仲食咗佢哋嘅叉燒腸同埋章魚肉餅飯腸粉正呀係即叫即整而且叉燒都好多腸粉又夠滑～仲有少少蔥花🤤至於個章魚肉餅飯竟然只係$20佢平日午市嘅時候，會有一個飯係當日精選，特別平但係份量不變仲要有啲新鮮蔬菜係側邊食起上嚟都冇咁寡～經過左今次發現原來依間野認真平靚正鍾意外賣嘅人有口福了題外話我見有啲人嗌外賣有自備飯盒👍🏼👍🏼如果下次出開坑口買餸都可以帶定個盒黎巧手製作買份腸粉返去慢慢嘆😁😁

平日食住家飯食得多有啲悶，今日特意同屋企人嚟到樓下呢間巧手製作，買啲包點返屋企分享。同一般唐記包點唔同，呢間分店多左肉夾饃同埋茶樓點心。喺大陸食過肉夾饃，通常只有豬肉款式，呢度加入左好多新元素，除咗豬肉之外，仲有日式牛肉、咖喱等款式，几有新鮮感，而且$19價錢合理！唔好睇佢上鏡好似好細件咁，其實長過一隻手掌，好過麥當勞漢堡包，裏邊嘅豬肉份量好多，特別欣賞肥肉比例不多，真係啖啖肉，一啲都唔油膩，仲有生菜同洋蔥，食完都幾飽肚。仲有個夾包唔係空氣包，類似饅頭質地，不過濕少少，如果調味冇咁甜就好啲啦，餡料係鹹嘅，個包有少少甜，配搭不太自然，不過整體質素都不錯。去到想食腸粉，但店員話要等一陣，結果就成功買到熱辣辣嘅腸粉！牛肉腸粉好滑好香口，粉皮值得大讚！牛肉碎份量都唔少，而且幾有牛肉味，用料新鮮！禮多一個章魚肉餅飯，通常去茶餐廳嘅肉餅都係細細塊，呢度有成隻手板咁長，肉餅好有咬口，雖然肉係打碎左，但仍然保持肉嘅質感，仲有好多章魚粒！係咁多款包碟裏面，最鍾意食沙嗲牛肉，呢個款式新出冇耐，已經心得我屋企人鍾意，特色在於沙嗲醬汁好友港式風味，好似沙嗲牛肉公仔麵嘅嗰種味道，而且餡料份量夠大，$7.5好抵食

平時食得正餐多，今日想轉下口味，買咗煎包同點心同屋企人分享，落到樓下先見到一間同唐記好相似嘅鋪，叫做巧手製作，望吓餐牌先知道原來係同一個集團，不過比唐記更多選擇。平時唐記只有蒸包，難得呢度有香煎包，梗係要試吓啦，呢度嘅添包唔太油膩，表明夠乾身，有少少脆口，不過帶到返屋企都有少少水氣，都係趁熱食好。香煎包有幾款，買咗蔬菜香菇、菜肉，蔬菜香菇包本身比較淡口，調味不錯，味道適中，感覺比較健康，而且外面剪過，有啲似煎蔬菜餅。菜肉包嘅餡料份量都算多，採用嘅係瘦肉，唔會肥膩，不過肉質嘅口感可以改善，依家感覺上啲肉搞得太碎，失去咬口。幾欣賞沙嗲牛肉包，牛肉份量都係幾多，而且沙嗲味突出，食落有啲似沙嗲牛肉米粉嘅沙嗲醬汁，係熟悉的港式味道！外皮保持一貫唐記水準,夠鬆軟，帶點濕潤👍🏽另外仲叫咗牛肉腸粉，牛肉粒質量尚可，有傳統酒樓嘅味道，而且腸粉非常滑口，真係喺鋪頭新鮮製造，排咗隊一陣先買到㗎。　依家出去食餐飯一下子都$40-50 ，偶然買下簡單嘅包點做午餐都係幾好嘅選擇。

朋友相約於將軍澳吃飯，當然朋友下班之後一定要吃點小食，朋友就建議前往將軍澳商場內的中式點心店。 這家中式點心店距離鄰近地鐵站，坑口站只需五分鐘路程，地利上十分方便，加上商場冷氣充足，夏天前來也不會覺得悶熱，溫度適中，絕對是休閒好去處。我點選了咖哩雞柳肉夾饃， 就是簡單的兩塊中式包配合中間的咖哩雞柳，當然咖哩味十足，香濃可口，配合適量嘅椰香味，令到咖哩層次更加豐富，味道分明， 另一驚喜，就是雞柳鮮嫩可口，完全沒有冰鮮雪味，吃起來還以為是鮮雞，但我絕對明白，沒可能這麼著數。

屋企附近有巧手蒸飯包點專門店, 我經常放工後都會幫襯, 最近見佢地出咗一個新的飯, 於是今晚收工即刻買來試一試啦, 原來呢個丼飯, 佢哋係會即叫即做嘅山賊牛肉燒丼😍😍山賊呢款調味係有啲黑椒同埋蒜蓉嘅味道, 唔會話好辣, 加埋少少洋蔥, 牛肉亦都非常之腍, 好好味生薑豚肉燒丼👍🏼👍🏼我自己其實好鍾意食薑㗎, 於是見到呢款丼飯就梗係會叫嚟試吓啦, 個豚肉肉質唔錯, 加埋陣陣生薑嘅味道, 非常之開胃好味巧手磨米腸😋😋呢個腸粉充滿米嘅香味n 正常佢係會有一啲葱灑喺上面, 但係因為屋企人唔食葱, 於是就叫咗走葱, 加咗佢哋嘅豉油, 非常軟滑

今日約左朋友傾d野 時間唔係好多所以黎左TKO gateway 睇下有咩好食見到呢間巧手製作都多人排隊餐牌上面既野幾得意 除左傳統點心蒸包仲有d丼飯夾膜包幾吸引山賊牛肉燒丼$29 份量好足夠 牛肉煮得好入味 送飯一流個味道日式得黎又有點中式 幾特別😂翡翠鮮蝦腸用料一d都唔馬虎 原隻鮮蝦 都幾大隻彈牙個腸粉真心唔錯 好滑 就算凍左小小都好滑鵪鶉蛋燒賣三大粒 好夠味 燒賣唔會過多肥豬肉 成粒食最正 好夾既配搭雞扎好足料 入面有芋頭 豬皮 豬肚 雞肉蒸菜肉包入面既餡料結實 好足夠而且唔會話好多肥豬肉 但係都好多肉汁香煎菜肉包 味道同蒸既差不多 但由於外面煎過所以有點微脆 入面餡料同樣豐富由於時間唔多 同朋友快快手叫左幾樣野share點知全部都好好食 仲要好抵食 下次再試其他

好耐無試過買外賣返公司食喇，星期六兩個努力工作嘅人唔想出去等位影響收工時間，所以決定食呢間有肉夾饃同其他點心嘅外賣店。呢間外賣點心店都係唐記包點嘅集團，點心類嘅味都係差唔多，飯類就多咗選擇，另外仲有腸份，味道都可以。兩個人每人幾十蚊都幾飽。飯，點心，飲品有套餐。可能係世界上最早嘅中式漢堡包，生薑燒豚肉肉夾饃，同西式好唔同，包比較無咁乾，有咁上下厚度，口感紮實啲，又唔會吸晒中間嘅汁變到淋晒，幾好味。鵪鶉蛋燒賣，呢個一般，我覺得傳統燒賣好食啲。雞紥，呢個都係一般，可能擺得耐，腐皮乾乾哋，有啲細件。翡翠鮮蝦腸，當然無得同布拉腸粉比，無嗰種軟滑，但都算唔錯，蝦都幾多，腸粉又唔會太厚粉，豉油就唔記得比。糯米雞嘅賣相有啲差，有隻雞翼，冬菇，鹹蛋黃同碎肉醬，唔錯。鳳爪排骨飯，好耐無食過，好似比唐記好，餸多啲，飯無咁硬，幾好吖。

平時通常食依度嘅蒸包或者蒸腸粉今次就要食蒸滑雞飯佢嘅份量都算唔少又有菜啲雞真係好滑好林下次叫佢俾多啲豉油先得本人比較鍾意多豉油依間野不嬲水準都唔錯會繼續幫襯佢佢出餐又好快

平時黎親呢度都會買近門口嗰間韓國嘢食今日要食清淡啲所以行咗入去買個齋腸粉食食落去好軟滑個粉漿仲有啲煙銀嘅感覺10幾蚊一個腸粉覺得真係唔差比起地鐵站嗰間腸粉好食好多

到將軍澳附近工作 午餐時段除了東港城也想不到有什麼地方 可以吃午餐 偏偏時間上早去多食店還沒有開想起TKO Gateway food lane 處於街市旁邊 應該有部分食店已開果然除了做早餐店的許多還沒有開 走過一圈 發現這間巧手製作 比較吸引 窗口放置了一個包山包的樣子很像台灣刈包 再細看叫做肉夾膜 包的樣子有點像 吃乳豬是配襯的包 有兩種口味 我們點了日式牛肉 另外因為太想吃點心的關係 點了蝦腸 非常之期待 等了大概五分鐘 日式牛肉肉夾膜樣子非常吸引打開紙袋包中嘅滿滿滿的日式牛肉價錢好像只是十九元 蝦腸的造型也非常漂亮性價比一流雖然味道沒有想像中好吃 但以快餐算已是超值 大家經過不妨嘗嘗 女生的話一個肉夾膜已經非常飽肚在Food lane附近買一杯飲品已經可以是一個很好的午餐

其實一直都試巧手嘅蝦腸粉$19，睇到個張圖好吸引，係我鐘意嘅皺皮腸粉。我就一直係天水圍兩間分店撲空，成日話無師父整，今次係將軍澳分店終於買到。期望愈高失望愈大，咁當普通腸粉係ok嘅。但㱀皮腸應該要皮軟同滑，料要新鮮，而呢間係做唔到。叫完好快就有，一打開就覺得係預先整好左放低等賣，暖暖地又唔係熱。啲皮好厚，蝦係唔鮮唔彈牙仲有陣舊嘅味，我好鐘意食腸粉，呢份腸俾我嘅感覺係成件事就錯晒咁🤦🏻‍♀️。