今次又要過去旺角呢邊做野啦，老細帶左我地去朗豪坊度食飯，佢話呢度抵食又坐得舒服，出開黎就趁食飯時間慢慢嘆休息下👏🏻必食北京烤鴨（$188）呢個片皮鴨皮脆肉嫩，個份量夠3-4人食，塊簿餅唔算厚身，我幾欣賞🦆蘿蔔鴨骨湯（免費）平時就食片皮鴨有一鴨二食，呢度係本身就免費任飲個鴨骨湯，呢下抵讚🫕霸王午市二人套餐C（$248）老壇酸菜魚呢個酸菜魚同川菜館食既水準差唔多，酸同辣都好夠，個湯係偏油，份量都多，底下仲有寬粉，其實兩個人會食唔曬🐟鮑汁煎豆腐呢個豆腐我覺得係驚喜，佢又有煎豆腐既香，跟住滿滿既鮑魚汁淋上面，令到佢個味道更有層次😋香辣牛肉拌麵呢個拌麵係個冷麵黎，牛肉粒都同埋個醬都ok，食冷拌麵幾爽口🐮新鮮大果茶（+$24）大果茶真係好鬼大杯，天氣仲係好熱，又食辣，飲杯凍飲就最好不過🍹呢個二人餐我覺得直頭夠3個人食，加多份烤鴨就夠曬我地食，野食質素係幾好，同埋坐得幾舒服，鴨骨湯任飲係值得一讚，最好食既除左係隻鴨就係豆腐，呢兩樣要嗌，其他野食都唔錯，係度都要多謝番句老細請食lunch😆…查看更多
最大亮點係——冇加一！仲冇茶錢！ 仲送蘿蔔鴨骨湯！ 喺旺角呢啲地段已經覺得抵晒
店員態度唔錯, 上菜速度快, 烤鴨仲有師傅即場片皮, 整體體驗加分~~ 北京烤鴨 $188招牌烤鴨一出場就吸引晒目光, 師傅現場片鴨, 鴨皮金黃閃亮, 脆卜卜
鴨肉切得厚薄平均, 入口仲保持住肉汁~~片鴨皮加埋熱辣辣既薄餅、青瓜、京蔥、山楂, 再搽一層甜麵醬~ 一啖落肚, 鴨皮香脆, 鴨肉嫩滑, 加埋配料醬汁嘅甜鹹, 層次感超豐富, 真係必點!!! 甜奶迷你小饅頭 $55上枱細細粒, 好cute丫!!小饅頭炸到外皮金黃香脆, 入面仲係軟綿綿~~點上煉奶食, 香甜之餘帶少少奶香, 勁好食
檸香酸辣手撕雞 $88雞肉撕得條條分明, 肉質細嫩滑溜~~酸酸嘅檸檬香同微辣嘅醬汁一齊入口, 酸辣平衡得幾好, 好清爽, 夏天食特別解膩, 一開胃就停唔到口
東北風味茄子 $82茄子外皮帶脆口, 茄肉吸晒醬汁, 但唔會覺得油笠笠~口感軟腍, 滲出蒜香同鹹香味
[鮑汁煎豆腐 $79豆腐煎到表面金黃色, 口感嫩滑~~鮑汁晒入味, 鹹鮮帶少少甜, 滲晒入豆腐入面啖啖濃香
蘿蔔鴨骨湯 有免費湯飲真心正
霸王 · 烤鴨 · 小館最大賣點一定係烤鴨!! 其他小菜都有驚喜, 水準穩陣~最重要係——冇加一, 冇茶錢, 價錢實在, 食得開心又唔怕埋單嚇親~想同朋友、家人喺旺角搵地方聚餐, 呢度真係一個好選擇
