川婆婆 (金馬倫道)

今天試了一家主打雲南風味的米線店，整體感覺相當不錯！✨豬軟骨鯛魚片小鍋米線是這次的亮點之一，湯底非常清甜，鯛魚片嫩滑，豬軟骨也煮得軟爛，口感很棒，咬下去還能感受到些微膠質的滑潤感，讓人一口接一口 🍲。搭配的不辣湯底更是非常適合不太能吃辣的朋友，溫和又不失層次。 而蟲草花雞湯米線則是另一種風味，藥膳的香氣濃郁但不過於搶戲，雞湯的甘甜搭配水晶粉，特別滑溜，吃起來特別過癮 🥢。蟲草花的加入為湯頭增添了一絲滋補的感覺，非常適合秋冬天品嚐。配菜方面，娃娃菜簡單清爽，剛好平衡了湯底的厚重感；至於招牌韭菜餃，餡料飽滿，咬開後韭菜和豬肉的香氣瞬間爆發，皮薄但不易破，讓人回味無窮 🥟。總體來說，這家米線店給人的感覺是湯好、料足、味道豐富，值得一試！…查看更多

尖沙咀・川婆婆｜惹味川菜小食館 🌶️喺尖沙咀行街行到攰攰哋，同朋友入咗川婆婆，試咗幾款招牌小食，果然冇令人失望！餐廳環境乾淨企理🐔 招牌手撕雞雞肉撕得絲絲分明，口感嫩滑得嚟帶點嚼勁，調味香口唔會太咸，撈埋啲芝麻同香料一齊食，好開胃！🐔 口水雞川菜必點！麻辣汁調得啱啱好，麻香同辣味平衡得好好，雞肉浸滿醬汁，食落好惹味🐷 炸豬扒即叫即炸，上枱仲係熱辣辣～外皮金黃酥脆，入面肉質保持到juicy，唔會乾爭爭，大大塊好滿足。🥟 炸餃子外皮炸到脆卜卜，入面餡料飽滿，點少少醋食可以減低油膩感，作為小食份量剛好。🍜 重慶酸辣粉酸辣湯底夠晒正宗，酸度同辣度都恰到好處，食完成個身暖笠笠～薯粉煙煙韌韌，掛湯能力一流，索盡湯汁精華！呢度嘅小食款式多，味道正宗得嚟唔會太油膩，價錢合理，係尖沙咀區想快速醫肚同過吓辣癮嘅好選擇～#川婆婆 #尖沙咀美食 #川菜 #麻辣小食 #酸辣粉 #香港美食…查看更多

小食叫左個麻辣牛筋丸，簡左小辣，味道剛好唔會太辣，牛筋丸口感滑嫩，辣味夠味，令人一啖接一啖。紅糖糍粑，五條都好足夠，口感軟糯，外面嘅紅糖又香甜，咬落去有種滿足感。毛血旺配飯，唔食得辣既但又想食小小辣既，叫BB辣剛好，啖啖都可以食到好多材料，分別有豬紅，牛柏葉，海帶等配料，而且湯底濃郁，配飯岩晒粉麵餐方面，選咗細薯粉，加上招牌麻小辣，粉食落去滑溜溜，調味麻麻辣辣，係我鍾意既麻辣。配料簡左吊龍牛肉又嫩又多汁同埋鴨血配麻辣一流。呢個湯底惹味過毛血旺個個。另外一讚，睇得出餐廳老闆好有心做呢間餐廳，同埋佢對客都好好👍🏻聽到有個客佢冇帶夠錢，差小小，佢都話唔緊要，好好！！…查看更多

【川婆婆食評】尖沙咀呢間麵店真係有驚喜！😍今日專登去咗尖沙咀金馬倫道嘅「川婆婆」，試咗幾款招牌菜，果然名不虛傳！首先個辣汁牛柏葉真係一絕，牛柏葉爽脆到啪啪聲，辣汁麻得嚟又香，食到停唔到口！上湯白菜仔就清甜解辣，啱啱好平衡返個味蕾。重點推介個手撕雞墨魚春捲小鍋米線，材料多到滿瀉，手撕雞嫩滑，墨魚春捲彈牙，個檸檬香草酸湯底好開胃，酸酸辣辣咁，飲完成個人都醒神曬！最後飲埋杯凍豆漿，豆味濃又唔會太甜，完美作結。雖然鋪頭細細，但食物質素拍得住大店，而且價錢合理，絕對會再encore！想試正宗川味嘅朋友，不妨去打下卡啦！…查看更多

同朋友喺尖沙咀行街， 正好想食啲米線，係金馬倫道見到呢間米線鋪，決定入去試下 豬軟骨鯛魚片小鍋米線 首先叫咗一碗豬軟骨鯛魚片小鍋米線，湯底揀咗特色番茄湯 ，為固定不辣口味，米線底，並加錢叫凍豆漿。呢碗米線比較特別，用咗個銅鍋上枱， 可以保持溫度。特色蕃茄鍋入口帶酸辣，好開胃。豬軟骨有三塊，煮得軟淋易咬，鯛魚片份量唔少，食落就相對爽口啲，米線口感偏淋身，但係吸飽咗湯汁，令人回味無窮花膠雞湯米線 另一碗就叫咗返香膠雞湯米線，揀咗紅薯寬粉，質地晶瑩剔透，仲加錢叫咗娃娃菜。本身雞湯入面已經有唔少配料，除咗有雞胸、雞髀、雞翼、雞翼尖，雞件食落都幾嫩滑；另外仲加咗啲雲耳、白菜、紅棗、枸杞，用料都幾豐富。雞湯香濃，用上唔同嘅配料，入口暖胃養生，呢款米線絕對係健康嘅選擇。…查看更多

週末去尖沙咀行街路過川婆婆@chuan_po_po想食個下午茶！📌豬頸肉墨魚春卷小鍋米線朋友揀了酸辣湯底很開胃，大愛魚肉春卷！二豬頸肉味道辣辣的很惹味！📌生燙牛肉粉每日新鮮熬煮的牛骨湯鮮味十足，今次揀了雙拼吊龍拼牛丸🐮吊龍軟嫩細膩而牛丸口感彈牙又爆汁💦📌紅糖糍粑外脆內軟一口咬下去QQ的！紅糖漿爆發出來！係我最愛的一道甜品☺️📍川婆婆地址: 香港尖沙咀金馬倫道19-21號地下B號舖電話: 69997034#尖沙咀 #尖沙咀美食 #米線 #川婆婆 …查看更多

最近，我在尖沙咀的川婆婆享用了一頓豐盛的餐點，整體體驗讓我意猶未盡。這裡的主食選擇多樣，每一道菜都有其獨特的魅力。- 蟲草花雞湯首先，我們點了蟲草花雞湯，這道湯品的味道清淡而鮮美，完全不辣，讓人感到十分舒服。湯中加入了玉子豆腐，滑嫩的口感與湯底的鮮香相得益彰。娃娃菜的脆爽與潮汕牛丸的彈牙，還有雞肉和自家韭菜餃的搭配，讓這碗湯成為了一道豐富的盛宴。每一口都充滿了家的味道。- 藥膳醉雞湯米線接著是藥膳醉雞湯米線，這道菜的湯底濃郁，散發著淡淡的中藥香氣，讓人一口接一口。米線吸足了湯汁的味道，加上醉雞的肉質鮮嫩，簡直是完美的搭配。這碗米線不僅暖胃，還讓我感受到健康的滋味。- 粉麵餐（麻辣燙）土豆寬粉搭配招牌麻辣湯底，辛香入味，麻辣的刺激感正好讓人食指大動。厚切午餐肉和豬頸肉的加入，更是讓這碗粉麵的層次感升級，吃得讓人心滿意足。份量又好足夠，好多豬頸肉。- 酸菜魚套餐我哋仲叫咗酸菜魚套餐。這道菜的酸菜與魚片的搭配恰到好處，湯底酸甜可口，非常開胃。魚肉鮮嫩，搭配米飯一起享用，簡直是一種享受。川婆婆的每一道菜都我驚喜，無論是湯品的鮮美還是粉麵的麻辣，而且環境舒適。川婆婆 (尖沙咀) 尖沙咀金馬倫道19-21號地下B號舖…查看更多

話說我係尖沙咀做完按摩同facial，個肚已經餓到咕咕叫！😩 突然諗起之前同朋友係川婆婆其他分店食過佢哋嘅麻辣米線！今次見到金馬倫道有間分店，決定試下佢哋嘅滋補湯底，補一補我嘅元氣！💪✨🐔🍜 竹笙雞湯米線 一上枱，嗰陣濃濃嘅雞湯香已經撲鼻而來！😍 湯底用真材實料熬成，飲落濃郁得來唔膩，帶點杞子同紅棗嘅微微甜香，超養生！🐔 雞件有齊雞胸、雞脾、雞翼同雞尖，每一件都嫩滑入味，啖啖肉感！😋 配料仲有竹笙、白菜、雲耳同腐竹，吸晒湯汁精華！最正係佢哋現點現做，等幾分鐘就有一碗熱辣辣嘅米線上枱！😆 米線爽彈，掛湯一流！🥰🎉 下午茶優惠我係下午茶時段去，仲送咗杯凍檸茶！一邊食熱辣辣嘅米線，一邊飲冰涼涼嘅檸茶，呢個 combo 真係絕配！😍✨…查看更多

令人失望。個湯底一飲落就知味精落到癲，超鹹。份量又少，米線唔夠飽。最離譜係服務態度差到爆，叫杯水都話「唔提供」，搞到成餐飯又咸又口乾。唔會再幫襯第二次。完全唔推介！…查看更多

作為米線控，今次專登試咗川婆婆嘅**酸辣小辣雜錦銅鍋米線**，果然冇失望！$68嘅價錢，份量多到兩個女仔share都得，性價比爆燈！ **🌶️ 酸辣小辣體驗 🌶️** • 湯底酸度明亮自然，唔係得死鹹 • 小辣程度啱啱好，麻香後勁慢慢滲出 • 配菜吸晒湯汁超入味，尤其係索汁王炸枝竹 **🍜 震撼級份量 🍜** 銅鍋有成個面盆咁大！內有： ✓ 鮮蝦2隻 ✓ 自家製豬肉丸 ✓ 嫩滑豬膶 ✓ 脆口魚腐 ✓ 仲有芽菜、腐竹等8款配料 **👍 超值加配 👍** +$10 追加麻辣豬耳（爽脆惹味） +$8 轉紅薯粉（更掛湯） **總結**：酸辣控必試！小辣版本麻香夠喉又唔會太刺激，$68食到咁高質米線，難怪平日都坐滿打工仔～ （溫馨提示：胃口細建議兩人分享，真係超大碗！） …查看更多

忠粉吃了2年，一直都是超多人幫襯隔了幾個月下午茶時段來，發現$8只有2粒韭菜餃覺得香港的物價果然是好誇張…不過辣到真的是需要讚揚一下吃得我渾身汗，超級過癮只是份量上面真的有太大期望值…查看更多

收工又一個人，由於收得太夜關係，都唔想食太heavy，於是就想食個米線算啦！經過金馬倫道，見到川婆婆門口個雞湯米線食物相吸引左入去。咁入到去坐低，除左雞湯米線，重有其他酸辣或者自選好像車仔麵的口味，但是最後我都是選擇了蟲草花雞肉雞湯米線。咁等了一陣，好快就上菜了，食物賣相竟然跟海報的完全一樣，雞肉非常多，而且還是雞腿肉，米線份量大份，但覺得紅棗比較多，使到味道好像甜了一點，最後都是整碗米線吃完了，性價比非常高。…查看更多

夜晚行過諗住入去食碗麵，叫咗個蟲草花雞肥牛娃娃菜米線，嚟到之後，見到碗野入邊有隻昆蟲屍體，之後即刻同店員講，店員表示只係普通菜蟲，問我想點，我話想換咗佢，店員再問想成碗換咗佢呀？並向我再三確認，之後於我旁邊大叫：成碗同我倒左佢，我不甘受辱，係一兩分鐘內，同佢講我要取消碗米線，店員拒絕，並且態度惡劣，堅持收我全額費用。呢間野食物衛生惡劣，店員於發現食物有問題後，沒有表達絲毫歉意，反而指有昆蟲是沒有大不了，態度極惡劣，令人髮指，本人是第一次於OpenRice打食評，我認為有必要為佢寫我既不愉快經歷，提醒各位想去呢間餐廳用膳嘅食客！…查看更多

首先，等候嘅時間已經很長了，追單的時候，員工黑口黑面的說嚟緊㗎啦，酸菜魚到後，第一口已覺味精多，超咸，有吃不下去的感覺，然後發現整碗，分量極少，粉都不知道有沒有幾多條，且住得過熟，很腍，另低廉價錢的配料卻很多，完全不是川味的感覺，呢隻一部份的價錢來說，布利多，尖沙咀區內，也有很多的選擇，不知道為什麼食客要來，我在尖沙咀區內工作已有一段時間，食過無數的餐廳，這間可算最差的餐廳數一數二的了。總括來說，很難食，想以後也不會再幫襯也不會介紹朋友的了。…查看更多

每樣餸都得好少，碗麵黎到時以為比少咗餸，豬紅得三少嚿，魚蛋兩粒。食完個三餸麵都唔夠胞，要再加小食。其實價錢都唔平，個三餸麵都要成元，計埋飲品同小食，成百銀落樓。就算租貴都唔好偷工減料，肯比成百銀食個車仔麵，都食唔飽，咁係好趕客。衛生和裝修是可以的，味道嘛，雖不及觀塘間川婆婆，但麵的味道尚可，點知個小食土豆絲頗難食。因為鍾意食觀塘間川婆婆，所以黎開尖沙咀先黎呢間食，點知令人頗為失望，食完冇下次，尖沙咀選擇多，不用選這間。一…查看更多