川味閣

炎熱嘅下午同朋友出咗去新港城度行街順便同佢嘅細路仔一齊去公園度玩下👅👅👅玩到成身汗就梗係諗住去搵個娘娘哋嘅冷氣吹下啦但係又見有啲肚餓於是就嚟到呢間餐廳飲返杯凍檸茶解下渴 😂😂😂一入到去冷氣涼浸浸非常之正🫶之後就梗係即刻叫咗杯凍檸茶先個茶底非常之濃鬱甜味亦都好夠🥰我就叫咗一個麻辣腩肉酸辣米線，個酸辣我係叫咗“麻酸辣”值得一講嘅就係佢呢個麻酸辣喺香港係非常非常之少有嘅口味佢係好好食，好香口！！咁另外我嘅朋友就叫咗寬粉 💗💗如果大家過嚟食記得試下佢嘅麻辣腩肉啦…查看更多

又話紅薯粉專門店，點知出黎嘅係水晶薯粉，食過正宗酸辣粉都知酸辣粉應該係紅薯粉，而唔係水晶薯粉.我買之前已經問清楚佢，你哋係咪真係紅薯粉黎而唔係水晶薯粉，點知商家仲要好串咁講，我地專門店黎架，唔知你講咩水晶薯粉喎，仲要話自己係四川人喎，乜你連紅薯粉同埋水晶薯粉都分唔出？扮傻？點知出到黎嘅就係根本係水晶粉，既然係咁，點解唔同我講左先？上網都有得睇啦，兩隻粉係有分別架喎，仲要水晶薯粉係平過紅薯粉，呢個行為擺到明掛羊頭賣狗肉！真係好過份。我宜家成碗一啖都食唔落，抌左，自己煲粥食成碗野仲要賣相極差。如果我早知佢個粉係呢啲水晶粉，我真係唔會買，衰在我冇預先上網睇佢啲相先！…查看更多

【🍽 食評時間！】😋今日試咗蘿蔔、響鈴同墨魚丸酸辣米線！👌首先，蘿蔔🥕佢個味道鮮甜，口感軟綿，吸晒個湯底，真係好正👍然後，響鈴嘅味道好香濃，加埋啲脆口嘅質感，濕透了湯底，絕！😍最後，墨魚丸酸辣米線！🦑佢嘅湯底酸辣開胃，墨魚丸又彈牙，令人回味無窮！🌶️不過，今日座位少，中午食飯要等位，而且冷氣壞咗，好熱，坐得唔舒服。😓不過唔緊要，因為食物嘅價錢平啲，午餐只係50蚊，算係物有所值！💰總括而言，呢間食店嘅酸辣米線真係幾好味！👏只係當日嘅座位同冷氣問題稍微有啲影響。但總體而言，都係一個值得嚐試嘅地方！😊…查看更多

一個星期日嘅3點幾去咗屋企附近一間專門食紅薯粉嘅餐廳食下午茶🤤住咗幾年 都未黎過食🤣我地叫咗一個例牌口水雞 一人一碗撈薯粉 再叫埋餐飲 性價比黎講都唔錯 碗薯粉好入味 😌同埋大大碗好足料🤗🤗大家黎開新港城都可以試吓呀 😋後記 而家收工都好多時都黎食碗粉先番屋企 😝…查看更多

天氣又熱又焗，都會想食酸酸辣辣既野食。即使就會想起食麵，川味閣就是最佳的選擇。酸辣薯粉加小辣，再加腩肉和大腸，邪惡的晚餐。濃郁和惹味的湯底，令我食慾大開，能夠將整整一碗麵完完全全吃清光。 …查看更多

馬鞍山好少有雲南米線食，今日同男朋友去咗新港城商場三期嘅一間川味閣食川味米線。去到見到隔離嘅餐廳都排晒長龍，可能因為係中午時段，但係呢一間米線店呢就好多空位幾乎間間川味米線嘅餐牌都係差唔多，呢一間同新川美食個餐牌都好相似。我叫咗酸辣炸醬米線，走酸+走酸菜，小辣加雞絲。嚟到見到個湯底好清，以為唔係好辣啦，點知係辣到我食唔到，要係咁飲豆漿佢嘅辣醬好辣，但係個湯底好清，好似啲面係冇乜味淨係靠個辣味，男朋友叫咗麻辣米線，小辣加肥牛同魚腐，佢食到辣但係覺得一般。最後佢食晒佢嗰碗加我嗰碗一半兩碗米線+豆漿+可樂埋單$94～都叫平嘅…查看更多

一間非常足料的店，無湯寬條薯粉再多三個餸，已經多到滿出嚟，係超飽肚！！！雞翼尖有少少毛🥲，雞翼尖本身有毛醃製好，好夠味。另外，加了海帶結👍🏼👍🏼酸菜只係得少少酸。想提下，鐘意食辣又唔係好食得辣，除左餐牌寫既小辣，仲可以揀BB辣…查看更多

今次點了3餸麻辣湯米線，米線份量係多，但餸量不多，除了個炸醬外，其他味道好普通🙁。而且樓面係冇人架，差啲要入到廚房叫😑我第一次幫襯，但見其他人大部分係點撈的，可能是我叫錯掛😞…查看更多

$28碗撈薯粉勁大碗勁多粉！！有芽菜、花生、芫荽、蔥、肉碎 勁多料加一個餸 $7 / $8 份量比其他店都要多$36一碗粉已經很飽了再加個小食-蒜蓉雞翼尖把蒜汁撈薯粉又是另一種口味 正…查看更多

搬咗嚟馬鞍山年幾，突然掛住之前喺荃灣成日食嘅撈米線，喺外賣平台見到呢間川味閣有撈米線，就嗌嚟試下，分別嗌咗個炸醬熱伴米線，同酸辣炸醬米線。滿心期待嘅炸醬熱伴米線，換嚟失望中伏感，成碗米線都係碎濕濕嘅，味道又唔對版，唉…再試埋個酸辣炸醬湯米線(中麻辣)，心諗應該唔會難食掛，飲啖湯試下味，真係笑咗，又淡口又唔酸，連合理嘅咸味都無，唉…成日話馬鞍山係美食沙漠，就係有呢啲無心做好出品嘅餐廳喺度獻世，真係害群之馬…查看更多

呢間紅薯粉係馬鞍山，我已經食過好多次 今次終於記得影相俾返個好評 加左腩肉雞絲牛栢葉，我好鍾意食寛粉，因為好煙韌，有咬口，仲好飽肚，加上本身有肉碎花生作配料👍🏻好豐富強烈推薦食腩肉，肉片好大塊，有少少麻辣香👍🏻好味…查看更多

又係食外賣既日子呀見呢間小店新既米線控又黎試下點左~生菜豬耳豬紅小辣酸辣米線重點要講好大碗米線堅好多小辣都幾辣建議食開三小辣既都點小小辣豬紅幾滑又唔會好淡豬耳都爽口其他就正常呀~生菜豆卜紅腸酸辣小辣紅薯粉朋友點既點時STAFF仲問要粗薯定糼薯朋友揀左幼薯點知打開一睇都係比錯左米線呀豆卜索左湯好正~麻辣雞腎好入味呀小食有驚喜呀而且都幾厚切下份量都唔小呀~泡椒木耳個汁好開胃酸酸地木耳又好爽讚呀…查看更多

見有新店開左 又係辣野當然要試下 主要有湯麵同無湯拌麵揀 我揀左無湯拌拉麵 配蟹籽丸再配一個尖椒皮蛋 飲品同野食都好快上菜 等左大概十分鐘左右 原不過野食就麻麻 平日食開五小辣既叫呢個都小辣都感覺同三小辣差唔多食落口感覺只有辣味 食唔到其他肉 花生配料味道 配菜亦好小得兩粒丸 所以另外叫左尖椒皮蛋 但皮蛋唔夠香 無咩味 上台樣都唔靚 唯一比較好味係杯奶茶同埋好平 麵配一餸都係$33再配飲品加$7皮蛋就$25二人埋單$105整體CP唔夠高同價錢會比較想食其實麵店…查看更多

見係新開叫咗外賣嚟試下嗌咗雞絲、豬大腸、菜做配料，米線煮得好滑好林，好味過好多大品牌啲米線而且雞絲份量好足👍唯一美中不足係個麻辣湯底好咸如果可以改善下就好食完碗米線口渴死人…查看更多

唔知食咩好，見到有辣🌶同紅薯粉食，作為鐘意食酸辣粉的我就入左去食😂環境唔錯，入到去有卡位坐～選擇上，可揀撈粉或湯底🤔再加配其他食材，都幾多種類👅。揀左2個餸，配埋都係大概40蚊，幾抵食🤩～最jeng係有唔同湯底（清湯、酸辣、麻辣、麻酸辣），仲有辣度揀（唔、小、中、大辣/麻小、中、大辣）食唔食到辣的朋友仔都可以嚟食！酸辣炸醬紅薯粉條🤤$41 加左蘿蔔 & 雞絲（麻酸辣- 小）味道不錯👍🏻食材新鮮，紅薯粉都煮得岩岩好，個辣係幾香～油都岩岩好，但麻酸辣的調味料好感覺有啲重味精！…查看更多