川味閣

服務質素可以，味道可以，價錢黎講3餸連凍飲58蚊真係冇得輸當然所有米線舖唔落味精就真係呃你！但每個人求飽肚，求味道平平無奇！偶然食下呢間真係覺得下面果兩間點解會咁貴...一間就多分店做爛市越黎越難食！另一間就做深夜市場才有生意...坦白講句，香港人求其平平地醫下肚何需60，70蚊食一碗米線！食完又唔飽肚，全部都係味精作怪！如果屯門區米線平價黎講我會推薦呢間！最少味道還可以！服務仲唔錯而家仲有間雲在線 同 雲川燒 越黎越貴！食碗米線者，要70，80蚊一碗！有冇搞錯…查看更多

今次叫左寬粉小辣+雞絲😋$40有找熱辣辣夠哂大碗，一個女仔都可以食飽雞絲本身冇咩味，索哂湯汁就唔錯，都唔會太韌，幾易入口！可惜既係個湯底較一般，食落單一，冇咩層次…查看更多

話說依家好懶成日都叫外賣諗唔到食咩嘅時候 又想食啲粉面就會嗌川味送過嚟都好快 半個鐘頭內就到 啲嘢食仲係熱辣辣今次就嗌咗麻辣中辣湯薯粉 豬頸肉男朋友就嗌咗豆卜雞絲腩玉湯米線 麻辣小辣 因為要湊免運費 叫多左兩個小食 皮蛋同埋口水雞湊完再加埋優惠券 都係$130左右 超級抵食味道方面就一如以往 配方都係冇變中辣唔會變咗小辣 皮蛋係黃金皮蛋 男朋友好鍾意食 我就一般口水雞好夠味 底下有豆芽墊底汁唔會好辣 有少少酸meimei食到辣嘅時候 可以食一啖啲豆芽解辣…查看更多

呢間可能新開冇耐，燈光夠，環境同餐具都乾淨，叫左個腩肉少辣酸辣米線，呢間既少辣都幾辣🤪但味道唔錯，腩肉連皮上，有啲咬口，但肥多肉少，整體都幾好，湯底唔會好多肥肉係到，唔會好膩，價錢都好經濟，份量好足，絕對夠飽，下次試吓口水雞，睇個樣都幾靚…查看更多