川味閣

營業中

休息中

重點：““魚皮餃得一嚿””多年街坊，外賣叫你三樣餸，餸的分量一向都少就唔多講，多年幫襯對你客客氣氣，但返到屋企睇到““魚皮餃得一嚿””，數都唔洗數啦，會唔會過份咗？？以下補字數：（可睇可不睇）本人好懶，好少寫食評，但今次真係忍唔住，上次叫三樣餸，你收曬三樣餸的錢，回家發現你少咗樣，我都懶得寫二百字負評，但今次主食的連肉都hea鬼我。利申：本人一向支持小店為先，但你咁樣，支持不了，謝謝你令我有決心永不幫襯你

中午去啟豐園食lunch見到呢間川味閣諗住食下辣野啦點知落完單 望入去見到廚房個職員無戴手套切完肉就沖野飲,d茶係用水喉水沖都唔緊要,最恐怖係用手就咁拎嚿檸檬落去個杯度同埋拎飲筒 完全無洗過手 佢隻手都再hi到個杯.跟住仲要係切肉枱上面沖野飲 見到都想嘔 個職員好似見到我地望到仲扮若無其事咁 D腩肉硬到呢好難食, 個湯係一嚿味精放若去完全未溶, 食左少少都唔想再食 .杯野更改唔使講無飲過 十級差要比夠十一個以後唔會再幫襯呢間餐廳

太耐冇寫食評了，今日第一次試用OpenRice的外賣自取落單，覺得非常方便好用，而且比在舖頭落order還要便宜一點。今日突然想食酸辣撈薯粉，上OpenRice查到川味閣有得買，查看餐牌時發覺可以直接落單，於是便在OpenRice上直接下單，行到去舖頭可以唔駛等立即攞走外賣。行到舖頭，外賣已經整好。我叫咗冇湯熱伴紅薯粉，攞外賣時發覺有碗湯分開上，所以好奇問一問店員是否有錯。店員立即幫我檢查，發現真係整錯咗，他非常有禮貌跟我道歉，然後立即幫我將紅薯粉轉成冇湯熱伴。碗紅薯粉份量真的好多，食完飽到差啲連晚餐都食唔到😆。腩肉非常入味，醬汁也非常好味。但可能薯粉比較多所以略嫌醬汁有點少。下次有機會會試吓叫豬骨濃湯米線😋😋😋

💥2023第一天行大運📍屯門碼頭｜屯門#CL去玩 #拍拖好去處 #CL中式 ⚪️⚪️⚪️⚪️⚪️⚪️⚪️⚪️⚪️⚪️新一年選擇黎左屯門碼頭行大運，我哋兩個都未嚟過🤣好簡單，只要喺西鐵站前往屯門碼頭嘅輕鐵坐到總站就係㗎喇🥰行出去就係成個海濱公園🌊個碼頭可以去大澳、沙螺灣🤙🏻繼續黃早行就可以嚟咗呢度打卡熱點，行人路延伸出海中心，吹下海風成個人都精神晒😎向右行就可以行到啟豐商場，特別推介川味閣呢間隱世嘅四川美食☺️不論乾撈定係熱湯都非常出色👍🏻叫左麻小辣，條脷酥麻，辣味唔會搶哂風頭，推介紅薯粗粉，掛湯力一流，煙煙韌韌好正🔥⚪️⚪️⚪️⚪️⚪️⚪️⚪️⚪️⚪️⚪️

呢個價錢一定唔算貴川菜 食嘅最緊要係香 麻 爽！屯門有兩間分店兩間都食過呢間好少少不過整出嚟嘅賣相可以好啲同埋衛生都好緊要做飲食業不嬲都係眼不見為乾淨佢廚房雖然唔係開放式 但係冇遮冇掩食客完全可以睇到裏面嘅工作環境咁地面一定係長期都濕印象會爭少少🤏

兩星期前先幫襯過，真係好掛住佢嘅豬骨湯底米線，不過上次我自己係試咗酸菜魚米線，今次特登再幫襯，試佢嘅熱湯米線(都係用豬骨湯底的)。點餐方式好簡單，先揀1至10號(有湯或無湯熱撈的，至於粉麵方面可以選擇米線，河粉，紅薯粉條，紅薯寬粉或者拉麵)揀好之後可以再係下邊揀餸，然後就係揀大，中，小辣或者唔辣。我揀咗一個中辣熱湯米線配豬潤，豬頸肉，枝竹同冬菇豬潤剛剛熟唔會鞋豬頸肉啖啖肉枝竹配辣真係無得頂冬菇大大粒好味到連湯都飲埋另外加多個麻辣海蜇頭，佢嘅麻辣醬帶小小甜，好惹味開胃，呢個價錢絕對係大大份

已經光顧過幾次呢間坐落於屯門碼頭的川味米線店，喜歡米線的朋友一定知道一碗美味米線的靈魂就是湯底😁 , 食川味閣米線就係能夠去到連湯底都清埋。因為川味閣的米線湯底係用豬骨濃湯制的。今次兩個人食，叫咗一碗唔辣嘅熱湯米線，仲試埋口水雞同新款酸菜魚米線，份量很夠勁足夠兩個人吃，魚亦夠爽口，夠酸夠辣很惹味。酸菜魚米線夠酸多辣夠大碗(睇相就知有幾大碗)，魚肉非常爽口酸辣炸醬熱湯米線自己揀鍾意嘅風味美食再配豬骨湯底口水雞夠份量，雞肉嫩口

第一次黎呢間食，個米線成碗都有啲洗潔精味，仲有好多烏蠅喺度，當夜個衛生情況係完全唔知做咩，仲衰過大陸嗰啲🤮叫左杯凍奶茶少甜少冰 個伙記整錯左 竟然係由洗碗個個沖 連啲洗碗漬都hi 埋落杯野到🤮即刻成杯野擺埋一邊算，仲要比我見到都可以扮冇嘢個皮蛋仲要好似雪藏左成個月咁 食落去得個冰味，係完全無皮蛋味唔明點解一間垃圾咁污糟，點解可以仲有人食，只求今晚唔肚屙就好了，以後都唔會幫襯呢間垃圾，平又唔係平過人，啲廚房員工服務態度又西，

今日嚟到呢度，本來想喺海旁睇吓有邊間餐廳可以喺室外進食，向住過海，吹下海風，不過原來所有室內進食嘅餐廳食客都係不停食煙，真係好恐怖，咁就入返商場室內食啦👍🏻👍🏻搵嚟搵去覺得冇間特別，不過呢間都幾吸引，而且個阿姐都幾有禮貌，所以立刻坐低睇吓有咩食！每碗麵只係$25 ，其實已經包咗好多配料，例如炸醬，花生之類，而且超級大碗，正常人應該食唔晒咁我哋都加咗唔少配料，干撈加咗雞絲同冬菇，冬菇都算入味，唔錯！湯麵冇咁濃味，比較清爽，揀咗魚皮餃同枝竹，感覺都唔錯，都算好食，而家香港地好少咁平嘅食物了

第一個食評, 原來係新開?價錢25蚊起, 有米線,紅薯粉等等選 湯底有麻辣,酸辣等。 5/6蚊一個送!  +6蚊有凍飲外賣有5,6個人等緊,等左10分鐘左右叫左小辣酸辣米線, 湯底濃, 肉碎算多!送叫左豬肚+腩肉+豬耳 , 份量正常, 味道中上! 好食過華都商場o個間米線!加杯凍0茶, 埋單$50! 其中一間香港食過最好食+抵食既米線! 好食過譚仔多多聲!! 極度推薦!!希望keep到水準! 下次會試佢d 小食